Fall for the Beast

Beast 11

~Lu Han~

Napataas ang tingin ko mula sa binabasa kong libro nang marinig ang mabilis na pagbaba ni Kyungsoo mula sa hagdan. Naka-ayos siya at mukhang may pupuntahan.

"May lakad ka, Kyung?" tanong ko at tinanggal ang salamin ko. "Mukhang nagmamadali ka ah."

Nagumiti si Kyungsoo at tumingin sa malaking salamin sa isang wall. Inayos niya ang buhok niya. "Meron, Luhan." sagot niya at lumingon sa akin. "Kaya, ikaw muna bahala dito ah, mukhang okay na kayo ni Master Seth eh. Gawin mo nalang yung mga gusto niyang ipagawa sayo."

Tumango ako at tumayo mula sa inuupuan ko. "Sige ba, ako na bahala." sagot ko.

Pinanood kong umalis si Kyungsoo gamit yung kotse. San kaya siya pupunta? Date kaya? Sino kayang boyfriend ni Kyung?

Napa-shrug nalang ako at bumalik sa sala. Tinuloy ko nalang ang pagbabasa ng librong kahapon ko lang sinimulan. Nakita ko lang ito sa basement nung nag-aayos ako ng gamit. Beastly by Alex Flinn. Tungkol sa isang lalake na naging halimaw.

Paano kaya kung totoo?

~Oh Sehun~

Matagal ko nang kinalimutan yung rose na binigay sa akin ni Sulli ng gabing yun. Hindi ko makuhang tignan. It pains me to know that my time is running out. Pero alam kong this time, i need to know.