حكمة الذئب

بارت20

ﺻﺒﺎﺡ ﺍﻟﻮﺭﺩ ﺍﺣﺒﺘﻲ ❤
‏( 20 ‏)
#ﺣﻜﻤـﺔ__ﺫﺋﺐ
# ﺑﻘﻠﻢ _ ﺷﻤﺲ _ ﺍﻟﺴﻌﺪﻱ
ﺇﻓﻌﻞ ﻣﺎﺷﺌﺖ !!
ﻓﺴﻴﺄﺗـﻲ ﻳﻮﻣـﺎً ﻳﻔﻌﻞ ﺑﻚ ﻣﺎﻓﻌﻠﺖ ..
ﻋﻨﺪﻣـﺎ ﺗﻈﻠﻢ .. ﺳﺘُﻈﻠﻢ
ﻭﻋﻨﺪﻣـﺎ ﺗﻜﺬﺏ .. ﺳﻴُﻜﺬﺏ ﻋﻠﻴﻚ
ﻭﻋﻨﺪﻣـﺎ ﺗﺸﻮﻩ ﺳﻤﻌﺔ ﺃﺣﺪ
ﻓـﺘﺄﻛﺪ ﺇﻥ ﺩﻭﺭﻙ ﻗـﺎﺩﻡ
ﻓـﺄﻓﻌﻞ ﺍﻵﻥ ﻣﺎﺗﺤﺐ ﺃﻥ ﻳﻔﻌﻞ ﺑﻚ ﻏﺪﺍً
ﻓﻜﻤﺎ ﺗﺪﻳﻦ ﺳﺘﺪﺍﻥ !!
ﺳﺄﻟﺘﻪ .. ﻛﺮﺍﺭ ﺍﻧﺖ ﺷﻨﺎﻭﻱ ؟
ﺟﺎﻭﺏ : ﻧﻴﺘﻲ ﺻﺎﻓﻴﺔ ﻳﺮﺿﻮﺓ ﮔﻠﺒﻲ ﻣﺘﻌﻠﮓ ﻭﻫﺎﻳﻢ ﻭﻣﺎﻳﺤﻠﻬﺎ ﺍﻻ ﺍﻟﺰﻭﺍﺝ .. ﺿﺤﻜﺖ ﻣﻦ ﺳﻤﻌﺖ ﺭﺩﻩ
ﺭﻓﻌﺖ ﺭﺍﺳﻲ ﺷﻔﺖ ﻣﻬﺪﻱ ﻳﻤﻨﺎ ﻭﻓﺎﺗﺢ ﻋﻴﻨﺔ ﺑﻮﺳﻌﻬﻦ ﺳﺤﺐ ﻛﺮﺍﺭ ﻭﺿﺮﺑﺔ ﻭﻛﺮﺍﺭ ﻳﺮﻳﺪ ﻳﻔﻬﻤﺔ ﺑﺲ ﺫﺍﻙ ﻣﺎﻳﻔﻬﻢ ﻭﻓﻀﺤﻨﺎ ﮔﺪﺍﻡ ﺍﻟﻌﺎﻟﻢ ..
ﺑﺲ ﻛﺮﺍﺭ ﻣﺎﺳﻜﺖ ﻭﺧﺎﺻﺔ ﻫﻮ ﺻﺎﻳﺮ ﺍﻃﻮﻝ ﻣﻦ ﻣﻬﺪﻱ ﺭﺟﻌﻠﺔ ﺍﻟﻀﺮﺑﺔ ﺑﺎﻟﮕﻮﺓ ﺍﻟﺴﻴﺪ ﻭﺭﺍﻛﺎﻥ ﻭﺣﻴﺪﺭ ﺧﻠﺼﻮﺍ ﻣﻬﺪﻱ ﻣﻦ ﺍﻳﺪﻩ ..
ﻭﻣﻬﺪﻱ ﻳﺼﻴﺢ .. ﻭﺍﻟﻠﻪ ﺍﻻ ﺍﻣﻮﺗﻚ ﺗﺤﻂ ﻋﻴﻨﻚ ﻋﻠﻰ ﻣﺮﺗﻲ ﻳﺎﺳﺎﻗﻂ ﻳﺎﻧﻐﻞ ..
ﺍﺳﺘﻐﻔﺮ ﺭﺑﻪ ﻛﺮﺍﺭ .. ﻭﺩﻓﻌﻬﻢ ﻭﺭﺍﺩ ﻳﺮﺟﻊ ﻳﻀﺮﺑﺔ ﺭﺟﻌﻮﺍ ﻟﺰﻣﻮﻩ ..
ﺳﻴﺪ ﻋﻠﻲ ﺻﺎﺡ ﺑﻤﻬﺪﻱ : ﺍﺑﻮ ﺭﺯﺍﻕ ﺷﻨﻲ ﻫﺎﻟﺤﺠﻲ ﻋﻴﺐ ﻣﻨﺎ ﻋﺎﻟﻢ ﻭﺷﻠﻮﻥ ﺗﻔﻜﺮ ﺑﺄﻡ ﺣﻜﻤﺖ ﻫﻴﺞ ..
ﺗﻘﺪﻣﺖ ﻭﺩﺍﺩ ﻣﺎﺍﻋﺮﻑ ﺷﻬﻤﺴﺖ ﻟﻠﺴﻴﺪ ﺧﺰﺭﻫﺎ ﺭﺟﻌﺖ ..
ﻛﺮﺍﺭ ﻣﺎﺳﻜﺖ : ﻭﻟﻚ ﻣﺎﻛﻮ ﺳﺎﻗﻂ ﻭﺍﺑﻮ ﻧﺴﻮﺍﻥ ﺍﻻ ﺍﻧﺖ ﺟﻨﺖ ﺍﮔﻮﻝ ﺍﺣﺘﺮﻣﻚ ﻭﺍﺧﻮﻱ ﺍﻟﺠﺒﻴﺮ ﺑﺲ ﻃﻠﻌﺖ ﻣﺎﺗﺴﺘﺎﻫﻞ ﻭﻻﺗﺴﺘﺎﻫﻞ ﺭﺿﻮﺓ ..
ﺭﺩ ﻣﻬﺪﻱ : ﻻﺗﮕﻮﻝ ﺭﺿﻮﺓ ﺷﻴﺨﺼﻚ ﺑﻴﻬﺎ ..
ﺭﺩ ﻛﺮﺍﺭ : ﻻﺗﻨﺴﻰ ﻫﻲ ﺍﺧﺘﻲ ﻭﺟﺎﻧﺖ ﻣﺮﺕ ﺍﺧﻮﻱ ﻭﺍﻡ ﺍﺑﻦ ﺍﺧﻮﻱ .. ﻳﻌﻨﻲ ﺍﺣﺠﻲ ﻭﺍﺿﺤﻚ ﻭﻳﺎﻫﺎ ﻫﺎﻟﺸﻲ ﻣﺎﻳﺨﺼﻚ
ﺭﺩ ﻣﻬﺪﻱ : ﻭﺗﺘﻐﺰﻝ ﺑﻴﻬﺎ ﻣﻮﻭﻭ ﺳﻤﻌﺖ ﻛﻞ ﺣﺠﻴﻚ ﻳﺎﻋﺎﺭ
ﺗﻌﺼﺐ ﻛﺮﺍﺭ ﻭﺑﻴﻨﺖ ﺩﻣﺎﺭﺍﺕ ﺭﮔﺒﺘﻪ :
ﻭﻟﻚ ﻣﺎﻛﻮ ﻋﺎﺭ ﻏﻴﺮﻙ ﺍﺫﺍ ﺟﺒﺖ ﺳﻤﻌﺔ ﺭﺿﻮﺓ ﺑﺎﻟﻌﺎﻃﻞ ﺍﺩﻓﻨﻚ ﺑﻌﻠﻲ ..
ﻟﻮ ﺗﻌﺮﻑ ﻣﺮﺗﻚ ﺷﻨﻲ ﻭﻋﻨﺪﻙ ﺛﻘﺔ ﺑﻴﻬﺎ ﻣﺎﺳﻮﻳﺖ ﻫﻴﺞ ﺑﺲ ﺍﻧﺖ ﺣﺎﻳﺮ ﻛﻞ ﻳﻮﻡ ﻣﺘﺰﻭﺝ ﺑﺤﺎﻟﻬﺎ ..
ﺍﻟﻴﻮﻡ ﻭﺑﺎﺟﺮ ﺍﮔﻠﻚ .. ﺭﺿﻮﺓ ﺍﺧﺘﻲ ﺍﺣﺠﻴﻠﻬﺎ ﻋﻦ ﺣﻴﺎﺗﻲ ﻭﻛﻠﺸﻲ ﻳﺨﺼﻨﻲ ﻣﺎﻳﻬﻤﻚ ﻋﻮﺩ ﻣﻦ ﺗﻬﺘﻢ ﺍﻻﻣﺮﻫﺎ ﺳﻮﻱ ﺭﻭﺣﻚ ﺭﺟﺎﻝ ﺑﺮﺍﺳﻲ ..
ﻣﻬﺪﻱ ﺗﺴﻮﺩﻥ ﻭﺭﺍﺩ ﻳﺮﺟﻊ ﻳﻀﺮﺑﺔ .. ﻭﻟﺰﻣﻮﻩ
ﺿﺤﻚ ﻛﺮﺍﺭ : ﻻﻋﺎﺩﻱ ﻋﻮﻓﻮﻩ ﺍﺭﻳﺪ ﺍﺷﻮﻑ ﺷﻠﻮﻥ ﻳﻀﺮﺑﻨﻲ
ﺻﺎﺡ ﺍﻟﺴﻴﺪ : ﻛﺎﻓﻲ ﺍﻧﺘﻮ ﺟﻬﺎﻝ ﺷﻨﻲ ﻫﺎﻟﻌﺮﻙ ﻓﻀﺤﺘﻮﻧﺎ ﮔﺪﺍﻡ ﺍﻟﻌﺎﻟﻢ ﻣﻮ ﺻﻮﺟﻜﻢ ﺻﻮﺝ ﺍﻟﻄﺎﻟﻊ ﻭﻳﺎﻛﻢ ﺍﺷﺮ ﺍﻻﺧﻮﺍﺗﺔ ﻭﻭﺩﺍﺩ :
ﻳﻠﺔ ﻟﻤﻦ ﻏﺮﺍﺿﺠﻦ ﺭﺍﺟﻌﻴﻦ ..
ﻋﻤﺘﻲ ﻫﻢ ﻣﺎﺳﻜﺘﺖ ﻭﺑﻘﺖ ﺗﺤﺠﻲ ﻋﻠﻰ ﻣﻬﺪﻱ ﺍﻟﻲ ﺟﺎﻥ ﻣﺼﺮ ﺍﻛﻮ ﺷﻲ ﺑﻴﻨﻲ ﻭﺑﻴﻦ ﻛﺮﺍﺭ .
ﺍﺣﺲ ﻧﺎﺭ ﻭﺷﺒﺖ ﺑﻴﻪ ﺍﺳﺘﺤﻴﺖ ﻣﻦ ﺍﻟﻮﺍﮔﻔﻴﻦ ﻭﻣﻦ ﺍﻟﺴﻴﺪ ﺷﻴﮕﻮﻝ ﻋﻠﻴﻪ ..
ﻟﻮ ﺍﻟﻌﻠﻮﻳﺎﺕ ﺻﺎﻓﻨﺎﺕ ﻣﺼﺪﻭﻣﺎﺕ .. ﺟﺎﻧﻮ ﻭﻟﺪ ﻣﻬﺪﻱ ﻳﺼﻴﺤﻮﻥ ﺍﻟﺤﻜﻤﺖ ﺍﺑﻦ ﺍﻟﻌﺎﻳﺒﺔ ﻭﺍﻟﻨﺎﺱ ﺗﺴﺄﻝ ؟
ﺷﻨﻲ ﺍﺑﻦ ﺍﻟﻌﺎﻳﺒﺔ ..
ﻋﻤﺘﻲ ﻧﻀﺤﻚ ﻭﺗﺮﺩ : ﻫﺎﻱ ﺳﻮﺍﻟﻒ ﺍﻟﺸﺮﺍﻳﺞ .. ﻭﺗﻠﻮﻑ ﺍﻟﺴﺎﻟﻔﺔ ﻋﻠﻰ ﺑﺘﻮﻝ ..
ﺑﺲ ﻫﺴﺎ ﻭﺑﻌﺪ ﻣﺎﻋﺮﻓﻮﺍ ﺣﻜﻤﺖ ﻣﻮ ﺍﺑﻦ ﻣﻬﺪﻱ ﺷﻴﮕﻮﻟﻮﻥ ﻟﻮ ﺗﻬﻤﺘﺔ ﻋﻠﻴﻪ ﻭﻃﻌﻨﻲ ﺑﺸﺮﻓﻲ ﮔﺪﺍﻣﻬﻢ ..
ﺑﻌﺪ ﻣﺎﺣﺠﺖ ﻋﻤﺘﻲ ﻛﻠﻬﺎ ﺑﺪﺕ ﺗﺤﻀﺮ ﻟﻠﺮﺟﻌﺔ ..
ﺗﻘﺮﺏ ﻣﻬﺪﻱ ﺭﺍﺩ ﻳﺤﺠﻲ .. ﺍﺷﺮﺗﻠﻪ
- ﺍﺷﺸﺸﺶ ﻣﺎﺍﺭﻳﺪ ﺍﺳﻤﻊ ﻣﻨﻚ ﻭﻻﻛﻠﻤﺔ ﺟﻨﺖ ﺗﺤﺮﻡ ﻋﻠﻴﻪ ﺑﺲ ﻫﺴﺎ ﻣﺎﺭﺍﺡ ﺍﺧﻠﻲ ﺷﻲ ﻳﺮﺑﻄﻨﺎ ..
ﻋﻘﺞ ﺣﺎﺟﺒﻪ :
- ﺷﺘﻘﺼﺪﻳﻦ ؟
- ﺍﻗﺼﺪ ﻧﺘﻄﻠﮓ ﻳﺎﺍﺑﻦ ﻋﻤﻲ ﺍﻭﻝ ﻭﺗﺎﻟﻲ ﺍﺣﻨﺔ ﻣﺎﻳﺮﺑﻄﻨﺎ ﺷﻲ ﻻﺟﻬﺎﻝ ﻭﻻﺭﺍﺑﻂ ﻏﻴﺮﻩ .. ﻭﺣﻜﻤﺖ ﻭﻋﺮﻑ ﺍﻟﺴﺎﻟﻔﻪ
ﻣﺎﺍﺭﻳﺪ ﺍﺑﻘﻰ ﻋﻠﻰ ﺫﻣﺘﻚ ..
ﺿﺤﻚ :
- ﻫﺎ ﻳﺮﺿﻮﺓ ﻳﻌﻨﻲ ﺍﻟﺤﺠﻲ ﺍﻟﺴﻤﻌﺘﺔ ﺻﺪﮒ ﻣﻌﻨﺎﻫﺎ ﻣﺘﻔﻘﺔ ﻭﻱ ﻫﺎﻟﺰﻋﻄﻮﻁ ﻋﻠﻰ ﺍﻟﺰﻭﺍﺝ ..
ﻋﺎﻳﻨﺖ ﻋﻠﻴﻪ ﺑﻠﻌﺒﺎﻥ ﻧﻔﺲ :
- ﻳﻮﻡ ﻋﻦ ﻳﻮﻡ ﻳﺰﻳﺪ ﻧﺪﻣﻲ ﺍﻧﻪ ﻓﻲ ﻳﻮﻡ ﺭﺩﺕ ﮔﺮﺑﻚ ﻭﺣﺒﻚ ﻣﺎﺍﻋﺮﻑ ﺷﻠﻮﻥ ﻃﺎﻭﻋﺘﻨﻲ ﺭﻭﺣﻲ ﺍﻟﻚ ..
ﺟﻨﺖ ﺗﺮﻳﺪ ﺗﺴﻤﻌﻬﺎ ﻣﻨﻲ ﻣﻦ ﺯﻣﺎﻥ ..
ﺑﺲ ﻫﺴﺎ ﺭﺍﺡ ﺍﮔﻠﻚ :
ﻣﺎﻣﺮ ﻋﻠﻴﻪ ﺭﺟﺎﻝ ﺣﺒﻨﻲ ﻣﺜﻞ ﺣﺴﻦ ﺍﺑﻮ ﺍﺑﻨﻲ .. ﺑﺲ ﻫﻮ ﺍﻟﻲ ﺟﺎﻥ ﻳﻌﺎﻣﻠﻨﻲ ﺑﻄﻴﺐ ﻭﺣﺐ ..
ﺍﻣﺎ ﺍﻧﺖ ﺟﺎﻥ ﮔﺮﺑﻚ ﺍﻟﻲ ﺑﺲ ﺭﻏﺒﺔ … ﺍﻧﺖ ﻣﺎﺗﻌﺮﻑ ﺍﻟﺤﺐ ﻳﻤﻬﺪﻱ ﺣﺒﻚ ﻣﺘﻮﻗﻒ ﻋﻠﻰ ﻓﺮﺍﺷﻚ ﻭﺍﻟﻲ ﺳﻮﻳﺘﺔ ﺑﺒﺘﻮﻝ ﺣﺐ ﻋﻤﺮﻙ ﺍﻛﺒﺮ ﺩﻟﻴﻞ ﺗﺴﻮﺩﻥ ﻳﻮﻡ ﺣﺎﺟﻴﺘﻪ ﻫﻴﺞ ﺟﺎﻧﺖ ﺍﻭﻝ ﻣﺮﺓ ﺍﻓﺮﻍ ﮔﻠﺒﻲ ﻭﺍﺣﺠﻲ ﺍﻟﻲ ﺑﺪﺍﺧﻠﻲ ..
ﺭﻓﻊ ﺍﻳﺪﻩ ﺭﺍﺩ ﻳﻀﺮﺏ ﺳﻤﻌﺖ ﺻﻮﺕ :
- ﻻ ﻋﻤﻲ
ﺍﻟﺘﻔﺘﺖ ﺟﺎﻥ ﺻﻮﺕ ﺣﻜﻤﺖ ﺍﺭﺗﺴﻤﺖ ﺭﻫﺒﺔ ﻭﻏﺮﺍﺑﺔ ﻋﻠﻰ ﻭﺟﻪ ﻣﻬﺪﻱ ﻳﻮﻡ ﮔﺎﻟﻪ ﻋﻤﻲ ..
ﺍﻭﻝ ﻣﺮﺓ ﻳﺴﻤﻌﻬﺎ ﻣﻦ ﺣﻜﻤﺖ ..
ﺣﻜﻤﺖ ﺍﻟﻤﻄﻴﻊ ﻭﺍﻟﻲ ﻳﻤﺸﻲ ﺑﺄﻣﺮﻩ ﺣﻜﻤﺖ ﺍﻻ ﻣﺎﻳﺼﻴﺤﻠﻪ ﺍﻻ ﻳﺎﺑﻪ ..
ﻛﻤﻞ ﻛﻼﻣﺔ : ﺑﻌﺪ ﻣﺎﺍﻗﺒﻞ ﺗﻀﺮﺏ ﺍﻣﻲ . ﺍﻧﺖ ﺍﺫﻳﺘﻬﺎ ﻫﻮﺍﻱ ﺳﻤﻌﺖ ﺣﺠﻴﻜﻢ ﻣﻮ ﻣﺘﻘﺼﺪ ﺑﺲ ﻣﺠﺒﻮﺭ ﺍﻋﺮﻑ ﺷﻨﻲ ﺍﻟﻲ ﻣﻀﻴﮓ ﺧﻠﮓ ﺍﻣﻲ ﻭﻣﺒﺠﻴﻬﺎ ﺩﻭﻡ ..
ﺍﻣﻲ ﻣﺎﺗﺮﻳﺪﻙ ﻳﻌﻤﻲ ﻋﻮﻓﻬﺎ ﺍﻧﻲ ﻛﺒﺮﺕ ﻭﺍﻧﻲ ﺍﻟﻤﺴﺆﻭﻝ ﻋﻨﻬﺎ ﻭﺍﺣﻤﻴﻬﺎ ﺍﻣﻲ ﻣﺎﺑﺤﺎﺟﺔ ﺭﺟﺎﻝ ﻏﻴﺮﻱ ﺑﺤﻴﺎﺗﻬﺎ ..
ﺟﻨﺖ ﺻﺎﻓﻨﺔ ﻭﻓﺮﺣﺎﻧﺔ ﺍﻟﺮﺩﻩ ..
ﺭﻏﻢ ﻣﻬﺪﻱ ﺿﺎﺝ ﻭﺭﺯﻟﻪ : ﺍﻧﺖ ﻻﺗﺘﺪﺧﻞ ﺫﺍﻙ ﺍﻟﻴﻮﻡ ﺻﺮﺕ ﻭﺗﺤﺸﺮ ﺭﻭﺣﻚ ﺑﻴﻨﺎ ﻫﺎﻟﺸﻐﻠﺔ ﺑﻴﻨﻲ ﻭﺑﻴﻦ ﺍﻣﻲ ..
ﺭﺍﺩ ﻳﺤﺠﻲ ﺣﻜﻤﺖ ﺍﺷﺮﺗﻠﻪ ﻳﺴﻜﺖ ..
ﺍﺧﺬﺕ ﺍﺑﻨﻲ ﻭﻣﺸﻴﺖ ﻳﻢ ﻋﻤﺘﻲ ﺍﻟﺠﺎﻧﺖ ﺗﺪﺭﺩﻡ ﻭﺗﺤﺠﻲ ﻋﻠﻰ ﻣﻬﺪﻱ ..
ﻭﺗﮕﻮﻝ ﺑﻌﺪ ﻳﺤﻠﻢ ﺍﻃﻠﻊ ﻭﻳﺎﻩ ﻓﺸﻠﻨﺎ ﮔﺪﺍﻡ ﺍﻟﻌﺎﻟﻢ ..
ﺍﺗﻘﺮﺑﺖ ﺍﻟﻌﻠﻮﻳﺔ ﺭﻗﻴﺔ ﻣﻨﻲ ﻋﻴﻮﻧﻬﺎ ﺑﻴﻬﺎ ﺍﻟﻒ ﺳﺆﺍﻝ ﻭﺳﺆﺍﻝ ﺑﺲ ﻣﺎﺗﺠﺮﺃﺕ ﺗﺴﺄﻝ ..
ﺭﺩﺕ ﺍﺟﺎﻭﺑﻬﺎ ﺑﻄﺮﻳﻘﺘﻲ ﻋﻠﻰ ﺍﺳﺄﻟﺘﻬﺎ :
- ﺟﺎﻥ ﻛﺮﺍﺭ ﻳﺤﺠﻲ ﺑﻴﺞ ﺑﺲ ﻫﻤﺰﻳﻦ ﻣﺎﺟﺎﺏ ﺍﺳﻤﺞ ﺑﺎﻟﻮﺳﻂ ..
ﺷﻬﮕﺖ : ﺑﻴﻪ ﺍﻧﻪ ﺷﺤﺠﻰ ﻭﺷﻨﻬﻲ ﺍﻟﻲ ﺳﻤﻌﻪ ﺍﺑﻮ ﺭﺯﺍﻕ ﻭﺧﻼﻩ ﻳﺘﺴﻮﺩﻥ ﻋﻠﻴﻜﻢ ..
- ﻣﻬﺪﻱ ﻓﻬﻢ ﺍﻟﺴﺎﻟﻔﺔ ﺧﻄﺄ ﻭﻣﺎﮔﺪﺭﻧﺎ ﻧﻔﻬﻤﺔ ﻻﻥ ﺍﻟﺴﻴﺪ ﻭﺍﮔﻒ ..
ﻛﺮﺍﺭ ﺟﺎﻥ ﻳﮕﻠﻲ ﻳﺮﻳﺪﺝ ﻣﺮﺓ ﺍﻟﻪ .. ﻳﻌﻨﻲ ﻧﻴﺘﻪ ﺯﻭﺍﺝ ..
ﺑﺲ ﻣﻬﺪﻱ ﺳﻤﻊ ﻭﺧﺮﺏ ﻛﻠﺸﻲ ..
ﻟﻄﻤﺖ ﻋﻠﻰ ﺻﺪﺭﻫﺎ : ﻣﻌﻨﺎﺗﻬﺎ ﺗﺤﻤﻠﺘﻲ ﺍﻟﺤﺠﺎﻳﻪ ﺑﺴﺒﺒﻲ ﻟﻮ ﻣﺎﺍﻧﻲ ﺻﺪﻳﺖ ﻋﻴﻨﻲ ﺑﻌﻴﻨﺔ ﻣﺎﺟﺎﻥ ﺗﺴﻮﺩﻥ ﻭﺣﺠﻰ ﻭﻳﺎﺝ
ﺣﻀﻨﺘﻨﻲ ﻭﮔﺎﻟﺖ : ﺳﺎﻣﺤﻴﻨﻲ ﺍﻡ ﺣﻜﻤﺖ
ﺳﻤﻌﺘﻬﺎ ﻭﺩﺍﺩ ﺟﺎﻧﺖ ﺷﺎﻳﻠﺔ ﺑﻨﺘﻬﺎ ﺑﺤﻀﻨﻬﺎ : ﻋﻠﻴﻤﻦ ﺗﺴﺎﻣﺤﺞ
ﺭﺩﻳﺖ : ﻣﺎﻛﻮ ﺷﻲ ﻳﻮﺩﺍﺩ ﻻﺗﺸﻴﻠﻴﻦ ﻫﻢ .
ﮔﺎﻟﺖ : ﺷﺤﺠﺘﻲ ﺍﻧﺘﻲ ﻭﻛﺮﺍﺭ ﻭﺧﻠﻴﺘﻲ ﺍﺧﻮﻱ ﻳﺘﺴﻮﺩﻥ ﻭﻟﻮ ﻫﻲ ﻣﻮ ﺍﻭﻝ ﻣﺮﺓ
ﺿﺤﻜﺖ : ﻣﺎﻟﻲ ﺷﻐﻞ ﻟﻮ ﺍﺧﻮﺝ ﻳﻔﻬﻢ ﺍﻟﺤﺠﻲ ﺑﻜﻴﻔﻪ ﻣﺎﺩﺍﻡ ﺟﺒﻴﺒﻨﻲ ﺍﺑﻴﺾ ﮔﺪﺍﻡ ﺭﺑﻲ ﻣﺎﻳﻬﻤﻨﻲ ﺍﻟﺒﺸﺮ ..
ﮔﻤﺖ ﺷﻠﺖ ﺍﻟﻐﺮﺍﺽ ﻭﻱ ﻋﻤﺘﻲ ﻭﺣﻤﻠﻨﺎﻫﻦ ﻟﻠﺴﻴﺎﺭﺓ ..
ﺍﻡ ﺭﺍﻛﺎﻥ ﺳﻠﻤﺖ ﻋﻠﻴﻨﺎ ﻭﺟﺎﻧﺖ ﺗﻮﺻﻲ ﺑﻌﻤﺘﻲ ﻭﺗﮕﻠﻬﺎ ﻣﻮ ﺗﻨﺴﻴﻦ ﺧﺎﺑﺮﻳﻨﻲ ..
ﺭﺟﻌﻨﺎ ﻭﺍﻟﻄﺮﻳﻖ ﻛﻠﻪ ﺳﺎﻛﺘﻴﻦ ﻭﻳﻦ ﻣﻦ ﺍﺟﻴﻨﺎ ﺳﻮﺍﻟﻒ ﻭﺿﺤﻚ ﻭﻭﻳﻦ ﻫﺴﺎ ..
ﺟﺎﻧﻮﺍ ﻣﻬﺪﻱ ﻭﺳﻴﺪ ﻋﻠﻲ ﻳﺘﻌﺎﻭﻧﻮﻥ ﻋﻠﻰ ﺍﻟﺪﺭﺏ ..
ﻋﻨﺪﻣﺎ ﺗﺼﻤﺖ ﻗﻠﻮﺑﻨﺎ ﺧﻮﻓﺎ ﻣﻦ ﺍﻧﻜﺴﺎﺭﻫﺎ ..
ﺍﻓﻜﺎﺭﻧﺎ ﺗﺼﻤﺖ ﻟﺘﺰﻳﻞ ﺣﺎﺟﺰ ﺍﻟﺼﻤﺖ ﺫﻟﻚ ..
ﺍﻟﻄﺮﻳﻖ ﻛﻠﻪ ﻭﺧﺎﺻﺔ ﺑﻌﺪ ﻣﺎﺣﻞ ﺍﻟﻠﻴﻞ ﺍﻟﻜﻞ ﺟﺎﻧﺖ ﺍﻓﻜﺎﺭﻩ ﺗﺘﺨﺒﻂ ﻳﻤﻴﻨﺎ ﻭﻳﺴﺎﺭﺍ ..
ﺍﻭﻟﻬﻢ ﻛﺎﻧﺖ ﺣﻤﺪﻳﺔ ﻭﻫﻲ ﺗﺘﺬﻛﺮ ﺳﻔﺮﺍﺗﻬﺎ ﻭﻱ ﻓﺎﺭﺱ ﻭﻫﺎﻱ ﺭﺍﺡ ﻳﺪﺧﻠﻮﻥ ﺑﺴﻨﺔ ﺍﻟﺜﻼﺛﺔ ﻭﺍﻟﺘﺴﻌﻴﻦ ﻭﻫﻮ ﻣﺎﻟﻪ ﺧﺒﺮ ..
ﻧﺎﺱ ﻫﻮﺍﻱ ﺭﺟﻌﺖ ﻭﻧﺎﺱ ﺍﺟﻪ ﺧﺒﺮﻫﺎ ﺑﺲ ﻓﺎﺭﺱ ﺍﻟﻲ ﻣﺎﻟﻪ ﺧﺒﺮ ..
ﺗﺬﻛﺮﺕ ﻛﻼﻡ ﺍﺧﻮﻫﺎ ﺻﺎﻟﺢ ﻭﻫﻮ ﻳﮕﻠﻬﺎ ﺗﺰﻭﺟﻲ ﻋﻤﺮﺝ ﻳﺮﻛﺾ ﻭﺗﻠﮕﻴﻪ ﻟﻮ ﻣﻴﺖ ﻟﻮ ﻣﺘﺰﻭﺝ ﻭﻣﺮﺗﺎﺡ ..
ﺣﻤﺪﻳﺔ ﻣﻦ ﻛﺜﺮ ﺣﺒﻬﺎ ﺍﻟﻪ ﺗﺘﻤﻨﻰ ﻋﺎﻳﺶ ﻭﻣﺘﺰﻭﺝ ﻭﻻﻳﻜﻮﻥ ﻣﻴﺖ ..
ﻣﺎﺍﻏﺮﺏ ﻫﺬﺍ ﺍﻟﺤﺐ ﺍﻟﺘﻲ ﺗﺘﻤﻨﻰ ﻟﻤﻌﺸﻮﻗﻬﺎ ﺍﻟﺴﻌﺎﺩﻩ ﺭﻏﻢ ﺗﻌﺎﺳﺘﻬﺎ ..
ﻣﺴﺤﺖ ﺩﻣﻮﻋﻬﺎ ﺑﻄﺮﻑ ﻋﺒﺎﻳﺘﻬﺎ ..
ﻭﺑﺎﻭﻋﺖ ﺍﻟﺸﺮﻳﻜﺘﻬﺎ ﺑﺎﻟﺤﻆ .. ﺭﺿﺎﺀ ﺍﻟﻲ ﺻﺎﺭﺕ ﺍﻟﺪﻧﻴﺎ ﻭﺍﻟﻬﻤﻮﻡ ﺗﻘﻮﻳﻬﺎ .. ﺟﺎﻧﺖ ﺿﻌﻴﻔﺔ ﻭﺧﺎﺿﻌﻪ ﻭﺍﻟﻴﻮﻡ ﻫﻲ ﺗﺼﺮﺥ ﺑﺪﺍﺧﻠﻬﺎ ﺻﻮﺗﻬﺎ ﻋﺎﻟﻲ ﺟﺪﺍ ﻟﻜﻦ ﻻﻳﺴﻤﻌﻬﺎ ﺍﻻ ﺍﻟﻲ ﻳﻔﻬﻤﻬﺎ ..بيج قصص عراقيه حقيقيه من واقعنا.روعه الطائي
ﻃﻮﻝ ﺍﻟﻄﺮﻳﻖ ﻭﻫﻲ ﻋﻴﻨﻬﺎ ﻋﻠﻰ ﺍﺑﻨﻬﺎ ﺍﻟﻲ ﺯﺭﻉ ﻫﺎﻟﻘﻮﺓ ﺑﺪﺍﺧﻠﻬﺎ .. ﻭﻋﻴﻨﻬﺎ ﻋﻠﻰ ﻣﻬﺪﻱ ﺍﻟﻲ ﺣﻄﻢ ﻭﺿﻴﻊ ﺍﺟﻤﻞ ﺳﻨﻴﻦ ﺣﻴﺎﺗﻬﺎ ..
ﺟﺎﻧﺖ ﺗﺒﺤﺚ ﻋﻦ ﺍﻟﺤﺐ ﻭﺍﻻﻣﺎﻥ ﺑﻘﺮﺑﻪ ﺍﻟﻬﺎ .. ﻟﻜﻨﻬﺎ ﺳﺮﻋﺎﻥ ﻣﺎﺍﻛﺘﺸﻔﺖ ﻫﺬﺍ ﺍﻟﺤﺐ ﻣﻮﺟﻮﺩ ﺑﺤﻀﻦ ﺍﺧﺮ ﺍﻟﺤﺐ ﺍﻟﻲ ﺟﺎﻥ ﻣﺤﺎﻭﻃﻬﺎ ﻣﻨﺬ ﺳﻨﻴﻦ ﻭﻛﻠﻤﺎ ﻳﻜﺒﺮ ﻳﺰﻳﺪ ﻭﻣﺎﻳﻨﻘﺺ ﺣﺐ ﻧﻘﻲ ﺧﺎﻟﻲ ﻣﻦ ﺍﻟﻤﺼﺎﻟﺢ ﻭﺍﻻﻧﺎﻧﻴﺔ ..
ﺣﺐ ﺣﻜﻤﺖ ﺍﻟﻬﺎ ﺷﻲ ﻣﺨﺘﻠﻒ ﺣﺐ ﻣﻦ ﻧﻮﻉ ﺍﺧﺮ ..
ﺍﻟﺘﻔﺖ ﺣﻜﻤﺖ ﻳﻄﻤﺄﻥ ﻋﻠﻰ ﻣﺤﺒﻮﺑﺘﻪ ﻟﮕﺎﻫﺎ ﺗﺒﺎﻭﻉ ﻋﻠﻴﻪ ﻭﺩﻣﻮﻋﻬﺎ ﺗﻨﺰﻝ ..
ﺭﻏﻢ ﺍﻟﻈﻼﻡ ﺍﻟﻲ ﺑﺎﻟﺴﻴﺎﺭﺓ ﻟﻜﻦ ﻣﺎﮔﺪﺭ ﻳﻤﻨﻊ ﺍﻧﻪ ﻳﺤﺲ ﺑﺪﻣﻮﻋﻬﺎ ﻭﻳﺸﻮﻑ ﻟﻤﻌﺘﻬﻦ ﻋﻠﻰ ﻭﺟﻨﺎﺗﻬﺎ ..
ﮔﺎﻡ ﻣﻦ ﻣﻜﺎﻧﺔ ﻭﮔﻌﺪ ﻳﻤﻬﺎ ..
ﻃﻠﻊ ﻗﻄﻌﻪ ﻗﻤﺎﺵ ﻣﻦ ﺟﻴﺒﻪ ﻫﺎﻟﻘﻄﻌﻪ ﺍﻣﻪ ﺍﺷﺘﺮﺗﻬﺎ ﺍﻟﻪ ﻳﺤﻤﻠﻬﺎ ﻋﻦ ﺍﻟﺤﺮ ﺍﻭ ﺍﻟﻌﺮﻕ ..
ﻟﻜﻦ ﻫﻮ ﻣﺤﺘﻔﻆ ﻳﻴﻬﺎ ﻛﺎﻟﺸﻲ ﺍﻟﺜﻤﻴﻦ ﻭﻛﺄﻧﻪ ﺍﻣﻪ ﻣﻌﺎﻩ ﺩﺍﺋﻤﺎ ﻭﺍﻳﻨﻤﺎ ﻭﺟﺪ ..
ﻣﺴﺢ ﺩﻣﻮﻋﻬﺎ ﺑﻲ ﻭﻫﻤﺲ ﺍﻟﻬﺎ : ﻫﺴﺎ ﺻﺎﺭﺕ ﻫﺎﻟﻮﺻﻠﺔ ﺍﻏﻠﻰ ﻣﻦ ﻗﺒﻞ ..
ﺍﺧﺬ ﺧﺎﻭﻟﻲ ﺻﻔﻄﻪ ﻭﺧﻼﻩ ﻋﻠﻰ ﻛﺘﻔﻪ ﮔﺎﻟﻬﺎ
- ﻧﺎﻣﻲ ﻋﻠﻰ ﺟﺘﻔﻲ ﻳﻤﺔ ﺍﻟﻠﻴﻞ ﻃﻮﻳﻞ ﺗﺘﻌﺒﻴﻦ ..
ﺭﺩﺕ ﻋﻠﻴﻪ :
- ﻻﻳﻤﺔ ﺟﺘﻔﻚ ﻳﻮﺟﻌﻚ ﻫﻴﺞ ﺍﻧﻲ ﻣﺮﺗﺎﺣﺔ
- ﺟﺘﻔﻲ ﻣﺎﻳﻮﺟﻌﻨﻲ ﺍﺫﺍ ﻧﺎﻣﺖ ﻋﻠﻴﻪ ﺍﻟﻤﻼﺋﻜﺔ .. ﺑﺎﻟﻌﻜﺲ ﺗﺰﻳﺪﺓ ﻗﻮﺓ ﻭﺻﻼﺑﺔ ..
ﺍﺑﺘﺴﻤﺖ ﺑﺎﺩﻟﻬﺎ ﺍﻻﺑﺘﺴﺎﻣﺔ : ﻫﻴﺞ ﺍﺭﻳﺪﺝ ﺍﻧﺴﻲ ﺍﻟﺪﻣﻮﻉ ﻭﺍﻭﻋﺪﺝ ﺍﻧﻲ ﺍﺣﻠﻬﺎ ﻣﻦ ﻧﺮﺟﻊ ..
ﻋﺮﻓﺖ ﻫﻮ ﻓﺎﻫﻤﻬﺎ ﻭﻋﺎﺭﻑ ﺑﺸﻨﻮ ﺗﻔﻜﺮ ﺧﻠﺖ ﺭﺍﺳﻬﺎ ﻋﻠﻰ ﻛﺘﻔﻪ ﻭﻧﺎﻣﺖ ﺑﺄﻣﺎﻥ ..
ﻗﺮﺏ ﺭﺍﺳﺔ ﺍﻟﺮﺍﺳﻬﺎ ﻭﺍﺗﻨﻬﺪ ﻣﻄﻤﺄﻣﻦ ..
ﻛﺎﻧﺖ ﺍﻟﻌﻴﻮﻥ ﻣﺮﺍﻗﺒﺘﻬﻢ :
ﻓﻬﻨﺎﻙ ﻋﻴﻮﻥ ﺗﺘﺤﺴﺮ ﻋﻠﻰ ﺣﺒﻬﻢ ﻭﺍﻟﺮﺍﺑﻂ ﺍﻟﻲ ﺑﻴﻨﻬﻢ ..
ﻭﻧﺎﺱ ﺣﺎﻗﺪﺓ ﻭﻣﺎﻟﻲ ﺍﻟﻐﻞ ﻭﺍﻟﺤﻘﺪ ﮔﻠﺒﻬﻢ ..
ﮔﻌﺪﺕ ﺣﻤﺪﻳﺔ ﺗﺴﻮﻱ ﻟﻔﺎﺕ ﺑﻨﺺ ﺍﻟﻠﻴﻞ ﻭﺗﻨﻄﻴﻬﻢ ﺧﺎﻑ ﺟﻮﻋﺎﻧﻴﻦ .. ﻭﻣﻬﺪﻱ ﻭﮔﻒ ﺑﻮﺳﻂ ﺍﻟﻄﺮﻳﻖ ﺍﺳﺘﺮﺍﺣﺔ ..
ﻧﺰﻟﻮﺍ ﻏﺴﻠﻮﺍ ﻭﺻﻠﻮﺍ ﻭﻛﻤﻠﻮﺍ ﻃﺮﻳﻘﻬﻢ ﻟﻠﺒﻴﺖ ..
ﻟﻠﻈﻬﺮ ﻳﻠﺔ ﻭﺻﻠﻮﺍ ..
ﺟﺎﻥ ﺣﺠﻲ ﺧﻀﻴﺮ ﻣﻮﺟﻮﺩ ﻭﺻﺎﻟﺢ ..
ﺗﻠﮕﺎﻫﻢ ﻟﻠﺒﺎﺏ ﺑﺲ ﺍﻟﻮﺟﻮﻩ ﻛﻠﻬﺎ ﺿﺎﻳﺠﺔ ﺑﻌﻜﺲ ﻣﺎﻃﻠﻌﺖ ﻓﺮﺣﺎﻧﺔ ﻭﻣﺮﺗﺎﺣﺔ ..
ﻟﻤﻴﻌﺔ ﺟﺎﻧﺖ ﻣﺎﺣﺎﺳﺒﺔ ﺣﺴﺎﺑﻬﻢ ﺑﺎﻟﻐﺪﺍ ..
ﺑﺲ ﺑﺴﺮﻋﻪ ﺣﻤﺪﻳﺔ ﮔﻠﺖ ﻛﺒﺔ ﻭﺯﻻﻃﺔ ﺳﻮﺕ ﺳﺪﺍﺩ ﻭﻱ ﺍﻟﺘﻤﻦ ﻭﺍﻟﻤﺮﻙ .
ﻭﺍﺻﻼ ﺍﻟﻜﻞ ﺟﺎﻥ ﺗﻌﺒﺎﻥ ﺍﻛﻠﻮﺍ ﺷﻮﻳﻪ ﻭﺭﺍﺣﻮﺍ ﻧﺎﻣﻮﺍ ..
ﺩﺧﻠﻦ ﺭﺿﺎﺀ ﻭﺣﻤﺪﻳﺔ ﻟﻠﻐﺮﻓﻪ ﻣﺪﻥ ﺍﻟﻔﺮﺍﺷﺎﺕ ..
ﻭﺣﻤﺪﻳﺔ ﺗﻔﺮﻙ ﺑﺮﺟﻠﻬﺎ ﻣﻦ ﺍﻟﺘﻌﺐ ﻭﺟﺎﻧﻦ ﻣﻮﺭﻣﺎﺕ ..
- ﻭﻟﺞ ﺭﺿﻮﺓ ﺫﻧﻲ ﺷﺴﻮﻳﻠﻬﻦ ﻣﻮﺭﻣﺎﺕ
ﺭﺩﺕ :
- ﻋﻤﺔ ﻟﻮ ﻣﺨﻠﻴﺘﻬﻦ ﺑﻤﺎﻱ ﺩﺍﻓﻲ ﻣﻠﺢ ﻳﺮﺗﺎﺣﻦ ..
- ﺍﻱ ﻭﺍﻟﻠﻪ ﺑﺲ ﺷﻴﮕﻮﻣﻨﻲ ﺑﻌﺪ ﺧﻠﻴﻬﺎ ﻟﻠﻌﺼﺮ ﺍﺳﻮﻳﻬﻦ ﻫﺴﺎ ﺑﺲ ﺍﺭﻳﺪ ﺍﻧﺎﻡ ﻣﻦ ﺍﻟﺘﻌﺐ ..
ﺍﻭﻝ ﻣﺎﺧﻠﺖ ﺭﺍﺳﻬﺎ ﻋﻠﻰ ﺍﻟﻤﺨﺪﺓ ﻧﺎﻣﺖ ..
ﺑﻘﺖ ﺭﺿﺎﺀ ﻣﻨﺘﻈﺮﺓ ﺣﻜﻤﺖ ﻳﺠﻲ ﺑﻌﺪ ﻣﺎﻓﺮﺷﺘﻠﺔ ﻳﻤﻬﺎ
ﺩﺧﻞ ﮔﺎﻟﺘﻠﺔ :
- ﻳﻠﺔ ﻳﻤﺔ ﻧﺎﻡ ﺍﻧﺖ ﺗﻌﺒﺎﻥ ﻭﺍﻟﻠﻴﻞ ﻛﻠﺔ ﻣﺎﻧﻤﺖ ..
ﺭﺩ ﻋﻠﻴﻬﺎ : ﻳﻤﺔ ﻣﻮ ﻫﺴﺎ ﺍﺭﻳﺪﺝ ﻭﻳﺎﻱ ﺗﮕﻮﻣﻴﻦ ﺍﻟﺠﺪﻱ ﺑﺎﻟﺪﻳﻮﺍﻧﻴﺔ
ﺳﺄﻟﺖ ﺑﺄﺳﺘﻐﺮﺍﺏ : ﺷﻜﻮ ﺑﺲ ﻻﮔﻠﺘﻠﻪ ﺑﺎﻟﺴﺎﻟﻔﻪ ؟ ﻳﻤﺔ ﻣﻮ ﻭﻛﺘﻬﺎ ﻟﻮ ﻣﺨﻠﻴﻬﺎ ﻟﻠﻌﺼﺮ ﺗﺘﻠﮕﺎﻩ ﺑﻤﺸﺎﻛﻠﻨﺎ ﺍﻭﻝ ﻣﺎﻧﺮﺟﻊ
- ﻳﻤﺔ ﻫﻮ ﺳﺄﻟﻨﻲ ﻟﻴﺶ ﻋﻤﻲ ﻛﺮﺍﺭ ﻭﺣﻴﺪﺭ ﻧﺰﻟﻮﺍ ﺑﺎﻟﻄﺮﻳﻖ ﻭﺭﺍﺣﻮﺍ ﻟﻠﻨﺎﺻﺮﻳﺔ ﻭﺍﻧﻲ ﺣﺠﻴﺘﻠﻪ ﮔﻮﻣﻲ ﻭﺑﻌﺪﻳﻦ ﺍﻓﻬﻤﺞ
ﻛﻼﻣﺔ ﻭﻗﺮﺍﺭﺍﺗﻪ ﻣﺎﺟﺎﻥ ﺍﺑﻦ ﺛﻼﺙ ﻋﺸﺮ ﺳﻨﺔ ﻭﻛﺄﻧﻪ ﺍﺑﻦ ﺍﻟﺜﻼﺛﻴﻦ ﻋﺎﻣﺎ ..
ﺭﺿﺎﺀ :
ﺩﺧﻠﺖ ﻟﮕﻴﺖ ﺟﺪﻱ ﮔﺎﻋﺪ ﻋﻠﻰ ﻓﺮﺍﺷﺔ ﻭﻳﺴﺒﺢ ..
ﺍﺷﺮﻟﻲ : ﺗﻌﺎﻱ ﺑﻮﻳﺔ ﻳﻤﻲ ..
ﺣﻜﻤﺖ ﺣﺠﺎﻟﻲ ﺍﻟﺴﻮﺍﻩ ﺍﻟﻤﺴﻮﺩﻥ ﻣﻬﺪﻱ .. ﻭﺷﻠﻮﻥ ﻓﻀﺤﻜﻢ ﮔﺪﺍﻡ ﺍﻟﺴﺎﺩﺓ ..
ﺣﺴﺎﺑﻪ ﺑﻌﺪﻳﻦ ﺑﺲ ﺍﻟﻲ ﺷﺎﻏﻠﻨﻲ ﺳﺆﺍﻟﻴﻦ ؟
ﻛﺮﺍﺭ ﺷﺠﺎﻥ ﻋﻨﺪﺓ ﺳﺎﻟﻔﻪ ﺧﻠﺖ ﻣﻬﺪﻱ ﻳﺘﺴﻮﺩﻥ ؟
ﺣﺠﻴﺖ ﺍﻟﺠﺪﻱ ﻛﻠﺸﻲ ﻋﻦ ﻛﺮﺍﺭ ﻭﺍﻋﺠﺎﺑﻪ ﺑﺎﻟﻌﻠﻮﻳﺔ ﺷﻔﺖ ﺍﻻﺑﺘﺴﺎﻣﺔ ﻋﻠﻰ ﻭﺟﻬﺔ ﻭﺟﻦ ﻓﺮﺡ ﺑﻬﺎﻟﺨﺒﺮ ..
ﺑﻌﺪﻫﺎ ﻓﺎﺟﺄﻧﻲ ﺑﺴﺆﺍﻝ : ﻭﺍﻧﺘﻲ ﺻﺪﮒ ﺭﺍﻳﺪﺓ ﺗﺘﻄﻠﮕﻴﻦ ﻣﻦ ﻣﻬﺪﻱ ؟
ﺍﺳﺘﻐﺮﺑﺖ ﻭﻋﺎﻳﻨﺖ ﻋﻠﻰ ﺣﻜﻤﺖ ﺍﻟﻲ ﺟﺎﻥ ﻣﺪﻧﺞ ﺭﺍﺳﺔ ﻟﻠﮕﺎﻉ ..
ﺣﺠﻴﺘﻬﺎ ﺑﺎﻟﮕﻮﺓ : ﻭﺷﻴﻔﻴﺪ ﺍﺫﺍ ﮔﻠﺖ ﺍﺩﺭﻳﻚ ﻣﺎﺗﻄﻠﮕﻨﻲ ﻣﻨﻪ ﻭﺗﺨﺎﻑ ﻣﻦ ﺣﺠﻲ ﺍﻟﻌﺎﻟﻢ ؟
ﺑﺲ ﻳﺠﺪﻱ ﻣﻬﺪﻱ ﻋﻤﺮﺓ ﻣﺎﺟﺎﻥ ﺭﺟﻞ ﺍﻟﻲ .. ﺣﻄﻤﻨﻲ ﻭﺿﻴﻊ ﻛﻠﺸﻲ ﺣﻠﻮ ﺑﺤﻴﺎﺗﻲ ﻭﺣﺮﻣﻨﻲ ﻣﻦ ﺍﺣﻠﻰ ﺷﻲ ﺑﺎﻟﺪﻧﻴﺎ …… . ﻗﺎﻃﻌﻨﻲ ﺟﺪﻱ
- ﺍﻟﻲ ﺗﺮﺩﻳﻪ ﻳﺠﺮﺍﻟﺞ ﺑﻮﻳﺔ ..
ﺭﻓﻌﺖ ﻋﻴﻨﻲ ﻋﻠﻴﻪ ﻣﺼﺪﻭﻣﺔ ؟ ﻭﺟﺎﻥ ﺣﻜﻤﺖ ﻣﺜﻠﻲ
- ﺗﺤﺠﻲ ﺻﺪﮒ ﺑﻮﻳﺔ ؟
ﻫﺰ ﺭﺍﺳﻪ ﺭﻏﻢ ﺿﺎﻳﺞ : ﺟﻨﺖ ﻣﺒﻘﻲ ﻫﺎﻟﺰﻭﺍﺟﺔ ﺍﻟﺨﺎﻃﺮ ﺣﻜﻤﺖ ﺑﺲ ﻣﺎﺩﺍﻡ ﻫﻮ ﻃﻠﺐ ﺑﺎﻟﺴﺎﻧﻪ ﻭﮔﺎﻝ ﺍﺭﻳﺪ ﺍﻣﻲ ﺗﺘﻄﻠﮓ ﻭﺗﺮﺗﺎﺡ .. ﺍﻧﻲ ﻣﻮﺟﻮﺩ ﻭﺍﻧﺖ ﻣﻮﺟﻮﺩ ﺍﻣﻲ ﻣﺎﺑﻌﺎﺯﺓ ﻭﺍﺣﺪ ﻳﺤﻤﻴﻬﺎ ﻏﻴﺮﻧﺎ ..
ﮔﻠﺘﻠﺔ : ﻭﺍﻧﺖ ﻳﺒﻮﻳﺔ ﻫﻮ ﻣﺴﻤﻰ ﺍﺳﻤﻚ ﺑﺎﻟﺠﻨﺴﻴﺔ ..
ﺭﺩ ﻋﻠﻴﻪ : ﺍﻧﻲ ﺍﺑﻮﻱ ﺍﻧﺖ ﻣﻮ ﻫﻮ .. ﺍﻧﺖ ﺍﻟﻲ ﺭﺑﻴﺘﻨﻲ ﻭﻛﺒﺮﺗﻨﻲ ﻭﻋﻠﻤﺘﻨﻲ ﻣﺎﻳﻮﻡ ﺷﻔﺖ ﺣﻨﺎﻥ ﺍﻻﺑﻮ ﺍﻻ ﻣﻨﻚ ..
ﻏﻠﻄﺖ ﻳﺠﺪﻱ ﻳﻮﻡ ﺳﺠﻠﺘﻨﻲ ﺑﺄﺳﻤﺔ ﺑﺲ ﺍﻛﺒﺮ ﻓﻀﻞ ﺳﻮﻳﺘﺔ ﺍﻟﻲ ﻳﻮﻡ ﺍﻟﻲ ﺭﺑﻴﺘﻨﻲ ﻭﻣﺎﺧﻠﻴﺘﻪ ﻫﻮ ﻳﺮﺑﻴﻨﻲ ﻣﺜﻞ ﺭﺯﺍﻕ ﻭﺑﺸﺎﺭ ..
ﺑﻬﺬﺍ ﻛﻼﻣﺔ ﺍﻟﻲ ﺳﺎﺑﻖ ﻋﻤﺮﺓ ﺧﻼﻧﻲ ﺁﻣﻦ ﻭﺍﺻﺪﮒ ﻣﺎﻳﺤﻤﻴﺞ ﻏﻴﺮﻩ ..
ﺿﺤﻜﺖ ﻣﻦ ﻓﺮﺣﺘﻲ ﻭﺣﻀﻨﺖ ﺟﺪﻱ . ﻭﺭﺟﻌﺖ ﺣﻀﻨﺖ ﺍﺑﻨﻲ ﺍﻟﻲ ﺑﻜﻠﻤﺔ ﻣﻨﻪ ﻏﻴﺮﻟﻲ ﺣﻴﺎﺗﻲ ﻭﻓﻚ ﺍﺳﺮﻱ ..
ﻭﺍﺧﻴﺮﺍ ﺭﺍﺡ ﺍﺻﻴﺮ ﺣﺮﺓ ﻭﻣﺎﺍﺗﺴﻤﻰ ﻣﺮﺕ ﻣﻬﺪﻱ ..
ﺭﺟﻌﺖ ﻟﻔﺮﺍﺷﻲ ﻭﻧﻤﺖ ﻣﺮﺗﺎﺣﺔ .. ﺍﻭﻝ ﻣﺮﺓ ﺍﻧﺎﻡ ﻣﺮﺗﺎﺣﺔ ﻫﻴﺞ ..
ﻟﻠﻌﺼﺮ ﮔﻌﺪﺕ ﻛﻠﻬﺎ ﻃﺎﻟﻌﻪ ﺑﺲ ﺍﺣﻨﺔ ﺍﻟﻨﺴﻮﺍﻥ ﺑﺎﻟﺒﻴﺖ ..
ﻣﻬﺪﻱ ﺟﺎﻥ ﺭﺍﻳﺢ ﺍﻟﻮﺳﻦ ﻭﺑﺘﻮﻝ ﺿﺎﻳﺠﺔ ﻭﺗﺘﻌﺎﺭﻙ ﻭﻱ ﻋﻤﺘﻲ ﻟﻤﻴﻌﺔ ..
ﻭﺍﻟﺜﺎﻧﻴﺔ ﺗﮕﻠﻬﺎ ﻋﻮﻓﻴﻬﺎ ﻭﺭﺍﻱ ﻭﻣﻌﻠﻴﺞ ..
ﻣﺎﺍﻋﺮﻑ ﺷﺠﺎﻥ ﻳﺨﻄﻄﻦ ﻭﻣﺎﺭﺩﺕ ﺍﻋﺮﻑ ..
ﺑﺸﺮﺕ ﻋﻤﺘﻲ ﻋﻠﻰ ﺳﺎﻟﻔﻪ ﺍﻟﻄﻼﮒ ﺿﺤﻜﺖ :
- ﺍﻭﻝ ﻣﺮﺓ ﺍﺷﻮﻑ ﻭﺣﺪﺓ ﻓﺮﺣﺎﻧﺔ ﺍﻟﻄﻼﮔﻬﺎ
ﺭﺩﻳﺖ ﻋﻠﻴﻬﺎ : ﻭﺍﻭﻝ ﻣﺮﺓ ﻣﺎﺗﻌﺎﺭﺿﻴﻦ ﻭﺗﮕﻠﻴﻠﻲ ﺭﺟﻠﺞ ﻭﻣﻦ ﻫﺎﻟﺤﺠﻲ ؟
ﺍﺗﻨﻬﺪﺕ : ﻻﻥ ﻋﺮﻓﺖ ﻣﻬﺪﻱ ﻣﻮ ﺭﺟﺎﻝ ﻭﻻﻣﺎﻝ ﺍﻋﺘﻤﺎﺩ ﻣﻬﺪﻱ ﻣﺎﺩﺍﻡ ﻋﺮﻑ ﻃﺮﻳﻖ ﺍﻟﻨﺴﻮﺍﻥ ﺭﺍﺡ ﻛﻞ ﻳﻮﻡ ﻣﺪﺧﻠﻠﻨﺎ ﻭﺣﺪﺓ ﺷﻜﻞ ..
ﻭﺩﻭﺭ ﺍﻧﺘﻲ ﺭﺍﺡ ﺗﻔﺮﻏﻴﻠﺔ ﻧﻔﺮ ﺣﺘﻰ ﺑﻌﺪ ﻳﺴﺘﻨﻜﻰ ﻭﻳﻘﺒﻂ ﺑﺮﺍﺣﺘﻪ .. ﺿﺤﻜﺘﻨﻲ ﺻﺪﮒ ..
ﻃﻮﻝ ﺍﻟﻴﻮﻡ ﻓﺮﺣﺎﻧﺔ ﺟﻨﺖ ﻭﺍﺣﺲ ﺑﻨﺸﺎﻁ .. ﻋﺠﻨﺖ ﻭﺧﺒﺰﺕ ﻭﻱ ﻋﻤﺘﻲ ﻭﺣﻀﺮﻧﺎ ﺍﻟﻌﺸﺎ ﻭﻣﻬﺪﻱ ﻣﺎﺟﺎﻱ ..
ﻳﻮﻣﻴﻦ ﻳﻠﺔ ﺭﺟﻊ ﻭﺍﻧﻲ ﺟﻨﺖ ﺍﺭﻳﺪ ﺗﻔﺾ ﻫﺎﻟﺴﺎﻟﻔﻪ ﺑﺴﺮﻋﻪ
ﻣﻦ ﺷﻔﺘﻪ ﺩﺧﻞ ﻫﻮ ﻭﻭﺳﻦ ﮔﻠﺒﻲ ﺍﻧﻘﺒﺾ ..
ﺟﺎﻧﺖ ﺍﻣﻬﺎ ﻭﻳﺎﻫﺎ ﺟﺎﻳﻪ ﺑﺤﺠﺔ ﺗﺴﺎﻋﺪﻫﺎ ﺑﻌﺪ ﻣﺎﻣﻬﺪﻱ ﺍﺻﺮ ﺗﺮﺟﻊ ﻟﻠﺒﻴﺖ ..بيج قصص عراقيه حقيقيه من واقعنا.روعه الطائي
ﺩﺧﻠﻦ ﺍﻟﻐﺮﻓﺘﻬﻦ ﺑﻌﺪ ﻣﺎﺳﻠﻤﻦ .. ﺟﺪﻱ ﺻﺎﺡ ﻣﻬﺪﻱ ﻟﻠﺪﻳﻮﺍﻧﻴﺔ ﺣﺴﻴﺖ ﺑﮕﻠﺒﻲ ﻳﺪﮒ ﺣﻴﻞ ..
ﺷﻮﻳﺔ ﻭﺩﺯ ﺟﺪﻱ ﻋﻠﻴﻪ .. ﺍﺷﺮﺕ ﺍﻟﻌﻤﺘﻲ ﺗﺮﻭﺡ ﻭﻳﺎﻱ ..
ﺷﺎﻓﻨﻲ ﺍﻟﺒﻘﻴﺔ ﻛﺘﻠﻬﻦ ﺍﻟﻔﻀﻮﻝ ﻭﺍﺟﻦ ﻭﺭﺍﻧﺎ ..
ﺍﻟﺘﻔﺘﺖ ﻋﻤﺘﻲ ﺍﻟﻬﻦ . ﻟﻤﻴﻌﺔ ﺑﺘﻮﻝ ﺷﻌﺪﺟﻦ ﺟﺎﻳﺎﺕ ﻫﻮ ﺻﺎﺡ ﺭﺿﻮﺓ ﺻﺎﺣﺠﻦ ﺍﻟﺠﻦ ..
ﺑﺲ ﻣﺎﺳﻤﻌﻦ ﻭﺍﺻﺮﻥ ﻳﺠﻦ ..
ﺩﺧﻠﺖ ﻭﺟﺎﻧﺖ ﻋﻴﻮﻥ ﻣﻬﺪﻱ ﻋﺒﺎﺭﺓ ﻋﻦ ﻟﻬﻴﺐ ..
ﻭﻳﺨﻮﺯﺭ ﺑﻴﻪ ..
ﺍﻟﻲ ﻓﻬﻤﺘﻪ ﺗﺎﻫﻤﻨﻲ ﮔﺪﺍﻡ ﺟﺪﻱ ﻭﺟﺪﻱ ﺿﺎﺭﺑﻪ ﻭﻣﻔﻬﻤﺔ ﺍﻟﺴﺎﻟﻔﻪ .. ﻭﺑﻌﺪﻳﻦ ﮔﺎﻳﻠﺔ ﺍﻧﺖ ﻣﺎﺗﺴﺘﺎﻫﻞ ﺭﺿﻮﺓ ﻃﻠﮕﻬﺎ ﻭﺍﺧﺬ ﻣﻦ ﺷﺎﻛﻠﺘﻚ ﺭﺿﻮﻩ ﻣﻦ ﺑﺎﺟﺮ ﺍﺯﻭﺟﻬﺎ ﺍﻏﺎﺗﻚ ﻭﺍﺣﺪ ﻳﺴﺘﺎﻫﻠﻬﺎ ..
ﻭﻫﺬﺍ ﺍﻟﺸﻲ ﻣﻀﻮﺟﻪ ﻣﻮ ﺣﺒﺎ ﺑﻴﺔ ﻃﺒﻌﺎ ﻻ ﺑﺲ ﺣﺐ ﺍﻣﺘﻼﻙ ..
ﺭﻏﻢ ﺍﻧﻲ ﺍﺻﻼ ﻣﺎﺑﻨﻔﺴﻲ ﺍﻟﺰﻭﺍﺝ ﻭﻻﺍﺭﻳﺪﺓ ﻋﻨﺪﻱ ﺍﺑﻨﻲ ﺍﺭﺑﻴﻪ ﻭﺍﻛﺒﺮﻩ ﻫﺎﻱ ﺗﺴﻮﻯ ﺍﻟﺪﻧﻴﺎ ..
ﻃﻠﮕﻨﻲ ﺳﻴﺪ ﻭﺑﻌﺪﻫﺎ ﺑﻴﻮﻣﻴﻦ ﻃﻠﮕﻨﻲ ﻣﺤﻜﻤﺔ ﺟﺎﻧﺖ ﻓﺮﺣﺔ ﺑﺘﻮﻝ ﻣﺎﺗﻨﻮﺻﻒ ﻭﻟﻮ ﻣﺎﺍﻟﻔﺸﻠﺔ ﺟﺎﻥ ﻫﻠﻬﻠﺖ ..
ﻭﺻﺎﺣﺖ ﻳﻮﻡ ﺍﻟﻲ ﻧﺨﻠﺺ ﻣﻦ ﺍﻟﺜﺎﻧﻴﺔ ..
ﻣﻦ ﻫﺬﺍ ﺍﻟﻴﻮﻡ ﺍﻧﻘﻄﻌﺖ ﻋﻼﻗﺘﻲ ﺑﻤﻬﺪﻱ ﻧﻬﺎﺋﻴﺎ ﺣﺘﻰ ﺣﺠﺎﺏ ﮔﻤﺖ ﺍﻟﺒﺲ ﻣﻨﻪ .. ﻭﻫﻮ ﻫﻢ ﻣﺎﺍﻫﺘﻢ ﺟﺪﻱ ﺩﻓﻌﻠﻲ ﻛﻞ ﺣﻘﻮﻗﻲ ﻣﻨﻪ ..
ﺍﺧﺬﺗﻬﻦ ﻋﻤﺘﻲ ﻭﺭﺍﺣﺖ ﺍﺷﺘﺮﺗﻠﻲ ﺫﻫﺐ ﻭﮔﻠﺖ ﺧﻠﻴﻪ ﺫﺧﺮ ﺍﻟﺞ .. ﺣﻴﺎﺗﻲ ﺗﻐﻴﺮﺕ ﺣﺴﻴﺖ ﺑﻨﻔﺴﻲ ﻣﺮﺗﺎﺣﺔ ..
ﻣﺮﺕ ﺍﻻﺷﻬﺮ ﻭﺑﻴﻮﻡ ﮔﻌﺪﻧﺎ ﻋﻠﻰ ﺻﻮﺕ ﻭﺳﻦ ﺗﺒﺠﻲ ﻭﺗﺼﻴﺢ ﺑﺎﻟﻠﻴﻞ ..
ﺗﺮﺍﻛﻀﻨﺎ ﻟﻠﻐﺮﻓﻪ ﻭﺟﺎﻧﺖ ﻋﻨﺪﻫﺎ ﻭﻻﺩﺓ ..
ﺑﺘﻮﻝ ﺿﺎﺟﺖ ﺭﺍﺡ ﻣﻬﺪﻱ ﻫﻮ ﻭﺍﻣﺔ ﺟﺎﺑﻮﺍ ﺍﻟﺠﺪﺓ ..
ﺑﺲ ﻣﻦ ﺍﺟﺖ ﺍﻟﺠﺪﺓ ﺻﺪﻣﺘﻨﺎ ﺑﺤﺎﻟﺘﻬﺎ ﺗﻌﺒﺎﻧﺔ ﻭﻻﺯﻡ ﻧﺎﺧﺬﻫﺎ ﻟﻠﻤﺴﺘﺸﻔﻰ ﻻﻥ ﺍﻟﻄﻔﻞ ﻣﺘﻌﺴﺮ .
ﻭﺳﻦ ﺑﺲ ﺗﺒﺠﻲ ﻭﺗﺼﻴﺢ ﺍﺭﻳﺪ ﺍﻣﻲ .. ﺍﺧﺬﻭﻫﺎ ﻭﻣﺎﺭﺟﻌﻮﺍ ﺍﻟﺜﺎﻧﻲ ﻳﻮﻡ ..
ﻭﺳﻦ ﺗﻌﺒﺎﻧﺔ ﺣﻴﻞ ﻭﺗﺒﺠﻲ ﻭﺍﻣﻬﺎ ﺗﺪﻋﻲ ﻋﻠﻰ ﺑﺘﻮﻝ ﻭﺗﮕﻮﻝ ﺷﻮ ﺷﻮﺗﻠﻬﺎ ﺍﻟﻠﻪ ﺍﻟﻌﺎﻟﻢ ﺷﺨﻠﺘﻠﻬﺎ ﻭﻣﻮﺗﺖ ﺍﻟﻄﻔﻞ ..
ﺷﻬﮕﺖ ﻋﻤﺘﻲ ﺣﻤﺪﻳﺔ ﻭﻟﻄﻤﺖ ﻋﻠﻰ ﺻﺪﺭﻫﺎ .. ﺷﻠﻮﻥ ﻣﺎﺕ
ﺍﻡ ﻭﺳﻦ ﻣﺴﺘﻤﺮﺓ ﺑﺎﻟﺤﺠﻲ ﻭﺍﻟﺪﻋﺎﺀ ﻭﺑﺘﻮﻝ ﺍﻟﻔﺮﺣﺔ ﻣﺎﺳﺎﻳﻌﺘﻬﺎ ﻫﻲ ﻭﻋﻤﺘﻲ ﻟﻤﻴﻌﺔ ﻭﺟﻨﻬﻦ ﺩﺍﺧﻼﺕ ﺑﺤﺮﺏ ﻭﺍﻧﺘﺼﺮﻥ ..
ﻣﺎﺍﺩﺭﻱ ﻟﻴﺶ ﺍﻧﻘﻬﺮﺕ ﻋﻠﻰ ﻭﺳﻦ ﻭﺣﺴﻴﺖ ﺑﻔﻘﺪﺍﻥ ﺍﻻﺑﻦ ﺗﺬﻛﺮﺕ ﻳﻮﻡ ﺍﻟﻲ ﻭﮔﻊ ﻃﻔﻠﻲ ﻭﺷﺎﻟﻮﺍ ﺭﺣﻤﻲ ..
ﺍﺍﺍﻩ ﻳﻤﻬﺪﻱ ﻣﺪﺭﻱ ﻟﻴﺶ ﺍﻟﻲ ﺗﺼﻴﺮ ﻋﻨﺪﻙ ﺗﺬﺑﻞ ﺑﻌﺪ ﻣﺎﺟﺎﻧﺖ ﻭﺭﺩﺓ ﻣﻔﺘﺤﺔ ..
ﺗﺬﻛﺮﺕ ﻭﺳﻦ ﻣﻦ ﺩﺧﻠﺖ ﺑﻴﺘﻨﺎ ﺷﻠﻮﻥ ﺟﺎﻧﺖ ﻭﻫﺴﺎ ﺣﺎﻟﻬﺎ ﺷﻠﻮﻥ ..
ﻣﻦ ﻫﺬﺍ ﺍﻟﻴﻮﻡ ﺷﻦ ﺍﻟﺤﺮﺏ ﺑﻴﻨﻬﻦ ﻭﻣﺎﺍﺗﺼﺎﻓﻦ ﺍﺑﺪ ﻫﻲ ﻭﺑﺘﻮﻝ ..
ﻭﻳﺎﻟﻴﺖ ﺗﻮﻗﻔﺖ ﻉ ﺍﻟﺤﺠﻲ ﺑﺲ .. ﻭﺍﻧﻤﺎ ﺻﺎﺭﻥ ﻭﺣﺪﺓ ﺗﺘﺒﻠﻰ ﻋﻠﻰ ﺍﻟﺜﺎﻧﻴﺔ ﻭﻳﻤﻜﺮﻥ ﺣﺘﻰ ﻳﺎﺧﺬﻥ ﻣﻬﺪﻱ ﺑﺎﻟﻠﻴﻞ
ﻭﻛﺄﻧﻪ ﺍﻟﺤﻴﺎﺓ ﻣﺘﻮﻗﻔﺔ ﻋﻠﻴﻪ ﺑﺲ ..
ﻣﺮﺕ ﺍﻻﺷﻬﺮ ﻭﺣﻜﻤﺖ ﻧﺠﺢ ﻟﻠﺜﺎﻧﻲ ﻣﺘﻮﺳﻂ ﺑﺘﻔﻮﻕ ..
ﻭﻫﺎﻟﺸﻲ ﺿﻮﺝ ﺑﺘﻮﻝ ﺍﻻ ﺭﺯﺍﻕ ﻟﺴﺎ ﺑﺎﻻﺑﺘﺪﺍﺋﻴﺔ ﻭﻫﻮ ﻭﺑﺸﺎﺭ ﺑﻨﻔﺲ ﺍﻟﻤﺮﺣﻠﺔ ..
ﺍﻣﺎ ﻋﻤﺘﻲ ﻟﻤﻴﻌﺔ ﺟﺎﻧﺖ ﻓﺮﺣﺎﻧﺔ ﺑﺼﺪﺍﻡ ﺍﻟﻲ ﺻﺎﺭ ﺑﺎﻟﻤﺪﺭﺳﺔ ﻭﻣﺨﻠﻴﻪ ﺳﺪﺍﺩ ﺗﺪﺭﺳﻪ ﻭﻣﺎﺗﻐﻔﻞ ﻋﻨﻪ ..
ﻭﺍﺳﻤﻌﻬﺎ ﺗﮕﻠﺔ ﺍﺭﻳﺪﻙ ﻣﺜﻞ ﺣﻜﻤﺖ ﺷﺎﻃﺮ ..
ﺑﻨﻬﺎﻳﺔ ﺳﻨﺔ ﺛﻼﺛﺔ ﻭﺗﺴﻌﻴﻦ ﺟﺪﻱ ﻗﺮﺭ ﻳﺨﻄﺐ ﺍﻟﻜﺮﺍﺭ ﻭﺣﻴﺪﺭ ﺍﻟﻌﻠﻮﻳﺎﺕ ﺑﺲ ﺣﻴﺪﺭ ﻣﺎﻗﺒﻞ ﻭﮔﺎﻝ ﻣﺎﺍﺭﻳﺪ ﺍﺗﺰﻭﺝ ﻫﺴﺎ ﺍﻻ ﻟﻤﻦ ﺍﻛﻤﻞ ﻭﺗﻌﻴﻦ .. ﺑﺲ ﺍﻟﻈﺎﻫﺮ ﻋﻨﺪﺓ ﻭﺣﺪﺓ ﺑﺒﺎﻟﺔ
ﺟﺪﻱ ﻫﺎﻟﻤﺮﺓ ﻫﻮ ﺣﺠﺔ ﻭﻱ ﺳﻴﺪ ﻫﺎﺷﻢ ﻭﺳﻴﺪ ﻋﻠﻲ ﻭﻣﺎﺍﻋﺘﺮﺿﻮﺍ ﺍﺑﺪ ﻭﮔﺎﻟﻮﺍ :
- ﮔﺒﻊ ﻭﺍﺧﺬ ﺣﺠﻲ ﺳﻴﺪ ﻋﻠﻲ ﺳﻮﻟﻔﻠﻲ ﻋﻠﻰ ﻛﺮﺍﺭ ﻳﻮﻡ ﺭﺍﺣﻮﺍ ﻟﻠﺸﻤﺎﻝ ﻭﻣﻌﺠﺐ ﺑﺮﺯﺍﻧﺘﻪ ﻭﺷﺨﺼﻴﺘﻪ ..
ﺍﻟﻈﺎﻫﺮ ﺑﻌﺪ ﻣﺎﺻﺎﺭﺕ ﺍﻟﻌﺮﻛﺔ ﺑﻴﻨﻪ ﻭﺑﻴﻦ ﻣﻬﺪﻱ ﺳﻴﺪ ﻋﻠﻲ ﻣﺎﺧﺬﺓ ﺣﺘﻰ ﻳﻬﺪﺃ ﻭﻛﺮﺍﺭ ﻣﺼﺎﺭﺣﺔ ﻭﮔﺎﻳﻠﺔ ﻣﺎﺍﺟﺬﺏ ﻋﻠﻴﻚ ﺍﻧﻲ ﺷﻔﺖ ﺍﻟﻌﻠﻮﻳﺔ ﻭﺍﺧﻼﻗﻬﺎ ﻭﺣﺠﻴﺖ ﻭﻱ ﺭﺿﻮﺓ ﺗﺨﻄﺒﻬﺎ ﺍﻟﻲ ﻫﻲ ﻭﻋﻤﺘﻲ ﻭﻫﺬﺍ ﺍﺟﺔ ﻭﺍﻓﺘﻬﻢ ﻏﻠﻂ ..
ﺳﻴﺪ ﻋﻠﻲ ﺟﺎﻥ ﺣﻠﻴﻢ ﺑﺎﻻﻣﻮﺭ ﻭﻣﺎﻳﺘﺴﺮﻉ ﻃﺒﻌﻪ ﻣﺨﺘﻠﻒ ﻋﻦ ﻣﻬﺪﻱ .. ﻓﻠﻤﺎ ﺭﺍﺟﻊ ﻣﺤﺎﺟﻲ ﺳﻴﺪ ﻫﺎﺷﻢ ﻟﻜﻦ ﻇﺮﻭﻓﻨﺎ ﺣﻮﺷﻨﺎ ﻭﻣﺸﺎﻛﻠﻨﺎ ﺍﺧﺮﺕ ﺍﻟﻤﻮﺿﻮﻉ ..
ﺗﻤﺖ ﺧﻄﺒﺔ ﻛﺮﺍﺭ ﻭﺍﺟﻦ ﺧﺎﻻﺗﻪ ﻣﻦ ﺍﻟﻨﺎﺻﺮﻳﺔ ﻭﻫﺎﻱ ﺍﻭﻝ ﻣﺮﺓ ﺍﺷﻮﻓﻬﻦ ﻣﻦ ﻭﻓﺎﺓ ﻋﻤﺘﻲ ﺑﺜﻴﻨﺔ ..
ﻭﺍﺟﺔ ﺟﺪ ﻛﺮﺍﺭ ﻭﺧﻮﺍﻟﺔ ﻫﻢ ..
ﻳﻮﻣﻬﺎ ﺑﻴﺘﻨﺎ ﺍﻧﺘﺮﺱ ﻧﺎﺱ .. ﻭﺑﻨﻔﺲ ﺍﻟﻴﻮﻡ ﺧﻄﺒﺔ ﻭﻣﺸﻴﻪ ﻋﻠﻤﻮﺩ ﺑﻴﺖ ﺟﺪﺓ ﻣﺎﻳﮕﺪﺭﻭﻥ ﻳﺮﺣﻮﻥ ﻭﻳﺮﺟﻌﻮﻥ ..
ﺍﻟﻌﻠﻮﻳﺔ ﺭﻗﻴﻪ ﻃﺎﻟﻌﺔ ﺗﺨﺒﻞ ﻭﻫﻲ ﻣﺎﻗﺎﺻﺮﺓ ..
ﺧﻴﻄﺘﻠﻬﺎ ﺛﻮﺑﻬﺎ ﺑﻴﺪﻱ ﻣﺨﺼﺮ ﻋﻠﻰ ﺟﺴﻤﻬﺎ ﻭﺍﻟﻘﻤﺎﺵ ﻣﻦ ﻋﻤﺘﻲ ﺟﺎﻥ ﺟﺪﻱ ﺟﺎﻳﺒﻠﻬﻴﺎ ﻣﻦ ﺍﻟﺤﺞ ..
ﻃﻠﻌﺘﻪ ﻭﮔﺎﻟﺖ : ﺭﺩﺗﺔ ﺍﻟﻤﺮﺕ ﺣﻜﻤﺖ ﺑﺲ ﻣﻨﺎ ﺍﻟﺬﺍﻙ ﺍﻟﻮﻛﺖ ﺟﺎﻱ ﺍﻻﺣﻠﻰ ﻭﺍﻻﻏﻠﻰ ..
ﺣﺴﻴﺘﻬﺎ ﻣﻨﻜﺴﺮﻩ ﻭﻣﺎﻋﻨﺪﻫﺎ ﺍﻣﻞ ﺑﻌﺪ ﺑﺮﺟﻌﺔ ﻓﺎﺭﺳﻬﺎ ﺍﻟﻲ ﺟﺎﻧﺖ ﺗﻨﺘﻈﺮﻩ ﻳﻮﻡ ﺍﻟﻲ ﺳﻤﻌﺖ ﺑﺎﻻﺳﺮﻯ ﻳﺠﻮﻥ ..
ﺍﺷﺘﺮﺕ ﻭﺧﻴﻄﺖ ﺍﺣﻠﻰ ﺍﻟﺜﻴﺎﺏ ..
ﺑﺲ ﺑﻌﺪﻫﺎ ﺑﻘﺖ ﺗﻌﺎﻳﻦ ﻋﻠﻴﻬﻦ ﻭﺗﺮﺟﻌﻬﻦ ..
ﺟﺪ ﻛﺮﺍﺭ ﻣﻦ ﺍﻣﺔ ﺍﺗﺒﺮﻉ ﺑﻐﺮﻓﺔ ﺍﻟﻨﻮﻡ .. ﻭﺟﺪﻱ ﺑﺎﻟﺒﺎﻗﻲ
ﻣﺎﻃﻮﻟﻮﺍ ﺷﻬﺮ ﻭﺍﺗﺰﻭﺟﻮﺍ ..
ﺟﺎﻥ ﻫﺎﻟﻴﻮﻡ ﺍﺳﻌﺪ ﻳﻮﻡ ﺍﻟﻜﺮﺍﺭ ﻭﺭﻗﻴﺔ ..
ﻋﺒﺎﻟﻚ ﺍﺧﻮﻱ ﺍﺑﻦ ﺍﻣﻲ ﻭﺍﺑﻮﻱ ﺍﻟﻌﺮﺱ .. ﻧﻈﻔﺖ ﻏﺮﻓﺘﻪ ﺑﻴﺪﻱ ﻭﺭﺗﺒﺘﻬﺎ ﻣﺎﻗﺒﻠﺖ ﺍﺣﺪ ﻳﺪﺧﻠﻠﻬﺎ .. ﺟﻨﺖ ﺧﺎﻳﻔﻪ ﻣﻦ ﺑﺘﻮﻝ ﻣﺎﺍﻋﺮﻑ ﻟﻴﺶ ﮔﻠﺒﻲ ﻧﺎﻏﺰﻧﻲ ﻣﻨﻬﺎ ..
ﻭﺧﺎﺻﻪ ﻏﺮﻓﺘﻬﺎ ﻓﻮﮒ ..
ﺟﺪﻱ ﻓﺮﺣﺘﺔ ﺑﺮﺟﻌﺔ ﻛﺮﺍﺭ ﻟﻠﺒﻴﺖ ﺍﻛﺒﺮ ﻣﻦ ﻓﺮﺣﺔ ﺍﻟﻌﺮﺱ .
ﺍﻋﺎﻳﻦ ﻋﻠﻰ ﺍﺑﻨﻲ ﻭﻫﻮ ﻭﺍﮔﻒ ﺑﺼﻒ ﻋﻤﺔ ﻭﻻﺑﺲ ﺍﻟﺪﺷﺪﺍﺷﺔ ﺗﺨﻠﻴﻨﻲ ﺍﺩﻣﻊ ﻭﺍﺗﺨﻴﻞ ﻋﺮﺳﺔ ..
ﻫﻢ ﻳﻜﺒﺮ ﺑﻴﻮﻡ ﻭﺍﻓﺮﺡ ﺑﻲ ﻭﺍﺷﻮﻑ ﺟﻬﺎﻟﻪ ..
ﺩﺧﻞ ﻫﻮ ﻭﺭﻗﻴﺔ ﻭﺟﺎﻧﺖ ﻋﻤﺘﻲ ﺗﺮﮔﺺ ﺑﺎﻟﻮﺳﻂ ..
ﻭﻓﺮﺣﺎﻧﺔ .. ﺍﺷﺮﺗﻠﻲ ﺍﺻﻌﺪ ﺭﻗﻴﺔ
ﻭﻛﺮﺍﺭ ﺑﻘﻰ ﻳﻢ ﺍﻟﻌﺎﻟﻢ .. ﺻﻌﺪﺗﻬﺎ ﺗﺮﺗﺎﺡ ﺟﺎﻧﺖ ﺧﺎﻳﻔﻪ ﻭﻣﺘﻮﺗﺮﺓ . ﺭﻏﻢ ﻣﺎﺍﻓﻬﻢ ﺑﻬﺎﻟﺴﻮﺍﻟﻒ ﺑﺲ ﺣﺎﻭﻟﺖ ﺍﻫﺪﻳﻬﺎ ﺻﻌﺪﺕ ﻭﺩﺍﺩ :
ﺍﻧﺰﻟﻲ ﺭﺿﻮﺓ ﺍﻧﻲ ﻳﻤﻬﺎ ﺍﻟﺒﻴﺖ ﻫﻮﺳﺔ ﻣﻦ ﺍﻟﻨﺴﻮﺍﻥ ﻭﻣﺎﻳﻠﺤﮕﻬﻦ ..
ﺣﺠﻴﺖ ﻭﻱ ﺭﻗﻴﻪ ﺍﺑﻘﻰ ﻳﻤﺞ ﻟﻮ ﺍﻋﻮﻓﺞ؟
ﺭﺩﺕ : ﻻ ﺭﻭﺣﻲ ﺍﻧﻲ ﺍﺣﺴﻦ ..
ﺍﺟﻦ ﺍﺧﻮﺍﺗﻬﺎ ﺻﻌﺪﻥ ﺍﻃﻤﺎﻧﻴﺖ ﻋﻠﻴﻬﺎ . ﻧﺰﻟﺖ ﻭﺷﻐﻞ ﻣﺎﺍﺭﺗﺎﺣﻴﻨﺎ ﺍﻟﻨﺺ ﺍﻟﻠﻴﻞ ..
ﻣﻦ ﻓﺮﺣﺘﻲ ﺑﻴﻬﻢ ﺍﺑﺪ ﻣﺎﺣﺴﻴﺖ ﺑﺘﻌﺐ ﻧﺸﺘﻐﻞ ﻭﻧﺮﮔﺺ ﺟﺎﻧﺖ ﺳﺪﺍﺩ ﻣﺸﻐﻠﺔ ﻣﺴﺠﻞ ﻭﺑﻨﺎﺕ ﺍﻟﻤﻨﻄﻘﺔ ﻛﻠﻬﺎ ﻣﺠﺘﻤﻌﻪ
ﻭﻳﺮﮔﺼﻦ ..
ﻛﺮﺍﺭ ﻣﺜﻞ ﺍﻟﻌﺎﺷﻖ ﺍﻟﻬﺎﺋﻢ ﺣﺒﻪ ﻛﺎﻥ ﻃﺎﻫﺮ ﺣﺐ ﺍﻟﺰﻣﻦ ﺍﻟﺠﻤﻴﻞ ﻻ ﻟﻤﺴﺎﺕ ﻭﻻﻛﻠﻤﺎﺕ ﻣﺒﺘﺬﻟﺔ ﺗﺸﻮﻩ ﻣﻌﻨﻰ ﺍﻟﺤﺐ
ﻓﺎﻟﺤﺐ ﻫﻮ ﺷﻌﻮﺭ ﻳﻌﺎﺵ ﻭﻻﻳﺤﻜﻰ ..
ﻣﺸﺎﻋﺮ ﻣﺨﺘﻠﻄﺔ ﺑﻴﻦ ﺍﻻﻧﺠﺬﺍﺏ ﻭﺍﻻﻋﺠﺎﺏ .. ﻭﻟﻴﺲ ﻛﻤﺎ ﻧﺮﺍﻩ ﺍﻟﻴﻮﻡ .. ﻓﺎﻟﺤﺐ ﺍﺳﻤﻰ ﻣﻦ ﺍﻥ ﻳﺸﻮﻩ ﺑﺎﻟﻜﻼﻡ ﻭ ﺍﻻﻓﻌﺎﻝ ﺍﻟﺠﺮﻳﺌﺔ ..
ﻓﺎﻟﺤﺒﻴﺐ ﻳﻬﻴﻢ ﺑﻤﺤﺒﻮﺑﻪ ﺑﺨﻴﺎﻟﻪ ﻻ ﺑﻠﻤﺴﺎﺗﻪ ..
ﻭﻳﺨﺎﻑ ﻋﻠﻴﻪ ﺣﺘﻰ ﻣﻦ ﻧﺴﻤﺎﺕ ﺍﻟﻬﻮﺍﺀ ﺍﻟﺘﻲ ﺗﻼﻣﺲ ﺧﻴﻪ
ﻛﺮﺍﺭ ﺟﺎﻥ ﻣﻌﺠﺐ ﺑﺮﻗﻴﻪ ﺍﻟﻬﺪﻭﺋﻬﺎ ﻭﺑﺮﺍﺋﺘﻬﺎ ﻭﻋﻔﺘﻬﺎ ..
ﺣﺘﻰ ﺑﻨﻈﺮﺍﺗﻬﺎ ﺍﻟﻪ ﻛﺎﻧﺖ ﺑﺮﻳﺌﺔ ..
ﺩﺧﻞ ﺍﻟﻐﺮﻓﺔ ﺑﻌﺪ ﻣﺎﻃﻠﻌﻦ ﺍﻟﺒﻨﺎﺕ ﻭﻭﺩﺍﺩ ﺍﻟﻲ ﻟﺰﮔﺖ ﻟﻤﻦ ﮔﺎﻟﻬﺎ ﻛﺮﺍﺭ : ﺷﻨﻮ ﺍﻟﻴﻮﻡ ﺑﻴﺎﺗﺔ ﻳﻤﻨﺎ ..
ﺳﺪ ﺍﻟﺒﺎﺏ ﻭﺭﺍﻫﺎ ﻭﺟﺎﻥ ﻳﺒﺎﻭﻉ ﺍﻟﻤﻼﻙ ﺍﻟﻲ ﮔﺪﺍﻣﺔ ..
ﺍﺗﻘﺮﺏ ﻣﻨﻬﺎ ﻭﮔﻮﻣﻬﺎ ﮔﺒﺎﻟﻪ ..
ﺭﻓﻊ ﺭﺍﺳﻬﺎ ﺑﻴﺪﺓ ﻭﺟﺎﻥ ﻣﺬﻫﻮﻝ ﺑﺎﻟﺠﻮﻫﺮﺓ ﺍﻟﻲ ﻭﺿﻌﺖ ﺍﻣﺎﻣﻪ ..
ﻛﺎﻧﺖبيج قصص عراقيه حقيقيه من واقعنا.روعه الطائي
ﻋﻴﻨﺎﻫﺎ ﻭﺍﺳﻌﺘﺎﻥ ﺫﺍﺕ ﺭﻣﺶ ﻃﻮﻳﻞ ﻭﻛﺜﻴﻒ ﺣﺎﺩ ﺍﻟﺴﻮﺍﺩ ﺗﺤﻴﻄﻪ ﻛﺤﻞ ﺍﺳﻮﺩ ﻟﻴﺒﺮﺯ ﺫﻟﻚ ﺍﻟﻔﺺ ﺍﻟﺒﻨﻲ ﺍﻟﺬﻱ ﻳﺘﻮﺳﻂ ﺗﻠﻚ ﺍﻟﻌﻴﻨﻴﻦ ﻭﺫﻟﻚ ﺍﻟﺒﺆﺑﺆ ﺍﻟﻼﻣﻊ ﺍﺷﺒﻪ ﺑﺎﻟﺒﺤﺮ ﺗﻨﻌﻜﺲ ﻓﻴﻪ ﻧﺠﻮﻡ ﺍﻟﻠﻴﻞ ﺗﺘﻼﻟﺊ ﻭﺗﻠﻚ ﺍﻟﻤﻼﻣﺢ ﺍﻟﺪﻗﻴﻘﻪ
ﺍﻟﺘﻲ ﺗﻔﻨﻦ ﺍﻟﺨﺎﻟﻖ ﻋﻨﺪ ﺧﻠﻘﻬﺎ ..
ﺍﻣﺎ ﺍﻟﺮﻗﺒﺔ ﻓﻬﻲ ﺑﺤﺜﺎ ﺍﺧﺮ ..
ﺍﻧﺒﻬﺎﺭ ﻛﺮﺍﺭ ﺑﻴﻬﺎ ﺟﻌﻠﻪ ﻓﻲ ﺣﻴﺮﺓ ﻣﻦ ﺍﻣﺮﻩ ﺑﺄﻱ ﺟﺰﺀ ﻣﻨﻬﺎ ﻳﺒﺪﻱ ﺻﺎﺭ ﻳﺘﻠﻤﺲ ﻭﺟﻬﻬﺎ ﺑﺄﻃﺮﺍﻑ ﺍﺻﺎﺑﻌﻪ .
ﺍﺗﻘﺮﺏ ﻣﻨﻬﺎ ﻭﮔﺎﻟﻬﺎ :
- ﻋﻠﻮﻳﺘﻲ ﺷﺮﺍﺡ ﺗﺴﻮﻳﻦ ﺑﻴﻪ ..
ﺭﺩﺕ ﺑﺨﺠﻞ ﻭﺗﻮﺗﺮ ﻭﺧﻮﻑ
- ﺍﻧﻲ ﻣﻠﻜﻚ ﻳﺘﺎﺝ ﺭﺍﺳﻲ ..
ﺭﺩ ﺑﺴﺮﻋﻪ : ﺍﻧﺘﻲ ﺗﺎﺝ ﺭﺍﺳﻲ ﻭﻋﻠﻮﻳﺘﻲ ﻭﻛﻞ ﻫﻠﻲ ..
ﺍﻧﺘﻲ ﻣﻦ ﺍﻟﻴﻮﻡ ﺻﺮﺕ ﺍﻧﻲ ﻛﻠﻲ ﺍﻟﺞ ﺑﺲ ﺍﺭﻳﺪ ﻣﻨﺞ ﺷﻲ ﻭﺍﺣﺪ ..
ﻻﺗﺤﺮﻣﻴﻨﻲ ﻣﻦ ﺣﺒﺞ ﻭﺣﻨﺎﻧﺞ ﺍﻧﻲ ﻋﺸﺖ ﻳﺘﻴﻢ ﻭﻣﺤﺮﻭﻡ ﺻﺢ ﻋﻨﺪﻱ ﺍﻫﻞ ﻭﻋﻤﺎﻡ ﻭﺧﻮﺍﻝ ﺑﺲ ﻣﺤﺘﺎﺝ ﺣﺐ ﻳﻌﻮﺿﻨﻲ ﻃﻔﻮﻟﺘﻲ ﻭﻳﺘﻤﻲ ..
ﺑﺎﻭﻋﺘﻠﻪ ﻭﻫﻲ ﺫﺍﻳﺒﻪ ﺑﻠﻤﺴﺎﺗﻪ : ﻋﺴﺎﻧﻲ ﻻﺍﺭﺗﺎﺡ ﺑﻴﻮﻡ ﻟﻮ ﻗﺼﺮﺕ ﺑﺤﺒﻲ ﺍﻟﻚ ..
ﺍﺧﺬﻧﻬﺎ ﺍﻟﺤﻀﻨﻪ ﻭﻳﺸﻢ ﺑﻴﻬﺎ ﻣﺜﻞ ﺍﻟﻄﻔﻞ ﺍﻟﻤﺸﺘﺎﻕ ﺍﻻﻣﺔ ﻭﻳﺸﻢ ﺑﻴﻬﺎ ..
ﺧﻮﻓﻬﺎ ﻭﺗﻮﺗﺮﻫﺎ ﺑﺬﻳﺞ ﺍﻟﻠﻴﻠﺔ ﻣﺎﻣﻨﻌﺘﻬﺎ ﺗﺴﻠﻢ ﻧﻔﺴﻬﺎ ﺍﻟﻪ ﻭﺗﻨﻄﻴﻪ ﻣﻦ ﺣﺒﻬﺎ ﻭﺣﻨﺎﻧﻬﺎ ﺑﺎﻟﻘﺪﺭ ﺍﻟﻲ ﻳﺮﻳﺤﻪ ﻭﻳﺨﻠﻴﻪ ﺍﺳﻌﺪ ﺍﻧﺴﺎﻥ ..
ﺑﻌﺪﻣﺎ ﻋﺎﺷﻮﺍ ﻫﺎﻟﻠﻴﻠﺔ ﺍﻟﻤﻤﺰﻭﺟﺔ ﺑﺎﻟﻤﺸﺎﻋﺮ ﺍﻟﻤﺨﺘﻠﻔﻪ
ﺻﺤﻰ ﻋﻠﻰ ﺻﻮﺕ ﺍﻟﻌﻠﻮﻳﺔ ﻭﻫﻲ ﺗﮕﻌﺪﻩ ﻋﻠﻰ ﺍﺫﺍﻥ ﺍﻟﻔﺠﺮ
ﺍﺑﺘﺴﻢ ﻭﮔﺎﻝ : ﺍﻟﻒ ﺭﺣﻤﺔ ﻋﻠﻰ ﺍﺑﻮﺝ ﺭﺿﻮﻩ ..
ﺿﺤﻜﺖ : ﺷﺬﻛﺮﻙ ﺑﻴﻬﺎ
ﺭﺩ : ﻟﻮ ﻣﺎﻫﻲ ﺟﺎﻥ ﻣﺎﺻﺤﻴﺖ ﻋﻠﻰ ﻫﻴﺞ ﻣﻼﻙ ﺑﺤﻴﺎﺗﻲ ..
ﻣﺮﺕ ﺍﻻﻳﺎﻡ ﻭﻛﺮﺍﺭ ﻛﺎﻥ ﻃﺎﻳﺮ ﻣﻦ ﺍﻟﻔﺮﺡ ﻭﺍﻟﻌﻠﻮﻳﺔ ﺭﻗﻴﻪ ﻛﺎﻧﺖ ﻭﻧﻴﺲ ﺍﻟﻲ ﺻﺮﻧﺎ ﺍﻛﺜﺮ ﻣﻦ ﺍﻻﺧﻮﺍﺕ ﻭﺧﺎﺻﺔ ﺑﻌﺪ ﻣﺎﻳﺪﺍﻭﻡ ﻛﺮﺍﺭ ﺍﻏﻠﺐ ﻭﻛﺘﻬﺎ ﺗﺨﻠﺼﻪ ﻳﻤﻲ ﻭﻣﺮﺍﺕ ﺍﺑﺎﺕ ﻳﻤﻬﺎ ﺑﻐﺮﻓﺘﻬﺎ ﻫﻲ ﻣﺎﻟﻬﺎ ﺷﻐﻞ ﺑﺎﻟﺤﺠﻲ ﺍﺑﺪ ﻭﻣﺎﺗﻬﺘﻢ ﺗﺴﻤﻊ ﻭﺗﺴﻜﺖ ﻭﻫﺎﻟﺸﻲ ﺿﻮﺝ ﺑﺘﻮﻝ ﻭﺯﻳﺪ ﻏﻴﺮﺕ ﺳﺪﺍﺩ ..
ﺍﻟﻲ ﺗﻨﻘﻞ ﺣﺠﻲ ﻣﻨﻲ ﺍﻟﺮﻗﻴﺔ ﻭﻣﻨﻬﺎ ﺍﻟﻲ ﻭﺗﺤﺎﻭﻝ ﺗﺨﺮﺑﻨﺎ
ﺑﺲ ﻻﻫﻲ ﺟﺎﻧﺖ ﺗﮕﻠﻲ ﻭﻻﺍﻧﻲ ﺍﻟﻬﺎ ..
ﻣﺮ ﺷﻬﺮ ﻭﻃﻠﻌﺖ ﺭﻗﻴﺔ ﺣﺎﻣﻞ ﻛﺮﺍﺭ ﻭﺟﺪﻱ ﻓﺮﺣﻮﺍ ﻭﺟﺎﻥ ﻣﻘﺮﺭ ﺍﺫﺍ ﻭﻟﺪ ﻳﺴﻤﻴﻪ ﻋﻠﻰ ﺍﺳﻢ ﺍﺑﻮﻩ ﻭﺍﺫﺍ ﺑﻨﻴﺔ ﻋﻠﻰ ﺍﺳﻢ ﺍﻣﻪ ..
ﺍﻻﺟﺎﺯﺓ ﺍﻟﻴﺠﻲ ﺑﻴﻬﺎ ﻳﺨﻠﺼﻬﺎ ﻭﻳﺎﻫﺎ ﻣﺜﻞ ﻋﺼﺎﻓﻴﺮ ﺍﻟﺤﺐ ﺟﻨﺖ ﺍﺧﺬ ﺷﻐﻠﻬﺎ ﺑﻔﺘﺮﺓ ﺍﺟﺎﺯﺗﻪ ﻭﺗﺘﻔﺮﻍ ﺑﺲ ﺍﻟﻪ .
ﺟﺎﻥ ﻳﺤﺲ ﺍﻭ ﻫﻲ ﺗﺴﻮﻟﻔﻠﻪ ﻋﻨﻲ ﺩﻭﻡ ﻳﺘﺸﻜﺮﻧﻲ ﻭﻳﺸﺘﺮﻳﻠﻲ ﻫﺪﺍﻳﺎ ﻭﺍﻗﻤﺸﺔ ﻣﻦ ﻳﺮﺟﻊ ﻣﻦ ﺑﻐﺪﺍﺩ ﺣﺘﻰ ﺍﻟﺼﺎﺑﻮﻥ ﻳﺠﻴﺒﻪ ﺍﻟﻲ ..
ﺭﻏﻢ ﻫﻮ ﻣﺎﻣﻘﺼﺮ ﻋﻦ ﺍﻟﺒﻴﺖ ﻛﻠﺔ ..
ﻭﺳﻦ ﺑﻬﺎﻟﻔﺘﺮﺓ ﻫﻢ ﺣﻤﻠﺖ ﻭﺑﺘﻮﻝ ﺗﺨﺒﻠﺖ ﺷﮕﺪ ﺭﺍﺟﻌﺖ ﻭﺣﺎﻭﻟﺖ ﻭﻣﺎﻛﻮ ..
ﻟﻜﻦ ﺍﻟﻲ ﺭﻳﺤﻬﺎ ﺍﻧﻪ ﻭﺳﻦ ﻃﻠﻊ ﺑﻴﻬﺎ ﺑﻨﻴﺔ ﻭﺭﻗﻴﺔ ﻭﻟﺪ ..
ﻓﺮﺣﺔ ﻛﺮﺍﺭ ﻛﺒﻴﺮﺓ ﻟﻤﺎ ﻋﻤﺘﻲ ﺍﺧﺬﺗﻬﺎ ﻭﻋﺮﻓﻦ ﺑﻴﻬﺎ ﻭﻟﺪ ..
ﺑﺪﻳﺖ ﺍﺟﻬﺰ ﻣﻼﺑﺲ ﻟﻠﻄﻔﻞ ﻭﺣﺮﺕ ﺷﺨﻴﻄﺘﻠﻬﺎ ﺟﻬﺰﺗﻠﻬﺎ ﻛﻠﺸﻲ ﺣﺘﻰ ﺍﻟﻜﺮﻛﻮﺕ ﺯﻳﻨﺘﻪ ﻭﺍﺷﺘﻐﻠﺘﻪ ﺑﻴﺪﻱ ﺑﺎﻟﺴﺘﻦ ﻭﺍﻟﺘﺪﺍﻧﺘﻴﻞ .. ﻭﺟﺎﻧﺖ ﺍﻭﻝ ﻭﺣﺪﺓ ﺑﺎﻟﻤﻨﻄﻘﺔ ﺗﺰﻳﻦ ﺍﻟﻜﺮﻛﻮﺕ ﺑﻌﺪﻫﺎ ﻋﺠﺒﺘﻨﻲ ﺍﻟﻔﻜﺮﺓ ﻭﮔﻤﺖ ﺍﺷﺘﻐﻞ ﺑﻲ ..
ﻭﺳﻦ ﻣﻦ ﺷﺎﻓﺘﻪ ﻃﻠﺒﺖ ﻣﻨﻲ ﻭﺍﺳﺘﺤﻴﺖ ﺍﺧﺠﻠﻬﺎ ﺭﻏﻢ ﻣﺎﺗﻌﺠﺒﻨﻲ ﺗﺼﺮﻓﺎﺗﻬﺎ ﺑﺲ ﻫﻲ ﻣﺎﻣﺄﺫﻳﺘﻨﻲ ﺍﺑﺪ ..
ﺳﻮﻳﺘﻠﻬﺎ ﻭﺍﺣﺪ ﻭﺯﻳﻨﺘﻪ ﺑﺎﻟﻮﺭﻭﺩ ﻻﻥ ﺑﻨﺖ ..
ﺍﺛﻨﻴﻨﻬﻦ ﺑﻨﻔﺲ ﺍﻟﺴﻨﺔ ﻭﻟﺪﻥ ﺑﻨﻬﺎﻳﺔ ﺳﻨﺔ ﺍﺭﺑﻌﺔ ﻭﺗﺴﻌﻴﻦ
ﻛﺮﺍﺭ ﺳﻤﻰ ﺍﺑﻨﺔ ﻫﺎﺩﻱ ﻭﺍﻟﻲ ﺻﺎﺭ ﺑﻤﻌﺰﺗﺔ ﺣﻜﻤﺖ ﻋﻨﺪ ﺟﺪﻱ ﻭﺣﻜﻤﺖ ﻫﻢ ﻃﺎﻳﺮ ﺑﻲ ..
ﻭﻭﺳﻦ ﺟﺎﺑﺖ ﺑﻨﻴﺔ ﻭﺳﻤﺘﻬﺎ ﺯﻫﺮﺓ .. ﻭﻣﻬﺪﻱ ﻻﻥ ﻣﺎﻋﻨﺪﺓ ﺑﻨﺎﺕ ﺟﺎﻥ ﻃﺎﻳﺮ ﺑﻴﻬﺎ ﻭﺷﻮﻳﺔ ﺷﻮﻳﺔ ﺑﺪﺃ ﻳﺘﻘﺮﺑﻠﻬﺎ ﺍﻛﺜﺮ ﻭﺧﺎﺻﻪ ﺑﻌﺪ ﻣﺎﻛﺒﺮﺕ ﻭﺑﺪﺍﺕ ﺗﻨﺎﻏﻲ ..
ﺻﺎﺭﺕ ﻛﻠﺸﻲ ﺑﺤﻴﺎﺗﻪ ﺍﺑﺪ ﻣﺎﺷﻔﺘﻪ ﺗﻘﺮﺏ ﺍﻟﻮﻟﺪﺓ ﻣﺜﻞ ﻣﺎﺍﺗﻘﺮﺏ ﺍﻟﺰﻫﺮﺓ ﻭﺣﻤﻮﺩﻱ ﺧﻄﻴﺔ ﺍﺑﺪ ﻣﺎﺷﺎﻑ ﺣﻨﺎﻥ ﻻﻣﻦ ﺍﺑﻮ ﻭﻻ ﻣﻦ ﺍﻡ ..
ﺟﺎﻥ ﺩﻭﻡ ﻭﺣﺪﺓ ﺑﺎﻟﻜﺎﻉ ﺳﺎﻟﻔﻪ ﻋﻤﺘﻲ ﺗﻜﻮﻝ ﻫﺎﻟﻮﻟﺪ ﺭﺑﺘﻪ ﺍﻟﮕﺎﻉ ﻣﻮ ﺑﺘﻮﻝ ..
ﺍﺣﺲ ﻋﺎﺋﻠﺘﻨﺎ ﻛﺒﺮﺕ ﻭﺗﻐﻴﺮﺕ ﺭﻏﻢ ﻣﺎﺗﺨﻠﻮ ﻣﻦ ﻣﺸﺎﻛﻞ ﺑﺘﻮﻝ ﺍﻟﻲ ﺯﺍﺩﺕ ﻫﻲ ﻭﻭﺳﻦ ﺑﺴﺒﺐ ﻗﺮﺏ ﻣﻬﺪﻱ ﺍﻟﺰﻫﺮﺓ ﻭﺻﺎﺭﺕ ﺑﺘﻮﻝ ﺣﺘﻰ ﺿﺮﺏ ﺗﻀﺮﺑﻬﺎ ﺭﻏﻢ ﻋﻤﺮﻫﺎ ﺍﺷﻬﺮ ..
ﺑﺴﻨﺔ ﺧﻤﺴﺔ ﻭﺗﺴﻌﻴﻦ ﺍﺳﺘﺠﺪﺕ ﻫﻮﺍﻱ ﺍﺣﺪﺍﺙ ﺑﺎﻟﺒﻠﺪ ..
ﻣﻨﻬﺎ ﻗﺮﺍﺭ ﻣﺠﻠﺲ ﺍﻻﻣﻦ ﺍﻟﺘﺎﺑﻊ ﻟﻼﻣﻢ ﺍﻟﻤﺘﺤﺪﺓ ﺍﻟﺴﻤﺎﺡ ﺑﺸﺮﺍﺀ ﺍﻟﻐﺬﺍﺀ ﻭﺍﻟﺪﻭﺍﺀ ﺑﻤﻮﺟﺐ ﺑﺮﻧﺎﻣﺞ ‏( ﺍﻟﻨﻔﻂ ﻣﻘﺎﺑﻞ ﺍﻟﻐﺬﺍﺀ ‏) ﻟﻜﻦ ﻫﺬﺍ ﺍﻻﻣﺮ ﻟﻢ ﻳﺘﻘﺒﻠﻪ ﺍﻟﻌﺮﺍﻕ ﻭﺭﻓﻀﻪ ﻟﻜﻦ ﻃﺒﻖ ﻫﺬﺍ ﺍﻟﺒﺮﻧﺎﻣﺞ ﻓﻴﻤﺎ ﺑﻌﺪ ﺍﻭﺍﺧﺮ ﺳﻨﺔ ﺳﺘﺔ ﻭﺗﺴﻌﻮﻥ
ﻭﺍﻻﻣﺮ ﺍﻟﺜﺎﻧﻲ ﻫﻮ ﺍﻋﻼﻥ ﺍﻟﺤﻜﻮﻣﺔ ﻓﻮﺯ ﺻﺪﺍﻡ ﺣﺴﻴﻦ ﺑﺎﻻﺳﺘﻔﺘﺎﺀ ﻭﺍﻟﺬﻱ ﻳﺴﻤﺢ ﻟﻪ ﺍﻟﺒﻘﺎﺀ ﺑﺎﻟﺴﻠﻄﺔ ..
ﻛﺮﺍﺭ ﻭﺭﻗﻴﺔ ﺑﻌﺪ ﻣﺎﺍﺟﺎﻫﻢ ﻫﺎﺩﻱ ﺑﺴﻨﺔ ﺣﻤﻠﺖ ﻣﺮﺓ ﺛﺎﻧﻴﺔ ﻭﺟﺎﻥ ﺑﻴﻬﺎ ﻭﻟﺪ ﻭﻫﺎﻟﺸﻲ ﻗﻬﺮ ﻭﺩﺍﺩ ﺍﻟﻲ ﺗﺘﻤﻨﻰ ﺍﻟﻮﻟﺪ ﺑﻌﺪ ﻣﺎﺣﻤﻠﺖ ﺑﺎﻟﺒﻨﺖ ﺍﻟﺜﺎﻟﺜﺔ ..
ﺑﺄﻭﺍﺧﺮ ﺳﻨﺔ ﺍﻟﺴﺘﺔ ﻭﺗﺴﻌﻴﻦ ﻭﻟﺪﺕ ﺭﻗﻴﺔ ﻭﺳﻤﻮﻩ ﺍﻣﻴﺮ
ﻭﻭﺩﺍﺩ ﺳﻤﻮ ﺑﻨﺘﻬﺎ ﻧﻮﺭﺍﻟﻬﺪﻯ ..
ﺍﻣﺎ ﺣﻜﻤﺖ ﻓﻨﺠﺢ ﻣﻦ ﺍﻟﺜﺎﻟﺚ ﻣﺘﻮﺳﻂ ﺑﺘﻔﻮﻕ ﻭﺍﻧﺘﻘﻞ ﻟﻼﻋﺪﺍﺩﻳﺔ ﺟﺎﻧﺖ ﻓﺮﺣﺔ ﺭﺿﺎﺀ ﻭﺣﺠﻲ ﺧﻀﻴﺮ ﻛﺒﻴﺮﺓ ..
ﺩﺍﺋﻤﺎ ﻓﺮﺣﺘﻬﺎ ﺗﺨﺘﻠﻂ ﺑﺎﻟﺪﻣﻮﻉ ﻟﻤﺎ ﺗﺸﻮﻑ ﺍﺑﻨﻬﺎ ﻛﺒﺮ ﻭﺻﺎﺭ ﺷﺎﺏ ﻃﻮﻝ ﻭﻫﻴﺒﺔ ﻭﺷﺨﺼﻴﺔ ..
ﻛﻞ ﻫﺬﻱ ﺍﻻﺷﻬﺮ ﻭﺍﻟﺴﻨﻴﻦ ﺍﻟﻲ ﻣﺮﺕ ﺟﺎﻧﺖ ﻣﺜﻞ ﺍﻻﻧﺘﻈﺎﺭ ﺑﺎﻟﺒﺮﺯﺥ ﺑﺎﻟﻨﺴﺒﺔ ﺍﻟﺤﻤﺪﻳﺔ ﺍﻟﻲ ﺍﺟﺎﻫﺎ ﺧﺒﺮ ﺧﻼﻫﺎ ﺑﺼﺪﻣﺔ ﻟﺒﺮﻫﺔ ﻣﻦ ﺍﻟﻮﻗﺖ ﺑﻌﺪ ﻣﺎﺍﻏﻤﻰ ﻋﻠﻴﻬﺎ ..
# ﺑﻘﻠﻤﻲ _ ﺍﻟﻜﺎﺗﺒﺔ _ ﺷﻤﺲ
ﻳﺘﺒﻊ ….