حكمة الذئب

بارت4

#ﺣﻜﻤـﺔ__ﺫﺋﺐ
ﺑﻘﻠﻢ _ ﺷﻤﺲ _ ﺍﻟﺴﻌﺪﻱ
#الحكمة٤
ﻗﺪ ﺗﻈﻦ ﺃﻧﻚ ﻋﻠﻰ ﻫﺎﻣﺶ ﺍﻟﺤﻴﺎﺓ ﺑﻴﻨﻤﺎ ﺃﻧﺖ ﺷﻤﺲ، ﺗﺸﺮﻕ ﺑﻘﻠﺐ ﺃﺣﺪﻫﻢ ﻭ ﻷﺟﻠﻚ ﻳﺒﺘﺴﻢ ..
ﺍﻭﻝ ﻣﺮﺓ ﺍﺣﺲ ﺑﺎﻟﻤﻮﺕ ﻗﺮﻳﺐ ﻋﻠﻴﻪ ﻫﻴﺞ .. ﻭﻛﺄﻧﻪ ﺷﺮﻳﻂ ﺣﻴﺎﺗﻲ ﻣﺮ ﮔﺪﺍﻣﻲ .. ﻛﻠﺸﻲ ﻣﺎﺷﻔﺖ ﺑﺲ ﻃﻔﻮﻟﺘﻲ ..
ﺍﻣﻲ ﻟﻤﻦ ﺗﻌﻮﻓﻨﻲ ﮔﺒﺎﻝ ﺍﻟﺘﻠﻔﺰﻳﻮﻥ ﻭﺗﮕﻠﻲ ﺧﻠﺼﻲ ﺍﻟﻜﺎﺭﺗﻮﻥ ﻭﻧﺮﺟﻊ ﻧﻜﻤﻞ ﻛﺘﺎﺑﺔ .. ﺗﻨﻄﻴﻨﻲ ﻭﻛﺖ ﺑﻴﻦ ﻣﺎﺍﺭﺗﺎﺡ ﻭﻫﻲ ﺗﻜﻤﻞ ﺷﻐﻠﻬﺎ ..
ﺗﻄﻠﻊ ﻣﻦ ﺍﻟﻐﺮﻓﺔ ﻭﻳﺮﺟﻊ ﺍﺑﻮﻱ ﺗﻌﺒﺎﻥ ﻭﺭﻏﻢ ﺗﻌﺒﻪ ﻭﻭﮔﻔﺘﺔ ﻣﻦ ﺍﻟﺼﺒﺢ ﻟﻠﻴﻞ ﺑﻴﻦ ﺍﻟﺪﻭﺍﻡ ﻭﺷﻐﻞ ﺍﻟﮕﺎﻉ ..
ﻳﺪﻧﮓ ﺭﺍﺳﻪ ﻳﺒﻮﺱ ﮔﺼﺘﻲ .. ﻭﻳﺠﻴﺒﻠﻲ ﻭﻳﺎﻩ ﻧﺴﺘﻠﺔ ..
ﻫﺎﻱ ﺍﻟﻨﺴﺘﻠﺔ ﺗﺨﻠﻲ ﻓﺮﺣﺔ ﺷﻜﺒﺮﻫﺎ ﺑﮕﻠﺒﻲ ﺍﮔﻮﻡ ﺍﮔﻤﺰ ..
ﻭﺗﺪﺧﻞ ﺍﻣﻲ ﺗﻌﺒﺎﻧﻪ ﻣﻦ ﺷﻐﻞ ﺍﻟﺒﻴﺖ ﻭﺍﻟﻤﻨﺎﮔﺮ ﺍﻟﻤﺎﻳﺨﻠﺺ ﺩﻭﻡ ﺍﺳﻤﻊ ﻋﻤﺔ ﻟﻤﻴﻌﺔ ﺷﻠﻮﻥ ﺗﺘﻌﺎﺭﻙ ﻭﻳﺎﻫﺎ ..
ﻭﺍﻣﻲ ﻣﺎﺗﺤﺠﻲ ﺑﺲ ﺗﻮﺻﻴﻨﻲ ﻣﺎﺍﻃﻠﻊ ﻻﻥ ﺗﺨﺎﻑ ﻋﻠﻴﻪ ﻣﻨﻬﻦ .. ﺗﺎﻟﻲ ﻋﺎﻓﺘﻨﻲ ﻭﺣﺪﻱ ﻭﺭﺍﺣﺖ .. ﺧﻠﺘﻨﻲ ﻟﻠﺪﻧﻴﺎ ﻣﺜﻞ ﺍﻟﺘﺎﻳﻬﺔ ﻭﻣﺎﺍﻧﺪﻝ ﻃﺮﻳﻘﻲ ..
ﻣﻦ ﺧﺮﺑﺖ ﻭﻭﮔﻌﺖ ﻟﻤﻦ ﺟﺒﺖ .. ﮔﻠﺖ ﻫﺎﻱ ﺍﻧﻲ ﻣﺘﺖ ﻭﺭﺣﺖ ﺍﺷﻮﻑ ﺍﺑﻮﻱ ﻭﺍﺧﻴﺮﺍ ﺭﺍﺡ ﺍﺭﺗﺎﺡ ﻣﻦ ﻫﺎﻱ ﺍﻟﺪﻧﻴﺎ ﺍﻟﺒﻘﻴﺖ ﺑﻴﻬﺎ ﻭﺣﻴﺪﺓ .. ﺷﻮﻳﺔ ﺳﻤﻌﺖ ﺻﻮﺕ ﺟﺪﻱ ﻳﺄﺫﻥ ﻭﻳﺤﺠﻲ .. ﻓﺘﺤﺖ ﻋﻴﻨﻲ ﻭﻟﻦ ﺷﺎﻳﻞ ﻃﻔﻞ ﺑﻴﺪﻩ ﻭﻳﺒﻮﺱ ﺑﻲ ﻭﻳﻨﺪﻩ ﻋﻠﻴﻪ ﺍﻧﺖ ﺍﺳﻤﻚ ﺣﻜﻤﺖ ..
ﻧﺰﻟﺖ ﺩﻣﻮﻋﻲ ﻭﺻﺤﺖ ﺟﺪﻱ ﺣﻜﻤﺖ ﻫﺬﺍ … .
ﺿﺤﻚ ﻭﺍﻟﻔﺮﺣﺔ ﻣﺎﻟﻴﻪ ﻋﻴﻨﺔ .. ﺷﺠﺮﺍﻟﺞ ﻳﺮﺿﻮﺓ ﺍﺧﺬﺗﻲ ﺣﻴﻠﻲ ﻳﺒﻮﻱ ﻣﻦ ﺧﺮﺑﺘﻲ .. ﺑﺲ ﺍﻟﺤﻤﺪ ﻭﺍﻟﺸﻜﺮ ﺍﻟﻪ ﺩﻋﻮﺍﺗﻲ ﻣﺎﺭﺍﺣﺖ ﻭﺭﺟﻌﺘﻴﻠﻲ ﺳﺎﻟﻤﺔ ﺍﻧﺘﻲ ﻭﺣﻜﻤﺖ ..
ﺷﻮ ﺧﻠﻲ ﺍﺷﻮﻓﺔ ..
ﻫﺎﺝ ﻳﺒﻌﺪ ﺍﺑﻮﺝ ﺷﻮﻓﻴﻪ .. ﺑﺲ ﺍﻟﺠﺪﺓ ﮔﺎﻟﺖ ﺗﺮﻳﺪ ﺗﻠﻔﻠﻔﺔ ﺑﺎﻟﮕﻄﻦ ﺟﻴﻒ ﻣﺎﻛﺎﻣﻞ ﺗﺨﺎﻑ ﻋﻠﻴﻪ .. ﺍﻧﻲ ﺭﺍﺡ ﻭﺭﺍﺟﻊ ﻣﺎﺍﺗﺄﺧﺮ ..
ﺻﺤﺖ ﻭﺭﺍﻩ ﺟﺪﻱ ﻭﻋﻤﺘﻲ ﺷﺠﺮﺍﻟﻬﺎ .. ﺻﺪﮒ ﻋﻤﻲ ﻓﺎﺭﺱ
ﺳﻜﺖ ﻭﻫﺰ ﺭﺍﺳﻪ .. ﻻﺗﺨﺎﻓﻴﻦ ﻳﺒﻨﻴﺘﻲ ﻋﻤﺞ ﻳﺮﺟﻊ ﺍﻥ ﺷﺎﺀ ﺍﻟﻠﻪ ﻣﺎﺩﺍﻡ ﻣﺎﻣﺶ ﺧﺒﺮ ﻋﻨﻪ ﻣﻌﻨﺎﻫﺎ ﻋﺎﻳﺶ ..
ﺩﻋﻴﺖ ﻣﻦ ﻛﻞ ﮔﻠﺒﻲ ﻳﺮﺟﻌﻠﻬﺎ ﺳﺎﻟﻢ .. ﻋﻤﺘﻲ ﺣﻤﺪﻳﺔ ﻣﺜﻠﻲ ﻣﻜﺴﻮﺭ ﺧﺎﻃﺮﻫﺎ ﻣﻦ ﺻﻐﺮﻫﺎ ﺑﺲ ﻋﻤﻲ ﻓﺎﺭﺱ ﺍﻟﻲ ﺟﺒﺮﻩ ﺻﺢ ﻣﺎﺍﻋﺮﻑ ﺑﺎﻟﻌﻼﻗﺎﺕ ﻭﺍﻟﺤﻴﺎﺓ ﺍﻟﺰﻭﺟﻴﺔ ﺷﻨﻲ .. ﺑﺲ ﻣﻦ ﻋﻴﻮﻧﻬﺎ ﻋﺮﻓﺖ ﮔﺪ ﺣﺒﻬﺎ ﺍﻟﻪ .. ﻣﻦ ﺗﺤﺠﻲ ﺑﻲ ﻋﻴﻮﻧﻬﺎ ﺗﮕﻮﻡ ﺗﻠﻤﻊ ..
ﺑﻘﻴﺖ ﻧﺎﻳﻤﺔ ﻣﻦ ﺍﻟﺘﻌﺐ ﻭﺍﻟﺨﻮﻑ ﺍﻟﺸﻔﺘﻪ .. ﻣﺎﺣﺴﻴﺖ ﺍﻻ ﺑﺎﻟﺠﺪﺓ ﻭﻣﺨﻠﻴﻪ ﺣﻜﻤﺖ ﺑﻮﺳﻂ ﺍﻟﮕﻄﻦ .. ﺟﻨﺖ ﻣﺎﺍﺗﻘﺮﺑﻠﻪ ﺍﺧﺎﻑ ﺑﻌﺪﺓ ﺻﻐﻴﺮ ﺍﺷﻮﻓﺔ .. ﺭﻏﻢ ﻛﻠﻬﻦ ﻳﮕﻠﻠﻲ ﻋﻤﺮﺓ ﺟﻦ ﺗﺴﻊ ﺷﻬﻮﺭ ﻣﻮ ﺳﺒﻴﻌﻲ ..
ﻭﺑﺎﻟﻠﻴﻞ ﻛﻠﻪ ﻳﺒﺠﻲ ﻭﺍﻟﺠﺪﺓ ﺗﺠﺒﺮﻧﻲ ﺍﮔﻮﻡ ﺍﺭﺿﻌﺔ ﻭﺍﻧﻲ ﻣﺎﺍﻋﺮﻑ .. ﻭﺍﻟﺼﺪﮒ ﺭﻭﺣﻲ ﺗﻠﻌﺐ ﻣﻦ ﺍﺧﻠﻴﻪ ﻋﻠﻰ ﺻﺪﺭﻱ ﺍﺣﺲ ﻳﻮﺟﻌﻨﻲ .. ﻣﺮﺍﺕ ﺍﺑﺠﻲ ﻣﻦ ﺍﺷﻮﻑ ﺣﺎﻟﺘﻲ ﻭﺍﺟﺖ ﺍﻳﺎﻡ ﺍﺷﻤﺮﺓ ﻣﺎﺍﺭﻳﺪﻩ ﺍﮔﻠﻬﻦ .. ﻭﺍﺑﺠﻲ ﺍﺭﻳﺪ ﻋﻤﺘﻲ ﺣﻤﺪﻳﺔ
ﺟﺪﻱ ﻣﻦ ﻳﻮﻡ ﺍﻟﺠﺒﺖ ﻣﺎﺷﻔﺘﻪ ﺟﻨﻬﻢ ﻋﺎﻓﻮﻧﻲ ﻫﻨﺎ ﻭﺭﺍﺣﻮﺍ
ﺍﺭﺑﻌﻴﻦ ﻳﻮﻡ ﻭﺍﻧﻲ ﻣﺎ ﻋﺸﺖ ﺑﻴﻬﻦ ﻣﺮﺗﺎﺣﺔ ﻭﻋﻴﻨﻲ ﻣﺎﺷﺎﻓﺖ ﺍﻟﻨﻮﻡ ﻣﻦ ﺍﻟﺒﺠﻲ .. ﻋﻤﺘﻲ ﻣﺎﺍﺟﺖ ﻭﺟﺪﻱ ﺍﺟﻪ ﻭﺍﺳﺎﻧﻲ ﻭﺑﻘﻰ ﻳﺤﺠﻲ ﻭﻳﮕﻠﻲ ﻛﺒﺮﺗﻲ ﻭﺍﺑﻨﺞ ﻣﺎﻟﻪ ﺍﺣﺪ ﻏﻴﺮﺝ .. ﺣﺘﻰ ﻣﺎﺷﻔﺘﻪ ﺍﻟﺒﻨﺎﺕ ﻭﺍﻟﺠﺪﺓ ﻣﺘﻜﻔﻼﺕ ﺑﻲ .. ﻭﺣﺘﻰ ﻣﺎﺍﻋﺮﻑ ﻣﻨﻮ ﻳﺮﺿﻌﺔ ﺑﺲ ﺑﻌﺪﻳﻦ ﺷﻔﺖ ﺳﻌﺪﻳﺔ ﺗﺮﺿﻌﺔ ﻭﻱ ﺍﺑﻨﻬﺎ ﻭﻫﻮ ﺗﻌﻮﺩ ﻋﻠﻴﻬﺎ ..
ﺿﺠﺖ ﻭﺣﺴﻴﺖ ﺑﺸﻌﻮﺭ ﻏﺮﻳﺐ ﻣﻦ ﺷﻔﺘﻬﺎ ﺣﺎﺿﻨﺘﻪ ﻭﺗﺒﺘﺴﻢ ﻭﻫﻮ ﻋﻠﻰ ﺻﺪﺭﻫﺎ .. ﺧﻔﺖ ﺗﺎﺧﺬﻩ ﻣﻨﻲ ﻣﺜﻞ ﻣﺎﺍﻟﺪﻧﻴﺎ ﺍﺧﺬﺕ ﺍﻫﻠﻲ ﻭﺣﻴﺎﺗﻲ .. ﺻﺪﺭﻱ ﺍﺻﻼ ﻳﻮﺟﻌﻨﻲ ﺟﻴﻒ ﻣﺎﺍﺭﺿﻊ .. ﮔﻤﺖ ﻣﻦ ﻣﻜﺎﻧﻲ ﻭﺻﺤﺖ .. ﺍﻧﻄﻴﻨﻴﺎﻩ ﺍﻧﻲ ﺍﺭﺿﻌﻪ .. ﺍﺑﺘﺴﻤﺖ ﻭﺷﺎﻟﺘﻪ ﺧﻠﺘﻪ ﺑﺤﻀﻨﻲ ..
ﺍﻱ ﻫﻴﺞ ﺻﻴﺮﻱ ﺳﺒﺎﻋﻴﺔ .. ﻫﺬﺍ ﺟﺒﺪﺓ ﻣﻨﺞ ﻭﺳﻨﺪﺝ ﻻﺗﻬﻤﻠﻴﻪ .. ﻋﻠﻤﺘﻨﻲ ﺷﻠﻮﻥ ﺍﺭﺿﻌﻪ ﻭﻫﻮ ﺟﺎﻥ ﺟﻮﻋﺎﻥ ﻭﻣﺎﺷﺒﻊ ﻣﻦ ﺳﻌﺪﻳﻪ ﺍﻭﻝ ﻣﺎﺧﻠﻴﺘﻪ ﻋﻠﻰ ﺻﺪﺭﻱ ﺭﺿﻊ ﺳﺮﻳﻊ ﺍﺫﺍﻧﻲ ﺣﻴﻞ .. ﺻﺤﺖ ﻭﻏﻤﻀﺖ ﻋﻴﻨﻲ ﺑﺲ ﺗﺤﻤﻠﺖ ﺍﻻﺟﻠﻪ ﻟﻤﻦ ﺷﻔﺘﻪ ﺷﻠﻮﻥ ﺟﻮﻋﺎﻥ ﻛﺴﺮ ﺧﺎﻃﺮﻱ .. ﻛﻠﺸﻲ ﻣﺎﺍﺷﻮﻑ ﻣﻨﻪ ﻣﻠﻔﻠﻒ ﺑﺎﻟﮕﻄﻦ ﺑﺲ ﻋﻴﻮﻧﺔ ﺟﺎﻧﻦ ﻭﺳﺎﻉ ﻭﻣﻜﺤﻼﺕ .. ﻳﺸﺒﻬﻨﻲ ﻛﻠﺶ .. ﺿﺤﻜﺖ ﻭﻋﻴﻮﻧﻲ ﻣﺎﺷﻠﺘﻬﺎ ﻋﻨﻪ ﻭﻣﻦ ﻳﻮﻣﻬﺎ ﻫﻮ ﺻﺎﺭ ﺩﻧﻴﺘﻲ ﻛﻠﻬﺎ ..
ﺻﺮﺕ ﺍﺧﺎﻑ ﻋﻠﻴﻪ ﻣﻦ ﺍﻟﻬﻮﻯ ﻭﻣﺎﺍﻗﺒﻞ ﺍﺣﺪ ﻳﺸﻴﻠﻪ ﻏﻴﺮﻱ ﻭﺍﻟﺠﺪﺓ ﺣﺴﻨﺔ ﻻﻥ ﺗﻐﻴﺮﻟﻪ ﺍﻟﮕﻄﻦ ﻭﺗﺒﺪﻟﻪ ..
ﺑﻴﻮﻣﻬﺎ ﺟﺎﺑﺘﻠﻲ ﺩﺟﺎﺝ ﻛﺎﻣﻠﺔ ﺑﺎﻟﺘﺸﺮﻳﺐ ﻭﮔﺎﻟﺖ ﺍﺷﺮﺑﻲ ﻣﺎﻳﻬﺎ ﺑﺎﻻﻭﻝ ﻭﺑﻌﺪﻫﺎ ﺍﻛﻠﻴﻬﺎ ﻛﻠﻬﺎ .. ﺍﻧﺘﻲ ﻧﻔﺴﻪ ﻭﺗﺮﺿﻌﻴﻦ ﻭﻣﺎﻱ ﺍﻟﺪﺟﺎﺝ ﻳﮕﻮﻱ ﻋﻀﺎﻣﺞ ..
ﻛﻢ ﻣﺮﺓ ﻣﺎﮔﺪﺭﺕ ﺍﻛﻞ ﻣﺎﻟﻲ ﻧﻔﺲ .. ﺑﺲ ﻫﻲ ﺟﺒﺮﺗﻨﻲ ﻭﻫﺪﺩﺗﻨﻲ ﻣﺎﺗﻨﻄﻴﻨﻲ ﺣﻜﻤﺖ ﺍﺭﺿﻌﻪ بيج قصص عراقيه حقيقيه من واقعنا.روعه الطائي
ﺑﻌﺪ ﻣﺎﺧﻠﺺ ﺍﺭﺑﻌﻴﻨﻲ ﻭﺍﻧﻲ ﻭﺣﺪﻱ ﻻﺍﻡ ﻻﻋﻤﺔ ﻻﺍﺣﺪ ﻳﻤﻲ . ﻗﺮﺭ ﺟﺪﻱ ﻧﺮﺟﻊ ﺍﻟﺤﻮﺷﻨﺎ .. ﺧﻔﺖ ﺑﺪﺍﺧﻠﻲ ﺑﺲ ﺍﺷﺘﺎﻗﻴﺖ ﺍﻟﻐﺮﻓﺔ ﺍﻫﻠﻲ ﻭﻋﻤﺘﻲ ﺍﻟﻤﺎﺍﻋﺮﻑ ﺍﺧﺒﺎﺭﻫﺎ ..
ﻋﻤﺘﻲ ﻣﺎﺗﻌﻮﻓﻨﻲ ﻟﻮ ﻣﺎﺻﺎﻳﺒﻬﺎ ﺷﻲ ﻭﺍﺧﺎﻑ ﺟﺪﻱ ﺿﺎﻡ ﻋﻠﻴﻪ ﻭﻳﺨﺎﻑ ﻻﺍﺿﻮﺝ ﻭﺍﻧﻲ ﺟﺎﻳﺒﻪ ..
ﻟﻤﻴﺖ ﻏﺮﺍﺿﻲ ﻛﻠﻬﺎ ﻭﺍﻟﺒﻨﺎﺕ ﺑﻴﻮﻣﻬﺎ ﻳﺒﺠﻦ ﻻﻥ ﺭﺍﺡ ﺍﻋﻮﻓﻬﻦ ﻭﺍﻧﻲ ﻫﻢ ﺗﻌﻮﺩﺕ ﻋﻠﻴﻬﻦ ﺷﻬﻮﺭ ﺍﻧﻲ ﺑﻨﺼﻬﻢ ﻣﺎﺣﺴﺴﻮﻧﻲ ﺑﺸﻲ ﻭﺩﻟﻠﻮﻧﻲ ﺍﻛﺜﺮ ﻣﻦ ﻋﻤﺎﻣﻲ ﻭﺍﻫﻠﻲ ..
ﺳﻌﺪﻳﺔ ﻭﺻﺘﻨﻲ ﺍﺯﻭﺭﻫﻢ ﺟﻴﻒ ﺗﻌﻠﻘﺖ ﺑﺤﻜﻤﺖ ﻭﺗﻜﻮﻝ ﺍﺣﺴﻪ ﺻﺎﺭ ﺣﺎﻟﻪ ﻣﻦ ﺣﺎﻝ ﻛﺮﻳﻢ ﺍﺑﻨﻬﺎ .. ﻭﻭﺻﺘﻨﻲ ﺍﺳﻠﻢ ﻋﻠﻰ ﺣﻤﺪﻳﺔ ﻭﺍﻭﺻﻠﻠﻬﻢ ﺍﺧﺒﺎﺭﻫﺎ ..
ﻣﻦ ﻃﻠﻌﺖ ﺍﻧﻲ ﻭﺟﺪﻱ ﺣﻤﻠﻮﻧﺎ ﺑﺎﻟﻐﺮﺽ ﻭﺍﻟﺤﻠﻴﺐ ﺩﺑﺎﺕ ﻭﺍﻟﺮﻭﺑﺔ ﻭﺍﻟﺪﺟﺎﺝ ﻭﻭﺻﺘﻨﻲ ﺍﺗﻐﺬﻯ ..
ﺭﺟﻌﻨﺎ ﻭﺍﻟﻄﺮﻳﻖ ﻛﻠﻪ ﻋﻴﻨﻲ ﻉ ﺍﻟﺪﺭﺏ .. ﻛﻠﺸﻲ ﻣﺎﺑﻲ ﺗﮕﻮﻝ ﺻﺤﺮﺍﺀ ﻣﺪﺭﻱ ﺷﻠﻮﻥ ﻋﺎﻳﺸﻴﻦ ﻫﻨﺎ .. ﺑﺲ ﺷﻜﻠﻬﻢ ﻣﺮﺗﺎﺣﻴﻦ ﻭﻣﺘﻮﺍﻟﻔﻴﻦ ﮔﻠﺐ ﻋﻠﻰ ﮔﻠﺐ ..
ﻛﻠﻤﺎ ﻳﮕﺮﺏ ﺍﻟﻄﺮﻳﻖ ﺍﻟﺤﻮﺷﻨﺎ ﮔﻠﺒﻲ ﻳﻨﻘﺒﺾ .. ﻭ ﺍﻭﻝ ﻣﺎﻭﺻﻠﻨﺎ ﺟﺪﻱ ﻣﻮﺻﻴﻬﻢ ﻳﺤﻀﺮﻭﻥ ﺫﺑﻴﺤﺔ ﺍﻟﺤﻜﻤﺖ ﺗﻨﺬﺑﺢ ﺑﺪﺧﻠﺘﻨﺎ ﻟﻠﺤﻮﺵ .. ﺷﻔﺘﻬﻢ ﺫﺑﺤﻮﻫﺎ ﻭﺍﻧﻲ ﻏﻤﻀﺖ ﻋﻴﻮﻧﻲ ﻭﺣﻀﻨﺖ ﺣﻜﻤﺖ ..
ﻓﺮﺣﺖ ﻣﻦ ﺷﻔﺖ ﻋﻤﺘﻲ ﺣﻤﺪﻳﺔ ﮔﺒﺎﻟﻲ .. ﺭﻛﻀﺖ ﺍﻟﻬﺎ ﺣﻀﻨﺘﻨﻲ ﻭﺗﺒﺠﻲ .. ﻭﺍﺧﺬﺕ ﻣﻨﻲ ﺣﻜﻤﺖ ﻭﻫﻲ ﺗﺼﻠﻲ ﻋﻠﻰ ﺍﻟﻨﺒﻲ .. ﺍﺗﻘﺮﺑﺖ ﻋﻤﺘﻲ ﻟﻤﻴﻌﺔ ﻭﺍﻭﻝ ﻣﺎﺷﺎﻓﺘﻪ .. ﻭﺍﻟﻠﻪ ﻭﺭﺿﻮﺓ ﺍﻟﻌﺎﻳﺒﺔ ﺻﺎﺭﺕ ﺍﻡ ﻭﻛﺒﺮﺕ .. ﺑﺲ ﺷﻮ ﺟﻦ ﻫﺬﺍ ﻣﻮ ﺍﺳﺒﻴﻌﻲ ﺟﺒﻴﺮ ﻭﻣﺮﺑﺮﺏ .. ﺧﺰﺭﺗﻬﺎ ﻋﻤﺘﻲ ﺳﻜﺘﺖ ﻭﺩﺧﻠﺖ ﺟﺪﻱ ﻭﻓﺮﺣﺘﻪ ﺑﻴﻨﺎ ﺳﻜﺘﺘﻬﻢ ﻛﻠﻬﻢ ..
ﺟﺎﻧﺖ ﺑﺲ ﺍﻟﻌﻴﻮﻥ ﺗﺤﺠﻲ ﻭﺗﺘﺤﻠﻒ ﻭﻣﺎﺍﻋﺮﻑ ﺷﻨﺎﻭﻳﻦ ﺍﻟﻲ ﻭﻷﺑﻨﻲ .. ﺍﺑﻨﻲ … ﻣﺮﺍﺕ ﺍﺳﺘﻐﺮﺏ ﻣﻦ ﺍﺳﻤﻊ ﻫﺎﻟﻜﻠﻤﺔ ﻭﺑﻌﺪﻫﺎ ﺍﺑﺘﺴﻢ ﺍﺣﺲ ﻋﻮﺿﻨﻲ ﻋﻦ ﻛﻞ ﺍﻟﻲ ﺭﺍﺣﻮﺍ ﻭﺧﺎﺻﻪ ﻣﻦ ﺍﺷﻮﻑ ﺿﺤﻜﺘﻪ ﺑﻮﺟﻬﻲ ..
ﺟﺪﻱ ﺻﺎﺡ .. ﻣﻬﺪﻱ ﺍﻟﻌﺼﺮ ﺗﺠﻴﺐ ﺍﻟﺸﻴﺦ ﻭﻧﻌﻘﺪﻟﻜﻢ .. ﻭﺍﻧﺘﻦ ﺗﻄﺸﻦ ﺍﻟﺴﺎﻟﻔﺔ ﺑﺎﻟﻤﻨﻄﻘﺔ ﻭﺍﻟﮕﺮﺍﻳﺐ .. ﻣﺮﺕ ﻣﻬﺪﻱ ﺟﺎﺑﺖ ﻭﻟﺪ ..
ﺑﻌﺪ ﻣﺎﺩﺭﻭﺍ ﺑﺮﺿﺎﺀ ﺣﺎﻣﻞ .. ﺟﺪﻫﺎ ﻃﺮﺵ ﻟﻠﻌﺎﻟﻢ ﻛﻠﻬﺎ ﺑﺎﻥ ﺍﺑﻮﻫﺎ ﻣﺄﻣﻨﻬﺎ ﻋﻨﺪ ﻣﻬﺪﻱ ﻭﻃﺎﻟﺐ ﻣﻨﻪ ﻳﺘﺰﻭﺟﻬﺎ ﺑﻌﺪ ﻣﺎﺍﻧﻜﺴﺮ ﺑﺨﺘﻬﺎ ﺑﻤﻮﺗﺖ ﺣﺴﻦ .. ﻭﺣﺘﻰ ﻳﻄﻤﺄﻥ ﻋﻠﻴﻬﺎ .. ﻓﺎﻟﻨﺎﺱ ﻛﻠﻬﺎ ﺟﺎﻧﺖ ﻋﻨﺪﻫﺎ ﻋﻠﻢ ﺍﻧﻬﻢ ﻣﺘﺰﻭﺟﻴﻦ ..
ﺑﺘﻮﻝ ﻛﻞ ﻫﺎﻱ ﺍﻟﻔﺘﺮﺓ ﺟﺎﻧﺖ ﺯﻋﻼﻧﺔ ﻭﻣﺎﺭﺟﻌﺖ ﺍﻻ ﻟﻤﺎ ﺳﻤﻌﺖ ﺑﺮﺿﺎﺀ ﺭﺟﻌﺖ .. ﺩﺧﻠﺖ ﻭﺷﺎﻓﺖ ﺍﻟﺸﻴﺦ ﻃﻠﻊ ﻣﻨﻬﻢ ﻭﻣﻬﺪﻱ ﺧﻠﺺ ﺗﺰﻭﺝ ﺭﺿﺎﺀ ﻭﺻﺎﺭﺕ ﺑﺬﻣﺘﻪ ..
ﺗﺨﺒﻠﺖ ﻭﺩﺧﻠﺖ ﻋﻠﻰ ﺭﺿﺎﺀ ﻟﻠﻐﺮﻓﺔ ﻣﻮﺗﺘﻬﺎ ﻟﻮ ﻣﺎﺣﻤﺪﻳﺔ ﺗﺠﺮﻫﺎ ﻣﻨﻬﺎ .. ﻭﻣﻬﺪﻱ ﺣﻀﻨﻬﺎ ﻭﺍﺧﺬﻫﺎ ﻟﻠﻐﺮﻓﺔ . .
ﺍﻟﺤﺠﻲ ﺧﻀﻴﺮ .. ﺻﺎﺡ ﺑﻴﻬﺎ . ﺍﺳﻤﻌﻲ ﻳﺒﺘﻮﻝ ﺻﺒﺮﺕ ﻋﻠﻴﺞ ﻫﻮﺍﻱ ﻣﻮ ﻋﺴﺎﺱ ﺭﺣﺘﻲ ﻣﻦ ﺷﻬﻮﺭ ﻭﮔﻠﺘﻲ ﻣﺎﺍﺭﺟﻊ ﺑﻌﺪ ﻫﺴﺎ ﻋﺮﻓﺘﻲ ﻋﻨﺪﺝ ﺣﻮﺵ ﻭﺭﺟﻞ .. ﻟﻮ ﻃﺮﺷﺘﻠﺞ ﺧﺎﻟﺘﺞ ﻭﺍﺟﻴﺘﻲ ﺭﺍﻛﻀﻪ .. ﻣﻨﺎ ﻭﺟﺎﻱ ﺍﻫﻲ ﻣﺮﺗﺔ ﻣﺜﻞ ﻣﺎﺍﻧﺖ ﻣﺮﺗﻪ ﻭﺍﻧﺖ ﻳﻤﻬﺪﻱ ﺗﻌﺪﻝ ﺑﻴﻨﻬﻢ ﻭﺗﻔﻬﻢ ﻣﺮﺗﻚ ﺗﻌﮕﻞ ﻭﺗﺴﺘﺠﻦ ﻭﺗﺤﺎﻓﻆ ﻋﻠﻰ ﺑﻴﺘﻬﺎ ..
ﺭﺍﺩﺕ ﺗﺤﺠﻲ ﺳﺤﺒﻬﺎ ﻣﻬﺪﻱ ﻭﺩﺧﻠﻬﺎ ﻟﻠﻐﺮﻓﺔ .. ﺟﺎﻥ ﺿﻌﻴﻒ ﮔﺪﺍﻣﻬﺎ ﺣﺒﻬﺎ ﻣﻦ ﺍﻟﺼﻐﻴﺮ ﺍﻟﻰ ﺍﻥ ﺣﺼﻞ ﻋﻠﻴﻬﺎ ﻭﻫﻲ ﺗﻌﺮﻑ ﻫﺎﻟﺸﻲ ﻭﺗﺪﻟﻞ ﻋﻠﻴﻪ .. ﻛﻢ ﻣﺮﺓ ﺭﺍﺩ ﻳﺮﺟﻌﻬﺎ ﻭﺭﺍﺡ ﻳﺘﻮﺳﻞ ﺑﻴﻬﺎ ﺑﺲ ﻫﻲ ﻣﺎﻗﺒﻠﺖ ﻭﺧﻴﺮﺗﻪ ﻟﻮ ﻳﺨﻠﻴﻠﻬﺎ ﺣﻮﺵ ﻭﻳﻌﻮﻑ ﺍﻫﻠﺔ ﻟﻮ ﻣﺎﺗﺮﺟﻊ ..
ﺑﺲ ﻣﻦ ﺭﺟﻌﺖ ﺭﺿﺎﺀ ﻭﺍﺑﻨﻬﺎ ﺭﻛﻀﺖ ﻟﻤﻴﻌﺔ ﺍﻟﺠﻴﺮﺍﻧﻬﻢ ﻭﺧﺎﺑﺮﺗﻬﺎ ﻭﻭﺻﺘﻬﺎ ﺗﺠﻲ ﺍﻟﺮﺟﻠﻬﺎ ﻻﻳﺮﻭﺡ ﻣﻨﻬﺎ ..
ﺑﺘﻮﻝ ﺟﺎﻧﺖ ﺗﺒﺠﻲ ﻭﺗﺪﻓﻊ ﺑﻲ ﻭﻫﻮ ﻣﻦ ﺍﺷﺘﻴﺎﻗﻪ ﻳﺤﻀﻨﻬﺎ
ﻭﻳﺒﻮﺱ ﺑﻴﻬﺎ ﺑﻜﻞ ﻣﻜﺎﻥ .. ﻭﺣﻠﻒ ﻣﺎﻳﻮﺻﻞ ﺍﻟﺮﺿﺎﺀ ﻭﻻﻳﺘﻘﺮﺏ ﺍﻟﻬﺎ .. ﻭﺍﻧﻬﺎ ﻣﺮﺗﻪ ﻭﺣﺒﻴﺒﺘﻪ ﻭﻣﺎﺗﺎﺧﺬ ﻭﺣﺪﺓ ﻣﻜﺎﻧﻬﺎ .. ﻫﺪﺃﻫﺎ ﻭﻫﻲ ﺣﻠﻔﺖ ﺍﻧﻪ ﺗﺤﻄﻢ ﺣﻴﺎﺓ ﺭﺿﻮﺓ ﻭﺗﺨﻠﻴﻬﺎ ﺗﻬﺞ ﻣﻦ ﺍﻟﺒﻴﺖ ..
ﻣﻬﺪﻱ ﺟﺎﻥ ﻳﺴﻮﻱ ﻛﻠﺸﻲ ﺣﺘﻰ ﻳﺮﺿﻴﻬﺎ ﻭﺑﻴﻮﻣﻬﺎ ﺩﺧﻞ ﻋﻠﻴﻬﺎ ﻫﻲ ﺑﺪﻝ ﺭﺿﺎﺀ .. ﻭﻛﺄﻥ ﻫﺬﺍ ﺍﻟﻴﻮﻡ ﻳﻮﻡ ﺯﻭﺍﺟﻪ ﻣﻦ ﺑﺘﻮﻝ ﺑﻌﺪ ﺍﺷﻬﺮ ﻣﻦ ﺍﻟﻔﺮﺍﮒ .. ﻭﻣﺎﻃﻠﻌﻮﺍ ﺍﻻ ﻭﻱ ﺍﺫﺍﻥ ﺍﻟﻤﻐﺮﺏ ﺭﺍﺣﺖ ﺣﻤﺖ ﺍﻟﺤﻤﺎﻡ ﻭﺳﺒﺤﺖ ﻫﻲ ﻭﻣﻬﺪﻱ ﻭﻃﻠﻌﺖ ﺗﺘﻤﺨﺘﺮ ﻭﺗﺤﺎﻭﻝ ﺗﻐﻴﻆ ﺑﺮﺿﺎﺀ .. ﻭﺍﻟﺜﺎﻧﻴﺔ ﺍﺻﻼ ﻣﺎﺑﺒﺎﻟﻬﺎ ﻣﻬﺪﻱ ﺍﻭ ﺑﺘﻮﻝ .. ﺟﺎﻥ ﻓﻜﺮﻫﺎ ﻳﻢ ﻟﻌﺒﺎﺗﻬﺎ ﻣﺜﻞ ﻣﺎﺗﺴﻤﻴﻬﺎ ..
ﻭﺣﻤﺪﻳﺔ ﺗﻀﺤﻚ ﻋﻠﻴﻬﺎ ..
- ﻭﻟﺞ ﻛﺒﺮﺗﻲ ﻭﺻﺮﺗﻲ ﺍﻡ ﻭﺍﻧﺘﻲ ﺑﻌﺪﺝ ﺗﺘﺼﺮﻓﻴﻦ ﻣﺜﻞ ﺍﻟﺠﻬﺎﻝ ..
- ﻳﺎﻋﻤﺔ ﻫﻮ ﺍﻧﻲ ﺷﻠﺤﮕﺖ ﺑﻌﺪﻧﻲ ﻣﺎﺷﺒﻌﺖ ﻟﻌﺐ ﻟﺴﺎ ﻣﻦ ﺍﺷﻮﻑ ﻛﺎﺭﺗﻮﻥ ﮔﻠﺒﻲ ﻳﻄﻴﺮ ﻣﻦ ﺍﻟﻔﺮﺣﺔ ..
- ﻳﻌﻤﺔ ﺷﻨﺴﻮﻱ ﻫﺬﺍ ﻗﺪﺭﺝ ﻭﻣﻜﺘﻮﺑﻠﺞ .. ﺍﺭﻳﺪﺝ ﺗﺼﻴﺮﻳﻦ ﺳﺒﺎﻋﻴﺔ ﻭﺗﺎﺧﺬﻳﻦ ﺣﮕﺞ ﺍﻟﻴﻮﻡ ﺍﻧﻲ ﻳﻤﺞ ﺑﺎﺟﺮ ﻣﻮﺵ ﻫﻨﺎ . ﻣﻬﺪﻱ ﺻﺎﺭ ﺭﺟﻠﺞ ﻣﺜﻞ ﻣﺎﻫﻮ ﺭﺟﻠﻬﺎ ﺣﺎﻓﻈﻲ ﻋﻠﻴﻪ ﻻﺗﺨﻠﻴﻪ ﻳﻮﻡ ﻳﻌﻮﻓﺞ ..
- ﻣﺎﺍﺍ ﺧﻠﻲ ﻳﻌﻮﻓﻨﻲ ﻣﺎﺍﺭﻳﺪﺓ ﺍﺻﻼ ﺍﺧﺎﻑ ﻣﻨﻪ ﻭﻣﺎﺍﺣﺒﻪ
- ﻭﻟﺞ ﻭﻳﺎﻣﻦ ﺍﺣﺠﻲ ﺍﻟﻴﻮﻡ ﺍﺑﻮﻱ ﻋﺎﻳﺶ ﻭﻣﺴﺎﻧﺪﺝ ﺍﻧﺘﻲ ﻭﺍﺑﻨﺞ ﺑﺎﺟﺮ ﻣﻨﻲ ﺍﻟﺞ ..
ﺑﺠﻰ ﺣﻜﻤﺖ ﮔﻤﺰﺕ ﺍﻟﻪ ﻭﻋﺎﻓﺖ ﻋﻤﺘﻬﺎ ﺗﺤﺠﻲ ﻭﺣﺪﻫﺎ ..
ﻟﻠﻴﻞ ﺩﺧﻠﺖ ﺑﺘﻮﻝ ﻣﺒﺪﻟﺔ ﻭﻣﺘﻤﻜﻴﺠﺔ ﻭﺗﻀﺤﻚ ﺑﺤﻘﺪ ..
- ﻫﺎﺍﺍ ﻳﺎﻟﻌﺎﻳﺒﺔ ﻻﻋﺒﺎﻟﺞ ﻣﻬﺪﻱ ﻳﻌﺎﻳﻦ ﻋﻠﻴﺞ .. ﺍﺻﻼ ﻣﻬﺪﻱ ﻣﺎﻳﺸﻮﻑ ﻏﻴﺮﻱ ﻭﻻﺗﺤﻠﻤﻴﻦ ﺑﻲ ﻭﻫﺎﻟﺘﺸﻮﻓﻴﻦ ﻫﺎﻟﻠﻴﻠﺔ ﻳﻤﻲ ﻭﻛﻞ ﻟﻴﻠﺔ .
ﺭﺩﺕ ﺣﻤﺪﻳﺔ .. ﻻﺑﻴﺾ ﺍﻟﻠﻪ ﻭﺟﻬﺞ .. ﺟﺎﻱ ﺗﺘﻔﺎﺧﺮﻳﻦ ﻧﺴﻴﺘﻲ ﺣﺠﺎﻳﺔ ﺍﺑﻮﻱ ﻭﺷﮕﺎﻝ .. ﻻﺗﺘﺒﺎﻫﻴﻦ ﺍﺫﺍ ﻣﻮ ﺍﻟﻴﻮﻡ ﺑﺎﺟﺮ ﻭﻻﺗﻨﺴﻴﻦ ﺭﺿﻮﺓ ﺣﻠﻮﺓ ﻭﺻﻐﻴﺮﺓ ﻭﻳﺠﻲ ﻳﻮﻡ ﺗﺤﻠﻰ ﺑﻌﻴﻨﻪ ﺑﻌﺪ ﻣﺎﻳﺎﺧﺬﺝ ﺍﻟﻜﺒﺮ ..
- ﻋﻤﺔ ﺷﻮ ﺟﻦ ﻋﺎﺟﺒﺞ ﺗﺨﺮﺑﻴﻦ ﺑﻴﺘﻲ ﻣﺜﻞ ﻣﺎﺧﺮﺏ ﺑﻴﺘﺞ ﻭﺭﺟﻠﺞ ﮔﺮﻃﺘﻲ ﻣﺪﺭﻱ ﻫﺞ ﻣﻨﺞ ﻭﺷﺎﻓﻠﻪ ﺍﻳﺮﺍﻧﻴﻪ ﻭﻋﺎﻓﺞ
ﺣﻤﺪﻳﺔ ﺗﺨﺒﻠﺖ ﻣﻦ ﻛﻼﻣﻬﺎ ﺷﺎﻟﺖ ﻳﻤﻬﺎ ﻃﺎﺳﺔ ﻣﺎﻱ ﻭﺷﻤﺮﺗﻬﺎ ﺑﻴﻬﺎ ﻭﺧﺮﺑﺖ ﻭﺟﻬﺔ ﺑﺎﻟﻤﺎﻱ .. ﻋﺎﻓﺘﻬﺎ ﻭﻃﻠﻌﺖ ﻭﻫﻲ ﺗﺤﺠﻲ ﻭﺗﻬﺪﺩ ..
ﺍﻟﺘﻔﺘﺖ ﺣﻤﺪﻳﺔ ﻭﺩﻣﻬﺎ ﻓﺎﻳﺮ ﻣﻦ ﺣﺠﻲ ﺑﺘﻮﻝ .. ﻭﺣﻠﻔﺖ ﺍﻻ ﺗﺨﻠﻲ ﻣﻬﺪﻱ ﻳﺎﺧﺬ ﺭﺿﺎﺀ ﻭﺗﻜﺴﺮ ﺧﺸﻤﻬﺎ ..
ﺑﺎﻭﻋﺖ ﺍﻟﺮﺿﺎﺀ ﺷﻠﻮﻥ ﺗﻠﻌﺐ ﻭﻱ ﺍﺑﻨﻬﺎ ﻭﻣﺎﻫﻤﻬﺎ ﺣﺠﻲ ﺑﺘﻮﻝ ﻭﻣﺎﺳﻤﻌﺖ ﻳﻤﻜﻦ ﺍﻟﻲ ﺻﺎﺭ ﻛﻠﻪ ..
ﻓﺎﺭ ﺩﻣﻬﺎ ﺍﻛﺜﺮ .. ﻭﮔﺎﻣﺘﻠﻬﺎ .. ﻛﺮﺻﺘﻬﺎ ﻭﻟﺞ ﺍﻧﻲ ﺍﺗﻤﺎﻟﺦ ﻋﻠﻤﻮﺩﺝ ﻭﺍﻧﺘﻲ ﺣﺎﻳﺮﺓ ﺗﻠﻌﺒﻴﻦ ﻭﻫﻲ ﺍﻟﻔﺮﺥ ﻭﻣﺎﻫﺎﻣﺞ ﺍﻟﺤﺠﻲ ..
- ﺍﺥ ﻋﻤﺔ ﺷﺒﻴﺞ ﻭﺍﻧﻲ ﺷﻌﻠﻴﻪ ﺷﺴﻮﻱ ..
- ﺗﺨﻠﻴﻦ ﻣﻬﻴﺪﻱ ﻳﺠﻴﺞ ﻟﻠﻐﺮﻓﺔ ..
- ﻣﺎﺍ ﺍﻛﺮﻫﺔ ﻧﺴﻴﺘﻲ ﺷﻠﻮﻥ ﺿﺮﺑﻨﻲ ﻫﻮ ﻭﻋﻤﻲ ﻣﺎﻳﺤﺒﻮﻧﻲ .
- ﺑﺎﻗﻲ ﻳﺜﻮﻟﺔ ﻫﻴﺞ ﻟﻤﻦ ﺗﺒﻘﻴﻦ ﺍﻧﺘﻲ ﻭﺍﺑﻨﺞ ﺑﺎﻟﺸﺎﺭﻉ ..
ﮔﺎﻣﺖ ﺣﻤﺪﻳﺔ ﻭﺗﺤﺠﻲ ﺑﻴﻨﻬﺎ ﻭﺑﻴﻦ ﺭﻭﺣﻬﺎ ﻭﺗﻨﺪﺏ ﺣﻈﻬﺎ ﺍﻟﻲ ﺧﻠﻪ ﺑﺘﻮﻝ ﻭﻏﻴﺮﻫﺎ ﻳﺘﺸﻤﺘﻦ ﺑﻴﻬﺎ ..
ﺭﺿﺎﺀ .. ﻋﻤﺘﻲ ﺍﺩﺭﻱ ﺑﻴﻬﺎ ﺗﺨﺎﻑ ﻋﻠﻴﻪ ﻭﺗﺮﻳﺪ ﺻﺎﻟﺤﻲ ﺑﺲ ﺍﻧﻲ ﻣﺎﺍﺭﻳﺪ ﺍﺗﺰﻭﺝ ﻭﻻﺍﺭﻳﺪ ﺭﺟﺎﻝ ﺑﺤﻴﺎﺗﻲ .. ﻋﻨﺪﻱ ﺣﻜﻤﺖ ﻳﻜﺒﺮ ﻭﻳﺪﻳﺮ ﺑﺎﻟﻪ ﻋﻠﻴﻪ ﻭﻳﺤﻤﻴﻨﻲ .. ﻣﻦ ﺯﻣﺎﻥ ﺟﻨﺖ ﺍﺗﻤﻨﻰ ﻋﻨﺪﻱ ﺍﺧﻮ ﻳﺨﺎﻑ ﻋﻠﻴﻪ ﻭﻣﺜﻞ ﻣﺎﺍﻧﺤﺮﻣﺖ ﻣﻦ ﺍﺧﻮﻱ ﺍﻟﻠﻪ ﻋﻮﺿﻨﻲ ﺑﺤﻜﻤﺖ ﺍﻟﻲ ﺻﺎﺭ ﻛﻠﺸﻲ ﺑﺤﻴﺎﺗﻲ ..
ﺟﺪﻱ ﺟﺎﻥ ﻃﺎﻳﺮ ﺑﻲ .. ﺍﻭﻝ ﻣﺎﻳﺪﺧﻞ ﺍﻟﺒﻴﺖ ﻳﺠﻲ ﻋﻠﻴﻪ ﺑﺎﻟﻐﺮﻓﺔ ﻳﻼﻋﺒﻪ ﻭﻳﺸﻮﻓﻪ ﻳﺎﻟﻠﻪ ﻳﺮﺗﺎﺡ ﻭﻳﻐﺴﻞ ..
ﺍﻟﻨﺎﺱ ﻛﻠﻬﺎ ﺑﺪﺃﺕ ﺗﺒﺎﺭﻙ ﻭﺗﺠﻲ .. ﻋﻤﻲ ﻫﺎﺩﻱ ﺿﺎﺝ ﻻﻥ ﺗﺴﻤﻰ ﺍﻟﻄﻔﻞ ﺑﺄﺳﻢ ﺣﻜﻤﺖ .. ﺟﺎﻥ ﻳﺸﻮﻑ ﺣﺴﻦ ﺑﻲ ﻭﻳﺠﻲ ﻳﺎﺧﺬﻩ ﺍﻟﻌﻤﺘﻲ ﺑﺜﻴﻨﺔ ﺭﻏﻢ ﺑﺎﺭﺩﺓ ﻭﺍﺧﺎﻑ ﻋﻠﻴﻪ
ﻣﺎﺍﻃﻠﻌﺔ ﺍﺑﺪ ﻣﻦ ﺍﻟﻐﺮﻓﺔ .
ﺑﺲ ﻣﺎﺍﮔﺪﺭ ﺍﺣﺠﻲ ﻣﻦ ﻳﺎﺧﺬﻩ ﻋﻤﻲ ﻫﺎﺩﻱ ﻻﻥ ﺍﻟﻪ ﺣﻖ ﺑﻲ ﻫﻮ ﻭﻋﻤﺔ ﺑﺜﻴﻨﺔ ﺍﻟﻲ ﻛﻠﻤﺎ ﻳﮕﻠﻬﺎ ﻋﻤﻲ ﻫﺬﺍ ﺍﺑﻦ ﺣﺴﻦ .
ﺗﮕﻮﻝ ﻭﻳﻨﺔ ﺣﺴﻦ ﻟﺴﺎ ﻣﺎﺍﺟﺔ . ﺷﻮﻛﺖ ﻳﻌﺮﺱ ﻭﺍﺷﻮﻑ ﺟﻬﺎﻟﻪ ..
ﻳﻮﻡ ﻧﺤﺴﻬﺎ ﺯﻳﻨﺔ ﻭﻫﺎﺩﺋﺔ ﻭﻳﻮﻡ ﺗﺘﺴﻮﺩﻥ ﻋﻠﻴﻨﺎ ﻭﺗﺮﻳﺪ ﺣﺴﻦ .. ﻋﻤﺘﻲ ﻟﻤﻴﻌﺔ ﺗﻘﺮﺃ ﺑﺮﺍﺱ ﻋﻤﻲ ﺣﺘﻰ ﻳﺘﺰﻭﺝ ﻭﻳﺸﻮﻓﻠﺔ ﻣﺮﺓ ﺗﺮﺍﻋﻴﻪ .. ﺑﺲ ﻫﻮ ﻣﺎﻳﻘﺒﻞ ﻻﻥ ﻳﺤﺒﻬﺎ ﻭﻫﻢ ﺟﻬﺎﻟﻪ ﮔﺎﻟﻮﻟﺔ ﻟﻮ ﺗﺰﻭﺟﺖ ﻧﺮﻭﺡ ﻭﻱ ﺍﻣﻲ ﻭﻣﺎﺗﺸﻮﻓﻨﺎ ﺑﻌﺪ
ﺑﺲ ﻋﻤﺘﻲ ﻣﺎﺑﻄﻠﺖ ﺯﻥ ﻭﺟﻨﻬﺎ ﻧﺎﻭﻳﺔ ﺗﺰﻭﺟﻪ ﻭﺣﺪﺓ ﻣﻨﻬﻢ
ﺣﺴﺐ ﻣﺎﺳﻤﻌﺖ ﻣﻦ ﻋﻤﺘﻲ ﺣﻤﺪﻳﺔ ﻳﻮﻡ ﺗﻌﺎﺭﻛﺖ ﻭﻳﺎﻫﺎ ﻭﮔﺎﻟﻠﺘﻠﻬﺎ .. ﻟﻮ ﺗﻤﻮﺗﻴﻦ ﻣﺎﺍﺯﻭﺟﻦ ﺍﺧﻮﻱ ﻭﺣﺪﺓ ﻣﻦ ﻃﻴﻨﺘﺞ ﺗﻨﮕﻄﻦ ﺳﻢ ﻭﺣﻘﺪ ﻭﻋﻠﻤﺘﻲ ﺑﻨﺎﺗﺞ ﻣﺜﻠﺞ ..
ﻣﺮﺕ ﺍﻻﻳﺎﻡ ﻭﮔﻤﺖ ﺍﻟﺰﻡ ﻧﻮﺑﺔ ﺑﺎﻟﺒﻴﺖ ﺭﻏﻢ ﻋﻤﺘﻲ ﻣﺎﺗﻘﺒﻞ ﻭﺗﮕﻠﻲ ﺧﻠﻴﺞ ﻳﻢ ﺍﺑﻨﺞ ﻭﻣﻌﻠﻴﺞ ﺑﺸﻲ .. ﺑﺲ ﻣﺎﺍﺣﺐ ﺍﻟﻤﺸﺎﻛﻞ ﻭﻣﺎﻟﻲ ﺧﻠﮕﻬﺎ .. ﺑﺘﻮﻝ ﻣﺤﺎﺭﺑﺘﻨﻲ ﺭﻏﻢ ﻣﺎﻭﺍﺻﻠﺔ ﻳﻢ ﺭﺟﻠﻬﺎ ﻭﻻﺍﺭﻳﺪﻩ .. ﻭﻭﺩﺍﺩ ﻭﺳﺪﺍﺩ ﺯﺍﺩ ﺣﻘﺪﻫﻦ ﻋﻠﻴﻪ .
ﻭﻛﻠﻤﺎ ﻳﺸﻮﻓﻨﻲ ﻳﺼﻴﺤﻠﻲ ﺍﻟﻌﺎﻳﺒﺔ ..
ﺑﺲ ﻣﻦ ﺟﺪﻱ ﻫﻨﺎ ﻣﺎﻳﺘﻨﻔﺴﻦ ﻭﻻﻳﻔﻜﻦ ﺣﻠﮕﻬﻦ ..
ﺍﻟﺸﺘﺎ ﻫﺎﻟﺴﻨﺔ ﺑﺎﺭﺩ ﻛﻠﺶ ﻭﺍﺟﺖ ﺑﺮﺩﺍﺕ ﺍﻟﻌﺠﻮﺯ ﻣﺜﻞ ﻣﺎﻳﺴﻤﻮﻫﺎ ﺣﺘﻰ ﻧﻔﻂ ﺻﺎﺭ ﻏﺎﻟﻲ ﻭﺷﺢ ﺑﺴﺒﺐ ﻭﺿﻊ ﺍﻟﺒﻠﺪ .. ﻳﻌﻨﻲ ﻣﻮ ﺩﺍﻳﻤﺎ ﻧﻔﺘﺢ ﺻﻮﺑﻪ ﻣﺨﻠﻴﻦ ﺍﻟﻨﻔﻄﺎﺕ ﻟﻠﻴﻞ ﻭﺑﺎﻟﻨﻬﺎﺭ ﺑﺲ ﺍﻟﺠﻮﻟﺔ ﺑﺎﻟﻤﻄﺒﺦ ﺗﻨﻔﺘﺢ .. ﺧﻔﺖ ﻋﻠﻰ ﺣﻜﻤﺖ ﺟﻴﻒ ﻏﺮﻓﺔ ﺍﻫﻠﻲ ﻋﻠﻰ ﺍﻟﺴﺎﺣﺔ ﻭﻳﺪﺧﻠﻠﻬﺎ ﺍﻟﻬﻮﺍ ﻣﻦ ﻛﻞ ﻛﺘﺮ ..
ﺍﺑﺪ ﻣﺎﺟﻨﺖ ﺍﻃﻠﻌﺔ ﺑﺮﺓ ﺍﺧﺎﻑ ﻋﻠﻴﻪ .. ﻓﺄﺧﻠﻲ ﻋﻤﺘﻲ ﻳﻤﺔ ﻟﻮ ﺍﻧﻲ .. ﺑﺲ ﻣﺮﺓ ﺷﻔﺖ ﻋﻤﺘﻲ ﻟﻤﻴﻌﺔ ﻃﻠﻌﺖ ﻣﻦ ﺍﻟﻐﺮﻓﺔ ﺭﻛﻀﺖ ﺍﻋﺎﻳﻦ ﻋﻠﻴﻪ ﻗﺮﺑﺖ ﺍﺫﺍﻧﻲ ﻳﻢ ﺧﺸﻤﺔ ﺍﺷﻮﻓﻪ ﻳﺘﻨﻔﺲ ﻟﻮ ﻻ .. ﻭﺟﺎﻥ ﻣﺎﺑﻲ ﺷﻲ ..
ﺧﻔﺖ ﻋﻠﻴﻪ ﻣﺪﺭﻱ ﻟﻴﺶ .. ﻭﺻﺎﺭﻥ ﻳﺤﺎﺭﺑﻨﻲ ﺑﻲ . ﻳﻐﺎﻓﻠﻨﻲ ﻭﻳﺪﺧﻠﻦ ﻟﻠﻐﺮﻓﺔ ﻭﻣﻦ ﻳﺸﻮﻓﻨﻲ ﻳﻄﻠﻌﻮﻥ ﺑﺴﺮﻋﺔ ﻭﺟﻨﻬﻦ ﺧﺎﻳﻔﺎﺕ ﻳﺨﻠﻨﻲ ﺍﺧﺎﻑ ﻭﺍﺭﻭﺡ ﺍﺷﻮﻓﺔ ﻣﺎﺍﺩﺭﻱ ﻟﻴﺶ ﻳﺴﻮﻥ ﻫﻴﺞ .. ﻭﻳﺴﺘﻐﻠﻦ ﺍﻟﺴﺎﻟﻔﺔ ﻟﻤﺎ ﻋﻤﺘﻲ ﺗﺮﻭﺡ ﻟﻠﺴﻮﮒ ﻟﻮ ﻟﻠﺤﻤﺎﻡ ﻟﻮ ﺗﻄﺒﺦ . ﻣﻦ ﺳﻮﻟﻔﺘﻠﻬﺎ ﮔﺎﻟﺖ ﻳﺮﺩﻥ ﻳﺮﻫﺒﻨﺞ ﻭﻳﻬﺠﺠﻨﺞ .. ﺍﻧﺘﻲ ﺍﺑﻘﻲ ﻳﻢ ﺍﺑﻨﺞ ﻭﻣﻌﻠﻴﺞ ﺑﺎﻟﺸﻐﻞ ﺍﻧﻲ ﺑﻤﻜﺎﻧﺞ ﻭﺍﺭﻳﺪ ﺍﺷﻮﻑ ﻣﻨﻮ ﻣﻨﻬﻦ ﺗﻔﻚ ﺣﻠﮕﻬﺎ ..
ﻣﺮ ﺷﻬﺮ ﻭﻋﻤﺘﻲ ﻟﻤﻴﻌﺔ ﮔﺎﻣﺖ ﺗﻬﻠﻬﻞ ﺑﺎﻟﺒﻴﺖ ﻭﺟﺎﻧﺖ ﺩﻭﺭﺓ ﺳﻨﺔ ﺣﺴﻦ ﺑﺎﻗﻴﻠﻬﺎ ﻛﻢ ﻳﻮﻡ ﻭﺍﺑﻮﻱ ﻫﻢ ﺑﻌﺪﺓ .. ﻭﺍﺣﻨﺔ ﻛﻠﻨﺎ ﻻﺑﺴﻴﻦ ﺍﺳﻮﺩ ﻭﻣﺎﺳﻤﻌﻨﺎ ﺻﻮﺕ ﺍﻟﻬﻼﻫﻞ ﻣﻦ ﻳﻮﻡ ﺧﻄﺒﺘﻲ ﻣﻦ ﺣﺴﻦ .. ﻋﻤﺘﻲ ﺟﺎﻧﺖ ﻳﻤﻲ ﻣﻦ ﺳﻤﻌﺖ ﮔﻤﺰﺕ ﻣﻦ ﻣﻜﺎﻧﻬﺎ .. ﻃﻠﻌﻨﺎ ﻻﻥ ﻋﻤﺘﻲ ﻟﻤﻴﻌﺔ ﻭﺑﺘﻮﻝ ﺑﺴﺎﺣﺔ ﺍﻟﺤﻮﺵ ﺟﺎﻧﻦ ﻃﺎﻟﻌﺎﺕ . ﻭﻳﻀﺤﻜﻦ ﻭﻳﺘﺒﺎﺷﺮﻥ ﺑﺤﻤﻞ ﺑﺘﻮﻝ ..
ﺭﺩﺕ ﻋﻤﺘﻲ ﻋﻠﻴﻬﻦ .. ﻭﺷﺒﻴﺠﻦ ﺗﻬﻠﻬﻠﻦ ﻭﺳﻨﺔ ﺍﺧﻮﻱ ﻭﺍﺑﻦ ﺍﺧﻮﻱ ﻣﺎﻃﺎﻟﻌﺔ ﺑﻌﺪﻫﻲ .. ﺷﻨﻲ ﺍﻭﻝ ﻃﻔﻞ ﻭﻓﺮﺣﺎﻧﺔ ﻟﻮ ﻋﺎﺟﺮ ﻭﻣﺎﻣﺼﺪﺟﺔ ..
ﺭﺩﺕ ﻋﻤﺘﻲ ﻟﻤﻴﻌﺔ .. ﻭﻣﻦ ﻋﻘﺪﺗﻮﺍ ﺍﻟﺒﻨﺖ ﺍﺧﻮﺝ ﺍﻟﻌﺎﻳﺒﺔ ﻣﺎﮔﻠﺘﻲ ﻋﻴﺐ ﻭﺳﻨﺔ ﺍﺧﻮﻱ ﻣﺎﻃﺎﻟﻌﺔ ..
- ﻟﻤﻴﻴﻴﻴﻌﺔ ﮔﺼﺮﻱ ﺍﻟﺸﺮ ﻭﺑﻄﻠﻲ ..
- ﻭﺍﻥ ﻣﺎﮔﺼﺮﺕ ﻳﺤﻤﺪﻳﺔ ﺷﺘﺴﻮﻳﻦ ؟؟
- ﺗﻌﺮﻓﻴﻦ ﺷﺴﻮﻱ ﻟﺠﻦ ﺍﻧﻲ ﺑﻨﺖ ﺍﺑﻮﻱ ﻭﺗﺮﺑﺎﺗﻪ ..
- ﺷﻔﻨﺎ ﺗﺮﺑﺎﺗﺞ ﺍﺑﻮﺝ ﺷﻨﻲ ﻣﻦ ﺗﺮﺑﺎﺕ ﺣﺴﻦ ﻭﺭﺿﻮﺓ ﺿﺤﻜﻦ ﺑﺼﻮﺕ ﻋﺎﻟﻲ ﻭﺩﺧﻠﻦ ..
ﻋﻤﺘﻲ ﺭﺍﺩﺕ ﺗﺮﻭﺡ ﻭﺭﺍﻫﺎ ﻟﺰﻣﺘﻬﺎ .. ﻋﻤﺔ ﻋﻠﻴﺞ ﺍﻟﻌﺒﺎﺱ ﻋﻮﻓﻴﻬﻦ ﺫﻧﻲ ﻳﺸﺮﻥ ﺍﻟﻤﺸﺎﻛﻞ ﺷﺮﺍﻳﺔ ..
- ﺑﻌﺪﻱ ﻋﻨﻲ ﺷﻨﻲ ﺧﺎﻳﻔﺔ ﻣﻨﻬﻦ .. ﻟﻮ ﻧﺴﻦ ﻫﻦ ﮔﺎﻋﺪﺍﺕ ﺏ ﺣﻮﺵ ﻭﺧﻴﺮ ﺍﺑﻮﻱ .. ﻭﺍﻟﺰﻭﻡ ﻳﻌﺮﻓﻦ ﺣﺪﻫﻦ ﻻ ﺑﺎﻟﻌﺒﺎﺱ ﺍﺧﻠﻲ ﺍﺑﻮﻱ ﻳﻌﺮﻓﻬﻦ ﺗﺮﺑﺎﺗﻪ ﺷﻠﻮﻥ ﺗﻜﻮﻥ ..
ﺟﺎﻧﺖ ﺗﺼﻴﺢ ﻭﺗﺤﺠﻲ ﺑﺼﻮﺕ ﻋﺎﻟﻲ ﺣﺘﻰ ﺗﺴﻤﻌﻬﻦ ..
ﻭﻫﻦ ﻳﻀﺤﻜﻦ .. ﻣﺎﺗﮕﻮﻝ ﻋﺎﻳﺸﻴﻦ ﺑﺒﻴﺖ ﻭﺍﺣﺪ ﻭﺍﻫﻞ
ﻣﺮ ﺍﻻﺷﻬﺮ ﻭﺑﺘﻮﻝ ﺣﺎﻳﺮﺓ ﺑﺮﻭﺣﻬﺎ ﻭﺣﻤﻠﻬﺎ ﻫﺎﻟﻤﺮﺓ ﺻﻌﺐ ..
ﻭﻋﻤﺘﻲ ﺑﺜﻴﻨﺔ ﺷﻮﻳﺔ ﺻﺎﺭﺕ ﺍﺣﺴﻦ ﻻﻥ ﻋﻤﻲ ﻣﺎﺧﻠﻪ ﺩﻛﺘﻮﺭ ﻣﺎﺍﺧﺬﻫﺎ ﺍﻟﻪ ﻭﺍﻫﻠﻲ ﺍﻟﺤﺮﺏ ﻭﺍﻟﻬﻮﺳﺔ ﻭﻣﺎﻓﺎﺩ ..
ﺑﺲ ﺟﺎﻧﺖ ﻫﺎﺩﻳﺔ ﻣﻮ ﻣﺜﻞ ﻗﺒﻞ .. ﻭﻣﺮﺍﺕ ﺗﮕﻮﻡ ﺗﺼﺐ ﻏﺪﺍ ﻟﻮ ﺗﮕﻌﺪ ﻳﻤﻨﺎ .. ﺑﺲ ﻣﻮ ﺩﻭﻭﻡ ﺯﻳﻨﺔ ..
ﺍﻟﺬﻳﺐ ﻣﺎﻟﻲ ﺑﺪﺍ ﻳﻜﺒﺮ ﻭﻳﺪﻧﻔﺶ .. ﻧﺴﺎﻧﻲ ﺍﻟﺪﻧﻴﺎ ﻛﻠﻬﺎ .
ﻭﺍﻟﻴﺤﺠﻲ ﻣﺎﺍﻫﺘﻢ ﺭﻏﻢ ﺍﻟﻌﺎﻳﺒﺔ ﺻﺎﺭ ﺍﺳﻤﻲ ﺑﺎﻟﺤﻮﺵ ﺑﺴﺒﺒﻬﻦ ﺣﺘﻰ ﺭﺯﺍﻕ ﺍﺑﻦ ﻣﻬﺪﻱ ﺍﻭﻝ ﻣﺎﻧﻄﻖ ﺻﺎﺣﻠﻲ ﺁﻳﺒﺔ ﻣﺎﻳﮕﺪﺭ ﻳﻠﻔﻀﻬﺎ .. ﺟﺪﻱ ﺣﻨﻴﺘﺔ ﻣﺎﺗﻐﻴﺮﺕ ﺍﺑﺪ ﻭﻳﻤﻜﻦ ﺯﺍﺩﺕ ﻋﻠﻴﻪ ﻭﻋﻠﻰ ﺍﺑﻨﻲ ..
ﻃﻠﻌﺖ ﺩﻭﺭﺕ ﺳﻨﺔ ﺍﺑﻮﻱ ﻭﺭﺣﻨﺎ ﻛﻠﻨﺎ ﺯﺭﻧﺎﻩ ﻭﺯﺭﺕ ﺣﺴﻦ ﻭﺍﺧﺬﺗﻠﺔ ﺣﻜﻤﺖ ﻳﺸﻮﻓﻪ ..
ﺻﺢ ﮔﺪﺍﻡ ﺍﻟﻨﺎﺱ ﻫﻮ ﺍﺑﻦ ﻣﻬﺪﻱ ﺑﺲ ﺑﺎﻟﺤﻘﻴﻘﺔ ﻫﻮ ﺍﺑﻦ ﺣﺴﻦ .. ﻭﺍﻟﺰﻭﻡ ﻳﺸﻮﻓﻪ ﺍﺩﺭﻱ ﺍﻟﻤﻴﺖ ﺭﻭﺣﻪ ﺗﺤﺲ ﻻﻥ ﺭﻭﺡ ﺍﺑﻮﻱ ﻣﺎﻓﺎﺭﮔﺘﻨﻲ ﺍﺑﺪ ..
ﻋﻤﺘﻲ ﺣﻤﺪﻳﺔ ﻣﺎﮔﻄﻌﺖ ﺍﻻﻣﻞ ﺍﺑﺪ ﻭﻛﻞ ﻣﺮﺓ ﺗﻜﺘﺐ ﺭﺳﺎﻟﺔ ﻭﺗﻀﻤﻬﺎ ﻣﺮﺍﺕ ﺗﮕﻮﻝ ﺧﻠﻴﻪ ﻣﻔﻘﻮﺩ ﻟﻮ ﻣﺘﺄﺳﺮ ﻭﻋﻨﺪﻱ ﺍﻣﻞ ﻳﺮﺟﻌﻠﻲ ﺑﻴﻮﻡ .. ﻭﻻﻳﺠﻴﺒﻮﻩ ﻣﻠﻔﻮﻑ ﺍﻟﻲ ..
ﻏﻴﺎﺑﻪ ﺻﺎﺭ ﻣﻮﺍﺳﺎﺓ ﺍﻟﻬﺎ ﻭﺍﻣﻠﻬﺎ ﺑﻴﻮﻡ ﻳﺮﺟﻊ .. ﻭﻳﻤﻜﻦ ﻫﺬﺍ ﺍﻟﻲ ﻣﺨﻠﻴﻬﺎ ﺩﻭﻡ ﻧﺎﻃﺮﺓ ﻉ ﺍﻟﺸﺒﺎﻙ ..
ﻣﺮﺕ ﺳﻨﺘﻴﻦ ﻉ ﺍﻟﺤﺮﺏ ﻭﺍﻟﻮﺿﻊ ﺻﺎﺭ ﻳﺨﻮﻑ ﺍﻛﺜﺮ ﻭﺍﻛﺜﺮ
ﺍﻟﻨﺎﺱ ﻋﺒﺎﻟﻬﺎ ﺷﻬﺮ ﺷﻬﺮﻳﻦ ﻭﺗﺨﻠﺺ ﺑﺲ ﻃﻮﻟﺖ ﻛﻠﺶ ﺟﺪﻱ ﻳﻜﻮﻝ ﻫﺎﻟﺤﺮﺏ ﻣﺎﺗﺨﻠﺺ ﺍﻻ ﺍﺫﺍ ﻛﻠﺖ ﺍﻻﺧﻀﺮ ﻭﺍﻟﻴﺎﺑﺲ ..
ﻭﻱ ﻭﻻﺩﺓ ﺑﺘﻮﻝ ﺍﻟﻲ ﺟﺎﺑﺖ ﻭﻟﺪ ﻭﺟﺎﻧﺖ ﻓﺮﺣﺎﻧﺔ ﺑﻲ ﻭﻃﺎﻳﺮﺓ ﻣﻦ ﺍﻟﻔﺮﺡ ﻭﺳﻤﺘﻪ ﺑﺸﺎﺭ .. ﻣﻦ ﻓﺮﺣﺘﻬﺎ ..
ﻣﻬﺪﻱ ﻣﻦ ﺣﺒﻪ ﻟﻠﻮﻟﺪ ﺣﺎﺭ ﺷﺴﻮﺍﻟﻬﺎ ﻭﺻﺎﻏﻠﻬﺎ ﺑﺘﻮﺕ ﻭﻭﻋﺪﻫﺎ ﻛﻠﻤﺎ ﻳﺠﻴﻪ ﻭﻟﺪ ﻳﺠﻴﺒﻠﻬﺎ ﻣﺜﻠﻬﻦ ..
ﺑﺲ ﺑﻨﻔﺲ ﺍﻟﺴﻨﺔ ﻃﻠﺒﻮﺍ ﻣﻮﺍﻟﻴﺪ ﻣﻬﺪﻱ ﻭﺍﺿﻄﺮ ﻳﺮﻭﺡ ﻻﻳﻌﺘﺒﺮﻭﻩ ﻫﺎﺭﺏ ﻣﻦ ﺍﻟﺠﻴﺶ ﺍﻭ ﻓﺮﺍﺭﻱ ..
ﺗﺨﺒﻠﺖ ﺑﺘﻮﻝ ﻭﺍﻣﻪ ﺍﻟﻲ ﮔﺎﻟﺘﻠﺔ ﻣﺎﺗﺮﻭﺡ ﻫﻢ ﻳﺮﺟﻌﻮﻙ ﻣﻠﻔﻮﻑ ﻣﺜﻞ ﺣﺴﻦ .. ﺍﺧﺬ ﻣﺮﺗﻚ ﻭﺍﻭﻻﺩﻙ ﻭﺭﻭﺡ ﺍﻟﺨﻮﺍﻟﻚ ﻫﻨﺎﻙ ..
ﺑﺲ ﺟﺪﻱ ﻣﺎﻗﺒﻞ ﻭﮔﺎﻟﻪ ﺍﻟﻲ ﻳﻬﺮﺏ ﻣﻦ ﺧﺪﻣﺔ ﻭﻃﻨﻪ ﺧﻠﻲ ﻳﻠﺒﺲ ﺟﻔﻴﻪ ﻋﻠﻰ ﺭﺍﺳﻪ ﻭﻳﮕﻌﺪ ﻳﻢ ﺍﻟﻨﺴﻮﺍﻥ ..
ﺗﺴﻮﺩﻧﺖ ﺑﺘﻮﻝ ﻭﮔﻠﺒﺘﻬﺎ ﻣﻨﺎﺣﺔ .. ﻭﺍﺗﻬﻤﺘﻨﻲ ﺍﻣﻪ ﺍﻧﻲ ﺍﻟﻔﮕﺮﺗﻪ ﻣﺜﻞ ﻣﺎﻓﮕﺮﺕ ﺣﺴﻦ ﻭﻣﻮﺗﻪ ﻭﻣﻮﺗﺖ ﺍﺑﻮﻱ ﻭﺭﺍﻩ .. ﻭﺟﻦ ﺍﻻﻋﻤﺎﺭ ﺑﻴﺪﻱ ﻣﻮ ﺑﻴﺪ ﺍﻟﻠﻪ ..
ﺳﺎﻋﺎﺕ ﺍﺷﻚ ﺑﺮﻭﺣﻲ ﻭﺍﮔﻮﻝ ﻣﻌﻘﻮﻟﺔ ﺍﻧﻲ ﻓﮕﺮ ﺻﺪﮒ ﺭﺍﺣﺖ ﺍﻣﻲ ﺑﺎﻻﻭﻝ ﻭﻋﺎﻓﺘﻨﻲ ﻭﺩﻭﺭ ﺣﺴﻦ ﻭﺍﺑﻮﻱ ﻭﻫﺴﺎ ﻣﻬﺪﻱ .. ﺑﺲ ﺍﻧﻲ ﻣﺎﺍﺣﺐ ﻣﻬﺪﻱ ﺷﻠﻲ ﻏﺮﺽ ﺑﺮﻭﺣﺘﻪ ..
ﺭﺍﺡ ﻣﻬﺪﻱ ﻟﻠﺠﻴﺶ .. ﻭﺣﻴﺎﺗﻲ ﺍﻧﻜﻠﺒﺖ ﺟﺤﻴﻢ .. ﻛﻞ ﻳﻮﻡ ﻳﺴﻤﻌﻨﻲ ﺣﺠﻲ ﻭﻳﻌﺎﺭﻛﻨﻲ ﻭﻣﺮﺓ ﻣﻨﻬﻦ ﺑﺘﻮﻝ ﺳﺤﻠﺘﻨﻲ ﻣﻦ ﺷﻌﺮﻱ .. ﻭﻋﻤﺘﻲ ﺣﻤﺪﻳﺔ ﺑﺎﻟﻜﻮﺓ ﺍﺧﺬﺗﻨﻲ ﻣﻦ ﺍﻳﺪﻫﺎ ..
ﺟﺪﻱ ﻣﻦ ﺳﻤﻊ ﺗﺴﻮﺩﻥ ﻭﮔﺎﻟﻬﺎ ﺭﻭﺣﻲ ﻟﻬﻠﺞ ﻣﻦ ﻳﺮﺟﻊ ﺭﺟﻠﺞ ﺗﻌﺎﻱ ﺧﺮﺑﺘﻲ ﺭﺍﺣﺔ ﺑﻴﺘﻲ .. ﻭﻋﻤﺘﻲ ﻟﻤﻴﻌﺔ ﻣﺎﻗﺒﻠﺖ
- ﻫﺬﺍ ﺑﻴﺖ ﺭﺟﻠﻬﺎ ﻳﻤﻲ ﻣﺜﻞ ﻣﺎﻫﻮ ﺑﻴﺖ ﺭﺿﻮﺓ ﻭﺍﺫﺍ ﻃﻠﻌﺖ ﺍﺣﻨﻪ ﻫﻢ ﻣﺎﻧﺒﻘﻰ ﻫﻨﺎ ..
- ﻭﻟﺞ ﻣﺎﺗﺴﻜﺘﻴﻦ ﺍﻧﺘﻲ ﻫﻲ ﻛﻞ ﺍﻟﺒﻼﻭﻱ ﻣﻨﺞ ﻟﻮ ﻣﺎﺗﺰﻧﻴﻦ ﺑﺮﺍﺳﻬﺎ ﻣﺎﺳﻮﺕ ﻫﻴﺞ .. ﺍﻧﻲ ﻣﺎﻃﺮﺩﺗﻬﺎ ﺑﺲ ﺧﻠﻬﺎ ﺗﺮﻭﺡ ﺍﻻﻫﻠﻬﺎ ﺗﺮﺗﺎﺡ ﺑﻴﻦ ﻣﺎﻳﺮﺟﻊ ﺭﺟﻠﻬﺎ ..
- ﻫﺎﻱ ﺍﺫﺍ ﺭﺟﻊ ﻣﻮ ﺍﻧﺖ ﻭﺩﻳﺘﺔ ﻟﻠﻤﻮﺕ ﺑﻴﺪﻙ ﺍﺭﺗﺎﺡ .. ﺻﺎﺣﺖ ﺑﺘﻮﻝ ..
ﺍﺳﺘﻐﻔﺮ ﺟﺪﻱ ﻭﮔﺎﻡ ﻃﻠﻊ .. ﺍﻟﺒﻴﺖ ﺻﺎﺭ ﻧﻜﺪ ﻭﺟﺪﻱ ﻣﺎﻳﺠﻲ ﻟﻠﺒﻴﺖ ﺑﺲ ﺑﺎﻟﻠﻴﻞ ﻭﻳﻄﻠﺐ ﺍﻻﻛﻞ ﻟﻠﮕﺎﻉ ..
ﻋﻤﺘﻲ ﺣﻤﺪﻳﺔ ﮔﺎﻣﺖ ﺗﻌﻠﻤﻨﻲ ﺍﻟﺨﻴﺎﻁ ﻭﺻﺮﺕ ﻓﻨﺎﻧﺔ ﺑﻲ ﺣﺘﻰ ﺍﻫﻲ ﺗﻌﺠﺒﺖ ..
ﻭﺍﻭﻝ ﻣﺎﺑﺪﻳﺖ ﺍﺧﻴﻂ ﺍﻻﺑﻨﻲ .. ﺧﻴﻄﺘﻠﻪ ﺑﺠﺎﻳﻢ ﻭﮔﻠﺒﻴﺎﺕ ﺑﺲ ﻋﻤﺘﻲ ﺗﻄﺮﺯﻫﻦ ﻻﻥ ﺑﻌﺪﻧﻲ ﻣﺎﺿﺎﺑﻄﺘﻪ ..
ﺟﻨﺖ ﻣﺎﺩﻭﻡ ﺍﺻﻠﻲ ﻭﻣﺎﺍﻟﺘﺰﻡ .. ﻫﺴﺎ ﺍﺗﺠﻬﺖ ﺍﻟﺮﺑﻲ ﻭﮔﻤﺖ ﻣﺎﺍﻓﻮﺕ ﻓﺮﺽ .. ﻭﺩﻭﻡ ﺍﮔﻌﺪ ﻭﻱ ﺟﺪﻱ ﺑﺎﻟﻠﻴﻞ ﻭﺍﺳﺄﻟﻪ ﻭﻳﺠﺎﻭﺑﻨﻲ ﺑﺄﻣﻮﺭ ﺍﻟﺪﻳﻦ ﻻﻥ ﻫﻮ ﺩﺍﺭﺱ ﻭﻳﻌﺮﻑ ..
ﻭﺣﻜﻤﺖ ﺻﺎﺭ ﻋﻤﺮﺓ ﺳﻨﺘﻴﻦ ﻭﺻﺎﺭ ﻳﻤﺸﻲ ﺑﺤﻴﺚ ﻳﺘﻠﮕﻰ ﺟﺪﻱ ﻟﻠﺒﺎﺏ ﻭﻳﺼﻴﺤﻠﻪ ﺍﺑﻪ .. ﮔﺪ ﻣﺎﻣﺘﻌﻮﺩ ﻋﻠﻴﻪ ..
ﻳﺤﺒﻪ ﻭﻳﻼﻋﺒﻪ ﻭﺻﺎﺭ ﻣﺎﻳﻔﺎﺭﮔﻪ ..
ﺑﺒﺪﺍﻳﺔ ﺳﻨﺔ ﺍﺛﻨﻴﻦ ﻭﺛﻤﺎﻧﻴﻦ .. ﺟﺎﺑﻮ ﻣﻬﺪﻱ ﻣﺘﺼﻮﺏ ﻭﻫﻨﺎ ﺍﻧﮕﻠﺐ ﺍﻟﺒﻴﺖ ﻭﺣﻠﻔﺖ ﻋﻤﺘﻲ ﻟﻤﻴﻌﺔ ﺍﺫﺍ ﺭﺍﺡ ﺑﻌﺪ ﺗﻜﺘﻞ ﺭﻭﺣﻬﺎ ﻭﺭﺍﻩ .. ﺍﺻﺎﺑﺘﻪ ﺟﺎﻧﺖ ﺟﺒﻴﺮﺓ ﻭﺟﺎﻥ ﺩﺍﺧﻞ ﻓﺘﺮﺓ ﺑﺎﻟﻤﺴﺘﺸﻔﻰ ﻭﻣﺎﻳﮕﺪﺭ ﻳﻤﺸﻲ ﻭﻳﺘﺤﺮﻙ ﺍﻻ ﻭﺍﺣﺪ ﻳﺴﻨﺪﺓ ﻟﻮ ﺑﺎﻟﻜﺮﺳﻲ ..
ﺑﺲ ﺟﺎﻥ ﻣﺘﻐﻴﺮ ﺣﻴﻞ ﻭﻳﺼﻔﻦ ﻫﻮﺍﻱ . ﻳﻌﻨﻲ ﻫﺎﺩﻱ ﻣﻮ ﻣﺜﻞ ﻗﺒﻞ ﺑﺲ ﻳﺼﻴﺢ ﻭﻳﺘﻌﺼﺐ ..
ﺑﻘﻰ ﻓﺘﺮﺓ ﻃﻮﻳﻠﺔ ﻳﺘﻌﺎﻟﺞ ﻭﺑﻌﺪﻫﺎ ﮔﺎﻡ ﻳﻤﺸﻲ ﺑﺎﻟﻌﻜﺎﺯ ..
ﻭﺷﻮﻳﺔ ﺷﻮﻳﺔ ﺭﺟﻌﺖ ﻋﺎﻓﻴﺘﻪ .. ﺑﻌﺪ ﻣﺎﺭﺍﺡ ﻟﻠﺠﻴﺶ ﻋﻔﻮﻩ ﻻﻥ ﺟﺎﻥ ﻳﺘﻌﺎﻟﺞ ﻭﻻﻥ ﺷﻐﻞ ﺍﻟﮕﺎﻉ ﻣﻮ ﺯﻳﻦ ﻋﻠﻴﻪ .. ﻓﺘﺤﻠﻪ ﺟﺪﻱ ﺑﺴﻮﮒ ﺍﻟﻤﺨﻀﺮ ﻣﺤﻞ ﻳﺒﻴﻊ ﺑﻴﻪ ﻣﻦ ﻣﺤﺼﻮﻟﻨﺎ ﻃﻮﻝ ﺍﻟﺴﻨﺔ ..
ﺗﺤﺴﻨﺖ ﺍﺣﻮﺍﻟﻪ ﻭﺍﺷﺘﺮﻯ ﺳﻴﺎﺭﺓ ﺭﻏﻢ ﺟﺪﻱ ﺩﻭﻡ ﻳﺸﻜﻲ ﻣﻦ ﺍﻟﺨﺴﺎﺭﺓ .. ﺑﺲ ﻣﺮﺗﺔ ﻭﺍﻣﺔ ﺟﺎﻥ ﺍﻟﺬﻫﺐ ﻳﻜﺜﺮ ﻣﺎﻳﻨﮕﺺ ﻋﻨﺪﻫﻦ ..
ﺍﻟﻰ ﺍﻥ ﺗﻌﺎﺭﻙ ﺟﺪﻱ ﻭﻳﺎﻩ ﺑﻴﻮﻡ ﻭﻋﺮﻑ ﺑﻲ ﻳﺎﺧﺬ ﻧﺺ ﺍﻟﻮﺍﺭﺩ ﺑﺠﻴﺒﻪ .. ﺳﺤﺐ ﺍﻟﻤﺤﻞ ﻣﻨﻪ ﻭﺗﻌﺎﺭﻙ ﻭﻳﺎﻩ ﺍﻟﻰ ﺍﻥ ﺍﺟﻪ ﻭﺍﻋﺘﺬﺭ ﻣﻦ ﺟﺪﻱ ﻭﺟﺪﻱ ﻃﻴﺐ ﺑﺴﺮﻋﻪ ﺳﺎﻣﺤﺔ ﻭﺻﺎﺭ ﻳﺘﺎﺑﻌﻪ ﻭﻳﺤﺎﺳﺒﻪ ﺑﻮﺭﻗﺔ ﻭﻗﻠﻢ ﻛﻞ ﻳﻮﻡ ﺑﻴﻮﻣﺔ ..
ﺣﻜﻤﺖ ﻛﺒﺮ ﮔﺒﺎﻝ ﻋﻴﻨﻲ ﻭﺻﺎﺭ ﻳﻠﻌﺐ ﮔﺪﺍﻣﻲ ﺟﺎﻥ ﻣﻦ ﻳﺸﻮﻓﻨﻲ ﻳﺤﻀﻨﻲ ﻭﻳﺸﻤﻨﻲ ﺑﻜﻞ ﻣﻜﺎﻥ ﺻﺎﺭ ﺳﺒﺐ ﻓﺮﺣﺘﻲ ﻭﺑﺴﻤﺘﻲ ﻫﻮ .. ﺟﺪﻱ ﻳﺴﻤﻴﻪ ﺍﻟﺬﻳﺐ ﻭﻫﻮ ﻳﻔﺮﺡ ﻭﻳﮕﻠﻲ ﺻﻴﺤﻴﻠﻲ ﺍﻟﺬﻳﺐ ﺍﻧﻪ ﺟﺪﻱ ﻳﺴﻤﻴﻨﻲ ﺍﻟﺬﻳﺐ ..
ﺍﺿﺤﻚ ﻣﻦ ﻳﺤﺠﻴﻬﺎ .. ﻭﺍﻧﺖ ﺗﻌﺮﻑ ﺷﻨﻲ ﺍﻟﺬﻳﺐ ..
- ﺍﻱ ﺍﻋﺮﻑ ﺟﺪﻱ ﮔﺎﻟﻲ .. ﺍﻟﺬﻳﺐ ﻛﻠﻬﺎ ﺗﻬﺎﺑﻪ ﻭﺗﺨﺎﻑ ﻣﻨﻪ ﻧﺸﻤﻲ ﻭﺣﻨﻴﻦ ﻋﻠﻰ ﺍﻫﻞ ﺑﻴﺘﻪ ﻭﻋﻴﺎﻟﻪ ﺑﺲ ﮔﺎﺳﻲ ﻋﻠﻰ ﺍﻟﻌﺪﻭ ﻭﺍﻟﻴﻐﺪﺭ ﺑﻲ ..
ﻓﺮﺣﺘﻲ ﺗﺰﻳﺪ ﻣﻦ ﺍﺳﻤﻊ ﺳﻮﺍﻟﻔﺔ .. ﺍﻧﻲ ﺍﺣﺲ ﺭﻭﺣﻲ ﻛﺒﺮﺕ ﺍﻛﺜﺮ ﻣﻦ ﻋﻤﺮﻱ .. ﺻﺮﺕ ﻓﺎﻫﻤﺔ ﻭﺍﺣﺴﺐ ﺣﺴﺎﺏ ﻟﻠﻜﻠﻤﺔ ﻭﺍﺳﻤﻊ ﻛﻼﻡ ﻋﻤﺘﻲ ﻭﺟﺪﻱ ﺍﻟﻤﺎﻟﻲ ﻏﻴﺮﻫﻢ ..
ﺟﻨﺖ ﻣﺮﺗﺎﺣﺔ ﻛﻠﻤﺎ ﻛﺒﺮ ﺍﺑﻨﻲ ﻭﺍﺷﻮﻓﻪ ﻳﻔﺘﻬﻢ ﮔﻤﺖ ﺍﻋﻠﻤﺔ ﺍﻟﻘﺮﺍﻳﺔ ﻭﺍﻟﻜﺘﺎﺑﻪ ﻣﻦ ﺻﻐﺮﺓ ﻭﺍﺣﻔﻈﻪ ﻗﺮﺁﻥ ﻭﺟﺪﻱ ﺩﻭﻡ ﻫﻢ ﻳﺎﺧﺬﻩ ﻟﻠﺠﺎﻣﻊ ﻭﻳﻌﻠﻤﺔ ﻭﻫﻮ ﺫﻛﻲ .. ﺗﺬﻛﺮﺕ ﻛﻠﻤﺔ ﺍﻟﺠﺪﺓ ﺣﺴﻨﺔ ﻣﻦ ﺗﮕﻮﻝ ﺍﻟﺴﺒﻴﻌﻲ ﻳﻄﻠﻊ ﻓﻄﻦ ﻭﻧﺒﻪ . .
ﻋﻤﺘﻲ ﻣﺎﺑﻄﻠﺖ ﺍﻧﺘﻈﺎﺭ ﺭﻏﻢ ﻣﺮ ﻋﻠﻰ ﺍﻟﺤﺮﺏ ﺳﺖ ﺳﻨﻮﺍﺕ ﻭﻫﺴﺎ ﺍﺣﻨﻪ ﺩﺧﻠﻨﺎ ﺑﺴﻨﻪ ﺍﻟﺴﺘﺔ ﻭﺍﻟﺜﻤﺎﻧﻴﻦ .. ﺍﻟﺤﺮﺏ ﺟﻨﻬﺎ ﻣﺎﺭﺍﺡ ﺗﺨﻠﺺ ﻭﺍﻟﻮﺿﻊ ﺯﺍﺩ ﻣﺎﻳﻨﻘﺺ ﺣﺘﻰ ﺍﻟﻤﺤﺼﻮﻝ ﺑﺪﺃ ﻳﻘﻞ ﻭﺍﻟﻨﺎﺱ ﺧﺎﻓﺖ ..
ﻛﻠﺸﻲ ﺑﺤﻴﺎﺗﻲ ﺑﺪﺃ ﻳﺘﺼﻠﺢ .. ﺍﻻ ﺑﻴﻮﻡ ﻛﻠﺸﻲ ﺧﺮﺏ ﻣﻦ ﮔﺎﻝ ﺟﺪﻱ ﺍﻧﺘﻲ ﺑﻌﺪ ﺑﻠﻐﺘﻲ ﻭﺍﺑﻨﺞ ﻛﺒﺮ ﻭﺭﺍﺡ ﻳﺪﺧﻞ ﻣﺪﺭﺳﺔ ﻭﻻﺯﻣﺔ ﺟﻨﺴﻴﺔ ﺧﻮ ﻣﺎﻳﺒﻘﻰ ﻫﻴﺞ ﺣﺠﻴﺖ ﻭﻱ ﻣﻬﺪﻱ ﻭﺭﺍﺡ ﺗﻌﻘﺪﻭﻥ ﻣﺤﻜﻤﺔ ﻭﻣﻨﺎﻙ ﺗﺴﻮﻥ ﺟﻨﺴﻴﺔ ﺣﻜﻤﺖ .. ﻭﺑﻨﻔﺲ ﺍﻟﻴﻮﻡ ﻋﻤﺘﻲ ﮔﺎﻟﺘﻠﻲ ﺣﻀﺮﻱ ﺭﻭﺣﺞ ﺑﻌﺪ ﻣﺎﺗﻌﻘﺪﻭﻥ ﺍﺑﻮﻱ ﮔﺎﻝ ﺍﻟﻤﻬﺪﻱ ﻳﺪﺧﻞ ﻋﻠﻴﺞ ﻟﻴﻦ ﺳﺄﻟﻨﻲ ﺷﻮ ﻣﺎﺻﺎﺭ ﻋﻨﺪﻛﻢ ﺷﻲ ﻭﻳﻮﻡ ﮔﻠﺘﻠﺔ ﻣﺎﻳﻮﺻﻠﺞ ﺗﺴﻮﺩﻥ ﻭﺗﻌﺎﺭﻙ ﻭﻳﺎﻩ ﻭﮔﺎﻟﻪ ﺗﺨﺎﻑ ﻣﻦ ﻣﺮﺗﻚ ﻭﺍﻣﻚ ﻭﺍﻧﺖ ﻣﻮ ﺭﺟﺎﻝ ..
ﻣﻬﺪﻱ ﺗﺨﺒﻞ ﻭﮔﺎﻟﻪ ﻫﻲ ﻣﺎﺗﻘﺒﻞ ﻟﻮﻥ ﺗﻘﺒﻞ ﻣﻦ ﺑﺎﺟﺮ ﺍﺗﮕﺮﺑﻠﻬﺎ ..
ﺗﺴﻮﺩﻧﺖ ﻣﻦ ﺳﻤﻌﺖ ﻋﻤﺘﻲ ﻭﻛﻼﻣﻬﺎ .. ﺻﺢ ﺟﺎﻧﺖ ﺗﺮﻳﺪﻧﻲ ﻗﺒﻞ ﺍﺧﻠﻴﻪ ﻳﻮﺻﻠﻲ .. ﺑﺲ ﻣﻦ ﮔﺎﻟﻬﺎ ﻋﻤﺔ ﻣﺎﺍﺭﻳﺪ ﺍﺣﺪ ﻳﺪﺭﻱ ﺍﻧﻲ ﺭﺍﺡ ﺍﺧﺶ ﻋﻠﻰ ﺭﺿﻮﺓ .. ﺿﺎﺟﺖ ﻣﻨﻪ ﻭﮔﺎﻟﺘﻠﻲ ﺍﺫﺍ ﻣﺎﺗﺮﺩﻳﻦ ﺭﻭﺣﻲ ﺍﺣﺠﻲ ﻭﻱ ﺍﺑﻮﻱ ﻣﺎﻣﺠﺒﻮﺭﺓ ﺍﻧﺘﻲ ..
ﻭﺻﺪﮒ ﺣﺠﻴﺖ ﻭﻱ ﺟﺪﻱ ﺑﺲ ﻣﺎﺳﻤﻌﻨﻲ ﻭﮔﺎﻝ ﺍﻋﺮﻑ ﻫﻮ ﻣﻮ ﺍﻟﺮﺟﻞ ﺍﻟﻴﺼﻮﻧﺞ ﺟﻴﻒ ﻳﻤﺸﻲ ﻭﺭﻯ ﺣﺠﻲ ﺍﻣﻪ ﻭﻣﺮﺗﻪ ﻟﺠﻦ ﺍﻧﻲ ﻋﻨﺪﻱ ﻏﺎﻳﻪ ﻣﻦ ﻫﺬﺍ ﺍﻟﺸﻲ ﺍﺳﻤﻌﻲ ﻛﻼﻣﻲ ﻳﺒﻌﺪ ﺟﺪﺝ ﻭﺍﻧﺘﻲ ﺗﻔﻠﺤﻴﻦ ..
ﻣﺎﺣﺠﻴﺖ ﻭﺳﻜﺘﺖ .. ﺍﺳﺘﺴﻠﻤﺖ ﻭﺑﻌﺪ ﻣﺎﻋﻘﺪﻧﺎ ﺧﻴﻄﺘﻠﻲ ﻋﻤﺘﻲ ﺛﻮﺏ ﻭﮔﺎﻟﺘﻠﻲ ﺍﻟﺒﺴﻴﻪ .. ﺳﺒﺤﺖ ﻭﺳﺮﺣﺖ ﺷﻌﺮﻱ ..
ﺍﺧﺬﺕ ﻋﻤﺘﻲ ﺣﻜﻤﺖ ﻳﻤﻬﺎ ﺑﻴﻮﻣﻬﺎ ﻭﺑﻴﺪﻫﺎ ﺭﺗﺒﺖ ﺍﻟﻐﺮﻓﺔ ﻭﻋﺪﻟﺘﻬﺎ ﻟﺠﻦ ﻣﺎﻟﻲ ﻧﻔﺲ ﺍﻧﻲ ..
ﺩﺧﻞ ﺑﺨﻔﻴﺔ ﻭﺟﻦ ﺧﺎﻳﻒ ﺍﺣﺪ ﻳﺸﻮﻓﺔ .. ﻣﻦ ﺷﺎﻓﻨﻲ ﺻﻔﻦ .. ﺟﺎﻥ ﻳﺒﺎﻭﻉ ﻣﺘﻔﺎﺟﺊ .. ﺍﻧﺘﻲ ﺷﻮﻛﺖ ﻛﺒﺮﺗﻲ ﻭﺻﺮﺗﻲ ﻣﺮﺓ ﻫﻴﺞ ..
ﺳﺤﺒﻨﻲ ﻟﻠﺠﺮﺑﺎﻳﺔ ﺧﻔﺖ ﻣﻨﻪ . ﺑﻘﻰ ﻳﺘﻠﻤﺲ ﺑﻮﺟﻬﻲ ﻭﺷﻌﺮﻱ ﺗﺬﻛﺮﺕ ﺣﺴﻦ ﻭﺍﻟﻲ ﺳﻮﺍﻩ ﺑﻴﻪ ..
ﺩﻓﻌﺘﻪ ﻣﻦ ﻏﻴﺮ ﻣﺎﺍﺩﺭﻱ .. ﻫﻮ ﺗﺴﻮﺩﻥ .
ﻟﻴﺶ ﺗﺪﻓﻌﻴﻨﻲ ﻭﻟﺞ ﻣﺎﻋﺎﺟﺒﺞ .. ﻟﻮ ﻣﺎﺍﺳﻮﻱ ﻣﺜﻞ ﻣﺎﻳﺴﻮﻱ ﺣﺴﻦ .. ﺻﺎﺭ ﻳﻌﻴﺮﻧﻲ ﺑﺤﺴﻦ ﻭﺑﻠﻲ ﺻﺎﺭ .. ﮔﻨﻔﺼﺖ ﻳﻢ ﺍﻟﻜﻨﺘﻮﺭ ﺍﺑﺠﻲ .. ﻟﺒﺲ ﺩﺷﺪﺍﺷﺘﺔ ..
ﺍﻧﻲ ﺍﻋﻠﻤﺞ .. ﺭﺍﺡ ﻭﺭﺟﻊ . ﺍﺳﻤﻌﻲ ﻭﻟﺞ ﺍﺫﺍ ﮔﻠﺘﻲ ﺍﻟﺠﺪﻱ ﻟﻮ ﺍﻟﻌﻤﻲ ﻣﺎﺗﮕﺮﺑﻠﻲ ﺍﺫﺑﺤﺞ ..
ﻃﻠﻊ ﻭﺍﻧﻲ ﺑﻘﻴﺖ ﺑﻤﻜﺎﻧﻲ ﮔﺎﻋﺪﺓ ﺍﺩﺭﻱ ﻣﺎﺭﺍﺡ ﺗﺨﻠﺺ ﻭﺭﺍﺡ ﻳﺠﻲ ﻛﻞ ﻳﻮﻡ .
ﻣﻬﺪﻱ ﻣﻦ ﺷﺎﻓﻬﺎ ﻭﺷﺎﻑ ﺣﺴﻨﻬﺎ ﺧﺸﺖ ﺑﻌﻘﻠﻬﺎ ﺑﺲ ﺍﻛﻮ ﺷﻲ ﺑﺪﺍﺧﻠﻪ ﻳﺮﻓﻀﻬﺎ ﻭﻳﻤﻜﻦ ﺣﺒﻪ ﺍﻟﺒﺘﻮﻝ ﺍﻭ ﺧﻮﻓﻪ ﻣﻦ ﺯﻋﻠﻬﺎ .. ﺍﻟﻠﻴﻞ ﻛﻠﻪ ﻳﻔﻜﺮ ﻣﻦ ﺷﺎﻑ ﺟﺴﻤﻬﺎ ﻭﺻﻔﺎﺀ ﺑﺸﺮﺗﻬﺎ ﻟﻮ ﺷﻌﺮﻫﺎ ﺍﻟﺒﻨﻲ ﺍﻟﻨﺎﺯﻝ ﺍﻻﻛﺘﺎﻓﻬﺎ ..
ﺍﺑﺘﺴﻢ ﻭﻣﺮﺗﻪ ﺑﺤﻀﻨﻪ .. ﺍﻓﻜﺎﺭ ﻫﻮﺍﻱ ﺟﺎﻧﺖ ﺑﺒﺎﻟﻪ ﻭﺍﻭﻟﻬﻦ ﺍﻟﺤﺼﻮﻝ ﻋﻠﻴﻬﺎ ﻻﻥ ﻳﻌﺘﺒﺮﻫﺎ ﺍﻟﻤﻔﺘﺎﺡ ﺍﻟﻲ ﺭﺍﺡ ﻳﻔﺘﺤﻠﻪ ﺍﺑﻮﺍﺏ ﻧﻌﻴﻢ ﺟﺪﻩ .. ﻭﺧﺎﺻﺔ ﺭﺿﺎﺀ ﻏﺎﻟﻴﻪ ﻋﻨﺪﺓ ﻛﻠﺶ ..
ﻓﺼﺎﺭ ﻳﻘﺮﺏ ﺣﻜﻤﺖ ﺍﻟﻪ ﻭﻳﺨﻠﻴﻪ ﻳﻠﻌﺐ ﻭﻱ ﺍﻭﻻﺩﻩ ﺭﻏﻢ ﺑﺘﻮﻝ ﻣﺎﻧﻌﺘﻬﻢ .. ﺣﻜﻤﺖ ﻓﺮﺡ ﻻﻥ ﺟﺎﻥ ﻳﺘﺼﻮﺭ ﺍﺑﻮﻩ ﻣﺎﻳﺤﺒﻪ ﻣﺜﻞ ﺍﺧﻮﺗﻪ ﻟﻬﺬﺍ ﺍﻟﺘﺠﺄ ﺍﻟﺠﺪﻩ ﻳﺪﻭﺭ ﺣﻨﺎﻥ ﺍﻻﺑﻮ ﺍﻟﻤﺎﺣﺼﻞ ﻋﻠﻴﻪ ﻣﻦ ﻣﻬﺪﻱ ..
بيج قصص عراقيه حقيقيه من واقعنا.روعه الطائي
ﺑﺲ ﺑﻘﻰ ﺷﻲ ﺑﻴﻨﻬﻢ ﻣﺴﺒﺐ ﻣﺸﺎﻛﻞ ﻟﺮﺿﺎﺀ ﻭﻫﻮ ﻫﺎﺟﺲ ﺣﺴﻦ ﺑﻜﻞ ﻟﺤﻈﺔ ﻳﻌﺎﻳﺮﻫﺎ ﺑﻲ .. ﻭﻣﻨﻬﻦ ﺑﻴﻮﻡ ﺍﻟﻲ ﺣﻜﻤﺖ ﺍﺧﺬ ﺟﻨﻄﺔ ﺍﻣﻪ ﻣﺎﻝ ﺍﻟﻤﺪﺭﺳﺔ ﻳﻠﻌﺐ ﺑﻴﻬﺎ ﻭﻓﺮﻍ ﺍﻟﻐﺮﺍﺽ ﺍﻟﺒﻴﻬﺎ .. ﺭﺿﺎﺀ ﺟﺎﻧﺖ ﺻﺎﻓﻨﺔ ﻋﻠﻴﻬﻦ ﻭﻧﺎﺳﻴﺘﻬﻦ ﺍﺻﻼ ﺑﻌﺪ ﻛﻞ ﺫﻳﺞ ﺍﻟﺴﻨﻴﻦ ﻣﻦ ﺟﺎﻥ ﺣﺴﻦ ﻳﺸﺘﺮﻳﻠﻬﺎ ﺣﻠﻮﻳﺎﺕ ﻭﻗﺮﺍﺻﺎﺕ ﻭﻫﻲ ﺗﻀﻤﻬﻦ ﺑﺠﻨﻄﺘﻬﺎ ..
ﺑﺲ ﻣﻦ ﺩﺧﻞ ﻣﻬﺪﻱ ﺣﺘﻰ ﻳﺤﺠﻲ ﻭﻳﺎﻫﺎ ﻭﻳﺤﺎﺳﺒﻬﺎ ﻉ ﺍﻟﻲ ﺻﺎﺭ ﺑﺎﻣﻪ .. ﺷﺎﻓﻬﺎ ﺗﻠﻢ ﺑﻬﺪﺍﻳﺎ ﺣﺴﻦ ..
- ﺷﻨﻲ ﺫﻧﻲ ﺳﺄﻟﻬﺎ ؟؟
ﺭﺩﺕ ﻋﻠﻴﻪ ﺑﺄﺭﺗﺒﺎﻙ .. ﺫﻧﻲ ﻏﺮﺍﺽ ﻗﺪﻳﻤﺎﺕ ﺿﺎﻣﺘﻬﻦ ﻣﺎﻟﺘﻲ ﻭﺣﻜﻤﺖ ﻣﻮﮔﻌﻬﻦ ..
- ﻫﺎﺍﺍﺍ ﻭﺷﻌﻨﺪﺝ ﺿﺎﻣﺘﻬﻦ ﺧﺎﻑ ﺣﺴﻦ ﺟﺎﻳﺒﻬﻦ ..
- ﻻ ﻣﻮ ﺣﺴﻦ ﺑﺎﺑﺎ ..
- ﺧﻮﺵ ﻳﺮﺿﻮﺓ .. ﺍﺳﻤﻌﻲ ﻭﻟﺞ ﺍﻟﻲ ﺻﺎﺭ ﺑﺄﻣﻲ ﺍﻟﻴﻮﻡ ﺑﺴﺒﺒﺞ ﺍﻧﻲ ﺍﺣﺎﺳﺒﺞ ﻋﻠﻴﻪ .. ﺍﻟﻴﻮﻡ ﺍﺟﻴﺞ ﺑﺎﻟﻠﻴﻞ ﺣﻀﺮﻱ ﺭﻭﺣﺞ ..
ﺍﻧﻲ ﺳﻤﻌﺖ ﻫﻴﺞ ﮔﺎﻝ .. ﺗﺴﻮﺩﻧﺖ ..
ﻻ ﺣﺒﺎﺏ ﻭﺍﻟﻠﻪ ﻣﺎﻟﻲ ﺷﻐﻞ ﺍﻧﻲ ..
ﻋﻘﺞ ﺣﺎﺟﺒﻪ .. ﻫﻴﺞ ﮔﺮﺑﻲ ﺍﻟﺞ ﻣﺨﻮﻓﺞ .. ﻟﺠﻦ ﺭﺍﺡ ﺍﺧﻠﻲ ﻫﺎﻟﮕﺮﺏ ﻫﻮ ﺣﺴﺎﺑﻲ ﺍﻟﺞ ..
ﺿﺤﻚ ﺑﻤﻜﺮ ﻭﻃﻠﻊ ..
ﻧﻴﻤﺖ ﺣﻜﻤﺖ ﻭﻧﻤﺖ ﻻﻥ ﻣﺎﺧﺬﺕ ﺣﺠﻴﻪ ﺻﺪﮒ .. ﻟﻠﻴﻞ ﻛﻠﺶ ﺳﻤﻌﺖ ﺻﻮﺕ ﺍﻟﺒﺎﺏ ﻧﻔﺘﺢ .. ﻓﺰﻳﺖ ﻣﻦ ﻧﻮﻣﻲ ﻭﺍﻟﻜﺎﻩ ﮔﺒﺎﻟﻲ .. ﻳﻬﻤﺲ ﻧﺰﻟﻴﻪ ﺟﻮﺓ ﻭﺗﻌﺎﻱ ..
ﺭﺩﺕ ﺍﺣﺠﻲ ﻋﺼﺮ ﺍﻳﺪﻱ . ﮔﻤﺖ ﻓﺮﺷﺖ ﺑﺎﻟﻜﺎﻉ ﻭﺷﻠﺖ ﺣﻜﻤﺖ .. ﺩﺭﺕ ﻭﺟﻬﻲ ﻭﺷﻔﺘﻪ ﻧﺎﺯﻉ ﺩﺷﺪﺷﺎﺗﻪ ﻭﻣﺘﻤﺪﺩ ﻋﻠﻰ ﺍﻟﺠﺮﺑﺎﻳﺔ .. ﺑﻘﻴﺖ ﻭﺍﻛﻔﻪ ﻭﻣﺎﺍﻋﺮﻑ ﺷﺴﻮﻱ ..
ﺻﺎﺡ ﺑﻴﻪ ﺑﻬﻤﺲ .. ﺗﻌﺎﻱ ﺑﺴﺮﻋﻪ ﻓﻀﻴﻨﻲ .. ﺗﻘﺮﺑﺖ ﺳﺤﺒﻨﻲ ﺣﻴﻞ ﻭﺟﺎﻥ ﻳﺘﻌﺎﻣﻞ ﻭﻳﺎﻱ ﺑﻘﺴﻮﺓ ﻣﺎﺍﮔﺪﺭ ﺍﺣﺠﻲ ﺧﺎﻑ ﺍﺑﻨﻲ ﻳﮕﻌﺪ ﻭﻳﺸﻮﻓﻨﻲ ﺑﻬﻴﺞ ﻣﻨﻈﺮ ﻭﻫﻮ ﻫﻢ ﺳﺎﺩ ﺣﻠﮕﻲ ﺧﺎﻑ ﺍﺣﺪ ﻳﺴﻤﻌﻪ ﻭﺗﻌﺮﻑ ﺑﺘﻮﻝ ﺍﻫﻮ ﻳﺠﻲ ﻳﻤﻲ ..
ﮔﺎﻡ ﻣﻦ ﻳﻤﻲ ﻭﻫﻮ ﻳﻀﺤﻚ ﻭﺟﻦ ﻳﺎﺧﺬ ﺣﮕﺔ ﻣﻨﻲ ﻭﺛﺎﺭﻩ ..
ﺗﻠﻔﻠﻔﺖ ﺑﺨﻮﻑ .. ﻭﺍﺳﻤﻌﻪ ﻳﻜﻮﻝ ..
ﻣﺎﺍﺭﻳﺪﺝ ﺗﺤﺒﻠﻴﻦ ﺍﺣﺴﺒﻲ ﺣﺴﺎﺑﺞ ﺍﻓﺘﻬﻤﺘﻲ .. ﻫﺰﻳﺖ ﺭﺍﺳﻲ ﻭﺳﻜﺘﺖ .. ﻃﻠﻊ ﻣﻨﻲ ﺑﺴﺮﻋﻪ .. ﻭﻣﺎﺑﻘﺖ ﺑﺲ ﺩﻣﻮﻋﻲ ﺗﻮﺍﺳﻴﻨﻲ ..
ﺍﺗﺬﻛﺮ ﺷﻠﻮﻥ ﻳﺘﻠﻤﺲ ﺑﻴﻪ ﻭﺗﻠﻌﺐ ﺭﻭﺣﻲ ﺟﻦ ﻭﺍﺣﺪ ﺟﻮﻋﺎﻥ ﻭﺍﻧﻄﻮﻩ ﻗﻄﻌﻪ ﻟﺤﻢ .. ﺍﻭ ﻳﻤﻜﻦ ﻻﻥ ﺑﺘﻮﻝ ﺣﺎﻣﻞ ﻭﺗﻌﺒﺎﻧﻪ ﻳﺠﻲ ﻳﻌﻮﺽ ﻧﻘﺼﻪ ﺑﻴﻪ ..
ﺛﺎﻧﻲ ﻳﻮﻡ ﻟﻠﻴﻞ ﻫﻢ ﺍﺟﻪ ﻭﺟﻦ ﻳﺴﺘﻤﺘﻊ ﺑﻌﺬﺍﺑﻲ .. ﺻﺮﺕ ﺍﻛﺮﻩ ﺍﻟﻠﻴﻞ ﻭﺳﻮﺍﺩﻩ .. ﻣﻦ ﺍﺻﻴﺮ ﺑﺤﻀﻨﻪ ﻳﻨﺴﻰ ﺭﻭﺣﻪ ﻭﻳﮕﻠﻲ ﻣﺎﺍﮔﺪﺭ ﺍﻫﺪﺝ ﺍﻛﻮ ﺷﻲ ﻳﺠﻴﺒﻨﻲ ﺍﻟﺞ .. ﺑﺲ ﻣﻦ ﻳﻜﻤﻞ ﻳﺴﺘﻬﺰﺃ ﺑﻴﻪ ﻭﻳﻬﻴﻨﻲ . ﻭﻣﺎﻳﻮﻡ ﻣﺮ ﻣﺎﺫﻛﺮﻧﻲ ﺑﺤﺴﻦ ﻭﻋﻤﻠﺘﻪ ﻭﻳﺎﻱ ..
ﺍﻟﻰ ﺍﻥ ﺑﻴﻮﻡ ﻣﻠﻴﺖ ﻣﻦ ﺣﺎﻟﺘﻲ .. ﻣﺎﺧﻠﻴﺘﻪ ﻳﺘﮕﺮﺏ ﺍﻟﻲ ﻭﮔﺘﻠﻪ ﺍﻧﻲ ﻣﻮ ﺑﺎﻳﺮﺓ ﺗﺠﻴﻨﻲ ﺑﻨﺼﺎﺹ ﺍﻟﻴﺎﻟﻲ ﻭﺗﺮﻭﺡ ﺟﻨﻚ ﺣﺮﺍﻣﻲ .. ﺍﺫﺍ ﺍﺟﻴﺖ ﺑﻌﺪ ﺍﺻﺮﺥ ﻭﺍﻟﻢ ﺍﻟﻌﺎﻟﻢ ﻋﻠﻴﻚ ..
ﺑﻴﻮﻣﻬﺎ ﺣﻜﻤﺖ ﻳﻢ ﺟﺪﻱ ﻧﺎﻳﻢ .. ﺻﺎﺭ ﻳﻀﺮﺑﻨﻲ ﻭﺍﻧﻲ ﺍﺩﻓﻊ ﺑﻲ .. ﻭﺭﺍﺩ ﻳﺎﺧﺬﻧﻲ ﺑﺎﻟﮕﻮﺓ .. ﻭﻣﺎﺍﺩﺭﻱ ﺑﺮﻭﺣﻲ ﻭﺻﺤﺖ ﺧﻠﻲ ﺷﻴﺼﻴﺮ ﻳﺼﻴﺮ ﺍﻟﻤﻬﻢ ﺗﺪﺭﻱ ﻣﺮﺗﻪ ﻭﺍﺧﻠﺺ ﻣﻨﻪ ..
ﺑﺲ ﺻﻮﺗﻲ ﺍﺧﺘﻠﻂ ﺑﺄﺻﻮﺍﺕ ﺛﺎﻧﻴﻪ .. ﺳﻤﻌﻨﺎ ﺻﻴﺎﺡ ﻭﻫﻮﺳﺔ ﺑﺎﻟﺤﻮﺵ .. ﻟﺒﺲ ﺑﺴﺮﻋﻪ ﻭﺍﺧﺬ ﺩﺷﺪﺍﺷﺘﻪ ﻭﻃﻠﻊ
ﺍﻧﻲ ﺑﻘﻴﺖ ﺟﺎﻣﺪﺓ ﻣﻦ ﺍﻟﺨﻮﻑ ﻣﺎﺍﻋﺮﻑ ﻟﻴﺶ ﻫﺎﻱ ﺍﻻﺻﻮﺍﺕ ﻧﻔﺴﻬﺎ ﻣﻦ ﺟﺎﺑﻮ ﺣﺴﻦ ﻟﻠﺤﻮﺵ ..
ﻃﻠﻌﺖ ﺑﺴﻜﺘﻪ ﻭﺍﻻﺻﻮﺍﺕ ﺗﺘﻌﺎﻟﻰ ﺧﻔﺖ ﻋﻠﻰ ﺣﻜﻤﺖ ..
ﺟﺪﻱ ﺍﺳﻤﻌﻪ ﻳﺼﻴﺢ ﺻﻮﺗﺠﻦ ﻣﺎﺍﻫﻴﺴﺔ ﻛﺎﻓﻲ ..
ﻓﺘﺤﺖ ﺍﻟﺒﺎﺏ ..
ﻭﺍﺷﻮﻑ ﻋﻤﻲ ﻫﺎﺩﻱ ﻳﺒﺠﻲ ﻭﻋﻤﻲ ﺻﺎﻟﺢ ﺣﺎﺿﻨﻪ ﻳﻮﺍﺳﻴﻪ ﻭﻋﻤﺎﺗﻲ ﺩﺧﻠﻦ ﺍﻟﻐﺮﻓﺘﺔ ..
ﻋﻴﻮﻧﻲ ﺗﻌﺎﻳﻦ ﺑﺎﻻﻭﺟﻮﻩ ﺑﺲ ﻋﻴﻮﻥ ﺑﺘﻮﻝ ﺗﻌﺎﻳﻦ ﺑﻴﻪ ﻭﺗﺮﻳﺪ ﺗﺎﻛﻠﻨﻲ ..
# ﺑﻘﻠﻤﻲ _ ﺍﻟﻜﺎﺗﺒﺔ _ ﺷﻤﺲ
ﻳﺘﺒﻊ