ابو سعد:احجي ام نافع خوفتيني عليج
ام نافع بدون مقدمات:اعرف شلون احتركت الست جميلة
ابو سعد اجته صدمة:شنو وشلون
ام نافع تريد تحجي ماتكدر نعقد لسانها من شافت انفعال ابو سعد...
رجعت ذكرياتها قبل 22سنة من شافت جميلة محتركة وجانت تحاول تطفيها وجانت من هول المصيبة ماتكدر تصرخ ولسانها نعقد...
جان صكر ما موجود بالبيت ومايدري بيها ولدت حتى وهي جانت توها والده نيران بتها...
تذكرت ايديها الي احتركت وهي تحاول تطفيها وجانت جثة وحتى ماتصرخ ولا تتحرك وهي تطفي بيها...
خل نرجع شوي لاحداث الماضي...
ام نافع هاي مرة زوجها متوفي وهي تجي جانت تساعدهم بالبيت دوم وابو سعد جان يساعدها هواي لأن عدها ولد ايتام...
صكر جان ابن ال30 وجميلة بنت ال19 تزوجها عن حب اصل اهلها مو من هنا فد يوم بسفرة من سفراته لبره المحافظة شافها صدفة ابوها جان صديق ابوه وهو زارهم مرة وشافها ...
من شافها وهي صارت عشكه واخذها على سلمى وشكثر صارت مشاكل واهل سلمى رفضو...
كلهم تردون بتكم اخذوها وهمه خافو يطلكها وقبلو غصبن على الخلفوهم..
جميلة ماطولت شهرين وصارت حامل بنيران وجان ابوسعد لتكول اول طفل اله فرحان واختارلها اسم شمس لو بنية واسم حسين لو ولد...
بعد مرور 9 اشهر... للأسف ماتهنى بشي وياها ورجع يوم ثاني لكه عزاء حبيبته منصوب قبل لا يوصل حتى....
كره كلشي حتى اولاده وسلمى ومن حركت كلبه جابوله بته كال ماريد اشوفها هل النحس وسماها نيران كال محد يغير الاسم اكلب الدنيا...
جدها خذاها عنده والجده...وام يحيى اهتمت بيها وبعدها ربتها فاطمة عمتها وحبتها حب ماينوصف ...
جانت نيران كل شهر تزيد حلاوة وتصير احلى واحلى وصكر مايشوفها وكال ماريد اشوفها...
فد يوم بالصدفة شافها بيد فاطمة وتلعب وتضحك وهي عمرها اشهر شافها هيج وكلبه نخمش عليها مو عشكها بس من هل الضحكة الا تولع بيها وبوقتها اخذها من ايد فاطمة وباوع بوجها وبجه بحركه عليها شلون ماشافها ومارادها وهي قطعة منه...
وبقه يتردد كل يوم عليها ويلاعبها وهي تعلقت بيه لمن تعلمت عليه...
سلمى ماقبلت تاخذها تربيها فبقت عد بيت جدها...
وماحب يغير اسم نيران...
بدت تكبر البنية وبلغت بعمر ال11 سنة حتى جانت تبجي وتخاف من تجيها وماتعرف شنو هاي وليش...
بس تعلمت شوي شوي وتعودت جدها حجبها عن ولد عمها لأن بدت تظهر عليها معالم الانوثة بالرغم عمرها 12 سنة...
ابوها اخذها لبيته بعد كبرت ولد عمها وياها مايصير...
DU LIEST GERADE
نيران العشق
Romantikنيران العشق تدرين الشروكي لو عشك شيصير.... يحطها بعين ويغطيها بعين... لا تكليلي نار ويحرك..اي اي عصبي وماينجرع... ولا تكليلي مايقبل بكلشي ولا يقتنع... اي معقد لأن يريد حلاله اله وماينفقد... لا تكليلي صعب وماينعاش وياه ولا ينبلع... اليقبل عليه تشوف خ...
