حكمة الذئب

مشهد2

#حكمـة_ذئب

حكمة ذئب
لا تأتي من فراغ
من الم وجروح
من عدة طعنات
تأذيت وحدي
سقطت وحدي
وصنعت عالمي وحدي ..

#usershamsss

#مشهد 2
#حكمة_ذئب
#شمس_السعدي

حينمـا يسكن الرعب سريرك ..
ولايأتيك النوم ابــدا ..
تذكر كل كلمـاتي لك ..
كن صامدا .. ومطمئنا ..
حتى لو سرت في دروب تائهـة .. لاتخاف لا تجعل احد يؤذيك ويهزمك ..
وتذكر انك ذئب ووجودك في هذه الحياة حكمة ..

بكل ليلة ترتل كلماتها لمسامعه .. وهو يصغي الها بتمعن وفطنة .. اسئلتة كثيرة .. لكنها تتهرب دائما من الجواب .
وردها الوحيد اله .. لما تكبر راح تفهم كلشي ..

تنطرق الباب ويدخل الحاج خضير .. الجد الاكبر للعائلة

شنهي حكمت نايم من وكت اليوم ..

اي يجدي جيف مسخن ومالة خلگ ..

مو اگول مو عوايدة ينام من غير مايجي يمسي عليه واحجيلة عن يومي ..

هههههه والله يجدي ماادري شأگلك بس احس ابني اكبر من عمرة من گعداتة وياك وسوالفك ..

وليش تضحكين بالعكس هالشي زين الة ويفتح عيونة على الدنيا .. اريد الله ياخذ امانتة واني مرتاح وادريه ياخذ حقه ومايسكت عنة ..

الله ينطيك طولت العمر جدي وتكون انت سند اله لين يكبر ويقوى عظمة ..

لاتخافين حكمة ذيب وماينخاف عليه .. يلة اني رايح اصلي صلاة الليل وانتي هم عندج رجل لاتعتكفين بحجرتج حرام عليج هذا حگة ..

ااااه ياجدي لو تدري الي يسويه بيه ماحجيت .." حجت بداخلها وهي تهز براسها وكأنه تطيع امرة "

شالت ابنها الحضنها ونزلتة بفراشها ..
بدلت وجهزت روحها .. وهي تدري ماتحصل بس الحجي والذل منة ..

دخل وهو عاكف وجهة " شنهي طرشتي جدي حتى اجي واتگربلج .. لاعبالج مشتهيج اصلا جازة روحي منج .. لوما جدي يصر علية ويطلب اجيج "

باوعتلة بأشمئزاز وماحجت وياه شي لان تدري الحجي ضايع وي امثالة ..
وكان اكبر رد اله انه مو هي الي رايدتة وانه جدها هو الي راغب گربهم ..

نزلت يم ابنها وحضنته وهو صافن عليها ومستغرب اهمالها الة ..
" گومي فوگ لا اهينج گدام ابنج .. ابن… .. "
ردت عليه بهمس وهي متعصبة ..

" اششش كافي .. سوي بيه الي تريدة بس ابني لا . مااسمحلكم تذلوه وتقللون من شانة "

ضحك بأستهزاء وهو يأشر الها ويطلب منها تجي يمة وتنطيه حقة غصب عنها بذل واهانة مثل كل مرة ..

لكن هالمرة رادت تخلي حد الة ..
" روح ياابن عمي .. لاتنتظر شي مني بعد .. اني عايشة الاجل ابني وبس "

گام من مكانة وتقدم الها .. سحبها بقوة وهي كاتمة صوتها لايگعد ابنها ..
بس دموعها تنزل وتدعي عليه بداخلها ..
دفعها حيل وهو يهدد ويهمس بأذنها .. هالمرة راعيت وجود ابنج بينا المرة الثانية گدام عينة اسوي الي اريدة .

خضعت الة ولبت اوامرة .. مو خوف منة لكن خوف على ابنها الي انظلم من هو بالمهد .. وعايش طفولة محطمة يعاني بيها من الفوارق الي يشوفها بينة وبين اخوانة واولاد عمة ..

عندما يتحرك الكون من حولنا .. يستل سكاكينه يباغتنا بطعنات .. يجرح أرواحنا .. يحولها إلى أشلاء .. يشتهي القلب لو يتخذ من وجعه أجنحة ويهاجر إلى كوكب ليس به بشر !                                           
#بقلمـي_شمس_السعدي