Taehyung ke Jungkook ka Jimin

Ch 11- Namjoon ki shaadi

Jimin's POV:

Kuch hafto pehle Taehyung ko Bangalore se humare acche dost aur bade bhai jaise Namjoon bhaiyya ka call aaya tha. Jo khabar mili woh shocking par acchi thi. Namjoon bhaiyya shaadi karne ja rahe the. Jis IT company mein woh kaam kar rahe the wahi par unhi ke department mein hi kaam kar rahi ek ladki pe unka dil aa gaya tha. Bura laga toh iss wajahse ki unhone humse yeh baat kayi dino tak chupa kar rakhi. Ladki ka naam puchne par Namjoon bhaiyya ne Hwasa bataya. Aage puchne par Bengali ladki hai, aisa pata chala. Woh originally Kolkata se thi par Bangalore mein apne sapno ki udaan bhar rahi thi. Ab iss sapne mein Namjoon bhaiyya bhi shamil ho chuke the.

Meri life bhi full swing mein chal rahi thi. Kabhi papa ke saath kirane ki dukaan mein kaam karna padhta toh kabhi Jungkook ke saath 12vi pass hone ki tayyari karta. Busy toh tha par Jungkook ko apna affection dikhane ke liye tadap bhi thi. Kabhi kabhi padhte waqt hume ek dusre ke slight touches lagte tab apne blush ko main kaafi mushkil se control kar paata tha. Main roz khudka dhyaan bhatkaane ke liye koi na koi bahana dhundta tha. Namjoon bhaiyya ki shaadi aur uski tayyari mein kuch samay ke liye inn feelings ko side mein rakhne ke baare mein mere dimaag mein khyal aaya.

Haldi, Mehendi aur sangeet ke programme bade zoron shoron se gaye. Middle-aged auntiyon ne zabardasti bhar bharke Namjoon bhaiyya ko haldi lagai. Namjoon bhaiyya ko haldi se latpat dekhne par lag raha tha ki freshly daldal se nikle ho. Kuch auntiyan toh mere peeche bhi haldi lekar speed mein aa rahi thi, woh toh main time pe bhaag nikla. Meri kismat toh tabh kharab hui jabh dhakka lagne ke kaaran peeche kisike haath se haldi ka bowl mere sir pe gir gaya.

Mehendi ceremony mein toh Hwasa bhabhi ke chehre pe ek glow tha. Unke haathon par Mehendi designers ne NJ likha tha aur Namjoon bhaiyya ne tezzi se dhundh bhi liya. Cute toh mujhe tabh laga jabh Namjoon bhaiyya bhi apne haathon pe Hwasa bhabhi ka naam likhwa rahe the. Hwasa bhabhi badi impress hui aur unhone Namjoon bhaiyya ke right gaal ke dimple pe gentle kiss di. Namjoon bhaiyya uske baad jo sharmaye hai ki pucho mat... Mujhe bhi life mein apne special one ke saath yeh sabh experience karne ki iccha ho rahi thi. Issi se mujhe fir Jungkook ki yaad aayi aur main temporarily daydream karne laga.

Sangeet mein bohot maza aaya. Namjoon ke do dost Suga aur Jhope bhi aaye hue the. Inn teeno ne milke bade manmohak gaane gaye. Jhope "Just Dance" pe naachne lage. Suga ne piano bajaya jispe saare couples ne couple dance kiya. Tae aur main sochme padh gaye ki hum couple dance kare toh kaise fir jali mere dimaag ki batti aur hum dono funny way mein couple dance karne lage. Humare couple dance ke steps kab bhangra mein badal gaye kuch pata bhi nahi chala. Fir hui humare hero Namjoon bhaiyya ki entry. Unhone Trivia: Love gaake sabhko deewana bana diya. Hwasa bhabhi ne bhi apni saheliyon (Solar, Wheein aur Moonbyul) ke saath Destiny gaya toh waha khade sabh logon ne khub saari taaliyan bajai.

Shaadi ka din aa chuka tha. Baarat mein main, Taehyung, Kammo aur Seokjin shaamil the. Namjoon bhaiyya ghodi par kisi shehenshah se kam nahi lag rahe the. Woh itne pyaare hai ki unhone ghodi se bhi dosti karli aur uska naamkaran bhi kar liya. Baraat mein Suga bhaiyya ke saath Jungkook ko dekhkar meri aankhein fati ki fati reh gayi. Uski sundarta ka asar chadh raha tha. Maine usko durse hi smile di aur muh latkake thoda aur dur jaake khada ho gaya. Meanwhile Taehyung Jungkook se baatein kar raha tha. Kim Seokjin ghodi ke saamne zameen pe leit ke naagin dance kar raha tha. Maine uski energy ka raaz pucha toh usne bataya ki shaadi ke pehle ke functions kisi kaaran miss karne ki kasar nikali ja rahi hai warna Namjoon ko bura lag jayega. Waha dance karte karte Seokjin ne aunty uncleon ko bhi nahi baksha aur unko "Do You Know BTS? " puchne laga. Suga jabh Shooky song ke steps karne laga, mujhe pura yakeen hua woh tika ke aaya tha. Baadme usne band waalo se Fake Love bajane ki bhi maang ki. Jabh woh log baja nahi paye, Suga ka para high ho gaya. Jaise taise mahol shaant hua aur sabh venue pe pohoch gaye.

Hwasa bhabhi ne jab entry maari toh woh typical Bengali- bahu lag rahi thi. Vivah pure rasmo riwaaz se sampann hua. Reception ki kuch baat hi alag thi. Hum chaaro stage pe dulha-dulhan ke saath photo khichaane gaye. Tae ne 101 Rs waala lifafa Namjoon bhaiyya ke haath mein pakdaya.

Yeh sabh hote hi sabh log khaana khaane tut pade. Maine dophar ko kam khaya tha taaki main reception mein acchese thoos saku. Butter Chicken, paneer tikka, Fish Curry, Rasgulla, Pulav, Rumali roti aur dher saari dishes dekhkar muh mein paani aa raha tha. Main jab 2 baar rasgulla lene gaya toh counter ke peeche khade hokar serve karne waale waiter ne mujhe aise ghoorke dekha jaise maine uski property hi hadap li ho. Maine bhi haar na maante hue uski aankhon ke saamne se 3 rasgulle utha liye. Har counter pe mera yehi haal hua. Maine socha agar inko pata chale ki 4 logon ne jodkar sirf 101 Rs diye hai toh mera yehi khatma ho jayega

Khaane ke baad main akela hi chair pe baitha tha. Auntiyaan zabardasti mujh se panchayat karne lagi. Ek ne toh pakadke na chahte hue bhi aashirwaad diya toh dusri mujhe gale lagane lagi. Banerjee uncle mere career ke baare mein puchne lage. Unko kaun bataye mere fail hone ke parinaamswaroop abhi 12vi ka re-exam dena padh raha hai. Thodi der mein hi Taehyung aur Jungkook mere chair ke paas aa baithe. Jungkook ne mujhe dekhke greet kiya.

"Aur sabh kaisa chalra, Jimin?" Jungkook ne conversation initiate kiya.

"Sabh thik hai" Maine to the point jawab diya. Mere mein usse aage baat karne ki himmat nahi thi.

"Namjoon bhaiyya ki shaadi dekhke aisa mann kar raha hai ki future mein meri bhi shaadi kuch iss tarah se ho aur mere love cum future partner ke saath mai humesha khush rahu. Tum log bhi yehi sochte honge, I guess." Taehyung achanak bol pada.

Pyaar (Jungkook) , future partner (confession hi nahi ho paara idhar toh) aur shaadi (????) ke baare mein sunkar mujhe ghussa aaya aur main waha se ghar jaane ke liye nikal gaya.