Taehyung ke Jungkook ka Jimin

Ch3- Bang PD ki salah

Jimin's POV:

Taehyung dabe paav humare kamre mein aaya. Main bed pe baitha hua usse observe kar hi raha tha. Woh thoda weird behave karra tha, jaise uski koi chori pakdi gayi ho. Woh dheere se aake bed pe mere paas baith gaya.

Tae: So what's up?

Jimin: Yeh baat mujhe tujhse puchni chahiye. Itne jaldi tujhe mere liye tutor bhi mil gaya?

Tae: *coughs* Arree tu mera iklauta bhai hai tere liye nahi toh Guptaji ke ladke ke liye fikr karunga.

Jimin: Naam matle uss manhoos ka. Khud toh Seoul chala gaya par mohollae ke sabhi ladko ko musibat mein dal diya.

Tae ne mere kandho pe haath rakhke apna ghussa kam karne ki advice di.

Tae: Mere Jiminie, shaant hoja yeh le tera favorite Dairy Milk laya hu.

Mera kitna bhi mood off kyu na ho yeh mere liye kuch na kuch laakar mujhe khush kar hi deta hai. Mera cutie chota bhai Tae (Main usse kuch mahine bada hu toh hua na main bada bhai). Par main thera drama queen thodi kharab acting toh banti hai.

Jimin: Nahi chahiye teri Dairy milk

Yeh kehke main muh fula ke baitha raha.

Tae: Thik hai waste karne se accha main hi kha leta hu.

Mera bhai itna bhi sweet and seedha nahi ek number ka kamina hai. Maine usse chocolate cheeni aur khaane laga. Tae meri iss harkat pe hass pada aur mujhe tease karne ke liye gudgudi karne laga. Uske baad jo meri hasi nikli, pucho hi mat....

Jimin: Toh meri tuitions kabse shuru hogi?

Tae thoda confused lagra tha. Woh apne aap se kuch badbadane laga. Mujhe kuch sunai bhi nahi de raha tha.

Tae: Kal, nahi nahi, parso se, ha parso se tuitions hogi

Though mujhe padhai mein ittu sa bhi interest nahi tha par mujhe padhane waale mein zyada interest tha. Mere iss newfound interest ke baare mein mujhe Tae ko bhi batane ki iccha nahi thi. Mujhe nahi pata woh kaise react karta. Coz ab tak jitno ko bhi maine date kiya tha, woh saari ladkiya hi thi. Yeh ladke Jungkook mein kuch khaas tha.

Jimin: Tae, thank you and I love you

Tae: Awww.... Ab rulayega kya? Apna thank you apne paas rakh. Bhai ko thank you bolra hai.

Maine usko zor se bear hug kiya aur mann hi mann Jungkook se milne ke sapne bunne laga.

Jungkook's POV:

Tae ne mujhe phone pe bataya ki mujhe parso se hi Jimin ko tutor karna chalu karna padega. Padhane mein mujhe koi bhi problem nahi hai coz main thehra Kukaad Kamal Da, best in everything, problem toh jis ko padhana tha uske bhai ko dekhkar apne emotions control karne mein thi. Mere student Jimin ke saamne uske bhai Tae ko main line maaru toh kaise? Line maarunga toh as said by Tae, Jimin ke Jagga Jasoos waale instincts jaag jayenge aur Chugalkhor Aunty bankar woh pure mohollae mein Tae aur meri amar prem-katha ki parchiyaan bantega.

Tension toh itni hori hai ki mann karta hai eeta lekar khudke sarpe fod du, par fir dard bhi mujhe hi hoga. Sadiyon pehle kisi mahapurush ne kaha hai, asli prem kahani wahi hoti hai jo mushkilo ka samna kar paye.

Tae aur meri love story bilkul Tarri aur Pohe ki love-story jaisi hai, dono ek dusre ke bina feenke lagte hai. Tarri aur Pohe ko alag karne ke liye kayi saare log aate hai, mummy bol deti hai tarri khatm ho gayi pohe se hi kaam chala lo, papa bolte hai poha khatm ho gaya aaj kuch aur kha lo, dukaan waale ke paas pohe ka stock khatm ho jaata hai... Par fact is log kitna bhi tarri-pohe ko alag karne ki koshish kare jeet toh unke combination ki hi hoti hai.

Maine stress ko kam karte hue, Hobi bhaiya ki hopeful baatein bhi yaad ki. Aur notes banane ke kaam mein lag gaya. Jimin ko paas karake Tae ki nazaro mein apne liye already overflowing pyaar mein spark laane ke sapne dekhne laga.

Taehyung's POV:

Main Jimin ke liye notebooks aur pens kharidne ja hi raha tha toh mujhe Psy gully mein cricket khelte hue dikha. Bat Psy ka tha isliye batting bhi wahi kar raha tha. Jaise hi uska 6 gaya, woh "Gangnam Style" waali step karne laga. Bowling kar raha tha apna, Taemin. Next bowl pe usne Psy ko out kar diya. Taemin khushi se "Move" waala step karne laga. Psy ko aaya ghussa, usne bat uthakar zameen pe patak diya aur out na hone ki maang karne laga, yeh harkat fielder Baekhyun ko "Monster" ke level ki lagi. Garma garmi badhne ke chances high lag rahe the. Yeonjun aur Soobin Psy ko manane ki koshish kar rahe the. Maine inn sabh situations ko ignore kiya aur Stationary Shop ja pahuncha. Stationary shop owner Bang PD kaka, newspaper padh rahe the. Maine unko Good Morning kaha aur notebooks aur pens maange.

"Aur kya baat hai beta, abhi exams toh ho gaye, vacations honge toh yeh sabh kyu lere ho?" Bang PD kaka bole.

"Mere liye nahi kaka, Jimin ke liye, woh actually....... "

Woh shayad samjh gaye aur unhone kaha, "Beta, failures toh har kisike life mein aate hai, jo unse datt ke saamna karke aage badhta hai woh hi bada aadmi banta hai. Mujhe Jimin pe pura bharosa hai, woh bohot bada aadmi banega, tum fikar mat karo. Aur jis ladke ke paas tum jaisa supportive bhai hai woh bhala kaise haar maan sakta hai?"

Yeh baatein sunke mere chehre pe ek smile aa gayi. Main Bang PD ki baat sochte hue khushi khushi waha se saaman kharidke ghar chala gaya.