ကောင်းကင်ဘုံအား ဆန့်ကျင်၍ (စာစဉ်-၈မှ ၁၀)

အပိုင်း(၁၀၁)ကျန်းစွန်းဝူကျိ

အပိုင်း(၁၀၁)ကျန်းစွန်းဝူကျိ

ဝိဥာဉ်သားရဲတောင် သင်တန်းကျောင်း၏ အရှေ့ဘက် အဆောင်ဝန်းရှိ ခမ်းနားသော အဆောင်တစ်ခု အတွင်းတွင် ခန်းမကျယ်တစ်ခုရှိသည်။ အဖိုးတန်အဝတ်အစားများ ဝတ်ဆင်ထားသော သခင်လေး နှစ်ယောက်သည် စားပွဲတစ်ခုတွင် မျက်နှာချင်းဆိုင် ထိုင်နေကြသည်။ သူတို့ဘေးတစ်ဖက်စီတွင် လှပသော အစေခံမိန်းကလေး နှစ်ယောက်သည် ဆွတ်ဆွတ်ဖြူနေသော ကော်ဇောပေါ်တွင် ဒူးထောက်၍ လက်ဖက်ရည်ငှဲ့ပေးနေကြသည်။

ဘယ်ဘက်တွင် ထိုင်နေသော သခင်လေးသည် သာမန်ထူးခြားသည်။ သူသည် အနောက်ဘက် နယ်စပ်မြို့စား လော့ကဲအရှင်၏ သား ကျန်းရိလျှို ဖြစ်သည်။ သူ၏ ဆန့်ကျင်ဘက်တွင် ထိုင်နေသော အနက်ရောင် ဝတ်စုံကို ဝတ်ဆင်ထားပြီး ကျန်းရိလျှို နည်းတူ အရှိန်အဝါတစ်မျိုး ခိုအောင်းနေခဲ့သည်။ သူ၏ နှာခေါင်းသည် သိမ်းငှက် နှုတ်သီးနှယ် ချွန်မြနေပြီး မျက်လုံးများကလည်း စူးရှနေသည်။

ကျန်းရိလျှိုသည် သူ၏ လက်ဖက်ရည်ခွက်ကို ကောက်ကာ တစ်ငုံသောက်လိုက်ပြီး အသာအယာ ပြောလိုက်သည်။

"ဝူကျိ...အဲ့ဒီမိန်းကလေး ယွင်ဖေးက ပြန်ရောက်နေတာကို မင်းက ဘာလို့ ငါနဲ့လက်ဖက်ရည် လာသောက်ပြီး အချိန်ဖြုန်းနေတာလဲ?"

အနက်ရောင်ဝတ်စုံဝတ် သခင်လေးသည် ခါးသက်စွာ ရယ်မောလိုက်ပြီး ခေါင်းရမ်းလိုက်သည်။

"မင်းသမီးယွင်ဖေးက ဆူးတွေ ဝန်းရံနေတဲ့ နှင်းဆီ တစ်ပွင့်ပဲ...ငါက ရှန်မိနိုင်ငံတော် မင်းသမီးလေးရဲ့ ကြင်ယာတော် ဖြစ်လာဖို့ အခွင့်အရေးမရှိမှာ စိုးရတယ်...!"

ကျန်းရိလျှိုသည်လည်း သက်ပြင်းချကာ အလားတူ ခါးသီးမှုတို့ဖြင့် ပြောလိုက်သည်။

"ငါတို့ထဲက တစ်ယောက်က ရှန်ဝူနိုင်ငံတော်ရဲ့ ဘုရင်တူတော်၊ ကျန်းစွန်းဂိုဏ်းရဲ့ ဆက်ခံသူလည်း ဖြစ်တယ်...နောက်တစ်ယောက်က တော်ဝင်မိသားစုရဲ့ မျိုးရိုးနာမည်မရှိတဲ့ ရှန်ဝူနိုင်ငံတော်ရဲ့ တစ်ပါးတည်းသော မင်းသား....ငါတို့နှစ်ယောက်လုံး ငါတို့လိုချင်တဲ့ မိန်းမတွေကိုတောင် မရနိုင်ဘူး...ဒီကာလဟာလသာ ပျံ့သွားရင် တစ်လောကလုံးက လှောင်ရယ်ကြလိမ့်မယ်"