وصلو النجف بعد طريق طويل ومتعب وبعد ما سطرهم فهد بالضحك ولا خلاهم ينامون..
اصلا يهو يكدر ينام بالسيارة😂😂
نزلو من السيارة وكلمن حاير بأغراضه...
وايلاف خطية حايرة بجهالها ومريوم كضته كله تتقيأ ماتتحمل دوخة الطريق..
وملوكه تبجي تريد تنام خخخخ ماشبعت نوم...
(طالعة عليه 😂😂) وهي طبعا كسرت رجلين ابوها...
ويحيى حاير ببته الجبيرة 😅دلوعة البابا مريوم يموت ولا يشوفها هيج تعبانة...
غزوان اخذ ملوكه:اششش نامي على جتاف عمو..وصدك حضنته ونامت على جتافه..
غزوان:نيراني انتي بخير خو ماتعبتي من الطريق والكعدة بالكرسي
نيران:لا انا بخير
هي تعبانة بس ماتكله حتى مايخاف...
غزوان:شكلج غيرانه من ملوكه تردين اشيلج بدالها هههه
نيران ضحكت:لا والله ماغرت..تشيلني وانته تتكسر شمالني امشي بنفسي
غزوان:خوش عمري بس من اتعبين كليلي حتى نوكف ترتاحين
نيران:صار
غزوان:والله جيتج ماعاجبتني شكلج راح تولدين عليه هنا
نيران:لا تكبر السالفة ماكو شي عليه ان شاء الله
غزوان:ان شاء الله..اذا جوعانة كولي..يالله مشينه...
وراحو كلهم يصلون الصبح.. راحو الامام علي صلو وزارو وشوي اتجهو للمقبرة وكلمن راح يزور موتاه...
طبعا يندلون قبر جميلة جم مرة جاين وجايبين نيران لهنا...
اخذها غزوان...
اول ما وصلت للقبر باوعت بدموع اله وابتسمت رغم دموعها...
غزوان عافها وراح بعيد شوي خلاها براحتها...
كام وقرا فاتحة لكل ذولي الموجودين بالمكبرة يمكن محد يذكرهم ومحتاجين دعاء اكو مالهم اهل ومحتاجين الدعاء....
نيران كعدت يم القبر:ماما شلونج..ماعرف تسمعيني او لا اجيتج اليوم مشتاقه لتراب قبرج..وطاحن دموعها..ماما انا تزوجت ابن عمي غزوان وهو وياي هسة وراح اصير ماما راح تصيرين جده..وينج لو موجودة جان هسة رحتي وياي واول من يشيلها انتي..كل يوم اتحسر على شوفة وجهج..مشتاقه يمه مشتاقه...
وباست القبر..وكعدت تقرا عليها ادعية وقرآن وسبحت القبر بالمي ورد...
غزوان اجاها:حبيبي يالله كافي خلي نروح
نيران كامت ومسحت دموعها:يالله ماما اشوفج مرة ثانية..راح اجيج مرة ثانية وحفيدتج وياي ان شاء الله
غزوان مد ايده الها:يالله حياتي
نيران لزمت ايده..ومشاها على كيف بين القبور حتى ماتطيح وتتعور..
JE LEEST
نيران العشق
Romantiekنيران العشق تدرين الشروكي لو عشك شيصير.... يحطها بعين ويغطيها بعين... لا تكليلي نار ويحرك..اي اي عصبي وماينجرع... ولا تكليلي مايقبل بكلشي ولا يقتنع... اي معقد لأن يريد حلاله اله وماينفقد... لا تكليلي صعب وماينعاش وياه ولا ينبلع... اليقبل عليه تشوف خ...
