အပိုင်း(၁၁၄)တည်နေရာ ရွှေ့ပြောင်းပို့ဆောင်ခြင်းအစီအရင်နှင့် ထောင်ချောက်
စုလောရွှယ်သည် ကျန်းရီ၏ နောက်ကျောကို ကြည့်နေရင်း စိတ်များရှုပ်ထွေးလာရသည်။ သူတို့နှစ်ယောက်သည် ကိစ္စအများကြီးကို အတူဖြတ်သန်းခဲ့ကြပြီး ဖြစ်သည်။ သူတို့နှစ်ယောက်၏ ဆက်ဆံရေးသည် ဆရာတပည့် ဆက်ဆံရေးလည်း မဟုတ်သလို...မိတ်ဆွေဆက်ဆံရေးလည်း မဟုတ်ပေ။ သွေးသားတော်စပ်ခြင်းလည်း မရှိသည့်အပြင် ချစ်သူများလည်း မဟုတ်ကြပေ။
ကျောင်းအုပ်ချီသည် စုလောရွှယ် ဂူသင်္ချိုင်းအတွင်း စွန့်စွန့်စားစာစ မဝင်ရောက်ရန် အကြိမ်ကြိမ်တားမြစ်ခဲ့သည်။ သို့သော် သူမသည် ကျန်းရီကို စိုးရိမ်နေပေသည်။ သူမသာ လိုက်ဝင်လာလျှင် ကျန်းရီ သေချာပေါက် သေလိမ့်မည် ဖြစ်သည်။ သူသည် သူ၏ သတ်ဖြတ်ခြင်း အရှိန်အဝါကို ထုတ်လွှင့်လိုက်သည်နှင့် သူမ၏ လျှို့ဝှက်ကျင့်စဉ်ကို မသုံးမချင်း ရပ်တန့်လိမ့်မည် မဟုတ်ပေ။ သူသည် သတ်ဖြတ်နေရင်း မောပန်းလွန်း၍ သေသွားနိုင်ပေသည်။
ကျန်းရီနောက်လိုက်လာလျှင် သူမ၏ အသက်ကိုပါ ထိခိုက်လာနိုင်ကြောင်း သူမ သေချာသိထားပါသည်။ သို့သော် သူမသည် ဘဝတစ်လျှောက်လုံး နောင်တများနှင့် ဖြတ်သန်းမသွားချင်ပေ။ သူမ ငယ်စဉ်ကတည်းက သူမ၏ စိတ်ဆန္ဒအလျောက်သာ ပြုမူသင့်သည်ဟု တွေးခဲ့သည်။ မှားသည် မှန်သည်က ကိစ္စမရှိပေ။ သူမလုပ်ချင်လာလျှင် လုပ်မည်ဖြစ်သည်။
ကျန်းရီသည် သူမကို အရှုံးပေးလိုက်ရသည်။ သူသည် သူမ၏ နူးညံ့သော မျက်နှာလေးကို ကြည့်လိုက်ရင်း သက်ပြင်းချလိုက်သည်။
"စုလောရွှယ်...ငါတို့ ဒီတစ်ခေါက် မသေဘူးဆိုရင် ငါကျန်းရီ မင်းအပေါ် အသက်တစ်ချောင်း အကြွေးတင်သွားပြီ...သွားကြတာပေါ့!"
သူ၏ စကားဆုံးသည်နှင့် ကျန်းရီသည် လျင်မြန်စွာ ရှေ့ဆက်သွားလေသည်။ သူသည် မြေအနေအထားကို သေသေချာချာ အကဲခတ်၍ ထွက်ပြေးရန် လမ်းတစ်ခု ရှာထားလိုက်သည်။ စုလောရွှယ်ပါ ရှိနေရာ သူ့တွင် တာဝန်ပိုကြီးသွားပြီဖြစ်သည်။ သူသည် ဤဆရာမလှလှနှင့်အတူ အသက်ရှင်နိုင်ရန် အစွမ်းကုန် ကြိုးစားရမည် ဖြစ်သည်။
YOU ARE READING
ကောင်းကင်ဘုံအား ဆန့်ကျင်၍ (စာစဉ်-၈မှ ၁၀)
Actionကျန်းရီသည် သူ၏ စွမ်းအင်သိုလှောင်ရာ ဒန်တျန်းနေရာ ချိတ်ပိတ်ခံထားရသောကြောင့် အရှက်ခွဲခံရခြင်းနှင့် အနိုင်ကျင့်ခံရခြင်းတို့ကို ငယ်စဉ်တည်းက ခံစားခဲ့ရသည်။ တစ်နေ့တွင် သူအိပ်ရာနိုးလာသောအခါ သူ၏ချိတ်ပိတ်ခံသင်္ကေတ ကျိုးပျက်နေခဲ့ပြီး သူ၏တန်ခိုးစွမ်းအင်သည်လည်း မယံ...
