Fall for the Beast

Beast 6

~Lu Han~

"Sure ka bang okay ka na dito, Lulu?" isa pang tanong sakin ni Baek nang maihatid na nila ako dito sa may kanto papasok sa bahay namin. 

Tumango ako. "Oo naman. Baka, may masama pang mangyari pag hinatid niyo ako sa tapat ng bahay." medyo ilang na sagot ko. Tumango si Baek at ngumiti ng malungkot. 

"Teka." singit ni Chanyeol at pinatong ang kamay sa balikat ni Baekhyun. Libre chansing nanaman to. "Bat anong mangyayari? Horror house ba bahay niyo, Luhan?" gulat na tanong nito. 

Inirapan ko naman siya. "Mukha ba akong nakatira sa horror house?" inis na tanong ko. "Syempre, hindi. May mga bagay lang na hindi mo alam. Baek, paki-explain nalang sa boyfriend mo ah. Alis na ako! Salamat ulit!" 

Tumalikod na ako at tumakbo papasok sa street namin nang marinig ko ang sigaw ni Baek. "Hindi ko pa siya-- este... Hindi ko siya boyfriend!" pero natawa nalang ako at umiling. 

Huminga ako ng malalim bago pumasok sa bahay namin. Maliit lang siya at gawa sa kahoy at semento. Sumilip ako sa pinto bago tuluyang pumasok. 

"Saan ka galing?" 

Tumayo lahat ng balahibo sa katawan ko nang marinig ang boses ni Papa. Nilingon ko siya at nakitang nakaupo siya sa may kainan. 

"S-sa school po, Pa." kinakabahang sagot ko. Masakit pa ang suntok niya sa akin kagabi at ayoko na ng isa pa. Hindi ko na siya sasagutin pa ulit. 

Tumayo si Papa at pagewang-gewang na naglakad papunta sa sala. Humiga siya sa may sofa at may hawak na namang bote ng alak at isang pack ng sigarilyo. "Nakita ko yung mga kasama mo kanina. Mukhang mayayaman ah. Pineperahan mo sana." nakangising sabi nito. 

Napahinga ako ng malalim. "Pa, mababait po sina Baekhyun at Chanyeol. Saka hindi naman po ako manloloko." mahina kong sabi.