وتين الجلال

البارت السابع ( قرار)

حليمه: ياولدي مخبراش حاجه بعد ما خرجت الصبح لجيت البت بهيه جايه تجول ان وتين خرجت غضبانه دا كل اللي حصل ومعرفناش نوصلها غير دلوجتي وانت محدش عرف يوصلك

جلال: خرجت غضبانه اكده لوحديها يبجي اكيد سمعت حديتك امعاي

حليمه: سمعت حديتنا!!

جلال: اكيد سمعت امال ايه اللي يخليها تمشي اكده

امير: ياجماعه في ايه انا مش فاهم حاجه

حنين: ولا انا فاهمه كمان في ايه يامه

جلال: هتحكيلهم ولا احكي انا يا مرات ابوي

حليمه: ياولدي اس...

جلال:ولدك لا انا مش ولدك وكمان هو لسه فيه حاجه متجالتش اسمع يامير مرات ابوي عتجول ايه

امير: طب اهدي ياجلال مينفعش عصبيتك دا

جلال: عصبيتي دي سببها حديت الصبح واللي بسببه مرات اخوي سابت المكان لا دا البلد كلها بسببه

امير: طب هدي ومش معايا للمكتب وسيب امه حليمه وحنين يجعدوا مع بعض شويه

سمع له جلال وذهب للمكتب وترك حليمه وحنين معا لتهدأ وتحكي لها ما حدث
****************
المكتب
امير: ياجلال مينفعش اللي انت عتعمله دا دي امك ياجدع مهما كان

جلال: لا مش امي
امير: واه كيف الكلام دا طب هدي ومتخليش زعلك يعمل اكده دانت معتستحملش عليها كلمه ولا تحب تزعلها يجوم من اقل حاجه اكده تعمل كدا احكيلي ايه اللي حصل وحديت ايه دا اللي عتحكوا عنيه

جلال:عايزاني اتجوز مرات اخوي

اميربصدمه:ايه تتجوزها

جلال: ايوا اتجوزها

امير: وانت رايك ايه

جلال: رأيي وهي عاد فيها راي اتخانجنا الصبح انا وهي وكل واحد فينا جال اللي فيه النصيب واهي كملت التانيه سمعتنا وسابت البيت

امير: طب وهتعمل ايه دلوجتي

جلال: مخابرش يامير دماغي هتشت مني

امير: طب اهدي المواضيع دي مش بالعراك

جلال: مش بالعراك!! امير عجولك عايزه تجوزني مرات اخوي انت واعي جال ايه مينفعش تجعد امعانا اكده وانا عزابي الناس هتتحدت علينا وطبعا لو حابه تمشي من اهنه مينفعش اخد منيها العيال

امير: طب ماهي كلامها صوح
لم يرد عليه جلال اكتفي بنظره غضب

امير ايوا متبصش اكده امه حليمه عنديها حق المستوره مش هينفع تعيش امعاكوا اهنه وانتوا الاتنين عزابيه وكمان حرام تحرمها من عيالها دا ميرديش حد واصل

جلال: يعني اوافج واتجوزها

امير: وفيها ايه يا جلال متزعلش من كلامي اللي هجوله انت مش بس صاحبي لا انت اخوي كمان وانا رايي من راي مرات عمي انك تتجوزها والمستوره ما فيها شئ يعيبها واصل