Fall for the Beast

Beast 18

~Oh Sehun~

"Kyungsoo, matulog na muna kayo ni Baek."

"Oo nga, babe. Kami na muna magbabantay kay Seth. Sige na." 

"O sige. Pero ihahanda ko muna ang pagkain ni Master Seth baka sakaling magising na siya."

Sobrang sakit ng katawan ko. Pakiramdam ko, nakipagbugbugan ako sa sampung tao. Gusto kong bumangon at gumalaw; gusto kong imulat yung mga mata ko pero sobra akong pagod, hindi ko alam kung bakit. 

Nakarinig ako ng mga galaw at kaluskos. Bumukas at sumara yung pintuan. 

Sinubukan kong buksan ulit ang mga mata ko. Pero wala parin. Mahirap paring gawin. 

Narinig kong napabuntong hininga si Chanyeol. "Naligo ka na ba, Kai?" tanong niya sa kasama niyang si Jongin. 

"Oo naman." sagot ng isa. "Ako pa ba?" 

Natawa naman si Chanyeol at medyo matagal na walang nag-ingay sa kanilang dalawa. Pinilit ko ulit na igalaw ang katawan ko pero wala parin. Mga daliri ko lang ang kaya kong galawin. I feel so sore. Para akong nahiga ng ilang araw.

Nakarinig ako ng mga galaw at kaluskos at maya-maya... mga yapak. 

Mukhang nag-iikot sila dito sa kwarto ko. 

"Oy, Chanyeol." tawag ni Kai sa kaibigan niya. "Tignan mo tong si Seth, parang nakikita ko sakanya si Sehun. Hehehe."

Hindi naman sumagot agad si Yeol. "Talaga?" tanong nito at medyo natawa. "Paano mo naman nasabi?"

"Eh kasi yung mga gamit niya. Sehun na Sehun. Di mo ba napapansin? Ikaw tong mas matagal dito eh." sagot naman ni Jongin. 

Chanyeol scoffed. "Hindi naman ako pumapasok dito no. Si Baekhyun lang." sabi niya. "Pero... oo nga no. Kamukha nga ng kwarto ni Sehun tong kwarto ni Seth." pag-sang ayon pa niya. 

"Sobrang kamukha." natatawang sabi naman ni Kai.