حكمة الذئب

بارت25

ﺃﺳﻌﺪ ﺍﻟﻠﻪ ﺍﻭﻗﺎﺗﻜﻢ ﺑﻜﻞ ﺧﻴﺮ ﺍﺣﺒﺘﻲ ❤
‏( 25 ‏)
#ﺣﻜﻤـﺔ_ﺫﺋﺐ
# ﺑﻘﻠﻢ _ ﺷﻤﺲ _ ﺍﻟﺴﻌﺪﻱ
ﺍﻟﻔﺮﺍﻕ ﺣُﺰﻥ ﻛـ ﻟﻬﻴﺐ ﺍﻟﺸﻤﺲ ﻳُﺒَﺨﺮ ﺍﻟﺬﻛﺮﻳﺎﺕ ﻣﻦ ﺍﻟﻘﻠﺐ ﻟﻴﺴﻤﻮ ﺑﻬﺎ ﺇﻟﻰ ﻋﻠﻴﺎﺋﻬﺎ .. ﻓﺘُﺠﻴﺒﻪ ﺍﻟﻌﻴﻮﻥ ﺑﻨﺜﺮ ﻣﺎﺋﻬﺎ ﻟﺘﻄﻔﻰﺀ ﻟﻬﻴﺐ ﺍﻟﺬﻛﺮﻳﺎﺕ !!
_____________________
ﻧﻬﺎﻳﺔ ﺳﻨﺔ 98 ﻭﺑﺪﺍﻳﺔ ..…99
ﺣﻤﺪﻳﺔ ﻣﻦ ﻟﻤﺎ ﺭﺟﻊ ﻓﺎﺭﺱ ﺑﺒﺪﺍﻳﺔ ﺳﻨﺔ 97 ﻭﻫﻲ ﻣﺘﺄﻣﻠﺔ ﺗﺨﻠﺺ ﻭﻳﺎﻩ ﺍﻟﻌﻤﺮ ﺍﻟﻲ ﺿﺎﻉ ﺑﺄﻧﺘﻈﺎﺭﻩ ..
ﺻﻠﺖ ﻭﺣﻤﺪﺕ ﺭﺑﻬﺎ ﻭﻭﻓﺖ ﻛﻞ ﻧﺬﺭ ﺟﺎﻧﺖ ﻧﺎﺫﺭﺗﻪ ..
ﻣﻦ ﻏﻴﺮ ﺍﻟﻲ ﻧﺴﺘﻬﻦ ﻋﻠﻰ ﮔﺪ ﻣﺎﻧﺬﺭﺕ ..
ﺑﺲ ﺟﺎﻧﺖ ﺗﻌﻮﺿﻬﻦ ﺑﺼﺪﻗﺎﺕ ﻟﻠﻔﻘﺮﺍﺀ ﻭﺗﮕﻮﻝ :
" ﺭﺑﻲ ﺍﻋﺘﺒﺮ ﻫﺬﻱ ﺍﻟﺼﺪﻗﺎﺕ ﺑﺪﻝ ﻛﻞ ﻧﺬﺭ ﻧﺎﺳﻴﺘﻪ ﺍﻟﻤﻬﻢ ﺗﻄﻴﺐ ﻓﺎﺭﺱ ﻭﺗﺮﺟﻌﻪ ﺍﻟﻲ ﻣﺜﻞ ﺍﻻﻭﻝ "
ﻟﻜﻦ ﺍﻟﻘﺪﺭ ﺩﺍﺋﻤﺎ ﻳﻤﺸﻲ ﻋﻜﺲ ﻫﻮﺍﻧﺎ 17 .. ﺳﻨﺔ ﻣﻦ ﺍﻻﺳﺮ ﻭﺍﻟﺘﻌﺬﻳﺐ ﻭﺍﻟﺠﻮﻉ ﻭﺍﻟﺒﺮﺩ .. ﻣﺴﺘﺤﻴﻞ ﻣﺎﺗﻈﻬﺮ ﻧﺘﺎﺋﺠﻪ ﻭﻟﻮ ﺑﻌﺪ ﺣﻴﻦ ..
ﻭﺍﺻﻼ ﻓﺎﺭﺱ ﺭﺟﻊ ﻣﻮ ﺫﺍﻙ ﻓﺎﺭﺱ ﺣﺒﻴﺒﻬﺎ ﻭﺯﻭﺟﻬﺎ ﻭﻓﺎﺭﺱ ﺍﺣﻼﻣﻬﺎ .. ﺑﺂﺧﺮ ﺍﻳﺎﻡ ﺟﺎﻧﺖ ﺗﻨﺪﺏ ﺣﻈﻬﺎ ﻭﺗﻨﺎﺟﻲ ﺭﺑﻬﺎ
" ﺭﺑﻲ ﺍﻟﻌﻔﻮ ﻣﻨﻚ ﻟﻮ ﻛﻼﻣﻲ ﻳﺠﺤﺪ ﺑﻨﻌﻤﺘﻚ .. ﺑﺲ ﺍﻧﺖ ﺍﺳﺘﺠﺎﺑﻴﺖ ﺩﻋﺎﺋﺊ ﻭﺭﺟﻌﺘﻪ ﺍﻟﻲ .. ﺟﺎﻥ ﺭﺟﻌﺘﻪ ﻃﻴﺐ ﻭﺑﺨﻴﺮ ﻭﻻﺭﺍﺟﻌﻠﻲ ﻣﻮﺍﺕ ﻭﻳﺼﻴﺮ ﺣﺰﻧﻲ ﻋﻠﻴﻪ ﺣﺰﻧﻴﻦ "
ﺑﻌﺪﻫﺎ ﺗﺴﺘﻐﻔﺮ ﺭﺑﻬﺎ ﻭﺗﻠﻌﻦ ﺍﻟﺸﻴﻄﺎﻥ .. ﻭﺗﮕﻮﻡ ﺗﺼﻠﻲ ﻭﺗﺪﻋﻲ ﻣﺮﺓ ﺛﺎﻧﻴﺔ ﺍﻟﺸﻔﺎﺋﻪ .. ﺑﺲ ﻫﻮ ﻭﺍﺻﻞ ﺍﻟﻤﺮﺣﻠﺔ ﻣﺘﺄﺧﺮﺓ ﺑﺎﻟﻤﺮﺽ ﻭﻣﺎﺍﻛﺘﺸﻔﻮﻩ ﺍﻻ ﻣﺘﺄﺧﺮ ..
ﻫﺎﻟﺸﻲ ﺍﺛﺮ ﺑﻴﻬﺎ ﻭﺑﻘﺖ ﺗﻠﻮﻡ ﺍﻫﻠﺔ ﺍﻟﻲ ﺟﺎﻧﻮﺍ ﻳﮕﻠﻮﻟﻬﺎ
" ﻣﺎﺑﻲ ﺷﻲ ﺑﺲ ﺍﻟﺘﻬﺎﺏ " ..
ﺟﺎﻧﻮﺍ ﻳﺪﺭﻭﻥ ﺍﻭ ﻻ ﺍﻟﻠﻪ ﺍﻋﻠﻢ .. ﺑﺲ ﻫﺬﺍ ﺟﺎﻥ ﺭﺩﻫﻢ ﺍﻟﻬﺎ ﺑﻜﻞ ﻣﺮﺓ ﻳﺎﺧﺬﻭﻩ ﻟﻠﻄﺒﻴﺐ .. ﺍﻻ ﺍﻥ ﻓﺎﺽ ﺑﻴﻬﺎ ﻭﻧﺎﺷﺪﺕ ﺍﺑﻮﻫﺎ ﺍﻟﺤﺠﻲ ﺧﻀﻴﺮ ﻭﻃﻠﺒﺖ ﻣﻨﻪ ﻓﻠﻮﺱ ﺗﺎﺧﺬﻩ ﺍﻟﺒﻐﺪﺍﺩ
ﻫﻨﺎﻙ ﻳﻔﺘﻬﻤﻮﻥ ﺍﻛﺜﺮ ..
ﻭﺍﻟﺤﺠﻲ ﺧﻀﻴﺮ ﻣﺎﻗﺼﺮ ﺍﻧﻄﺎﻫﺎ ﺍﻟﻲ ﺗﺮﻳﺪﺓ ﻭﺯﺍﻳﺪ ﺭﻏﻢ ﺗﺪﻫﻮﺭ ﺍﺣﻮﺍﻟﻪ ﺑﻬﺬﻩ ﺍﻟﻔﺘﺮﺓ ﻭﺧﺎﺻﻪ ﺑﻌﺪ ﻣﺎﺍﺻﺪﺭ ﺑﺮﻧﺎﻣﺞ
" ﺍﻟﻨﻔﻂ ﻣﻘﺎﺑﻞ ﺍﻟﻐﺬﺍﺀ " ﻭﻫﺬﺍ ﺍﻟﻲ ﻛﺎﻥ ﺳﺒﺐ ﺑﺨﻔﻆ ﺍﻻﻧﺘﺎﺝ ﺍﻟﺰﺭﺍﻋﻲ ﺁﻧﺬﺍﻙ ..
ﻭﮔﻔﺖ ﺣﻤﺪﻳﺔ ﺑﻮﺳﻂ ﺍﻟﺒﻴﺖ ﻭﺣﺠﺖ ﻭﻱ ﺣﻤﻮﻳﻬﺎ :
" ﺍﻧﻲ ﺑﺎﺟﺮ ﻏﺎﺑﺸﺔ ﺑﻲ ﺍﻟﺒﻐﺪﺍﺩ ﺍﻛﻮ ﻭﺍﺣﺪ ﺑﻴﻜﻢ ﻳﺮﻭﺡ ﻭﻳﺎﻱ ﺍﻟﺒﻐﺪﺍﺩ ﻟﻮ ﺍﺭﻭﺡ ﻭﺣﺪﻱ " ..
ﺑﻘﺖ ﺗﺒﺎﻭﻉ ﻋﻠﻰ ﻭﺟﻮﻫﻬﻢ ﻭﻛﻤﻠﺖ ﻛﻼﻣﻬﺎ :
" ﻻﺗﺨﺎﻓﻮﻥ ﻓﻠﻮﺱ ﻋﻨﺪﻱ ﻣﺎﺍﻛﻠﻒ ﻭﺍﺣﺪ ﺑﻴﻜﻢ ﺑﺲ ﺍﺭﻳﺪ ﺭﺟﺎﻝ ﻭﻳﺎﻱ ﻳﺮﻭﺡ "
ﻋﺎﺩ ﺍﺗﺒﺮﻉ ﺣﻤﺎﻫﺎ ﺍﻟﺼﻐﻴﺮ ﻭﺭﺍﺡ ﻭﻳﺎﻫﺎ .. ﻃﻠﻌﻮﺍ ﺍﻟﺒﻐﺪﺍﺩ ﻭﺟﺎﻧﺖ ﻓﺮﺣﺎﻧﺔ ﻭﻛﻞ ﻇﻨﻬﺎ ﺭﺍﺡ ﻳﺘﻌﺎﻟﺞ ﻭﻳﺮﺟﻌﻠﻬﺎ ﺍﺣﺴﻦ ﻣﻦ ﻗﺒﻞ ..
ﺑﺲ ﺑﻌﺪ ﺍﻟﺘﺤﺎﻟﻴﻞ ﺍﻟﻲ ﺍﺳﺘﻐﺮﻗﺖ ﺍﺳﺒﻮﻉ ﻳﻠﺔ ﻃﻠﻌﺖ ﻭﺑﻬﺎﻟﻔﺘﺮﺓ ﺍﻟﺪﻛﺘﻮﺭ ﻃﻠﺐ ﺩﺧﻮﻟﻪ ﺍﻟﻤﺴﺘﺸﻔﻰ ﻻﻥ ﺣﺎﻟﺘﻪ ﻣﻮ ﻣﻄﻤﺄﻧﺔ ﻭﻫﻮ ﺍﻭﻝ ﻓﺤﺺ ﺍﻟﻪ ﺧﺒﺮﻫﻢ ﺑﺸﻜﻮﻛﺔ ﺑﺄﺣﺘﻤﺎﻝ ﻭﺟﻮﺩ ﻣﺮﺽ ﺧﺒﻴﺚ ﺑﺮﺋﺘﻴﻪ ..
ﻫﺎﻟﺸﻲ ﻛﺎﻥ ﻣﺜﻞ ﺍﻟﺼﺪﻣﺔ ﺍﻟﺤﻤﺪﻳﺔ ﺍﻟﻲ ﻭﮔﻌﺖ ﻣﻦ ﻃﻮﻟﻬﺎ ﺍﻭﻝ ﻣﺎﺳﻤﻌﺖ ﺍﻟﺨﺒﺮ ..
ﺧﻠﺖ ﺣﻤﺎﻫﺎ ﻳﻢ ﻓﺎﺭﺱ ﻭﺭﺍﺣﺖ ﺗﺮﻛﺾ ﻭﻣﺎﺗﻌﺮﻑ ﻣﻨﻴﻦ ﺗﺼﻌﺪ ﻟﻮ ﻣﻨﻴﻦ ﺗﺄﺟﺮ ﺳﻴﺎﺭﺓ ﻟﻼﻣﺎﻡ ﺍﻟﻜﺎﻇﻢ ..
ﺍﺟﺮﺕ ﺗﻜﺴﻲ ﻭﻣﻦ ﺷﺎﻑ ﺣﺎﻟﺘﻬﺎ ﺭﺃﻑ ﺑﺤﺎﻟﻬﺎ ﻣﻦ ﻧﺰﻟﺖ ﻧﺴﺖ ﺗﻨﻄﻴﻪ ﻛﺮﻭﺓ ﻭﻫﻮ ﻫﻢ ﻣﺎﻃﺎﻟﺒﻬﺎ ﻻﻥ ﺣﺎﻟﺘﻬﺎ ﺧﻠﺖ ﺍﻟﻜﻞ ﻳﺮﺃﻑ ﺑﻴﻬﺎ ..ﻣﻦ ﺑﻌﻴﺪ ﻭﻫﻲ ﺗﺼﻴﺢ ﻭﺗﺒﺠﻲ ﻳﺎﻣﻮﻻﻱ ﻳﺎﻣﻮﻻﻱ ﻳﺎﺍﺑﻮ ﺍﻟﺠﻮﺍﺩﻳﻦ .. ﺟﻴﺘﻚ ﺑﮕﻠﺐ ﻣﻮﺟﻮﻉ ..
ﻳﺎﺭﺑﻲ ﺑﺤﮓ ﺍﻟﮕﺒﺘﻴﻦ ﺍﻟﮕﺪﺍﻣﻲ ﺗﺸﺎﻓﻴﻬﺎ ﻟﻮ ﻻﺗﻌﺬﺑﻪ ﺍﻛﺜﺮ ﻣﻦ ﻫﻴﺞ ..
ﮔﻠﺒﻲ ﻳﺘﻠﻮﻉ ﻣﻦ ﺍﺷﻮﻓﻪ ﻳﺘﻮﺟﻊ .. ﺍﺭﺣﻢ ﺑﺤﺎﻟﺔ ﻭﺣﺎﻟﻲ ﻳﺎﺍﻟﻬﻲ ..
ﺩﺧﻠﺖ ﺫﺑﺖ ﻫﻤﻬﺎ ﻭﺣﻤﻠﻬﺎ ﻛﻠﺔ ﻳﻢ ﺷﺒﺎﻛﺔ .. ﺍﻟﻨﺴﻮﺍﻥ ﺟﺎﻧﺖ ﻣﺤﺎﻭﻃﺎﺗﻬﺎ ﻭﻳﺴﺄﻟﻨﻬﺎ ﺷﻜﻮ ..
ﻣﺎﺟﺎﻧﺖ ﺗﺠﺎﻭﺏ ﺑﺲ ﺗﻠﺰﻡ ﺑﻴﻬﻦ ﻭﺗﮕﻠﻬﻦ ﺍﺩﻋﻦ ﺍﻟﻔﺎﺭﺱ ﺍﺑﻦ ﻫﺪﻳﺔ ﻳﺸﻔﻰ ﻣﻦ ﻣﺮﺿﻪ ﻭﻳﺘﻌﺎﻓﻪ ..
ﻭﮔﻠﻮﺑﻬﻦ ﺗﻨﻜﺴﺮ ﻋﻠﻴﻬﺎ .. ﻭﺟﻬﻬﺎ ﺍﻻﺣﻤﺮ ﺍﻻﺑﻴﺾ ﻣﻦ ﺍﻟﺒﺠﻲ ﻭﺍﻟﺪﻣﻮﻉ .. ﻭﺭﻏﻢ ﺧﻄﻮﻁ ﺍﻟﻜﺒﺮ ﺍﻟﻲ ﺑﺎﻧﺖ ﻋﻠﻰ ﻭﺟﻬﻬﺎ ﺑﺴﺐ ﺍﻟﺒﻌﺪ ﻭﺍﻟﻔﺮﺍﮒ ..
ﺑﺲ ﻣﺎﺃﺛﺮ ﻋﻠﻰ ﺫﺍﻙ ﺍﻟﺠﻤﺎﻝ ﺍﻟﺮﺑﺎﻧﻲ ﻭﻧﻮﺭ ﺍﻳﻤﺎﻧﻬﺎ ﺍﻟﻮﺍﺿﺢ
ﺟﺎﻧﺖ ﺗﻌﺘﺮﺽ ﻋﻠﻰ ﺣﻜﻢ ﺍﻟﻠﻪ ﻭﺑﻌﺪﻫﺎ ﺗﻮﻋﻰ ﺍﻟﺮﻭﺣﻬﺎ ﻭﺗﺴﺘﻐﻔﺮ ..
ﺑﺲ ﺗﺮﺟﻊ ﺗﻄﻠﺐ ﺑﮕﻠﺐ ﻣﺤﺮﻭﮒ .. ﺍﻧﻪ ﻳﺮﺗﺎﺡ ﻣﻦ ﻭﻛﺖ ﻭﻣﺎﻳﺘﻌﺬﺏ ..
ﺍﺧﺘﺎﺭﺕ ﺗﺤﻤﻞ ﻟﻮﻋﺎﺕ ﺍﻟﺒﻌﺪ ﺑﺲ ﻛﻮﻥ ﻣﺎﺗﺸﻮﻓﻪ ﻳﺘﻮﺟﻊ ﻭﻳﺨﺘﻨﮓ ﻣﻦ ﻳﻜﺢ ..
ﺭﺟﻌﺖ ﺍﻟﻔﺎﺭﺳﻬﺎ ﻭﻫﻲ ﺗﺠﺮ ﺑﻌﺒﺎﺗﻬﺎ ﻭﺍﻣﺎﻟﻬﺎ ﺍﻟﺨﺎﺋﺒﺔ ..
ﻣﺴﺤﺖ ﺩﻣﻮﻋﻬﺎ ﻭﺩﺧﻠﺖ
ﺍﺑﺘﺴﻤﺖ ﻭﺟﺎﻧﺖ ﻣﺸﺘﺮﻳﺘﻠﺔ ﻓﻮﺍﻛﻪ ..
ﻃﻠﻌﺖ ﻗﻄﻌﺔ ﻗﻤﺎﺵ ﻣﻦ ﺟﻴﺒﻬﺎ ﻭﺻﺎﺭﺕ ﺗﻤﺴﺢ ﺍﻟﻔﺎﻛﻬﺔ ﻭﺗﻨﻄﻴﻪ .. ﻃﺒﻌﺎ ﻫﻮ ﻣﺎﻳﺎﻛﻞ ﻭﺍﻻﻟﻢ ﻳﺨﻠﻴﻪ ﻣﺎﻳﺸﺘﻬﻲ ﺑﺲ ﻫﻲ ﺗﺘﻮﺳﻞ ﺑﻲ ﺣﺘﻰ ﻳﺎﻛﻞ ﻗﻠﻴﻞ ﻭﺗﺎﻟﻲ ﻳﺴﺘﻔﺮﻏﻪ ﻣﺎﻳﺘﺤﻤﻞ ﺑﻘﺎﺋﻪ ﺑﻤﻌﺪﺗﻪ ..
ﻭﺑﺎﻻﻳﺎﻡ ﺍﻻﺧﻴﺮﺓ ﻋﺎﺵ ﻋﻠﻰ ﺍﻟﻤﻐﺬﻳﺎﺕ ﺑﻌﺪ ﻣﺎﺧﺒﺮﻫﻢ ﺍﻟﺪﻛﺘﻮﺭ ﺑﺎﻟﻤﺮﺽ ﺍﻟﻲ ﻭﺻﻞ ﺍﻻﺧﺮ ﻣﺮﺍﺣﻠﺔ ..
ﻭﻃﻠﺐ ﻣﻨﻬﻢ :
" ﺍﻧﻲ ﺍﺷﻮﻑ ﺍﻻﺣﺴﻦ ﺗﺎﺧﺬﻭﻩ ﻟﻠﺒﻴﺖ ﺑﻮﺳﻄﻜﻢ ﻳﺮﺗﺎﺡ ﺑﺄﻳﺎﻡ ﺍﻻﺧﻴﺮﺓ ﻻﻥ ﺟﺴﻤﺔ ﻣﺎﺭﺍﺡ ﻳﺴﺘﻘﺒﻞ ﺍﻟﻌﻼﺝ ﻭﺍﻟﻤﺮﺽ ﻣﺴﻴﻄﺮ ﻋﻠﻴﻪ ﻭﺍﺣﺴﻦ ﻣﻤﺎﻳﺘﻌﺬﺏ ﺑﺎﻻﺩﻭﻳﺔ ﺍﺧﺬﻭﻩ ﻳﺮﺗﺎﺡ ﺑﺒﻴﺘﻪ ﺑﺂﺧﺮ ﺍﻳﺎﻣﻪ "
ﺭﺟﻌﺖ ﺣﻤﺪﻳﺔ ﺑﻌﺪ ﻣﺎﺧﺎﺑﺮﺕ ﺍﺑﻮﻫﺎ ﻳﺎﺧﺬﻫﺎ ﻣﻦ ﺑﻐﺪﺍﺩ ﻭﻓﻌﻼ ﺍﺟﺮ ﺳﻴﺎﺭﺓ ﻭﺭﺍﺣﻠﻬﺎ ﻻﻥ ﺣﻤﺎﻫﺎ ﻣﺎﮔﺪﺭ ﻳﺒﻘﻰ ﻭﻳﺎﻫﺎ ﺑﺤﺠﺔ ﺩﻭﺍﻣﻪ ..
ﺟﺎﻧﺖ ﺗﺮﻳﺪ ﺗﺎﺧﺬﻩ ﺍﻟﺒﻴﺖ ﺍﻫﻠﻬﺎ ﺑﻌﺪ ﺍﻟﻲ ﺳﻮﻭﻩ ﺍﻫﻠﻪ ..
ﺑﺲ ﺍﻟﺤﺠﻲ ﺧﻀﻴﺮ ﻣﺎﻗﺒﻞ :
" ﺑﻮﻳﺔ ﺍﻧﻲ ﺍﺫﺍ ﻋﻠﻴﻪ ﺍﺧﻠﻴﻪ ﺑﻴﻦ ﻋﻴﻮﻧﻲ ﻭﻫﻮ ﺑﻴﺘﺞ ﺑﻌﺪ ﺑﺲ ﻳﺒﻮﻱ ﺗﻌﺮﻓﻴﻦ ﻭﺿﻊ ﺭﺟﻠﺞ ﺧﺎﻑ ﺍﻟﻠﻪ ﻳﺎﺧﺬ ﺍﺟﻠﻪ ﻭﺍﻫﻠﺔ ﻳﻄﻠﻌﻮﻧﺎ ﺍﺣﻨﺔ ﺍﻟﻐﻠﻄﺎﻧﻴﻦ ﻭﺍﺧﺬﻧﺎﻩ ﻣﻦ ﻏﻴﺮ ﻋﻠﻤﻬﻢ ﻟﻮ ﻳﮕﻮﻟﻮﻥ ﻣﺎﺕ ﺑﺒﻴﺖ ﻧﺴﺎﺑﺘﻪ .. ﺧﻠﻴﻪ ﺑﻴﻦ ﺍﻫﻠﺔ ﻭﺍﺣﻨﺔ ﻣﺎﻧﻔﺎﺭﮔﺞ ﺍﺑﺪ "
ﺭﻏﻢ ﺍﻟﺪﻛﺘﻮﺭ ﮔﺎﻝ ﻫﺬﻱ ﺍﺧﺮ ﺍﻳﺎﻡ ﺍﻟﻪ .. ﺍﻻ ﺍﻥ ﻗﺪﺭﻩ ﺍﺗﺤﻤﻞ ﺍﺷﻬﺮ ﻳﻠﺔ ﺍﺟﻪ ﺍﺟﻠﻪ ..
ﺳﺒﺤﺎﻥ ﺍﻟﻠﻪ ﺍﻟﻲ ﻻﻳﻌﺮﻑ ﻏﻴﺮﻩ ﺍﻟﻐﻴﺐ ﻭﺍﻻﺟﻞ ..
ﻛﺎﻧﺖ ﺣﻤﺪﻳﺔ ﻛﻞ ﻳﻮﻡ ﺗﻘﺮﺃﻟﻪ ﺍﻟﻌﺪﻳﻠﺔ ﻭﺍﻟﻘﺮﺁﻥ .. ﻭﻣﺮﺍﺕ ﺗﻔﺰ ﺑﺎﻟﻠﻴﻞ ﺗﺘﺤﺴﺲ ﺍﻧﻔﺎﺳﻪ ﺧﺎﻑ ﻳﺘﻨﻔﺲ ﺍﻭ ﻻ ..
ﻋﺬﺍﺑﻬﺎ ﺑﻬﺬﻩ ﺍﻟﻔﺘﺮﺓ ﻓﺎﻕ ﻋﺬﺍﺑﻬﺎ ﻭﺍﻧﺘﻈﺎﺭﻫﺎ ﺍﻟﻪ ﻛﻞ ﺗﻠﻚ ﺍﻟﺴﻨﻴﻦ ..
ﺑﻌﺪ ﻣﺎﻛﺎﻥ ﻓﺎﺭﺱ ﻓﺎﻗﺪ ﻃﻴﻠﺔ ﺍﺳﺎﺑﻴﻊ ..
ﺻﺤﻰ ﺑﺬﻳﺞ ﺍﻟﻠﻴﻠﺔ .. ﺑﺎﻭﻉ ﺍﻟﺤﻤﺪﻳﺔ ﻭﻟﻔﻆ ﺍﺳﻤﻬﺎ
ﺣﻤﺪﻳﺔ .. ﺣﻤﺪﻳﺔ ؟؟
ﺟﺎﻧﺖ ﺗﻘﺮﺃ ﻗﺮﺁﻥ .. ﻧﺰﻋﺖ ﻧﻈﺎﺭﺍﺗﻬﺎ ﻭﺷﻬﮕﺖ ..
ﻓﺎﺭﺱ !!
ﺍﻟﻠﻬﻢ ﺻﻞ ﻋﻠﻰ ﻣﺤﻤﺪ ﻭﺍﻝ ﻣﺤﻤﺪ
ﺍﻟﻠﻪ ﺍﺳﺘﺠﺎﺏ ﺩﻋﺎﺋﻲ ﻭﺻﺤﻴﺖ ﻳﺒﻌﺪ ﺭﻭﺣﻲ ..
ﺍﺑﺘﺴﻢ ﺑﺘﺜﺎﻗﻞ ﻣﻦ ﺍﻻﻟﻢ ﻭﺍﻟﻮﺟﻊ ..
ﻭﺭﺩ ﻋﻠﻴﻬﺎ : " ﺣﻤﺪﻳﺔ ﺳﺎﻣﺤﻴﻨﻲ ﺗﻌﺒﺘﺞ ﻭﻳﺎﻱ ﻭﺻﺒﺮﺗﻲ ﻫﻮﺍﻱ ﺟﻨﺖ ﺍﺗﻤﻨﻰ ﻣﻦ ﺍﻟﻠﻪ ﻳﻨﻄﻴﻨﻲ ﻃﻮﻟﺖ ﺍﻟﻌﻤﺮ ﻭﺍﻋﻮﺿﺞ ﻋﻦ ﻛﻞ ﺫﻳﺞ ﺍﻟﺴﻨﻴﻦ ﺍﻟﻲ ﺭﺍﺣﺖ ﺣﺘﻰ ﻃﻔﻞ ﻣﺎﺍﻧﻄﻴﺘﺞ ﺫﻛﺮﻯ ﻣﻨﻲ ..
ﺑﺲ ﺍﺭﻳﺪﺝ ﺗﺴﺎﻣﺤﻴﻨﻲ ..
ﺍﻧﺘﻲ ﺍﻧﺘﻈﺮﺗﻲ ﻭﺗﻌﺒﺘﻲ ﻭﺻﺒﺮﺗﻲ .. ﻭﺍﻧﻲ ﻣﺎﺟﻨﺖ ﺻﺎﺩﮒ ﻭﻳﺎﺝ ..
ﺍﻧﻲ ﻳﺤﻤﺪﻳﺔ ﻣﺎﺟﻨﺖ ﺍﺧﻠﻒ .. ﻭﺷﮕﺪ ﺭﺩﺕ ﺍﻋﺎﻟﺞ ﺭﻭﺣﻲ ﻭﻣﺎﻛﻮ ﻓﺎﻳﺪﺓ ﺑﺲ ﻣﺎﮔﻠﺘﻠﺞ ﺧﻔﺖ ﺗﻌﻮﻓﻴﻨﻲ ﻭﺳﻜﺘﺖ
ﻟﻴﻦ ﻣﺎﺍﻟﻠﻪ ﻋﺎﻗﺒﺘﻲ ﻭﺍﺗﺄﺳﺮﺕ ﻭﺧﻠﻴﺘﺞ ﺑﺮﻭﺣﺞ ﻭﺣﻴﺪﺓ
ﺗﻨﺘﻈﺮﻳﻦ ..
ﺟﻨﺖ ﺍﺩﻋﻲ ﺗﻜﻮﻧﻴﻦ ﻣﺘﺰﻭﺟﺔ ﻭﻣﺮﺗﺎﺣﺔ ﻭﻫﻴﺞ ﺍﺑﺮﻱ ﺫﻣﺘﻲ ﺑﺲ ﺿﺠﺖ ﺍﻛﺜﺮ ﺭﻏﻢ ﻓﺮﺣﺘﻲ ﻣﻦ ﺭﺟﻌﺖ ﻭﻟﮕﻴﺘﺞ ﻣﻨﺘﻈﺮﺗﻨﻲ ..
ﺣﺘﻰ ﺑﻬﻴﺞ ﻟﺤﻈﺔ ﻭﺍﻧﻲ ﺍﻧﺎﻧﻲ ﻓﻜﺮﺕ ﺑﺲ ﺑﺮﻭﺣﻲ ..
ﺣﺎﻟﺘﻲ ﺍﻟﻨﻔﺴﻴﺔ ﺟﺎﻧﺖ ﺗﻌﺒﺎﻧﻪ ﻭﺍﺫﻳﺘﺞ ﻫﻮﺍﻱ ﺑﻠﻜﻦ ﺗﻤﻠﻴﻦ ﻭﺗﻌﻮﻓﻴﻨﻲ ﺑﺲ ﻃﻠﻌﺘﻲ ﺑﻨﺖ ﺍﺻﻞ ..
ﺍﺗﺤﻤﻠﺘﻴﻨﻲ ﻭﺻﺒﺮﺗﻲ . ﻛﻞ ﻟﻴﻠﺔ ﺍﺳﻤﻊ ﺑﺠﻴﺞ ﻭﺩﻋﺎﺋﺞ ﺍﻟﻲ ﺭﻏﻢ ﺍﻧﻲ ﻛﻠﺸﻲ ﻣﺎﻣﻨﻄﻴﺞ ﻻﺣﻨﺎﻥ ﻭﻻ ﺣﺐ ﻣﻦ ﻳﻮﻡ ﺍﻻﺟﻴﺖ ..
ﺩﻣﻮﻋﺞ ﺟﺎﻧﻦ ﻳﮕﻄﻌﻦ ﺟﺒﺪﻱ .. ﺍﻫﻠﻲ ﻭﺍﻣﻲ ﻣﺎﺷﻔﺘﻬﻢ ﺳﻮﻭ ﺍﻟﻲ ﺳﻮﺗﻴﻪ ..
ﺍﺭﻳﺪﺝ ﺗﺴﺎﻣﺤﻴﻨﻲ ﺣﻤﺪﻳﺔ .. ﻭﺗﺒﺮﻳﻠﻲ ﺍﻟﺬﻣﺔ ..
ﻭﺻﺪﮔﻲ ﺑﺤﻴﺎﺗﻲ ﻣﺎﺣﺒﻴﺖ ﻏﻴﺮﺝ ﻭﻟﻬﺬﺍ ﺍﻟﺴﺒﺐ ﺻﺮﺕ ﺍﻧﺎﻧﻲ ﻭﻣﺎﮔﻠﺘﻠﺞ ..
ﺳﺎﻣﺤﻴﻨﻲ ﻳﺤﻤﺪﻳﺔ "
ﺣﻤﺪﻳﺔ ﺗﺴﻤﻊ ﻛﻼﻣﺔ ﻭﺗﺒﺠﻲ .. ﺩﻧﮕﺖ ﻭﺑﺎﺳﺖ ﺭﺍﺳﻪ
" ﺍﻧﺖ ﺍﺑﻨﻲ ﻭﺭﺟﻠﻲ ﻭﺣﺒﻴﺒﻲ ﻣﺎﺍﺭﻳﺪ ﻻﻭﻟﺪ ﻭﻻ ﻭﻧﻴﺲ ﻏﻴﺮﻙ .. ﺷﻠﻲ ﺑﺪﻧﻴﺘﻲ ﻭﺍﻧﺖ ﻣﺎﺑﻴﻬﺎ "
" ﻧﺎﻡ ﻭﺍﺭﺗﺎﺡ ﻻﺗﻌﺐ ﺭﻭﺣﻚ .. ﻣﻦ ﺗﺮﻭﺣﻠﻚ ﺣﻤﺪﻳﺔ ﺳﺒﻊ ﻓﺪﻭﺍﺕ ﻭﻟﻮ ﻳﻨﺪﺍﺭ ﻣﻦ ﻋﻤﺮﻱ ﺍﻟﻌﻤﺮﻙ ﺟﺎﻥ ﺍﻧﻄﻴﺘﻚ ﻭﺍﻋﻮﺿﻚ ﻋﻦ ﺍﻟﺴﻨﻴﻦ ﺍﻟﻲ ﺭﺍﺣﻦ ﻣﻨﻚ "
ﻃﻠﻌﺖ ﻣﻦ ﺍﻟﻐﺮﻓﺔ ﻭﻣﺎﺍﺗﺤﻤﻠﺖ ﻛﻼﻣﺔ ﺭﻏﻢ ﻓﺮﺣﺎﻧﺔ ﺳﻤﻌﺖ ﺻﻮﺗﻪ ﻣﻦ ﺑﻌﺪ ﺷﻬﺮ ﻭﻫﻮ ﻓﺎﻗﺪ ..
ﺷﻜﺮﺕ ﺭﺑﻬﺎ ﺍﻟﻲ ﺧﻼﻩ ﻳﺼﺤﻰ ﻭﺑﻠﻜﻦ ﻳﺮﺟﻊ ﻭﻳﺼﻴﺮ ﺯﻳﻦ
ﻗﺮﺭﺕ ﺗﺮﺟﻊ ﺑﻲ ﺍﻟﺒﻐﺪﺍﺩ ﺑﻌﺪ ﻣﺎﺻﺎﺭ ﺍﺷﻬﺮ ﻭﻫﻮ ﺑﻌﺪﺓ ﻭﻳﺎﻫﻢ ﻣﻌﻨﺎﻫﺎ ﻫﺬﺍ ﺍﻟﺪﻛﺘﻮﺭ ﻣﺎﻳﻔﺘﻬﻢ ﻭﺗﺸﺨﻴﺼﻪ ﺧﻄﺄ
ﺭﺟﻌﺖ ﻟﮕﺘﻪ ﻧﺎﻳﻢ .. ﺗﻘﺮﺑﺖ ﻳﻤﺔ ﻭﺗﻤﺪﺩﺕ ﻭﺻﺎﺭﺕ ﺗﺴﻮﻟﻒ ﻭﻳﺎﻩ ﻭﺗﺬﻛﺮﻩ ﺑﺄﻳﺎﻣﻬﻢ ﻗﺒﻞ ﺍﻻﺳﺮ ﻭﺳﻮﺍﻟﻔﻬﻢ ..
ﺑﺎﻭﻋﺘﻠﻪ ﻭﺻﺎﺭﺕ ﺗﺘﻠﻤﺲ ﻭﺟﻬﺔ ﺍﻟﺘﻌﺒﺎﻥ ﻭﺍﻟﺸﺎﺣﺐ ..
ﺻﻔﻨﺖ ﻋﻠﻴﻪ ﻭﻗﺮﺑﺖ ﺍﻳﺪﻫﺎ ﺍﻟﺨﺸﻤﻪ ..
ﻓﺰﺕ ﻣﻦ ﻣﻜﺎﻧﻬﺎ ﻭﺍﺑﺘﻌﺪﺕ .. ﺑﻌﺪﻫﺎ ﺗﻘﺮﺑﺖ ﺍﻟﻪ ﺧﻠﺖ ﺍﺫﺍﻧﻬﺎ ﻋﻠﻰ ﺻﺪﺭﺓ ﻭﺻﺎﺭﺕ ﺗﺤﺮﻙ ﺑﻲ ..
ﺷﺒﺴﺮﻋﻪ ﻓﺎﺭﮔﻬﺎ ﻫﺴﺎ ﺟﺎﻥ ﻳﺤﺠﻲ ﻭﻳﺎﻫﺎ ﺷﺒﺴﺮﻋﻪ ﺭﺍﺡ
ﻫﺴﺎ ﺻﺤﻰ ﻭﻛﻠﺸﻲ ﻣﺎﺑﻲ ﺷﻠﻮﻥ ﻳﻌﻮﻓﻬﺎ ..
ﮔﺎﻣﺖ ﻋﻨﻪ ﻭﻃﻠﻌﺖ ﺑﺮﺓ ﺳﺪﺕ ﺑﺎﺏ ﺍﻟﻐﺮﻓﻪ ﻭﺻﺎﺣﺖ ﺍﺗﺠﻤﻊ ﺍﻟﺒﻴﺖ ﻋﻠﻴﻬﺎ ..
ﺧﺒﺮﺗﻬﻢ ﺑﻮﻓﺎﺗﻪ ..
ﺑﺲ ﻫﻲ ﺑﻘﺖ ﺟﺎﻣﺪﺓ ﺑﻤﻜﺎﻧﻬﺎ ..
ﺍﻟﺘﻤﺖ ﻛﻠﻬﺎ ﺑﺬﻳﺞ ﺍﻟﻠﻴﻠﺔ ﺣﺘﻰ ﺍﻫﻠﻬﺎ ﺑﺲ ﻫﻲ ﻣﺎﺟﺎﻧﺖ ﻣﺴﺘﻮﻋﺒﺔ ..
ﺍﻭ ﻣﺎﺗﺮﻳﺪ ﺗﺼﺪﮒ ﻓﺎﺭﺳﻬﺎ ﺧﻠﺺ ﺭﺍﺡ ﻭﺑﻌﺪ ﻣﺎﻳﺠﻲ ..
ﻭﻓﻲ ﻏﻴﺎﺑﻚ
ﺟﻠﺴﺖ ﺍﺧﻴﻂ ﺩﻗﺎﺋﻖ ﺍﻟﻮﻗﺖ
ﺑﺨﻴﻮﻁ ﺍﻟﺤﻨﻴﻦ
ﻟﻴﻜﺘﻤﻞ ﺛﻮﺏ ﺍﻧﺘﻈﺎﺭﻙ
ﻟﻜﻦ ﺳﺮﻋﺎﻥ ﻣﺎﺗﻤﺰﻕ ﺫﻟﻚ ﺍﻟﺜﻮﺏ
ﻭﺭﺣﻠﺖ ﻋﻨﻲ ﺑﺴﺮﻋﺔ ..
ﻟﻜﻦ ﻫﺬﻩ ﺍﻟﻤﺮﺓ ﺭﺣﻴﻠﻚ ﺩﻭﻥ ﺭﺟﻌﺔ !!
ﺟﺎﻧﺖ ﺭﺿﺎﺀ ﻳﻤﻬﺎ ﻣﺎﺗﺮﻛﺘﻬﺎ ﺍﺑﺪ ..
ﺣﺘﻰ ﺣﻜﻤﺖ ﻣﺎﺭﺍﺡ ﻫﺎﻻﺳﺒﻮﻉ ﺍﻟﺒﻐﺪﺍﺩ ﻭﺑﻘﻰ ﺍﻟﻰ ﺍﻥ ﺧﻠﺼﺖ ﺍﻟﻔﺎﺗﺤﺔ ..
ﺭﺟﻌﻮﺍ ﻟﻠﺒﻴﺖ ﻭﻭﻳﺎﻫﻢ ﺣﻤﺪﻳﺔ ﺍﻟﻲ ﺭﺟﻌﺖ ﺍﻟﻨﻔﺲ ﺍﻟﺒﻴﺖ ﺑﻌﺪ ﺳﻨﺘﻴﻦ ﻣﻦ ﻃﺒﻴﻌﺘﻬﺎ ﻣﻨﻪ ﻭﻫﻲ ﻓﺮﺣﺎﻧﺔ ﺑﺨﺒﺮ ﺭﺟﻮﻋﻪ
ﺳﻨﺘﻴﻦ ﻣﺎﺍﺗﻬﻨﺖ ﻭﻻﺷﺎﻓﺖ ﺑﻴﻬﻢ ﻳﻮﻡ ﺣﻠﻮ ..
ﺟﺎﻧﺖ ﺗﺤﻠﻢ ﺑﺄﺣﻼﻡ ﻭﺭﺩﻳﺔ ﺍﻟﺮﺟﻮﻋﻪ .. ﻭﺗﺎﻟﻲ ﻣﺎﻃﻮﻝ ﻭﺭﺍﺡ ﻭﺗﺮﻛﻬﺎ ﺍﻟﻨﻔﺲ ﺍﻻﻟﻢ ﺑﺲ ﻫﺎﻟﻤﺮﺓ ﻣﺘﺄﻛﺪﺓ ﺑﺮﺣﻴﻠﺔ ﺑﺪﻭﻥ ﺭﺟﻌﺔ .
ﻫﺎﻟﻤﺮﺓ ﺗﺒﺠﻲ ﻋﻠﻰ ﻓﺮﺍﮔﻪ ﻣﻮ ﻋﻠﻰ ﺍﻧﺘﻈﺎﺭﻩ ..
ﺩﺧﻠﺖ ﺻﺎﻓﻨﻪ ﻭﻣﺎﺗﺤﺠﻲ .. ﺩﺧﻠﺘﻬﺎ ﺭﺿﺎﺀ ﻟﻠﻐﺮﻓﻪ ﻧﻮﻣﺘﻬﺎ
ﺑﻘﺖ ﺗﺒﺎﻭﻉ ﻟﻠﺴﮕﻒ ﻭﺻﺎﻓﻨﺔ ..
ﺩﺧﻠﺖ ﻟﻤﻴﻌﺔ ﻭﺑﺘﻮﻝ ﻭﻭﺳﻦ ﺍﻟﻲ ﺑﻄﻨﻬﺎ ﻛﺒﺮﺍﻧﺔ ﻭﻣﺒﻴﻦ ﺍﺗﻘﺮﺏ ﻣﻮﻋﺪ ﻭﻻﺩﺗﻬﺎ ..
ﺣﺠﺖ ﻟﻤﻴﻌﺔ " ﻫﺎﻱ ﺑﺲ ﻻ ﺻﺎﺭ ﺑﻴﻬﺎ ﻣﺜﻞ ﺑﺜﻴﻨﺔ ﻣﻦ ﻣﺎﺕ ﺣﺴﻦ ﻫﻢ ﻫﻴﺞ ﺑﻘﺖ ﺗﺘﺼﻔﻦ ﻭﺗﺴﻮﺩﻧﺖ ﻟﻤﺎ ﻣﺎﺗﺖ "
ﺷﻬﮕﺖ ﺭﺿﺎﺀ " ﺍﺳﻢ ﺍﻟﻠﻪ ﻋﻠﻴﻬﺎ ﻫﻲ ﻣﺼﺪﻭﻣﺔ ﻣﺎﺑﻴﻬﺎ ﺷﻲ ﻟﻴﺶ ﺗﻔﺎﻭﻟﻦ ﻋﻠﻴﻬﺎ "
ﺭﺩﺗﻬﺎ ﻟﻤﻴﻌﺔ " ﺷﻮ ﻃﺎﻳﻞ ﺍﻟﺴﺎﻧﺞ ﻗﺎﺑﻞ ﺟﺬﺏ ﻫﺴﺎ ﺗﺸﻮﻓﻴﻦ "
ﺗﻌﺼﺒﺖ ﺭﺿﺎﺀ ﻭﻃﺮﺩﺗﻬﻦ " ﺍﻃﻠﻌﻦ ﻳﻠﺔ ﺧﻠﻨﻬﺎ ﺗﺮﺗﺎﺡ "
ﺣﺠﺖ ﺑﺘﻮﻝ " ﺷﮕﻠﺘﻠﺞ ﻋﻤﺔ ﺍﻟﻈﺎﻫﺮ ﺣﺠﻲ ﻣﻬﺪﻱ ﺻﺪﮒ ﻭﺗﺎﻟﻲ ﻧﻠﮕﻲ ﺭﻭﺣﻨﺎ ﺑﺎﻟﺸﺎﺭﻉ "
ﺧﺰﺭﺗﻬﺎ ﻟﻤﻴﻌﺔ ﻭﻃﻠﻌﻦ .. ﺑﻘﺖ ﺻﺎﻓﻨﺔ ﺭﺿﺎﺀ ﻋﻠﻰ ﻛﻼﻣﻬﺎ ﻭﺗﺮﻳﺪ ﺗﻌﺮﻑ ﺷﺘﻘﺼﺪ ﺑﺘﻮﻝ ..
ﺑﺎﻭﻋﺖ ﺍﻟﻌﻤﺘﻬﺎ ﻭﺻﺎﺭﺕ ﺗﺘﻮﺳﻞ ﺑﻴﻬﺎ ﺗﺎﻛﻞ ﺷﻲ ﻟﻮ ﺗﺼﺤﻰ ﻣﻦ ﺍﻟﺼﺪﻣﺔ .. ﺑﺲ ﺣﻤﺪﻳﺔ ﺟﺎﻧﺖ ﺑﻌﺎﻟﻢ ﺛﺎﻧﻲ ..
ﻃﻠﻌﺖ ﻣﻦ ﺍﻟﻐﺮﻓﻪ ﺷﺎﻓﺖ ﺣﻜﻤﺖ ﻭﺟﺪﻩ ﺭﺍﺣﻮﺍ ﻟﻠﺪﻳﻮﺍﻧﻴﺔ
ﺍﺳﺘﻐﺮﺑﺖ ﺷﺼﺎﻳﺮ ؟؟
ﺑﻌﺪﻫﺎ ﺭﺍﺣﺖ ﻟﻠﻤﻄﺒﺦ ﺗﺴﻮﻱ ﺳﻮﺏ ﺩﺟﺎﺝ ﺍﻟﻌﻤﺘﻬﺎ ﻳﻘﻮﻳﻬﺎ ﺷﻮﻳﻪ ..
ﺻﺎﺣﺖ ﺑﺴﻤﺔ ﺍﺟﺖ ﺗﺮﻛﺾ
" ﻫﺎ ﻋﻤﺔ ﻋﻤﺔ "
" ﺗﻌﺎﻱ ﻳﻤﺔ ﻃﻠﻌﻴﻠﻲ ﮔﺪﺭ ﻣﻦ ﺍﻟﻜﺎﻭﻧﺘﺮ ﻣﺎﺍﮔﺪﺭ ﺍﺩﻧﺞ "
ﺭﺩﺕ ﺑﺴﻤﺔ ﻭﻫﻲ ﺗﻄﻠﻊ ﺍﻟﮕﺪﺭ
" ﻋﻤﺔ ﻣﺎﻋﻨﺪﻱ ﺍﺳﻮﺩ ﺍﺳﻮﺩ ﺍﻟﺒﺲ "
ﺑﺎﻭﻋﺘﻠﻬﺎ ﺭﺿﺎﺀ " ﻻﻳﻤﺔ ﻻﺗﻠﺒﺴﻴﻦ ﺑﻌﺪﺝ ﺻﻐﻴﺮﺓ ﺷﻔﺘﻲ ﻣﻦ ﺣﻴﺎﺗﺞ ﻭﻣﺎﻳﺼﻠﺢ ﻋﻠﻰ ﺍﺑﻨﻲ "
ﺭﺩﺕ ﻋﻠﻴﻬﺎ ﺑﺘﻮﻝ ﺍﻟﻲ ﺟﺎﻳﺔ ﺗﻄﺒﺦ ﻭﺗﺴﻤﻊ ﺣﺠﻴﻬﻦ
" ﻻ ﺧﻠﻴﻬﺎ ﺗﻠﺒﺲ ﺣﺎﻟﻬﺎ ﻣﻦ ﺣﺎﻟﻨﺎ ﻓﺸﻠﺔ ﺍﻟﻴﺠﻲ ﻳﺸﻮﻓﻬﺎ ﺷﻴﮕﻮﻝ .. ﻋﻠﻤﻮﺩ ﺭﺿﻮﺓ ﺗﺨﺎﻑ ﻋﻠﻰ ﺍﺑﻨﻬﺎ ﻟﻮ ﻧﺨﺎﻑ ﺟﺎﻥ ﻛﻠﻨﺎ ﻣﺎﻟﺒﺴﻨﺎ ﺷﻮ ﺟﺒﻨﺎﻫﺎ ﺣﺰﻥ ﺑﺤﺰﻥ ﻣﻦ ﺣﺴﻦ ﻟﺴﺎ "
ﺳﻜﺘﺖ ﺭﺿﺎﺀ ﻭﻣﺎﺭﺩﺕ ﻋﻠﻴﻬﺎ ..
ﺣﻜﻤﺖ :
ﻣﻦ ﺧﻠﺼﺖ ﺍﻟﻔﺎﺗﺤﺔ ﻭﺭﺟﻌﻨﺎ ﻟﻠﺒﻴﺖ ﺑﻌﺪ ﺛﻼﺙ ﺍﻳﺎﻡ ﻭﻻﺯﻡ ﺍﺭﺟﻊ ﻟﻠﻜﻠﻴﺔ .
ﮔﻠﺖ ﺍﻓﺘﺢ ﻭﻱ ﺟﺪﻱ ﺍﻟﻤﻮﺿﻮﻉ ﻣﺎﻝ ﺑﺴﻤﺔ ﻭﺍﻃﻠﺐ ﻣﻨﻪ ﻧﻌﻘﺪ ﻣﺤﻜﻤﺔ ﻫﺎﻱ ﺩﻧﻴﺎ ﻣﺎﻧﻌﺮﻑ ﺷﻴﺼﻴﺮ ..
ﺣﺠﻴﺖ ﻭﻱ ﺟﺪﻱ ﻓﺮﺡ ﻟﻦ ﺻﺎﺭﺕ ﺑﺴﻤﺔ ﻣﺮﺗﻲ .. ﻭﮔﺎﻝ ﺍﻟﻌﺼﺮ ﺍﺩﺯ ﻃﺎﺭﺵ ﺍﻻﺑﻮﻫﺎ ﺍﻗﺼﺪ ﺧﺎﻟﻬﺎ ﻻﻥ ﻳﻌﺘﺒﺮ ﻭﻟﻲ ﺍﻣﺮﻫﺎ ﻫﻮ ..
ﻭﺑﺎﺟﺮ ﺗﺎﺧﺬﻫﺎ ﻭﺗﻌﻘﺪﻭﻥ ﻣﺤﻜﻤﺔ ..
ﺟﺎﻥ ﺍﻛﻮ ﺷﻲ ﻣﻀﻴﮓ ﺧﻠﮕﻲ ﻣﺎﺍﻋﺮﻑ ﺷﻨﻮ ؟
ﻭﻫﻢ ﺿﺠﺖ ﻣﻦ ﻋﻤﺎﻣﻲ ﻭﺯﻋﻠﻬﻢ ﻋﻠﻴﻪ ﻻﻥ ﻣﺎﮔﻠﺘﻠﻬﻢ ﻋﻠﻰ ﺯﻭﺍﺟﻲ ﻭﺟﻨﺖ ﻋﺒﺎﻟﻲ ﺟﺪﻱ ﻣﺨﺒﺮﻫﻢ ﺑﺲ ﻻﻥ ﺻﺎﺭﺕ ﺑﺴﺮﻋﻪ ﻭﺟﻨﺖ ﺿﺎﻳﺞ ﻣﺎﺍﺟﻮﺍ ﺑﺒﺎﻟﻲ ..
ﺣﺘﻰ ﺑﻔﺎﺗﺤﺔ ﻋﻤﻲ ﻓﺎﺭﺱ ﻣﺎﺍﺟﻮﺍ ﻻ ﻫﻢ ﻭﻻﺧﻮﺍﻟﻬﻢ ﻭﺟﺪﻱ ﺍﺧﺬ ﻋﻠﻰ ﺧﺎﻃﺮﻩ ﻣﻨﻬﻢ ..
ﻃﻠﻌﺖ ﻣﻦ ﺍﻟﺪﻳﻮﺍﻧﻴﺔ ..
ﺻﺎﺭﺕ ﺑﺴﻤﺔ ﮔﺒﺎﻟﻲ .. ﺳﺤﺒﺘﻨﻲ ﻣﻦ ﺍﻳﺪﻱ ..
" ﺣﻜﻤﺖ ﺣﻜﻤﺖ ﺍﺭﻳﺪﻙ ﺍﺭﻳﺪﻙ "
ﻋﺎﻳﻨﺖ ﻋﻠﻴﻬﺎ ﻣﺒﺘﺴﻢ " ﻫﺎ ﺑﺴﻤﺘﻲ ﺷﻮ ﺟﻨﻬﺎ ﻃﺎﻟﻌﻪ ﻋﻴﻨﺞ "
ﺻﻔﻨﺖ ﻋﻠﻴﻪ " ﺷﺘﺤﺠﻲ ﺷﺘﺤﺠﻲ ﺍﻧﺖ "
ﺭﺩﻳﺖ " ﻻ ﻫﻴﺞ ﻣﺎﺣﺠﻴﺖ ﮔﻠﻴﻠﻲ ﺷﺘﺮﺩﻳﻦ ﻣﻨﻲ "
" ﺍﺭﻳﺪ ﺍﺭﺍﻭﻳﻚ ﺷﻐﻠﺔ ﺍﺻﻌﺪ ﺍﺻﻌﺪ ﻭﻳﺎﻱ "
ﺻﻌﺪﺕ ﻭﻳﺎﻫﺎ ﻟﻔﻮﮒ ﻟﮕﻴﺘﻬﺎ ﮔﺎﻟﺒﺔ ﺍﻟﻐﺮﻓﺔ ﻛﻠﻬﺎ ..
ﺻﻔﻨﺖ ﻋﻠﻴﻬﺎ ﺷﻨﻲ ﻫﺎﻱ ﻟﻴﺶ ﻫﻴﺞ ﻣﺴﻮﻳﻪ
ﺍﺑﺘﺴﻤﺖ " ﺿﺎﻋﺖ ﮔﻼﺩﺗﻲ ﺍﻡ ﻟﻴﻠﻮ ﺿﺎﻋﺖ ﺩﻭﺭﻫﺎ ﻭﻳﺎﻱ ﺩﻭﺭﻫﺎ "
ﺻﻔﻨﺖ ﻋﻠﻴﻬﺎ ﻗﺼﺪﺝ ﮔﻼﺩﺗﺞ ﺍﻟﺬﻫﺐ .. ﻫﺰﺕ ﺭﺍﺳﻬﺎ .
ﻫﻲ ﺗﺴﻤﻴﻬﺎ ﺍﻡ ﻟﻴﻠﻲ ﻻﻥ ﻫﻲ ﻣﺜﻞ ﺍﻟﺴﺒﺤﺔ ﻭﺑﻴﻬﺎ ﻛﺮﺍﺕ ﺫﻫﺒﻴﻪ ..
ﺭﺣﺖ ﻟﻠﻜﻨﺘﻮﺭ ﻓﺘﺤﺘﻪ ﻭﻓﺘﺤﺖ ﺍﻟﺼﻨﺪﻭﮒ ﺍﻟﻲ ﺑﻴﻬﺎ ﺫﻫﺒﻬﺎ ﻣﺎﻟﮕﻴﺘﻬﺎ ﻭﺑﺎﻗﻲ ﺍﻟﺬﻫﺐ ﻣﻮﺟﻮﺩ ..
ﻣﺒﻴﻨﺔ ﻣﺎﺧﻮﺫﺓ ﻳﻌﻨﻲ ﻣﺎﺿﺎﻳﻌﻪ ﻻﻥ ﺑﺴﻤﺔ ﻣﺎﺗﻠﺒﺲ ﺑﺎﻟﺒﻴﺖ ﻭﺍﺻﻼ ﺍﻧﻲ ﺿﺎﻣﻬﻦ ﺑﻴﺪﻱ ﺟﻮﺓ ﺍﻟﺠﺮﺍﺟﻒ .
ﺳﺄﻟﺘﻬﺎ " ﻫﻢ ﺍﺣﺪ ﻳﺪﺧﻞ ﺍﻟﻐﺮﻓﺔ "
ﻫﺰﺕ ﺭﺍﺳﻬﺎ " ﻻ ﻻ "
" ﺍﻧﺘﻲ ﺗﻘﻔﻠﻴﻬﺎ ﻣﺜﻞ ﻣﺎﮔﻠﺘﻠﺞ " ﺻﻔﻨﺖ ﻭﺭﺩﺕ
" ﺍﻱ ﺑﺲ ﻋﻤﺘﻲ ﺑﺘﻮﻝ ﺑﺘﻮﻝ ﻣﺎﺗﻘﺒﻞ ﻣﺎﺗﻘﺒﻞ "
ﻋﻜﻔﺖ ﺣﺎﺟﺒﻲ " ﻟﻴﺶ ﻣﺎﺗﻘﺒﻞ "
ﺗﮕﻮﻝ " ﻋﻴﺐ ﻋﻴﺐ ﺗﻘﻔﻠﻴﻬﺎ ﺗﻘﻔﻠﻴﻬﺎ "
ﻧﺰﻟﺖ ﻟﺠﻮﺓ ﺻﺤﺖ " ﻳﻤﺔ ﻳﻤﺔ "
ﻃﻠﻌﺖ ﻛﻠﻬﺎ ﻣﻦ ﺍﻟﻤﻄﺒﺦ ﻭﺟﺪﻱ ﺍﺟﺔ ﻣﻦ ﺍﻟﺪﻳﻮﺍﻧﻴﺔ
" ﺷﻜﻮ ﺣﻜﻤﺖ ﺷﺒﻴﻚ ﺗﺼﻴﺢ "
ﻋﺎﻳﻨﺖ ﻋﻠﻴﻬﻦ ﻭﮔﻠﺖ " ﺳﺒﺤﺔ ﺑﺴﻤﺔ ﻣﺎﻫﻲ ﻭﻳﻨﻬﺎ "
ﺭﺩﺕ ﺑﻴﺒﺘﻲ ﻟﻤﻴﻌﺔ " ﺷﻮ ﺗﻌﺎﻳﻦ ﻋﻠﻴﻨﺎ ﻗﺎﺑﻞ ﺑﺎﻳﮕﻴﻬﺎ ﺗﻠﮕﻴﻬﺎ ﺷﻮ ﻭﻳﻦ ﺩﺍﺣﺴﺘﻬﺎ ﻭﻫﻲ ﻋﻘﻠﻬﺎ ﻋﻠﻰ ﮔﺪﻫﺎ … .
ﻗﺎﻃﻌﺘﻬﺎ ﻭﺻﺤﺖ
" ﺑﺴﻤﺔ ﻋﻘﻠﻬﺎ ﻣﻮ ﻋﻠﻰ ﮔﺪﻫﺎ ﻛﻠﺸﻲ ﺗﻔﻬﻢ ﻭﺗﻌﺮﻑ ﺑﺲ ﺍﻧﺘﻮ ﺍﻟﻲ ﺳﻮﺩﻧﺘﻮﻫﺎ ﺑﺤﺠﻴﻜﻢ "
ﻭﻫﺴﺎ ﻛﻮﻥ ﻭﻳﻨﻬﺎ ﻻﺗﺨﻠﻨﻲ ﺍﺩﻭﺭ ﺍﻟﻐﺮﻑ ﺑﻴﺪﻱ
ﺻﺎﺡ ﺟﺪﻱ .. " ﺍﻧﺖ ﺷﺎﻙ ﺑﺄﺣﺪ ﻳﺤﻜﻤﺖ "
ﺟﺎﻭﺑﺘﺔ " ﺍﻱ ﺷﺎﻙ ﻻ ﻭﻣﺘﺄﻛﺪ ﺑﻌﺪ ﺑﺲ ﺍﺣﺴﻦ ﻣﻤﺎ ﺍﻓﺘﺶ ﻏﺮﻓﺘﻬﺎ ﺑﻴﺪﻱ ﺧﻠﻴﻬﺎ ﺗﻄﻠﻌﻬﺎ ﻻﻋﺒﺎﻟﻜﻢ ﺑﺴﻤﺔ ﻣﺎﻟﻬﺎ ﺍﺣﺪ ﻳﺪﺍﻓﻌﻠﻬﺎ ﺍﻧﺘﻦ ﺍﻣﻬﺎﺗﻨﺎ ﻭﺍﻟﻤﻔﺮﻭﺽ ﺗﺨﺎﻓﻦ ﻋﻠﻰ ﺣﻼﻟﻬﺎ ﻣﻮ ﺗﺎﺧﺬﻧﻪ "
ﺍﻣﻲ ﺧﺰﺭﺗﻨﻲ ﺭﺩﻳﺘﻬﺎ " ﻳﻤﺔ ﻻﺗﺨﺰﺭﻳﻦ ﺍﻧﻲ ﻣﺎﻗﻠﻠﺖ ﺍﺩﺏ ﺍﺣﺠﻲ ﺍﻟﺼﺮﺍﺣﺔ ﺍﻥ ﺟﻨﺖ ﺍﺳﻜﺖ ﻋﻦ ﺣﻘﻲ ﻓﻤﺰﺍﺟﻲ ﺍﻣﺎ ﺣﻖ ﺑﺴﻤﺔ ﻓﺂﺧﺬﻩ ﻟﻮ ﺑﺎﻟﮕﻮﺓ "
ﻭﻫﺴﺎ ﺍﻟﻲ ﻣﺎﺧﺬﺗﻬﺎ ﺗﺮﺟﻌﻬﺎ ﻭﻣﻦ ﻏﻴﺮ ﻣﺎﺍﺣﺪ ﻳﺪﺭﻱ ..
ﺻﺎﺣﺖ ﻋﻤﺘﻲ ﺑﺘﻮﻝ " ﺍﮔﻠﻚ ﺍﻧﺖ ﻣﻮ ﺗﺴﺘﻘﻮﻱ ﻋﻠﻴﻨﺎ ﺧﻠﻲ ﻳﺠﻲ ﻣﻬﺪﻱ ﻭﻳﻌﺮﻓﻚ ﺣﺪﻭﺩﻙ ﻻﻥ ﺍﻟﻈﺎﻫﺮ ﺍﻧﺖ ﺷﺨﺖ ﻳﻮﻡ ﺩﺧﻠﺖ ﻃﺒﻴﻪ ﻭﺗﺮﻳﺪ ﺗﻤﺸﻴﻨﺎ ﻋﻠﻰ ﻣﺮﺍﻣﻚ "
ﺿﺤﻜﺖ " ﺯﻳﻦ ﻋﻤﺔ ﺍﺫﺍ ﺍﻧﻲ ﻏﻠﻄﺎﻥ ﺍﺻﻌﺪﻱ ﻭﻳﺎﻱ ﺍﻧﺘﻲ ﻭﺍﻣﻲ ﺍﻟﻐﺮﻓﺘﺞ ﻭﺧﻠﻴﻨﺎ ﻧﺪﻭﺭ ﻭﺍﺫﺍ ﻣﺎﻃﻠﻌﺖ ﻋﻨﺪﺝ ﺍﺩﻧﮓ ﻋﻠﻰ ﺭﺍﺳﺞ ﻭﺍﺑﻮﺳﻬﺎ ﻭﺍﻟﻲ ﺗﺮﺩﻳﻪ ﻳﺼﻴﺮ "
ﺻﺎﺭﺕ ﺗﻤﺘﻤﺖ ﺍﺷﺮﺕ ﺍﻻﻣﻲ ﻭﮔﻠﺘﻠﻬﺎ " ﻳﻠﺔ ﻋﻤﺔ ﺷﺒﻴﺞ ﺻﻔﻨﺘﻲ ﺍﺫﺍ ﻣﻮ ﻋﻨﺪﺝ ﻟﻴﺶ ﺧﺎﻳﻔﻪ "
ﺻﻌﺪﺕ ﮔﺪﺍﻣﻬﻦ ﻭﻫﻦ ﻭﺭﺍﻱ ﺣﺘﻰ ﺟﺪﻱ ﺻﻌﺪ ..
ﺑﻘﺖ ﺗﺪﻭﺭ ﮔﺪﺍﻣﻨﺎ ﻭﻋﻤﺘﻲ ﻭﺳﻦ ﺭﻏﻢ ﺑﻄﻨﻬﺎ ﺻﺎﺭﺕ ﺗﻔﺘﺶ ﺍﻟﻐﺮﻓﻪ ﺗﻔﺘﺶ ..
ﻭﻣﺎﻟﮕﻮﻫﺎ ..
ﺟﺎﻥ ﻋﻨﺪﻫﻢ ﻛﻮﻣﺪﻱ ﺑﻲ ﺧﺎﻧﺔ ﺳﺮﻳﺔ ﻭﺭﻯ ﺍﻟﻤﺠﺮ ﻣﻦ ﺟﻨﺎ ﺻﻐﺎﺭ ﻳﻀﻤﻮﻥ ﺑﻲ ﺭﺯﺍﻕ ﻭﺑﺸﺎﺭ ﺩﻋﺎﺑﻠﻬﻢ ﻟﻮ ﺍﻟﻌﺎﺑﻬﻢ ..
ﺟﺎﻧﺖ ﺯﻫﺮﺓ ﺑﻨﺖ ﻋﻤﻲ ﻣﻬﺪﻱ ﻭﺍﮔﻔﻪ ﮔﻠﺘﻠﻬﺎ " ﺯﻫﻮﺭﻱ ﺗﻌﺎﻱ "
ﺳﺤﺒﺖ ﺍﻟﻤﺠﺮ ﺟﺎﻥ ﺛﮕﻴﻞ ﺑﻲ ﻫﻮﺍﻱ ﻏﺮﺍﺽ ..
ﻭﮔﻠﺖ ﺍﻟﺰﻫﺮﺓ ﺗﻤﺪ ﺍﻳﺪﻫﺎ ﻭﺭﻯ ﺍﻟﻤﺠﺮ ..
ﺳﺤﺒﺖ ﻋﻼﮔﺔ ﺑﻴﺪﻫﺎ ﻭﻃﻠﻌﺘﻬﺎ ..
ﺍﺟﺖ ﻋﻤﺘﻲ ﺑﺘﻮﻝ ﺳﺤﺒﺘﻬﺎ ﻣﻨﻲ
" ﺷﻨﻲ ﺗﺪﻭﺭ ﻭﺭﺍﻧﺎ ﻭﺗﻌﺮﻑ ﻏﺮﻓﺘﻲ ﺷﺒﻴﻬﺎ .."
ﺳﺄﻟﻬﺎ ﺟﺪﻱ : ﺷﺒﻴﻬﺎ ﺍﻟﻌﻼﮔﺔ ﻫﺎﻱ ﻳﺒﺘﻮﻝ ؟؟
ﺍﻧﻔﻌﻠﺖ ﻭﺗﻌﺼﺒﺖ " ﻣﺎﺑﻴﻬﺎ ﺷﻲ ﻏﺮﺍﺿﻲ ﺍﻟﺨﺎﺻﻪ ﺷﻌﻠﻴﻜﻢ ﺑﻴﻬﺎ ..
ﺍﺗﻨﻬﺪ ﺟﺪﻱ " ﺍﺫﺍ ﺷﻐﻼﺕ ﺧﺎﺻﻪ ﻟﻮﻳﺶ ﺩﺍﺣﺴﺘﻬﻦ ﺟﻮﺓ .. ﺍﺷﺮ ﺍﻟﻮﺳﻦ ﺗﻔﺘﺢ ﺍﻟﻌﻼﮔﺔ "
ﻭﺫﻳﺞ ﺗﺴﺤﺐ ﺑﻴﻬﺎ ﻣﺎﺗﺨﻠﻴﻬﺎ .. ﺍﻟﻰ ﺍﻥ ﺻﺎﺡ ﺑﻴﻬﺎ ﺟﺪﻱ ..
ﻓﺘﺤﺘﻬﺎ ﺟﺎﻧﺖ ﺑﻴﻬﺎ ﻓﻠﻮﺱ ﻭﺫﻫﺐ ﻭﻣﻨﻬﻦ ﺳﺒﺤﺔ ﺑﺴﻤﺔ ﺍﻟﺬﻫﺐ ..
ﺑﻘﻴﻨﺎ ﻣﺼﺪﻭﻣﻴﻦ " ﺍﺳﻤﻬﺎ ﺗﺒﺠﻲ ﻭﺗﮕﻮﻝ ﻣﺎﻋﺪﻧﺎ ﺟﺎ ﺫﻧﻲ ﺷﻨﻲ "
ﺍﺧﺬﺕ ﺳﺒﺤﺖ ﺑﺴﻤﺔ ﻭﺍﺷﺮﺕ ﺍﻻﻣﻲ ﻧﻄﻠﻊ ..
ﺑﻘﻰ ﺟﺪﻱ ﻳﺤﺎﺳﺒﻬﺎ .. ﺭﺣﺖ ﻟﻠﻐﺮﻓﻪ ﻟﮕﻴﺖ ﺑﺴﻤﺔ ﺗﻌﺰﻝ ﺑﻴﻬﺎ ..
ﺷﺎﻓﺘﻨﻲ ﮔﺎﻣﺖ " ﻫﺎ ﻟﮕﻴﺘﻬﺎ ﻟﮕﻴﺘﻬﺎ " ﻭﺗﺒﺘﺴﻢ ﻟﺒﺴﺘﻬﺎ ﺍﻟﻬﺎ
- ﻫﺎﻱ ﺑﻌﺪ ﻣﺎﺗﻨﺰﻋﻴﻬﺎ ﻣﻦ ﺭﮔﺒﺘﺞ ..
ﺍﺑﺘﺴﻤﺖ ﻭﺣﻀﻨﺘﻨﻲ ﻭﺑﺎﺳﺘﻨﻲ ﻣﻦ ﺷﻔﺘﻲ ..
ﺿﺤﻜﺖ " ﻫﺎﻱ ﺷﻨﻲ " ؟
ﺍﺑﺘﺴﻤﺖ " ﺍﻧﺖ ﺑﺴﺘﻨﻲ ﻣﻨﺎ ﻣﻨﺎ "
ﺳﺪﻳﺖ ﺣﻠﮕﻬﺎ ﻭﺿﺤﻜﺖ " ﺧﺮﺏ ﻳﻮﻣﺞ ﻓﻀﺤﺘﻴﻨﺎ ﻛﺎﻓﻲ "
ﺷﻠﺘﻬﺎ ﻟﻠﺠﺮﺑﺎﻳﺔ ﻭﻫﻲ ﺿﺎﻣﺔ ﺭﺍﺳﻬﺎ ﺑﺮﮔﺒﺘﻲ ..
ﺍﺷﺘﺎﻗﻴﺖ ﻟﺴﻮﺍﻟﻔﻬﺎ ﺷﻠﻮﻥ ﺍﺫﺍ ﺍﺭﻭﺡ ﺍﻟﺒﻐﺪﺍﺩ ..
ﻃﻔﻴﺖ ﺍﻟﻀﻮﺓ ﻭﺍﺧﺬﺗﻬﺎ ﺍﻟﺤﻀﻨﻲ ﻭﻧﻤﺖ ..
ﻭﺻﻴﺘﻬﺎ ﺗﻘﻔﻞ ﻏﺮﻓﺘﻬﺎ ﻣﻦ ﺗﻄﻠﻊ ﻭﺗﻠﺒﺲ ﺍﻟﻤﻔﺘﺎﺡ ﻣﺜﻞ ﺍﻟﮕﻼﺩﺓ ..
ﻫﺰﺕ ﺭﺍﺳﻬﺎ .. ﺑﻘﻴﺖ ﺍﺗﻠﻤﺲ ﺑﻤﻼﻣﺤﻬﺎ ﺍﻟﻄﻔﻮﻟﻴﻪ ﺍﻟﺒﺮﻳﺌﺔ
ﻭﻫﻲ ﻣﻐﻤﻀﺔ ﻭﺗﻀﺤﻚ " ﺗﮕﺮﻛﺶ ﺗﮕﺮﻛﺶ ﺑﻴﻪ "
ﺑﻘﻴﺖ ﺍﻃﺒﻊ ﺑﻮﺳﺎﺗﻲ ﺑﻮﺟﻬﻬﺎ ﻭﺑﺮﮔﺒﺘﻬﺎ ﻣﺎﺟﺎﻧﺖ ﺗﻤﺎﻧﻊ ﻭﺟﻨﻬﺎ ﺗﻔﺘﻬﻢ ﺍﻟﻲ ﺍﺳﻮﻳﻪ ﻣﺎﺍﻋﺮﻑ ﻟﻴﺶ ﺍﺣﺴﻬﺎ ﺗﺠﺬﺑﻨﻲ ﺑﻘﺒﻮﻟﻬﺎ ﺑﻠﻲ ﺍﺳﻮﻳﻪ ..
ﺳﺄﻟﺘﻬﺎ " ﺍﻧﺘﻲ ﺗﻌﺮﻓﻴﻦ ﺷﺴﻮﻱ ﺍﻧﻲ "
ﺍﺑﺘﺴﻤﺖ ﻫﺰﺕ ﺭﺍﺳﻬﺎ " ﻋﻤﺘﻲ ﻋﻤﺘﻲ ﮔﺎﻟﺘﻠﻲ "
ﺻﻔﻨﺖ " ﺷﮕﺎﻟﺘﻠﺞ ؟ "
ﺭﺩﺕ " ﮔﺎﻟﺖ ﺍﻧﺖ ﻣﻦ ﺗﺒﻮﺳﻨﻲ ﻳﺼﻴﺮ ﻋﻨﺪﻧﺎ ﻃﻔﻞ ﺻﻐﻴﺮ " ﺍﻧﻲ ﺍﺭﻳﺪ ﻃﻔﻞ ﻃﻐﻞ ﻳﻜﺒﺮ ﻭﺍﻟﻌﺐ ﻭﻳﺎﻩ ﻭﻳﺎﻩ
ﺿﺤﻜﺖ ﻋﻠﻰ ﺳﻮﺍﻟﻔﻬﺎ ﻭﺳﻮﺍﻟﻒ ﺍﻣﻲ .. ﺍﻟﻈﺎﻫﺮ ﺭﺿﻮﺗﻲ ﻣﺴﺘﻌﺠﻠﺔ ﺗﺼﻴﺮ ﺑﻴﺒﻴﺔ ..
ﺑﺲ ﺍﻧﻲ ﻣﺎﺍﺭﻳﺪ ﺣﺎﻟﻴﺎ ..
ﺍﻭﻻ ﺑﺴﻤﺔ ﺻﻐﻴﺮﺓ ﻭﺑﻌﺪﻳﻦ ﺍﻧﻲ ﺟﺎﻱ ﺍﺩﺭﺱ ﻟﻤﻦ ﺍﻛﻤﻞ ﺩﺭﺍﺳﺔ ﻳﻠﻪ ﺍﻓﻜﺮ ﺑﺎﻟﺠﻬﺎﻝ ..
ﺩﮔﺖ ﺍﻟﺒﺎﺏ ﺯﻫﺮﺓ ﻭﺗﺼﻴﺢ " ﺗﻌﺎﻟﻮﺍ ﻏﺪﺍ ﻏﺪﺍ ﺗﮕﻮﻝ ﺑﻴﺒﻲ "
ﺟﺎﻭﺑﺘﻬﺎ " ﺍﻱ ﺭﻭﺣﻲ ﻫﺴﺎ ﻧﺠﻲ "
ﺳﺄﻟﺘﻬﺎ ﺟﻮﻋﺎﻧﺔ ؟
ﻫﺰﺕ ﺭﺍﺳﻬﺎ : ﺍﻱ ﺍﻱ ﺟﻮﻋﺎﻧﺔ ﺟﻮﻋﺎﻧﺔ
ﮔﻤﻨﺎ ﻧﺰﻟﻨﺎ ﺗﻐﺪﻳﻨﺎ ﻭﻟﮕﻴﺖ ﺟﺪﻱ ﻣﺘﻌﺼﺐ ﻭﻳﺘﻌﺎﺭﻙ ﻭﻱ ﻋﻤﻲ ﻣﻬﺪﻱ ..
ﺑﺲ ﻋﻤﻲ ﻣﻬﺪﻱ ﺟﺎﻥ ﻳﻌﺎﻳﻦ ﻋﻠﻴﻪ ﺑﻨﻈﺮﺍﺕ ﻣﺎﻓﻬﻤﺘﻬﺎ ﻭﺟﻦ ﺍﻧﻲ ﺍﻟﻐﻠﻄﺎﻥ ﻣﻮ ﻣﺮﺗﺔ ..
ﺩﺧﻠﺖ ﻟﻠﻐﺮﻓﻪ ﺍﻧﻲ ﻭﺑﺴﻤﺔ ﻣﺎﺍﻫﺘﻤﻴﺖ ﺷﻔﺖ ﺍﻣﻲ ﻣﺨﻠﻴﻪ ﺍﻟﺼﻴﻨﻴﺔ ﻭﺗﺸﺮﺏ ﻋﻤﺘﻲ ﺣﻤﺪﻳﺔ ﺳﻮﺏ ﻭﻫﻲ ﻣﺎﺗﺮﻳﺪ ..
ﺍﺧﺬﺕ ﺍﻟﻄﺎﺳﺔ ﻣﻦ ﺍﻣﻲ ﻭﮔﻌﺪﺕ ﺍﺣﺠﻲ ﻭﻳﺎﻫﺎ ..
" ﻋﻤﺔ ﺍﻟﺨﺎﻃﺮﻱ ﺍﺷﺮﺑﻲ .. ﺍﻧﺘﻲ ﻣﻮ ﺗﮕﻮﻟﻴﻦ ﺍﻟﻠﻪ ﻣﺎﺭﺯﻗﻨﻲ ﺑﺠﻬﺎﻝ ﺑﺲ ﺍﻧﺖ ﺍﺑﻨﻲ .. ﺍﺫﺍ ﺗﺤﺒﻴﻨﻲ ﺍﺷﺮﺑﻲ ﻫﻴﺞ ﺗﻌﺬﺑﻴﻪ ﺍﻟﻌﻤﻲ ﻓﺎﺭﺱ ﺧﻄﻴﺔ "
ﺑﺠﺖ ﻭﺧﻠﺖ ﺭﺍﺳﻬﺎ ﻋﻠﻰ ﺟﺘﻔﻲ ..
" ﻭﻟﻚ ﻋﻤﺔ ﺭﺍﺡ ﺭﺍﺡ ﺑﻌﺪ ﻣﺎﻳﺮﺟﻊ "
ﺭﺩﻳﺖ " ﺍﺣﻨﺔ ﺍﻟﻲ ﻧﺘﻌﻠﻢ ﻣﻨﺞ ﺍﻟﻘﻮﺓ ﻭﺍﻟﺼﺒﺮ ﻋﻤﺔ .. ﻫﻮﺍﻱ ﺍﻟﺮﺍﺣﻮﺍ ﻭﺑﻘﻴﺘﻲ ﺻﺎﻣﺪﺓ ﺍﺫﺍ ﺗﺤﺒﻴﻪ ﮔﻮﻣﻲ ﺍﻛﻠﻲ ﻭﺑﻌﺪﻫﺎ ﺻﻠﻲ ﻭﺍﺩﻋﻴﻠﺔ ﻭﺍﺧﺘﻤﻴﻠﺔ ﻗﺮﺁﻥ "
" ﺻﺪﮔﻲ ﻫﻴﺞ ﺍﺭﺗﺎﺡ ﺍﺣﺴﻦ ﻣﻤﺎ ﻳﺒﻘﻰ ﻳﺘﺄﺫﻯ ﻣﻦ ﺍﻟﻤﺮﺽ ﻭﺍﻟﺘﻔﻜﻴﺮ ﺑﻠﻲ ﺻﺎﺭﻟﺔ ﺑﻔﺘﺮﺓ ﺍﻻﺳﺮ .. ﻫﻮﺍﻱ ﺟﻤﺎﻋﻪ ﺍﻋﺮﻓﻬﻢ ﻧﻔﺲ ﺣﺎﻟﺘﻪ ﻭﺍﻛﺜﺮ ﻭﺑﻌﺪﻫﻢ ﻳﺘﺄﺫﻭﻥ ﺍﻟﻲ ﻣﺮ ﻋﻠﻴﻪ ﻣﻮ ﺷﻮﻳﻪ ﻋﻤﺔ "
ﺍﺟﺔ ﺟﺪﻱ ﻫﻢ ﺣﺠﺔ ﻭﻳﺎﻫﺎ ﺍﻟﻰ ﺍﻥ ﻗﻨﻌﺖ ﺷﻮﻳﻪ ﻭﺷﺮﺑﺖ ﺳﻮﺏ ﻭﺍﻣﻲ ﺗﻘﺮﺃ ﺍﻳﺎﺕ ﻭﺗﻨﻔﺦ ﻋﻠﻴﻬﺎ
" ﺍﻟﺤﻤﺪ ﻟﻠﻪ ﺟﻨﺖ ﺧﺎﻳﻔﻪ ﻋﻠﻴﻬﺎ ﻻﺗﺒﻘﻰ ﻫﻴﺞ "
ﻛﻤﻠﻨﺎ ﻏﺪﺍ ﻭﺻﻌﺪﺕ ﻧﻤﺖ ﺗﻌﺒﺎﻥ ..
ﻟﻠﻌﺼﺮ ﺍﺟﺎﻧﻲ ﺧﺒﺮ ﻣﻦ ﺟﺪﻱ ﻳﮕﻠﻲ ﺍﺑﻮﻫﺎ ﻣﻮﺵ ﻫﻨﺎ ﺍﺟﻞ ﺍﻟﺴﺎﻟﻔﻪ ﻟﻤﻦ ﺗﺮﻭﺡ ﺍﻟﻜﻠﻴﺘﻚ ﻭﺗﺮﺟﻊ ﺍﻻﺳﺒﻮﻉ ﺍﻟﺠﺎﻱ ..
" ﻫﺎﻫﻲ ﺟﺪﻱ ﻣﺎﺗﻔﺮﻕ ﺑﺎﺟﺮ ﻟﻮ ﺑﻌﺪ ﺍﺳﺒﻮﻉ "
ﺍﻟﺨﻤﻴﺲ ﺍﺟﻮ ﺟﻤﺎﻋﺘﻲ ﺍﺧﺬﻭﺍ ﻣﻦ ﺧﺎﻃﺮﻱ ﻭﻋﺰﻭﻧﻲ ﻭﮔﺎﻟﻮﺍ ﻣﻦ ﻣﺎﺭﺣﺖ ﻋﺮﻓﻨﺎ ﺻﺎﻳﺮﺓ ﻋﻨﺪﻛﻢ ﺷﻐﻠﻪ ﻭﺍﺧﺬﻧﺎﻟﻚ ﺍﺟﺎﺯﺓ ﺍﻧﻄﻮﻧﻲ ﺍﻟﻤﺤﺎﺿﺮﺍﺕ ﻭﺭﺍﺣﻮﺍ ..
ﻳﻮﻡ ﺍﻟﺠﻤﻌﻪ ﻣﻦ ﮔﻌﺪﺕ ﺍﻟﺼﺒﺢ ﺣﺴﻴﺖ ﺑﺄﻟﻢ ﺑﺼﺪﺭﻱ ﻭﺿﻴﻖ .. ﺍﺳﺘﻐﻔﺮﺕ ﺭﺑﻲ ..
ﺻﺎﺭﺕ ﻋﻴﻨﻲ ﻋﻠﻰ ﺑﺴﻤﺔ ﺣﺠﻴﺖ ﻭﻳﺎﻫﺎ ..
" ﺑﺴﻤﺔ ﺗﮕﻮﻣﻴﻦ ؟ "
ﺭﺩﺕ " ﺑﺮﺩﺍﻧﺔ ﺑﺮﺩﺍﻧﺔ ﻣﺎ ﺍﮔﻌﺪ ﻣﺎﺍﻛﻌﺪ "
ﮔﻤﺖ ﺍﺗﺸﺎﻗﻪ ﻭﻳﺎﻫﺎ ﻭﺍﺭﻳﺪﻫﺎ ﺗﺼﺤﺼﺢ ﻣﺎﻛﻮ .. ﺍﻋﺮﻑ ﻛﻠﻪ ﺑﺴﺒﺐ ﺍﻟﺘﻠﻔﺰﻳﻮﻥ ﺗﺴﻬﺮ ﻟﺤﺪ ﻣﺎﺗﻨﺴﺪ ﺍﻟﻘﻨﺎﺓ ﻳﻠﺔ ﺗﻨﺎﻡ ..
ﮔﻤﺖ ﺍﺑﻮﺱ ﺑﻴﻬﺎ ﻣﺎﺍﻋﺮﻑ ﻟﻴﺶ ﺣﺴﻴﺖ ﻣﺎﺍﺭﻳﺪ ﺍﺑﻌﺪ ﻋﻨﻬﺎ
ﻭﺭﺟﻌﺖ ﻧﻤﺖ ﺍﻟﻰ ﺍﻥ ﺍﻣﻲ ﺩﮔﺖ ﺍﻟﺒﺎﺏ ﺗﻄﻤﺄﻥ ﻋﻠﻴﻨﺎ
" ﺷﻜﻮ ﻳﻤﺔ ﺷﺒﻴﻜﻢ ﻟﺴﺎ ﻧﺎﻳﻤﻴﻦ "
" ﻻﻳﻤﺔ ﻣﺎﺑﻴﻨﺎ ﺑﺲ ﺑﺴﻤﺔ ﻧﻌﺴﺎﻧﻪ ﺑﻌﺪﻫﺎ ﻭﺭﺟﻌﺖ ﻧﻤﺖ "
ﻧﺰﻟﺖ ﻏﺴﻠﺖ ﻭﺗﻐﺪﻳﻨﺎ ﻻﻥ ﻭﻛﺖ ﻏﺪﺍ ﺻﺎﺭ ..
ﺟﺎﻧﺖ ﻋﻤﺘﻲ ﺣﻤﺪﻳﺔ ﺯﻳﻨﺔ ﺍﻟﻴﻮﻡ ﻭﺗﺎﻛﻞ ..
ﺟﺪﻱ ﻃﻠﺐ ﻣﻨﻲ ﺍﻟﻌﺼﺮ ﺍﺟﻲ ﻟﻠﻤﺤﻞ ﻻﻥ ﻋﻨﺪﺓ ﺷﻐﻞ ..
ﺻﻌﺪﺕ ﺍﺣﻈﺮ ﺟﻨﻄﺘﻲ ﺍﻟﺒﺎﺟﺮ ..
ﺷﻔﺖ ﺑﺴﻤﺔ ﺗﺒﺪﻝ ﺍﺗﻘﺮﺑﺖ ﻣﻨﻬﺎ ﻏﻄﺖ ﻧﻔﺴﻬﺎ ..
ﺗﻌﻤﺪﺕ ﺳﺤﺒﺖ ﻣﻨﻬﺎ ﺍﻟﺪﺷﺪﺍﺷﺔ ..
ﻭﺳﺄﻟﺘﻬﺎ " ﻟﻴﺶ ﺗﺒﺪﻟﻴﻦ "
ﺟﺎﻭﺑﺖ " ﻃﺎﺡ ﺍﻟﻤﺮﮒ ﻃﺎﺡ "
ﺑﻘﻴﺖ ﺻﺎﻓﻦ ﻋﻠﻴﻬﺎ ﻣﺎﺗﺨﻠﻴﻨﺎ ﻧﻨﺎﻡ ﻛﻠﺘﻠﻬﺎ
ﺗﺬﻣﺮﺕ ﻭﻫﻲ ﺗﻀﻢ ﺑﺠﺴﻤﻬﺎ ﻳﻤﻜﻦ ﺣﺴﺖ ﺑﻌﻴﻮﻧﻲ ﺷﻠﻮﻥ ﺍﻛﻠﺘﻬﺎ ..
ﺍﺗﻘﺮﺑﺖ ﻣﻨﻬﺎ ﻭﻫﻲ ﺗﺒﺘﻌﺪ .. ﻟﺰﻣﺘﻬﺎ ﺑﺤﺮﻛﺔ ﺳﺮﻳﻌﺔ .. ﺟﺎﻧﺖ ﺍﻳﺪﻱ ﺗﻼﻣﺲ ﺫﻟﻚ ﺍﻟﻈﻬﺮ ﺍﻻﻣﻠﺲ ..
ﻣﺎﺍﺗﺤﻤﻠﺖ ﻭﺷﻠﺘﻬﺎ ﻟﻠﺠﺮﺑﺎﻳﺔ ﺑﻘﻴﺖ ﺍﻗﻠﺐ ﺍﻟﻨﻌﻤﺔ ﺍﻟﻲ ﺍﻟﻠﻪ ﺍﻧﻄﺎﻫﺎ ﺍﻟﻲ ..
ﺷﻐﻔﻲ ﻧﺎﺣﻴﺘﻬﺎ ﻛـ ﺭﺟﻞ ﺧﻼﻧﻲ ﺍﻧﺴﻰ ﻋﻘﻠﻲ ﻭﺍﺗﺠﻬﺖ ﺍﻟﻬﺎ ﺑﻌﻮﺍﻃﻔﻲ ..
ﻫﻲ ﻛﺎﻧﺖ ﻣﺴﺘﻤﺘﻌﻪ ﺑﻠﻲ ﺍﺳﻮﻳﻪ ﻭﺭﺍﺿﻴﺔ ﻭﺧﺎﺿﻌﺔ ﻭﻫﺬﺍ ﺍﻟﻲ ﺧﻼﻧﻲ ﺍﺳﺘﻤﺮ ﻭﻳﺎﻫﺎ ﻵﺧﺮ ﻟﺤﻈﺔ ..
ﺗﺪﺍﺭﻛﺖ ﻧﻔﺴﻲ ﻭﻭﻋﻴﺖ ﺍﻟﺤﺎﻟﻲ ﻣﺎﺭﺩﺕ ﺍﻟﻮﺙ ﺑﺮﺍﺋﺘﻬﺎ
ﻋﺎﻫﺪﺕ ﻧﻔﺴﻲ ﻣﺎﺍﺗﻘﺮﺑﻠﻬﺎ ﺑﻌﺪ ..
ﻻﺗﻀﻌﻒ ﺣﻜﻤﺖ ﺍﻧﺖ ﻣﻮ ﺣﻴﻮﺍﻥ ﻭﺗﻀﻌﻒ ﮔﺪﺍﻡ ﻏﺮﻳﺰﺗﻚ ..
ﺣﺘﻰ ﻟﻮ ﻛﺎﻧﺖ ﻣﺮﺗﻲ ﻭﺣﻼﻟﻲ ﺑﺲ ﺑﻌﺪ ﻭﻛﺖ ﻣﻮ ﻫﺴﺎ ﻣﻮ ﻫﺴﺎ ﻣﺮﺓ ﺻﺎﺭﺕ ﻭﻣﺎﺗﺘﻜﺮﺭ ..
ﻟﻌﻨﺖ ﺍﻟﺸﻴﻄﺎﻥ ﻭﮔﻤﺖ ﺑﺪﻟﺖ ﻭﻃﻠﻌﺖ ﻟﻠﻤﺤﻞ ..
ﺍﺭﻭﺡ ﻟﻠﻤﺤﻞ ﻳﻢ ﺟﺪﻱ ﺍﺣﺴﻦ ..
ﻧﺰﻟﺖ ﻟﮕﻴﺖ ﺍﻣﻲ ﻣﺘﻤﺪﺩﺓ ﻳﻢ ﻋﻤﺘﻲ ..
ﺩﻧﮕﺖ ﻋﻠﻴﻬﺎ ﺑﺲ ﺭﺍﺳﻬﺎ ﻭﺍﺷﺘﻤﻴﺖ ﺷﻬﺮﻫﺎ ﺍﻟﻲ ﺑﺪﺕ ﺍﻟﺨﻴﻮﻁ ﺍﻟﻔﻀﻴﺔ ﺗﺘﺨﻠﻞ ﺍﻟﺸﻌﺮ ﺍﻟﺒﻨﻲ ﻭﺍﻟﻲ ﺯﺍﻳﺪﻫﺎ ﺟﻤﺎﻝ ﻭﻭﻗﺎﺭ ..
ﺍﺷﺘﺎﻗﻴﺖ ﺍﻟﺤﻀﻨﻬﺎ ﺗﻤﻨﻴﺖ ﺍﻧﺎﻡ ﻳﻤﻬﺎ ﻭﺍﺷﺒﻊ ﻣﻨﻬﺎ ﺑﺲ ﺗﺬﻛﺮﺕ ﺟﺪﻱ ..
ﻃﻠﻌﺖ ﻟﮕﻴﺘﻪ ﺑﺒﺎﺏ ﺍﻟﺒﻴﺖ ﻋﻨﺪﺓ ﻣﺸﻴﺔ ﻭﻣﺴﺘﻌﺠﻞ ﺳﻠﻤﻨﻲ ﺍﻟﻤﻔﺘﺎﺡ ﻭﺭﺍﺡ ..
ﺭﺣﺖ ﻟﻠﻤﺤﻞ ﻭﻣﺎﺧﺬ ﻛﺘﺒﻲ ﻭﻳﺎﻱ ..
ﺍﺟﻮ ﻳﻤﻲ ﺟﻤﺎﻋﺘﻲ ﻭﺑﻘﻴﻨﺎ ﻧﻘﺮﺃ ﻟﻠﻤﻐﺮﺏ ﻭﺭﺍﺣﻮﺍ ..
ﺍﺫﻥ ﺍﻻﺫﺍﻥ ﮔﻤﺖ ﺍﺭﻳﺪ ﺍﻋﺰﻝ ..
ﻭﮔﻔﺖ ﻳﻤﻲ ﺳﻴﺎﺭﺍﺕ ﻭﻃﻮﻗﻦ ﺍﻟﻤﺤﻞ ..
ﺍﺳﺘﻐﺮﺑﺖ !!
ﺳﺄﻟﻮﺍ " ﺍﻧﺖ ﺣﻜﻤﺖ ﻣﻬﺪﻱ ﺧﻀﻴﺮ "
ﻫﺰﻳﺖ ﺭﺍﺳﻲ " ﺍﻱ ﺳﻴﺪﻱ ﺍﻧﻲ ﺧﻴﺮ "
ﺿﺤﻚ ﻭﺍﺣﺪ ﺿﺨﻢ ﻭﺷﻮﺍﺭﺑﻪ ﺛﺨﺎﻥ .. ﺧﻴﺮ ﺧﻴﺮ ﻻﺗﺨﺎﻑ
ﺳﺤﻠﻨﻲ ﻭﺍﻧﻲ ﺍﺩﻓﻊ ﺑﻲ
" ﻓﻬﻤﻮﻧﻲ ﺷﻜﻮ ﺷﺼﺎﻳﺮ ﺷﻤﺴﻮﻱ ؟ "
ﺑﺲ ﻣﺎﺳﻤﻌﻮﻧﻲ ﺍﻟﻨﺎﺱ ﺍﺣﺴﻬﺎ ﻛﻠﻬﺎ ﺍﺑﺘﻌﺪﺕ ﺍﻣﺘﺎﺭ ﻋﻨﻲ ..
ﺑﺲ ﺳﻴﺪ ﻋﻠﻲ ﺷﻔﺘﻪ ﻣﻦ ﺑﻌﻴﺪ ﻳﺮﻛﺾ ﺑﺄﺗﺠﺎﻫﻲ ..
ﺭﺍﺩ ﻳﺘﻘﺮﺏ ﺩﻓﻌﻮﻩ ﻭﺿﺮﺑﻮﻩ ..
ﺷﺪﻭﺍ ﻋﻴﻮﻧﻲ ﻭﺍﺧﺬﻭﻧﻲ ﻭﺍﻧﻲ ﻣﺎﺍﻋﺮﻑ ﻭﻳﻦ .. ﻭﻟﻴﺶ
ﺑﺴﻤﺔ .. ﺍﻣﻲ .. ﺟﺪﻱ ﺻﺎﺭﻭﺍ ﮔﺒﺎﻟﻲ ..
ﻭﺍﻻﻫﻢ ﻟﻴﺶ ﻭﺷﻨﻮ ﺍﻟﻲ ﺧﻼﻫﻢ ﻳﺎﺧﺬﻭﻧﻲ ..
ﺟﻨﺖ ﻻﺑﺲ ﺩﺷﺪﺍﺷﺔ ﻭﻗﻤﺼﻠﺔ ﻓﻮﮔﺎﻫﺎ ﻭﺍﻟﻐﺘﺮﺓ ﻋﻠﻰ ﺭﮔﺒﺘﻲ ﻻ ﺑﺎﺭﺩﺓ ..
ﺩﺧﻠﻮﻧﻲ ﺩﮒ ﺿﺮﺏ ﻭﻛﺘﻞ .. ﻣﺎﺍﺷﻮﻑ ﻛﻠﺶ ..
ﺑﺲ ﺍﻟﻤﻜﺎﻥ ﺟﺎﻥ ﺑﺎﺭﺩ ..
ﺣﺴﻴﺖ ﺳﺎﻋﺘﻬﺎ ﺑﻔﻘﺪ ﺍﻻﻣﻞ .. ﺗﺬﻛﺮﺕ ﻣﺮﺓ ﺟﺪﻱ ﺳﻮﻟﻒ ﻋﻠﻰ ﺟﻴﺮﺍﻧﻪ ﺍﻋﺘﻘﻠﻮﻩ ﻭﻣﻦ ﺍﻟﺘﻌﺬﻳﺐ ﻣﺎﺕ ..
ﻣﻌﻘﻮﻟﺔ ﻫﺬﺍ ﻣﺼﻴﺮﻱ ﺑﺲ ﻟﻴﺶ ؟؟
ﺑﻘﻴﺖ ﺳﺎﻋﺎﺕ ﻣﺮﺑﻂ ﻭﺑﻐﺮﻓﻪ ﻭﺣﺪﻱ ..
ﺳﻤﻌﺖ ﺑﺲ ﺻﻮﺕ ﺍﻗﺪﺍﻡ ﺍﻟﻲ ﻳﺴﻤﻌﻬﺎ ﻳﮕﻮﻝ ﻛﻌﺐ ﺑﺲ ﺍﻟﺼﻮﺕ ﺟﺎﻥ ﻣﺒﻴﻦ ﺍﻟﺮﺟﻞ ﺭﺟﺎﻝ ﺿﺨﻢ ﻳﻬﺰ ﺍﻟﮕﺎﻉ ﺑﻤﺸﻴﺘﻪ
ﺳﺄﻟﻨﻲ " ﺍﻧﺖ ﻭﻣﻨﻮ ﺗﺠﺘﻤﻌﻮﻥ ﻭﻳﻦ ﻣﻘﺮﻛﻢ ﻭﺟﻤﺎﻋﺘﻚ ﻣﻦ ﺑﻐﺪﺍﺩ ﻟﻮ ﻣﻨﺎ "
ﺳﻜﺘﺖ ..
ﺍﺟﺘﻨﻲ ﺿﺮﺑﺔ ﻣﻦ ﻭﺭﺍﻱ " ﺳﻴﺪﻱ ﻳﺴﺄﻟﻚ ﺟﺎﻭﺏ "
ﺭﺩﻳﺖ " ﺻﺪﮔﻮﻧﻲ ﻣﺎﺍﻋﺮﻑ ﻋﻠﻴﻤﻦ ﺗﺤﺠﻮﻥ ﺍﻧﻲ ﻃﺎﻟﺐ ﻃﺒﻴﻪ ﻭﺍﺭﻭﺡ ﺑﻄﺮﻳﻘﻲ ﻭﺍﺭﺟﻊ ﺑﻄﺮﻳﻘﻲ ﻣﺎﻟﻲ ﻋﻼﻗﻪ ﺑﺄﺣﺪ "
ﺭﺩ ﺍﻟﻲ ﺣﺠﺔ ﺑﺎﻻﻭﻝ " ﻭﻫﺬﺍ ﺍﻟﻲ ﻳﺨﻮﻑ .. ﻃﺎﻟﺐ ﻃﺒﻴﻪ ﻭﻣﺴﻮﻱ ﻧﻔﺴﻚ ﻧﺰﻳﻪ ﺣﺘﻰ ﻣﺎﺗﺜﻴﺮ ﺍﻟﺸﻜﻮﻙ .. ﻭﺍﺣﻨﺔ ﻧﻌﺮﻑ ﺍﻟﺘﺠﻤﻌﺎﺕ ﻭﺍﻟﻤﻌﺎﺭﺿﺎﺕ ﻛﻠﻬﺎ ﻣﻦ ﺍﻟﺠﺎﻣﻌﺎﺕ ﺗﺒﺪﻱ ﺑﺤﺠﺔ ﻣﺜﻘﻔﻴﻦ ﻭﻳﺮﺩﻭﻥ ﺍﺻﻼﺡ ﺍﻟﺒﻠﺪ "
ﺭﺩﻳﺖ " ﻻ ﻭﺍﻟﻠﻪ ﻣﻮ ﻫﻴﺞ ﺍﺻﻼ ﺻﺎﺭﻟﻲ ﺍﺷﻬﺮ ﻣﻦ ﺩﺍﻭﻣﺖ ﻣﻮ ﻫﻮﺍﻱ ﻭﻣﺎﺍﻋﺮﻑ ﺍﺣﺪ ﻫﻨﺎﻙ "
" ﻭﺍﻟﺘﺠﻤﻊ ﺍﻟﻲ ﺗﺴﻮﻳﻪ ﺑﺎﻟﻤﺤﻞ .. ﺟﻤﺎﻋﺘﻚ ﻫﻢ ﻟﺰﻣﻨﺎﻫﻢ ﻭﺑﻴﺘﻚ ﻓﺘﺸﻨﺎﻩ .. ﻏﺮﻓﺘﻚ ﺑﻴﻬﺎ ﻛﺘﺐ ﻣﻌﺎﺭﺿﺔ ﻭﺣﺰﺏ ﺍﻟﺪﻋﻮﺓ "
ﺗﺨﺒﻠﺖ ﻭﺻﺤﺖ " ﺍﻧﺖ ﺷﺘﺤﺠﻲ ﻣﺎﺍﻋﺮﻑ ﻫﺬﻧﻲ ﺍﻟﻜﺘﺐ ﻣﻮ ﺍﻟﻲ "
ﺩﻓﺮﻧﻲ ﺑﺒﻄﻨﻲ ﻭﺧﻠﻰ ﺭﺟﻠﻴﻪ ﻓﻮﮒ ﺑﻄﻨﻲ " ﺍﻻﻧﻜﺎﺭ ﻣﺎﻳﻔﻴﺪﻙ ﺑﻌﺪ ﻣﺎﺍﺟﺎﻧﺔ ﺗﺒﻠﻴﻎ ﻋﻨﻚ ﺭﺍﻗﺒﻨﺎﻙ ﻭﻋﺮﻓﻨﺎ ﺷﻐﻼﺕ ﻫﻮﺍﻱ ﻋﻨﻚ ﻣﻨﻬﻦ ﺑﻴﺒﺘﻚ ﺍﻳﺮﺍﻧﻴﺔ ﻭﻣﻮ ﺑﻌﻴﺪﺓ ﻋﻨﺪﻛﻢ ﺗﻮﺍﺻﻞ ﻭﻳﺎﻫﺎ ﻭﺍﻛﻮ ﻣﻦ ﻳﺤﺮﺿﻚ ﻣﻨﺎﻙ "
" ﺍﺻﻼ ﻣﺎﺍﻋﺮﻓﻬﺎ ﺳﺎﻣﻊ ﺑﻴﻬﺎ ﺑﺲ ﻟﻠﻴﻮﻡ ﻣﺎﺣﺎﺟﻴﻦ ﻭﻳﺎﻫﺎ ﺣﺘﻰ ﺍﻣﻲ ﻗﺎﻃﻌﻪ ﻋﻼﻗﺘﻬﺎ ﺑﻴﻬﺎ "
ﺿﺤﻚ " ﺧﻮﺵ ﺟﺎ ﻧﺠﻴﺐ ﺍﻣﻚ ﻟﻬﻨﺎ ﺗﻌﺘﺮﻓﻠﻨﺎ ﺷﺘﮕﻮﻝ ؟؟ "
ﺗﺨﺒﻠﺖ ﻣﻦ ﺟﺎﺏ ﻃﺎﺭﻱ ﺍﻣﻲ " ﻻ ﻻ ﺩﻳﺮ ﺑﺎﻟﻚ ﺗﺪﺧﻞ ﺍﻣﻲ
ﺍﻣﻲ ﻣﺎﻟﻬﺎ ﺫﻧﺐ ﻭﻻﺍﻧﻲ ﻭﺍﻟﻠﻪ ﻣﺎﻧﻌﺮﻑ ﺷﻲ .. ﺍﻛﻴﺪ ﻭﺍﺣﺪ ﻣﻔﺘﺮﻱ ﻋﻠﻴﻨﺎ "
ﺻﺎﺡ ﺑﻴﻪ " ﺍﻟﻜﺘﺐ ﻟﮕﻴﻨﺎﻫﻦ ﺑﻐﺮﻓﺘﻚ ﻭﺟﻮﺓ ﺟﺮﺑﺎﻳﺘﻚ ﺷﻮﺻﻠﻬﻦ ﻟﻬﻨﺎ ﻭﻣﻨﻮ ﺍﻟﻲ ﻳﺪﺧﻞ ﺑﻴﺘﻚ ﻭﻏﺮﻓﺘﻚ "
ﻫﻨﺎ ﻭﮔﻒ ﺍﻟﺰﻣﻦ ﺑﺎﻟﻨﺴﺒﺔ ﺍﻟﻲ .. ﻣﻌﻨﺎﻫﺎ ﺍﻟﻲ ﻃﻌﻨﻲ ﻣﻦ ﺍﻫﻠﻲ ﺑﺲ ﻣﻨﻮ ؟ ﻣﻨﻮ ؟
ﺭﺯﺍﻕ ﻭﻣﺎﻫﻮ ﺑﺎﻟﻌﺴﻜﺮﻳﺔ ﻣﻌﻘﻮﻟﻪ ﻋﻤﻲ ﻣﻬﺪﻱ ؟؟
ﺟﺎﻧﻮﺍ ﻳﻀﺮﺑﻮﻥ ﺑﻴﻪ ﻭﻳﻌﺬﺑﻮﻧﻲ ﺑﺲ ﻳﺮﺩﻭﻧﻲ ﺍﻋﺘﺮﻑ ﺑﺲ ﺍﻧﻲ ﺑﺎﻟﻲ ﻳﻢ ﺍﻣﻲ ﻭﺟﺪﻱ ﺷﺼﺎﺭ ﺑﻴﻬﻢ ﺑﻌﺪﻱ ﻟﻮ ﺑﺴﻤﺔ ﻣﻨﻮ ﺍﻟﻬﺎ ﺑﻌﺪﻱ ..
ﻣﺎﺧﻔﺖ ﻣﻦ ﺍﻟﻤﻮﺕ ﺑﮕﺪ ﺧﻮﻓﻲ ﻋﻠﻴﻬﺎ ﻭﻋﻠﻰ ﺍﻣﻲ ..
ﻋﺰﻳﺰ ﻗﻮﻡٍ ﺧﺎﻧﻪ ﺯﻣﺎﻧﻪ ﻭﺃﺫﻝ
ﻓﻤﺎ ﺭﺟﺎﺋﻲ ﻣﻦ ﺣﺜﺎﻝ ﺍﻟﺪﻧﻴﺎ
ﺑﻞ ﻣﻦ ﺻﺎﺣﺒﻲ ﺍﻷﺫﻝ ..
ﻣﻦ ﺟﻬﺔ ﺛﺎﻧﻴﺔ ﺑﻴﺖ ﺣﺠﻲ ﺧﻀﻴﺮ ﺍﻟﻲ ﺍﺟﺎﻫﻢ ﺍﻟﺨﺒﺮ ﻣﺜﻞ ﺍﻟﺼﺎﻋﻘﺔ ..
ﺍﺟﺔ ﺍﻟﺴﻴﺪ ﻋﻠﻲ ﻳﺮﻛﺾ ﻟﻠﺒﻴﺖ ﻭﻛﺴﺮ ﺍﻟﺒﺎﺏ .. ﺟﺎﻥ ﻣﻬﺪﻱ ﻣﺘﻮﺍﺟﺪ ﺑﺎﻟﺒﻴﺖ ﻣﻦ ﻏﻴﺮ ﻋﺎﺩﺗﻪ ..
ﺳﺄﻟﻪ " ﺷﺒﻴﻚ ﺳﻴﺪ ﺻﺎﻳﺮ ﺷﻲ ﺍﻟﻮﺩﺍﺩ "
ﻫﺰ ﺭﺍﺳﺔ ﺍﻟﺴﻴﺪ " ﻻ ﺣﻜﻤﺖ ﺣﻜﻤﺖ ﺍﻋﺘﻘﻠﻮﻩ " ﻭﻳﻦ ﺣﺠﻲ ﺧﻀﻴﺮ ؟
ﺟﺎﻭﺑﻪ ﻣﻬﺪﻱ " ﺟﺪﻱ ﻣﺎﻫﻮ ﺑﺎﻟﺠﺎﻣﻊ ﻳﻤﻜﻦ ﺑﺲ ﻟﻴﺶ ﺍﻋﺘﻘﻠﻮﻩ ﺷﻤﺴﻮﻱ ؟ "
ﺟﺎﻭﺑﻪ ﺍﻟﺴﻴﺪ ﺑﻌﺼﺒﻴﻪ " ﺍﻛﻴﺪ ﻭﺍﺣﺪ ﻣﺘﺒﻠﻲ ﻋﻠﻴﻪ ﺣﻜﻤﺖ ﻣﺎﻳﻐﻠﻂ "
ﺳﺮﻋﺎﻥ ﻣﺎﺍﻧﺘﺸﺮ ﺍﻟﺨﺒﺮ ﻭﺍﻟﻨﺎﺱ ﻛﻠﻬﺎ ﻃﻠﻌﺖ ﺗﺒﺎﻭﻉ ﻭﺗﺮﻳﺪ ﺗﺴﺘﻔﺴﺮ ﺑﺲ ﺧﺎﻳﻔﺔ ﺗﺘﻘﺮﺏ ﻻﻳﺮﻭﺣﻮﻥ ﺑﺎﻟﺮﺟﻠﻴﻦ ﺣﺴﺐ ﺭﺃﻳﻬﻢ ..
ﻻﻥ ﺍﻟﻲ ﻳﻌﺘﻘﻞ ﻳﻌﺘﺒﺮ ﻛﻞ ﺍﻟﻲ ﻣﻦ ﺣﻮﻟﻬﻢ ﻣﺸﺘﺒﻪ ﺑﻬﻢ ..
ﺣﺠﻲ ﺧﻀﻴﺮ ﺟﺎﻥ ﺭﺍﺟﻊ ﻟﻠﺒﻴﺖ ﺑﻴﺪﺓ ﺳﺒﺤﺘﻪ ﺍﻟﻜﻬﺮﺏ ﺍﻟﻤﺘﻌﻮﺩ ﻳﺎﺧﺬﻫﺎ ﺑﻜﻞ ﻃﻠﻌﻪ ﺍﻭ ﻣﻨﺎﺳﺒﺔ ..
ﻭﻭﻳﺎﻩ ﻛﻢ ﻭﺍﺣﺪ ﻣﻦ ﻛﺒﺎﺭﻳﺔ ﺍﻟﻤﻨﻄﻘﻪ ..
ﺷﺎﻓﻪ ﺍﻟﺴﻴﺪ ﻋﻠﻴﻪ ﻭﺍﺗﻘﺮﺏ ﻋﻠﻴﻪ ﺑﺨﻮﻑ ﻭﻳﺨﺒﺮﻩ ﻟﻠﻲ ﺻﺎﺭ ﺑﺤﻜﻤﺖ ﻭﻟﻲ ﻛﺎﻥ ﺧﻮﻓﺔ ﻭﺍﺿﺢ ﺍﻛﺜﺮ ﻣﻦ ﺧﻮﻑ ﻣﻬﺪﻱ ﺍﻟﻲ ﺣﺘﻰ ﻣﺎﻣﺜﻞ ﺗﻤﺜﻴﻞ ﺑﺎﻧﻪ ﺧﺎﻳﻒ ﻋﻠﻰ ﺍﺑﻨﻪ ﺑﺎﻻﺳﻢ ..
ﺣﺠﻲ ﺧﻀﻴﺮ ﻣﻦ ﺳﻤﻊ ﻣﺎﺍﺗﺤﻤﻞ ﺍﻟﺨﺒﺮ .. ﺑﺤﺮﻛﺔ ﻻﺍﺭﺍﺩﻳﺔ ﺗﻘﻄﻌﺖ ﺍﻟﺴﺒﺤﺔ ﺑﻴﺪﺓ ﻭﺗﻄﺸﺮﺕ ﺧﺮﺯﺍﺗﻬﺎ ﺍﻟﺜﻤﻴﻨﺔ ﺑﺎﻟﮕﺎﻉ ﻭﻛﺎﻥ ﻫﺬﺍ ﻓﺎﻝ ﺳﻴﺊ ﺑﺎﻟﻨﺴﺒﺔ ﺍﻟﻪ ﻻﻥ ﻻﻭﻝ ﻣﺮﺓ ﺗﻨﻘﻄﻊ ﻭﺧﺎﺻﻪ ﺧﻴﻄﻬﺎ ﻣﻮ ﺑﺎﻟﺴﻬﻮﻟﺔ ﻳﻨﻘﻄﻊ ..
ﺍﺧﺘﻞ ﺗﻮﺍﺯﻧﺔ ﻭﺭﺍﺩ ﻳﻮﮔﻊ ﻟﺰﻣﻪ ﺳﻴﺪ ﻋﻠﻲ ﻭﺳﻨﺪﻩ ﻟﻠﺒﻴﺖ ﺑﻴﻨﻤﺎ ﺍﻟﺒﻘﻴﺔ ﺗﻼﺷﻮﺍ ﻋﻦ ﺍﻻﻧﻈﺎﺭ ﻭﻛﺄﻥ ﺍﻟﺨﻮﻑ ﺍﻫﻢ ﻣﻦ ﻓﻀﻞ ﺣﺠﻲ ﺧﻀﻴﺮ ﻋﻠﻴﻬﻢ ﻟﺴﻨﻴﻦ ﻃﻮﻳﻠﻪ ﻭﻫﻮ ﻭﺍﮔﻒ ﻟﺠﻤﻴﻊ ﺍﻟﻨﺎﺣﻴﺔ ﺑﺄﺻﻌﺐ ﺍﻳﺎﻣﻬﻢ ..
ﻟﻜﻦ ﻓﻌﻼ ﻭﻗﺖ ﺍﻟﻀﻴﻖ ﻳﻌﺮﻑ ﺍﻟﻌﺪﻭ ﻣﻦ ﺍﻟﺼﺪﻳﻖ !!
ﺩﺧﻞ ﻟﻠﺒﻴﺖ ﻭﻫﻮ ﻳﺒﺠﻲ ﻣﺜﻞ ﺍﻟﻨﺴﺎﺀ .. ﻫﺬﺍ ﻣﻮ ﺍﻱ ﺷﺨﺺ ﻫﺬﺍ ﺣﻜﻤﺖ ﺍﺑﻨﻪ ﺍﻟﻲ ﺍﺟﺎﻩ ﻋﻦ ﻛﺒﺮ ﻭﻭﺭﻳﺜﺔ ﺍﻟﻲ ﻣﻌﺘﻤﺪ ﻋﻠﻴﻪ ﻣﻦ ﺑﻌﺪﻩ ..
ﺟﺎﻥ ﻳﻤﺸﻲ ﻭﺭﺍﻓﻊ ﺭﺍﺳﻪ ﺑﻲ ﻭﻳﮕﻮﻝ ﺣﻜﻤﺖ ﺍﻟﺪﻛﺘﻮﺭ ..
ﺟﺎﻥ ﻳﺤﻀﺮ ﻣﻦ ﺍﻭﻝ ﻳﻮﻡ ﺍﻟﻪ ﻣﻮﻗﻊ ﺍﻟﻌﻴﺎﺩﺗﺔ ﻳﺒﻨﻴﻬﺎ ﺍﻟﻪ ..
ﺍﺗﻠﮕﺘﻪ ﺭﺿﺎﺀ ﺍﻟﻲ ﺣﺴﺖ ﺷﻲ ﺻﺎﻳﺮ .. ﮔﻠﺒﻬﺎ ﻣﻘﺒﻮﺽ ﻭﺟﺪﻫﺎ ﻳﺒﺠﻲ ﻭﻣﻬﺪﻱ ﻣﺨﻄﻮﻑ ﻟﻮﻧﺔ ﻣﻦ ﺷﻨﻮ ؟؟
ﻣﺎﺗﺪﺭﻱ ؟؟
ﻋﻴﻨﻬﺎ ﻋﻠﻰ ﺍﻟﺒﺎﺏ ﻭﺍﻭﻝ ﺳﺆﺍﻟﻬﺎ : " ﺣﻜﻤﺖ ﻭﻳﻦ ؟ "
ﺑﻌﺪﻫﺎ ﻣﺎﻛﻤﻠﺖ ﺍﺗﻜﺴﺮﺕ ﺍﻟﺒﺎﺏ ..
ﻓﺘﺤﻬﺎ ﻣﻬﺪﻱ ﺩﻓﻌﻮﻩ ﻭﺩﺧﻠﻮﺍ ..
ﺻﺎﺡ ﻣﻬﺪﻱ ﺍﺳﺘﺮﻥ ﻧﻔﺴﺠﻦ ..
ﺩﺧﻠﻦ ﻛﻠﻬﻦ ﺍﻟﻐﺮﻓﺔ ﺭﺿﺎﺀ ﻭﺣﻤﺪﻳﺔ ﻭﻟﺒﺴﻦ ﻋﺒﺎﻳﺎﺗﻬﻦ ..
ﻭﻫﻦ ﻳﺴﺄﻟﻦ ﺷﻜﻮ ﻟﻴﺶ ﺍﻻﻣﻦ ﺩﺍﺧﻞ ﺑﻴﺘﻨﺎ ؟؟
ﻓﺘﺸﻮﺍ ﺍﻟﺒﻴﺖ ﻛﻠﻪ .. ﺟﺎﻧﺖ ﺭﺿﺎﺀ ﻭﺍﮔﻔﻪ ﻳﻢ ﺍﻟﺒﺎﺏ ﻭﺗﺘﺼﻨﺖ ..
ﺳﺄﻟﻮﺍ : " ﻏﺮﻓﻪ ﺣﻜﻤﺖ ﻭﻳﻦ ؟ "
ﺟﺎﻭﺑﻬﻢ ﻣﻬﺪﻱ " ﻓﻮﮒ "
ﺳﻤﻌﺖ ﺍﺻﻮﺍﺕ ﺍﻻﻗﺪﺍﻡ ﻋﻠﻰ ﺍﻟﺪﺭﺝ .. ﻟﻄﻤﺖ ﻋﻠﻰ ﻭﺟﻬﻬﺎ
" ﻳﻤﺔ ﺍﺑﻨﻲ .. ﺍﺑﻨﻲ ﺷﻮ ﺷﺒﻲ .. ﻳﻤﺔ ﺣﻜﻤﺖ "
ﮔﻌﺪﺕ ﺗﻠﻄﻢ ﻭﺗﺒﺠﻲ ﺳﺄﻟﺘﻬﺎ ﺣﻤﺪﻳﺔ " ﺷﺒﻴﺞ ﺗﻠﻄﻤﻴﻦ ﻭﺗﺒﺠﻴﻦ ﺣﻜﻤﺖ ﻣﺎﻳﺴﻮﻱ ﺷﻲ ﺧﻄﺄ ﻻﺗﺨﺎﻓﻴﻦ ﺗﻠﮕﻴﻬﻢ ﻣﺘﻮﻫﻤﻴﻦ ﻟﻮ ﻏﻠﻄﺎﻧﻴﻦ "
ﻃﻠﻌﻮﺍ ﻭﺑﻌﺪ ﻣﺎﺍﺧﺬﻭﺍ ﻣﻬﺪﻱ ﻻﻥ ﺍﺑﻮﻩ ﻳﺤﻘﻘﻮﻥ ﻭﻳﺎﻩ ..
ﻃﻠﻌﺖ ﺭﺿﺎﺀ ﻭﻟﮕﺖ ﺟﺪﻫﺎ ﻳﺼﻴﺢ : " ﺭﺍﺡ ﺍﻟﻮﻟﺪ ﺭﺍﺡ "
ﮔﺎﺑﻠﺘﻪ ﺭﺿﺎﺀ " ﺣﻜﻤﺖ ﻭﻳﻦ ﻭﺷﺒﻲ، "
ﺟﺎﻭﺑﻬﺎ ﻭﻫﻮ ﻣﺪﻧﮓ " ﺍﺑﻨﺞ ﺭﺍﺡ ﺑﺎﻟﺮﺟﻠﻴﻦ ﻳﺮﺿﻮﺓ ﺍﺷﺘﻜﻮﺍ ﻋﻠﻴﻪ ﻭﻃﻠﻌﺖ ﺍﻛﻮ ﻛﺘﺐ ﺑﻐﺮﻓﺘﻪ ﻣﺎﺍﺩﺭﻱ ﺷﻨﻲ "
ﮔﻌﺪﺕ ﺭﺿﺎﺀ ﺑﺎﻟﮕﺎﻉ ﻭﺻﺎﺭﺕ ﺗﺼﻴﺢ ﻭﺗﺒﺠﻲ ﻓﺘﺤﺖ ﺯﻳﮕﻬﺎ ﻭﺩﻋﺖ ﺭﺑﻬﺎ " ﺭﺑﻲ ﺍﺭﻳﺪ ﺍﺑﻨﻲ ﻣﻨﻚ .. ﻣﺜﻞ ﻣﺎﺩﺧﻞ ﺑﻬﺎﻟﻤﺸﻜﻠﺔ ﺗﻄﻠﻌﻪ ﻣﻨﻬﺎ " ﻭﻛﻠﻤﻦ ﻭﮔﻌﻪ ﺑﻬﺎﻟﺒﻠﻮﺓ ﺍﻧﺖ ﺗﻘﺘﺺ ﻣﻨﻪ ..
ﮔﺎﻡ ﺣﺠﻲ ﺧﻀﻴﺮ .. " ﺍﻧﻲ ﺭﺍﻳﺢ ﺍﻟﻬﻴﺜﻢ .. ﻫﻴﺜﻢ ﺑﺎﻻﻣﻦ ﻭﺍﻟﻪ ﻣﻌﺎﺭﻑ ﻟﻮ ﺍﺑﻮﺱ ﺍﺩﻳﻪ ﻭﺭﺟﻠﻴﻪ ﺑﺲ ﻛﻮﻥ ﻳﻄﻠﻌﻪ ..
ﺍﻣﻮﺕ ﻭﺭﺍﻩ ﺍﻣﻮﺕ ﻟﻮ ﺻﺎﺭ ﺑﻲ ﺷﻲ ﺍﻣﻮﺕ ..
ﺟﺎﻥ ﻳﻤﺸﻲ ﻭﻳﺤﺠﻲ ﺑﻼ ﻭﻋﻲ .. ﻭﺭﺿﺎﺀ ﺑﺎﻟﻜﺎﻉ ﻭﺗﻠﻄﻢ ﻭﻭﻳﺎﻫﺎ ﺣﻤﺪﻳﺔ ﺍﻟﻲ ﺗﺼﻴﺢ ﻭﺗﺪﻋﻲ ..
" ﺭﺑﻲ ﺍﺧﺬﺕ ﻣﻨﻲ ﻓﺎﺭﺱ ﻭﺭﺿﻴﺖ ﺑﺤﻜﻤﻚ .. ﺑﺲ ﺣﻜﻤﺖ ﻻ .. ﺍﺭﻳﺪﺓ ﻣﻨﻚ ﺍﻟﻬﻲ .. ﻻﺗﻔﺠﻌﻨﻲ ﺑﻌﺰﻳﺰ ﺛﺎﻧﻲ ﺭﺑﻲ "
ﺑﺴﻤﺔ ﺟﺎﻧﺖ ﺗﺒﺠﻲ ﻭﺗﺼﻴﺢ ﻭﻳﻦ ﺣﻜﻤﺖ ﻭﻳﻦ ﺣﻜﻤﺖ ﻭﻫﻲ ﻣﺎﺗﻌﺮﻑ ﺷﻨﻮ ﺍﻟﺴﺎﻟﻔﻪ ﺑﺲ ﻣﻦ ﺗﺸﻮﻓﻬﻦ ﻳﺒﺠﻦ ﻭﻳﺼﻴﺤﻦ ﺗﺴﻮﻱ ﻣﺜﻠﻬﻦ ..
ﺣﺘﻰ ﻭﺳﻦ ﺑﺠﺖ ﻭﻭﺍﺳﺘﻬﻦ ﻻﻥ ﺣﻜﻤﺖ ﻣﺎﺟﺎﻥ ﻣﺄﺫﻳﻬﺎ ﻭﺍﺻﻼ ﻣﺎﻟﻪ ﺍﺫﻳﻪ ﻋﻠﻴﻬﻢ ﻛﻠﻬﻢ ﺑﺲ ﺍﻟﺤﻘﺪ ﺍﻟﻲ ﺑﮕﻠﻮﺏ ﺍﻟﺒﺸﺮ ﻫﻮ ﻣﺮﺽ ﻣﻦ ﺍﻟﻐﻴﺮﺓ ﻭﺍﻟﻐﻞ .. ﻭﺍﻟﺪﻟﻴﻞ ﺷﻤﺎﺗﺔ
ﻟﻤﻴﻌﻪ ﻭﺑﺘﻮﻝ ﺑﻨﻈﺮﺍﺗﻬﻦ ﺍﻟﺮﺿﺎﺀ ..
ﻭﻛﺄﻧﻪ ﻳﮕﻠﻠﻬﺎ ﻫﺬﺍ ﺍﻟﻲ ﺧﺒﺼﺘﻴﻨﺎ ﻋﻠﻴﻪ ﻭﺗﺘﺒﺎﻫﻴﻦ ﺑﻲ ..
ﻭﻓﻌﻼ ﻧﻔﺲ ﺍﻟﻜﻼﻡ ﮔﺎﻟﻪ ﻣﻬﺪﻱ ﻟﻤﻦ ﺭﺟﻊ ﻣﻦ ﺍﻟﺘﺤﻘﻴﻖ
ﺑﻌﺪ ﻣﺎﺍﻋﻠﻦ ﺑﺮﺍﺋﺘﻪ ﻣﻦ ﺍﺑﻨﻪ ﻭﻧﻜﺮ ﻋﻠﻤﺔ ﺑﺄﻓﻌﺎﻟﻪ ﻭﺗﺼﺮﻓﺎﺗﻪ
ﻭﺳﻮﺍﻩ ﻭﻟﺪ ﻋﺎﻕ ﻭﻣﺎﻳﺤﺘﺮﻡ ﺍﺑﻮﻩ ..
ﻫﺬﺍ ﺍﻟﻜﻼﻡ ﺍﻛﺪ ﺍﻟﺘﻬﻢ ﻋﻠﻰ ﺣﻜﻤﺖ ..
ﻭﻣﻬﺪﻱ ﺍﻟﻲ ﺟﺎﻥ ﺑﻌﻴﻦ ﻭﻗﺤﺔ ﻳﺘﺒﺠﺢ ﻋﻠﻰ ﺭﺿﺎﺀ ﻭﻳﮕﻠﻬﺎ
" ﻋﻠﻴﻤﻦ ﻳﻄﻠﻊ ﻣﻨﻮ ﺑﻴﺒﻴﺘﻪ .. ﻃﻠﻊ ﻣﺮﺑﻴﻦ ﺩﺍﻫﻴﺔ ﺑﺒﻴﺘﻨﺎ ﻏﺮﻓﺘﻪ ﻣﻠﻴﺎﻧﺔ ﻛﺘﺐ ﻭﺷﻤﺪﺭﻳﻨﺎ ﻣﺎﺍﻧﺘﻲ ﻭﺍﻣﺞ ﻣﺴﺎﻧﺪﺍﺗﻪ "
ﻫﻨﺎ ﺭﺿﺎﺀ ﺑﺤﺮﮔﺔ ﮔﻠﺒﻬﺎ ﻭﻟﻮﻋﺘﻬﺎ ..
ﻣﺎﺍﺗﺤﻤﻠﺖ ﻛﻼﻣﻪ .. ﮔﺎﻣﺖ ﺑﻼ ﻭﻋﻲ ﻭﺗﻘﺮﺑﺖ ﻣﻨﻪ ﺿﺮﺑﺘﻪ ﻭﺧﺮﻣﺸﺖ ﻭﺟﻬﻪ ﻭﻫﻮ ﻳﺪﻓﻊ ﺑﻴﻬﺎ ﻭﻳﻀﺮﺏ ﻭﻫﻲ ﺗﺮﺩ ﻋﻠﻴﻪ ﻭﺩﻣﻮﻋﻬﺎ ﺗﻨﺰﻝ ﻭﺻﻮﺕ ﻣﺒﺤﻮﺡ ﻣﻦ ﺍﻟﺼﻴﺎﺡ
" ﻣﺎﻛﻮ ﻏﻴﺮﻙ .. ﺍﻧﺖ ﺍﻟﻲ ﺳﻮﺗﻴﻬﺎ ﻭﺗﻬﻤﺘﻬﺎ ﻛﻠﺸﻲ ﺍﺗﻮﻗﻊ ﻣﻨﻚ ﺍﻧﺖ ﻭﺍﻭﻻﺩﻙ .. ﻭﻣﺮﺗﻚ ﻫﻢ ﻋﺒﺎﻟﺠﻦ ﻣﺎﺍﺣﺲ ﺑﺸﻤﺎﺗﺘﺠﻦ .. ﺍﻟﻠﻪ ﺷﺎﻫﺪ ﺍﺑﻨﻲ ﺑﺮﻳﺊ .. ﻭﻋﺴﺎ ﺍﻟﻠﻪ ﻳﻄﻠﻌﻬﺎ ﺑﻴﻚ ﻳﻤﻬﺪﻱ ﻭﺑﻮﻟﺪﻙ .. ﻣﺎﺗﻔﻮﺗﻚ ﺧﻄﻴﺔ ﻳﺘﻴﻢ ﻭﺣﺮﮔﺔ ﮔﻠﺐ ﺍﻡ .. ﻣﺎﺗﺨﻄﻲ ﻳﻤﻬﺪﻱ ﻣﺎﺗﺨﻄﻲ "
ﺟﺎﻧﺖ ﺗﺼﻴﺢ ﻭﻣﻬﺪﻱ ﻳﺴﺪ ﺑﺤﻠﮕﻬﺎ .. ﻭﺑﺴﻤﺔ ﺗﺒﺠﻲ ﻭﺗﺪﻓﻊ ﺑﻲ ﻭﺗﻀﺮﺑﺔ " ﻋﻮﻑ ﻋﻤﺘﻲ ﻋﻮﻑ ﻋﻤﺘﻲ "
ﺿﺮﺑﻬﺎ ﻫﻲ ﺍﻟﺜﺎﻧﻴﺔ ﻭﻭﮔﻌﻬﺎ ﺑﺎﻟﮕﺎﻉ ﺻﺎﺣﺖ ﺑﻲ ﺣﻤﺪﻳﺔ ﻭﺿﺮﺑﺘﺔ " ﺍﺫﺍ ﻃﻠﻌﺖ ﺻﺪﮒ ﺍﻧﺖ ﺍﻟﻲ ﻣﺴﻮﻳﻬﺎ ﺗﺤﻠﻢ ﺗﻌﻴﺶ ﺑﻬﺬﺍ ﺍﻟﺒﻴﺖ "
ﺿﺤﻚ " ﺩﻭﺭ ﺫﺑﻨﻬﺎ ﺑﺮﺍﺳﻲ ﺣﺘﻰ ﺗﺒﺮﺃﻥ ﻫﺬﺍ ﺍﻟﺘﺒﻌﻲ .. ﻃﻠﻊ ﺣﻴﺔ ﻣﻦ ﺟﻮﺓ ﺗﺒﻦ ﻭﻣﺎﻧﺪﺭﻱ "
ﺩﺧﻞ ﺟﺪﺓ ﻭﺳﻤﻊ ﻛﻼﻣﻪ ..
ﺻﺎﺡ ﻭﺟﺎﻥ ﻣﻨﺤﻨﻲ ﺍﻟﻈﻬﺮ " ﺍﺧﺬ ﻋﻴﺎﻟﻚ ﻭﺍﻃﻠﻊ ﻣﻦ ﺑﻴﺘﻲ ﺑﻌﺪ ﻣﺎﻟﻚ ﮔﻌﺪﺓ ﺑﻲ ﻳﻮﻡ ﺍﻟﻲ ﺗﺒﺮﻳﺖ ﻣﻦ ﺣﻜﻤﺖ "
# ﺑﻘﻠﻤﻲ _ ﺍﻟﻜﺎﺗﺒﺔ _ ﺷﻤﺲ
ﻳﺘﺒﻊ