نيران العشق

البارت 1

#بارت 1

القصة تحجي حقيقة هل العالم وكلشي بيها حقيقي ومامصطنع.....وحشية الناس ولئمهم..... تحجي عن ظلم لطفلة من صغرها ...تحجي عن العشك العذري وعن براءة انثى انخدشت بقساوة الناس...تحجي عن كسرت خاطر ليتيمة...عشك...نهوة....

سلمى صاحت بغضب:نيران..نيران وجع ان شاء الله وينج
نيران اجت متخصرة:خير شتردين بعد

سلمى لزمت شعرها حيل:لج احجي عدل وياي لا ادفنج والحكج بأمج

نيران تألمت:آخ شعري هديي كطعتي شعري مابقه  شي بيه

سلمى:تستاهلين ادبسزز  فاطمة ماعرفت تربيج..وشنو نترجى من عانس ماتعرف شنو التربية

نيران عصبت:احترمي نفسج وترحين فدوة لتراب رجلين عمتي وربتني احسن تربية مو مثل تربيتج الخايسة

سلمى ضربتها كف:ايا كلبه...تحجين على تربيتي

ابو سعد اجه:خير شكو شهل الصوت

سلمى:تعال اسمع بتك الادبسزز تحجي عليه وتغلط وتراددني بكلمات ماكدر اكولها عيب و....ماكملت ابو سعد ضرب نيران كف...

ابو سعد:هيج ربيتج ياكلبه

نيران بخذلان:لا بابا نسيت انته ماربيتني

ابو اسعد ضربها كف ثاني:تراددين ابوج..صدك ماعرفت اربيج...وضربها كف ثالث ورابع...وسلمى فرحانة وتشمت......
خل اسولفلكم قصة نيران...

سلمى مرت ابوها وظالمتها ظلم بحيث مرات نيران تبات وهي بلا أكل  لأن نيران ماتسكت وترد عليها جانت تسكت وماترد بس بعد ضاجت وتعبت وابوها دوم يضربها ومايصدكها وهذيج الحية السامة دوم تجذب على ابو سعد وتخليه يضرب نيران بقسوة...

وهي حتى دموع ماكامت تطيح من عيونها لان تعودت على الخذلان وألم الضرب..وتعودت على كره ابوها الها...وحتى اختها الي من مرت ابوها موريتها الويل وبعدين تعرفون ليش...شتترجه من بنت سلمى ...

ومرات شكد تنهضم تشوف اختها مدللة وشنو تريده يجيها بسرعة وهي صارت مثل حال الخادمة تخدم وتتعب حتى دراسة ماخلوها تكمل...

هي جانت عايشة بيت جدها وجدتها ربتها وعمتها فاطمة بس بعدين تزوجت وجدتها مرة جبيرة وهي بدت تبين عليها الانوثة وعدها ولد عم عايشين بالبيت وياها  لذلك اخذها ابوها عد مرت ابوها...ومن عمرها 12 سنة تعاني من ظلم مرت ابوها...

وحجي ابوها بأنو هي نحس عليه...مره كلها انتي موتي امج..وهو يحبها جان...همه عائلة شيوخ ...

وبالنسبة لأسم نيران ابوها سماها نيران لأن بعد ماولدتها امها بساعات توفت وهي محروكة...محد يعرف شلون احتركت ابدا بس شافوها مفحمة بالحمام وجان اكو جلكان يمها محروك وباقي شوي بيه..ظلو يظنون ظن السوء ويكولون انتحرت والكل ظلو يحجون..ابو سعد خبص الدنيا والجد سالم ماقبلو وكالو مستحيل تنتحر هي مرة صايمة مصلية وليش تنتحر وتوها والدة بتها وجانت سعيدة بيها..وسوه بالتقارير التماس كهرباء وجلكان نفط يمها واحتركت والكل نايم ماسمعوها تصرخ او يمكن ماصرخت من النار البيها وهيج كبرت نيران وتسمع الحجي عن امها وماشافتها تموت حسرة وءلم وتباوع للكل عنده ام وهي لا...