وهم كبير

الفصل العاشر

الفصل العاشر

أنا شايفك زي القمر، وكل يوم بتزيدي حلاوة، أحب أبلغك إني خلاص اتفقت مع صديق ليا هيأجر الياخت بتاعي وقدمت استقالتي من الشغل، وهنلم اللبس الضروري اللي هنحتاجه، وهننزل نقعد عند امي مؤقتاً لحد ما نقرر هنعمل أية في شقتنا دي هناجرها ولا نبعها، ايه رأيك ؟

نظرت بأعينها في كل ركن بالشقه والدموع حبيسه في مقلتيها تمنعها ان تتساقط ثم قالت بحزن :

- خلاص ياحسين هنسيب شقتنا اللي فيها أحلى ذكرياتنا ونمشي، خلاص هنودع كل حاجه، أنا حاسه بريحه إياد في كل مكان، يصعب عليا أمشي منها، بس لازم نبعد عشان نقدر ننسى مع إننا عمرنا ما هنقدر ننسى اللي راح مش شوية

نظر لها بحزن واقترب منها وقال :

- لا يا لبنى عمرنا ما هننسى الغالي بس عشان نفسيتك تتحسن، وأنا خلاص مش قادر أفضل هنا تعبت... أتعذبت من احساسي بالذنب والعذاب اللي أنا فيه ومحدش حاسس بيا، أنا هقوم اتصل ببابا وماما ابلغهم إننا على وصول عشان يعملوا حسابهم

اومأت رأسها بالموافقه ثم تركها شارده تفكر في مستقبلهما المجهول، وما سوف يحدث لهم في بيت اسرته، هي تعلم ان والدته طيبه وتحبها بشده، لكن خائفه ولا تعلم لماذا كل هذا الخوف، فصمتت ودعت ربنا أن يلهمها الصبر ويجعل القادم أجمل بكثير

دلف حسين وامسك هاتفه وقام بالإتصال بوالده وتحدث معه قائلا :

- ايوة ياحبيبي إزيك وحشني اوي يابابا، اخبارك اية وماما عامله ايه؟

رد الأب بشوق ولهفة مردد :

- كلنا بخير ياحسين قررت هتعمل اية يابني في شغلك؟

تنهد حسين وقال :

- ايوة يابابا أنا بتصل بيك أبلغك إني استقلت وهرجع أعيش معاكوا مؤقتاً لحد ما أشوف شقه إيجار استقل فيها

فرح الأب وقال بسعادة :

- بجد والله عين العقل ياحبيبي دي امك هتفرح اووي، أنا هقولها تجهز الأوضة وهو تخدوا بحسنا لما منة تتجوز

اخفض صوتة قليلا وقال بهمس مردد :

- هو حضرتك وافقت خلاص عليه؟

استشعر الأب نبرة صوته المنخفضة وقال :

- بصراحة سألت عليه والكل اجمع أنه كويس فقولت استني لما ترجع وتلبس دبل على الضيق كده، واللي فيه الخير ربنا يقدمه

قال بنفس النبره مردد :

- ربنا يسعدها يارب، ويوفقها ويطلع ابن حلال

اغلق معه ونظر خلفه فوجد زوجتة واقفه وسمعت ما دار من حديثه مع والده فنظرت له بحزن مردده :

- هي منة هتتخطب ياحسين؟

ابتلع لعابه وقال :

- ايوة يا لبنى جالها مهندس زميلها من فتره وكانت مأجله الموضوع عشان الظروف اللي بنمر بيها