حكمة الذئب

بارت1

#حكمة__ذئب
بقلم شمس السعدي

#الحكمة١

ﻋﺪﻧﺎ ﻭﺍﻟﻌﻮﺩﺓ ﺍﺣﻤﺪُ .. ﺷﻠﻮﻧﻜﻢ ﺣﺒﺎﻳﺐ ❤
‏( 1 ‏)
# ﺣﻜﻤـﺔ _ ﺫﺋﺐ
# ﺑﻘﻠﻢ _ ﺷﻤﺲ _ ﺍﻟﺴﻌﺪﻱ
ﺭﺑﻤﺎ ﻳﺮﻭﻧﻲ ﻗﺎﺳﻲ ﺍﻟﻤﻼﻣﺢ ﺑﻌﻴﻮﻥ ﺣﺎﺩﻩ ..
ﺭﺑﻤﺎ ﻳﺮﻭﻥ ﻗﺴﻮﺓ ﺍﻟﻤﺎﺿﻲ ﻇﻼﻝ ﺗﻼﺣﻘﻨﻲ ...
ﺭﺑﻤﺎ ﻳﺮﻭﻧﻲ ﺫﺋﺐ ﺍﻗﺎﺗﻞ ﻛﻲ ﺃﻋﻴﺶ
ﻟﻜﻦ ﻻ ﻳﻌﻠﻤﻮﻥ ﻣﺎﻫﻲ
ﺣﻜﻤﺔ ﺫﺋﺐ
ﻓﻬﻲ
ﻻ ﺗﺄﺗﻲ ﻣﻦ ﻓﺮﺍﻍ
ﻣﻦ ﺍﻟﻢ ﻭﺟﺮﻭﺡ
ﻣﻦ ﻋﺪﺓ ﻃﻌﻨﺎﺕ
ﺗﺄﺫﻳﺖ ﻭﺣﺪﻱ
ﺳﻘﻄﺖ ﻭﺣﺪﻱ
ﻭﺻﻨﻌﺖ ﻋﺎﻟﻤـﻲ ﻭﺣﺪﻱ ..
ﮔﺎﻋﺪﺓ ﺗﺘﺄﻣﻞ ﺍﺑﻨﻬﺎ ﻣﻦ ﺍﻟﺸﺒﺎﻙ ..
ﺍﺑﻨﻬﺎ ﺍﻟﻲ ﺍﻧﻮﻟﺪ ﺑﺴﺒﺐ ﻏﻠﻄﺔ ﻟﻢ ﺗﻐﺘﻔﺮ ﺍﻟﻰ ﺍﻻﻥ ..
ﻏﻠﻄﺔ ﻫﻲ ﻣﺎﻟﻬﺎ ﺫﻧﺐ ﺑﻴﻬﺎ ..
ﺍﻧﺤﺮﻣﺖ ﻣﻦ ﺍﻣﻬﺎ ﻭﻣﺎﺗﻌﺮﻑ ﺍﻟﺼﺢ ﻣﻦ ﺍﻟﻐﻠﻂ ..
ﻣﺮﺍﻫﻘﺔ ﻭﻓﺘﺤﺖ ﻋﻴﻮﻧﻬﺎ ﻋﻠﻰ ﺍﺑﻦ ﻋﻤﻬﺎ ﻭﺫﻧﺒﻬﺎ ﺍﻟﻮﺣﻴﺪ ﻭﺛﻘﺖ ﺑﻲ ﻭﺻﺪﮔﺘﺔ ..
ﻛﻠﻤﺎ ﺗﺘﺬﻛﺮ ﺫﻳﺞ ﺍﻻﻳﺎﻡ ﺗﺤﺲ ﺳﺠﻴﻨﺔ ﻭﺗﻄﻌﻦ ﺑﺪﺍﺧﻠﻬﺎ ..
ﮔﻠﺒﻬﺎ ﻣﺠﺮﻭﺡ ﻭﺍﻟﻨﺎﺱ ﻣﺎﺗﺮﺣﻢ ﻭﻻﺗﺴﻤﺤﻠﻬﺎ ﺗﻄﻴﺐ ﺟﺮﻭﺣﻬﺎ ..
ﺍﺧﺬﺕ ﻧﻔﺲ ﻭﻫﻲ ﺗﺘﻨﻬﺪ ﺑﺤﺴﺮﺓ ﻗﻮﻳﺔ ..
ﻓﺠﺄﺓ ﺳﻤﻌﺖ ﺻﺮﺍﺥ ﺍﺑﻨﻬﺎ ﺭﻛﻀﺖ ﺍﻟﺔ ﺷﺎﻓﺘﺔ ﻭﺍﮔﻊ ﻣﻦ ﺍﻟﺒﺎﻳﺴﻜﻞ ﻭﺍﻟﺠﻬﺎﻝ ﺗﻀﺤﻚ ﻋﻠﻴﻪ ..
ﺭﻓﻌﺘﺔ ﻣﻦ ﺍﻟﮕﺎﻉ ﻭﺗﻤﺴﺢ ﻣﻼﺑﺴﺔ ﻣﻦ ﻏﺒﺎﺭ ﺣﻈﻬﺎ ﺍﻟﻌﺎﺛﺮ ﺍﻟﻲ ﺍﻧﺘﻘﻞ ﻟﻮﺣﻴﺪﻫﺎ ..
ﺑﺎﻭﻋﻠﻬﺎ ﺑﻨﻈﺮﺍﺕ ﺣﺎﺩﺓ ﻭﺭﺍﺩ ﻳﺨﻔﻒ ﻋﻨﻬﺎ ﺧﻮﻓﻬﺎ ﻭﺍﻟﻤﻬﺎ ..
- ﻣﺎﺑﻴﺔ ﺷﻲ ﻳﻤﺔ ﻻﺗﺨﺎﻓﻴﻦ ..
ﻭﻣﺴﺢ ﺩﻣﻮﻋﻬﺎ ﻣﻦ ﻋﻴﻨﻴﻬﺎ ..
- ﺍﺍﺍﺍﻩ ﻳﺒﻌﺪ ﺍﻣﻚ ﻣﻜﺘﻮﺑﻠﻚ ﺗﺘﻌﺬﺏ ﺑﺴﺒﺒﻲ ..
ﺑﺎﻭﻋﺘﻠﻬﻢ ﺑﻘﻬﺮ ..
- ﻟﻴﺶ ﻭﻳﺎﻩ ﻫﻴﺞ ﻣﻮ ﺍﺧﻮﻛﻢ ..
ﺭﺩﻭﺍ ﻋﻠﻴﻬﺎ ..
- ﺍﺑﻦ ﺍﻟﻌﺎﻳﺒﺔ ﻣﻮ ﺍﺧﻮﻧﺎ ﻭﻣﺎﻧﺮﻳﺪﺓ ﻳﻠﻌﺐ ﻭﻳﺎﻧﺎ ﺍﻣﻨﺎ ﻣﺎﺗﻘﺒﻞ .
ﺻﺮﺥ ﺑﻮﺟﻬﻬﻢ ﺫﻟﻚ ﺍﻟﺬﺋﺐ ﺍﻟﻐﺎﺿﺐ ..
- ﺍﻣﻲ ﻣﻮ ﻋﺎﻳﺒﺔ ﻭﺍﻟﻠﻪ ﺍﻣﻮﺗﻜﻢ ﺍﺫﺍ ﺗﺤﺠﻮﻥ ﻋﻠﻴﻬﺎ ..
ﺍﻧﻘﻬﺮﺕ ﻋﻠﻴﻪ ﻭﻫﻲ ﺗﺸﻮﻓﺔ ﺑﻴﻦ ﺛﻌﺎﻟﺐ ﻣﺎﻛﺮﺓ ﺗﺤﺎﻭﻝ ﺗﻘﻬﺮﺓ ﻭﺗﺠﺮﺣﺔ ﺑﻜﻞ ﻟﺤﻈﺔ ..
- ﮔﻮﻡ ﻳﻤﺔ ﺧﻠﻴﻨﺎ ﻧﺪﺧﻞ ﻏﺮﻓﺘﻨﺎ .. ﺍﻟﻠﻪ ﻗﺒﻴﻠﻬﻢ ﻭﻳﺎﺧﺬﻟﻨﺎ ﺣﻘﻨﺎ ﻣﻨﻬﻢ ..
ﺍﺧﺬﺗﻪ ﻭﺩﺧﻠﺖ ﺍﻟﻐﺮﻓﺔ ﺍﻟﻲ ﺻﺎﺭﺕ ﻣﻼﺫﻫﺎ ﺍﻟﻮﺣﻴﺪ ﻣﻦ ﻛﻼﻡ ﻭﻧﻈﺮﺍﺕ ﺍﻟﻤﺒﻐﻀﻴﻦ ﻭﺍﻟﺤﺎﻗﺪﻳﻦ .
ﻧﻈﻔﺖ ﺟﺮﺣﺔ ﺍﻟﻲ ﺑﺮﻛﺒﺘﺔ ﻭﻫﻲ ﺗﻨﻔﺦ ﻋﻠﻴﻪ ﺑﺪﻓﻮ ﮔﻠﺒﻬﺎ ﻭﺣﻨﺎﻧﻬﺎ ..
ﻭﺑﻘﺖ ﺗﻤﺴﺪ ﻋﻠﻰ ﺭﺍﺳﺔ ﻭﺗﻤﺴﺢ ﺩﻣﻮﻋﻬﺎ ﺍﻟﻲ ﺗﺮﺳﺖ ﻭﺟﻨﺎﺗﻬﺎ ..
ﻭﺑﺪﺃﺕ ﺗﺴﺘﺮﺟﻊ ﺫﻛﺮﻳﺎﺗﻬﺎ ﻭﺷﻠﻮﻥ ﻛﺒﺮﺕ ﺑﺴﺮﻋﺔ ﻭﻫﻲ ﺑﻌﺪﻫﻲ ﺑﻌﻤﺮ ﺍﻟﻮﺭﻭﺩ ..
ﺍﻟﻲ ﺑﻌﻤﺮﻫﺎ ﻳﺪﺭﺳﻦ ﻭﻳﺮﻭﺣﻦ ﻟﻠﻤﺪﺭﺳﺔ ..
ﻭﻫﻲ ﺑﻌﻤﺮ 14 ﺻﺎﺭ ﻋﻨﺪﻫﺎ ﻃﻔﻞ ﺗﺮﺑﻴﻪ ﻻﺍﻡ ﻭﻻﺍﺑﻮ ﻋﻨﺪﻫﺎ ﻳﻌﻴﻨﻬﺎ ..
ﺭﺟﻌﺖ ﺭﺿﺎﺀ ﺍﻟﺬﺍﻙ ﺍﻟﻴﻮﻡ ﻭﺑﺎﻟﺘﺤﺪﻳﺪ ﻟﻨﻬﺎﻳﺔ ﺍﻟﺴﺒﻌﻴﻨﺎﺕ ..
ﺟﺎﻥ ﻋﻤﺮﻫﺎ 12 ﺳﻨﺔ ..
ﺳﻨﺔ ﺗﺴﻌﻪ ﻭﺳﺒﻌﻴﻦ ﺃﻧﺘﺼﺎﺭ ﺍﻟﺜﻮﺭﺓ ﺍﻻﺳﻼﻣﻴﺔ ﺑﺎﻳﺮﺍﻥ ... ﻭﺑﺴﺒﺐ ﻫﺬﻩ ﺍﻟﺜﻮﺭﺓ ﺗﺄﺯﻣﺖ ﺍﻟﻌﻼﻗﺎﺕ ﺑﻴﻦ ﺍﻟﺒﻠﺪﻳﻦ
ﺍﻟﻲ ﺟﺎﻥ ﻧﻈﺎﻡ ﺍﻟﺒﻌﺚ ﻭﺍﻟﺠﻬﺎﺕ ﺍﻟﻲ ﺧﻠﻔﻪ ﻭﺍﻟﺪﺍﻋﻤﻪ ﺍﻟﻪ ﻭﻋﻠﻰ ﺭﺃﺳﻬﺎ ﺩﻭﻝ ﺍﻟﺨﻠﻴﺞ ﻣﺘﺨﻮﻓﺔ ﻣﻦ ﺍﻟﺜﻮﺭﺓ ﻷﻥ ﺍﻟﻌﺮﺍﻕ ﻫﻮ ﺑﻮﺩﻗﺔ ﺍﻟﻌﺮﺏ ﻭﺑﻮﺍﺑﺔ ﺍﻟﺨﻠﻴﺞ ... ﻓﺄﻱ ﺣﺪﺙ ﻳﺼﻴﺮ ﺑﻠﻌﺮﺍﻕ ﺍﻟﻮﻃﻦ ﺍﻟﻌﺮﺑﻲ ﻳﺘﺄﺛﺮ ..
ﻭﺑﺎﻟﻤﻘﺎﺑﻞ .. ﻛﺎﻧﺖ ﺇﻳﺮﺍﻥ ﺍﻳﻀﺎ ﺗﺮﺻﺪ ﺑﺨﻮﻑ ﻭﺻﻮﻝ ﺻﺪﺍﻡ ﺣﺴﻴﻦ ﻟﻠﺴﻠﻄﺔ ﻓﻲ ﺍﻟﻌﺮﺍﻕ ﻋﺎﻡ ﺗﺴﻌﺔ ﻭﺳﺒﻌﻴﻦ ﺑﻌﺪ ﺍﻟﺮﺋﻴﺲ ﺃﺣﻤﺪ ﺣﺴﻦ ﺍﻟﺒﻜﺮ .
ﺯﺍﺩﺕ ﺍﻟﻤﺨﺎﻭﻑ ﺍﻹﻳﺮﺍﻧﻴﺔ ﻣﻊ ﺗﻮﻗﻴﻌﻪ ﻣﻴﺜﺎﻕ ﺍﻟﺪﻓﺎﻉ ﺍﻟﻌﺮﺑﻲ ﻓﻲ ﺷﻬﺮ ﺷﺒﺎﻁ ﻋﺎﻡ ﺛﻤﺎﻧﻴﻦ .. ﺍﻟﻲ ﺍﻋﺘﺒﺮﺗﻪ ﺇﻳﺮﺍﻥ ﻋﻤﻞ ﻋﺪﺍﺋﻲ ﻳﺴﺘﻬﺪﻓﻬﺎ ﻭﻳُﺠﻴﺶ ﺩﻭﻝ ﺍﻟﻤﻨﻄﻘﺔ ﺿﺪﻫﺎ ﻓﻲ ﺻﺮﺍﻉٍ ﺣﺪﻭﺩﻱ ..ﻫﻨﺎ ﺑﺪﺃ ﺍﻟﻄﺮﻓﺎﻥ ﺑﺘﺮﺍﺷﻖ ﺍﻻﺗﻬﺎﻣﺎﺕ، ﺇﻳﺮﺍﻥ ﺗﺘﻬﻢ ﺍﻟﻌﺮﺍﻕ ﺑﺈﻋﺪﺍﻡ ﺍﻟﺮﻣﻮﺯ ﺍﻟﺸﻴﻌﻴﺔ ﺍﻟﻤﻌﺎﺭﺿﺔ .. ﻭﺍﻟﻌﺮﺍﻕ ﻳﺘﻬﻢ ﺇﻳﺮﺍﻥ ﺑﺎﺳﺘﻐﻼﻝ ﺍﻟﻤﺬﻫﺐ ﺍﻟﺸﻴﻌﻲ ﻹﺣﺪﺍﺙ ﻗﻼﻗﻞ ﻓﻲ ﺍﻟﺪﻭﻝ ﺍﻟﻤﺠﺎﻭﺭﺓ ﻭﻣﺤﺎﻭﻟﺔ ﺗﺼﺪﻳﺮ ﺍﻟﺜﻮﺭﺓ ﻭﺧﺎﺻﺔ ﻟﻠﺪﻭﻝ ﺍﻟﻲ ﺑﻴﻬﺎ ﺃﻗﻠﻴﺔ ﺷﻴﻌﻴﺔ ..
ﺍﻟﻰ ﺍﻥ ﻗﺮﺭﺕ ﺍﻟﺤﻜﻮﻣﺔ ﺍﻟﻌﺮﺍﻗﻴﺔ ﺗﺴﻔﻴﺮ ﻛﻞ ﺍﻻﻳﺮﺍﻧﻴﻦ ﺍﻟﻲ ﻣﺎﻋﻨﺪﻫﻢ ﺍﻗﺎﻣﺔ ﻣﻦ ﺍﻟﻌﺮﺍﻕ ..
ﻭﺑﺪﺕ ﺍﻟﻌﻼﻗﺔ ﺗﺴﻮﺀ ﺑﻴﻦ ﺍﻟﻄﺮﻓﻴﻦ .. ﻭﺍﻟﺘﻔﺘﻴﺶ ﻣﺴﺘﻤﺮ ﻋﻠﻰ ﺑﻤﺎ ﻳﺴﻤﻮﻫﻢ ﺍﻟﺘﺒﻌﻴﺔ ..
ﻓﻜﻞ ﺷﺨﺺ ﻻﻳﻤﻠﻚ ﺟﻨﺴﻴﺔ ﻳﺴﻔﺮ .. ﻭﻓﻲ ﺍﻟﻔﺘﺮﺓ ﺍﻻﺧﻴﺮﺓ ﺣﺘﻰ ﻣﻦ ﻟﺪﻳﻪ ﺍﻗﺎﻣﺔ ﺷﻤﻠﻪ ﺍﻻﻣﺮ ..
ﻭﻣﻦ ﺿﻤﻨﻬﻢ ﺍﻣﻬﺎ ﺍﻟﺮﺿﺎﺀ ..
ﺭﺿﺎﺀ ﺃﻓﻜﺎﺭﻫﺎ ﭼﺎﻧﺖ ﻣﻨﺤﺼﺮﺓ ﺑﻬﺬﺍ ﺍﻟﺘﺎﺭﯾﺦ ... ﻭﺗﺒﻌﺎﺗﻪُ
ﻣﺎﻫﻴﻦ ﻛﺎﻧﺖ ﺍﻳﺮﺍﻧﻴﺔ ﻭﻣﺘﺰﻭﺟﺔ ﻋﺮﺍﻗﻲ .. ﺣﺎﻣﻞ ﻭﺍﻡ ﻟﻄﻔﻠﺔ ﺻﺎﺭﺕ ﺑﻌﺪ ﺳﺒﻊ ﺳﻨﻮﺍﺕ ﻣﻦ ﺯﻭﺍﺟﻬﻢ ﻟﻬﺬﺍ ﺳﻤﻮﻫﺎ ﺭﺿﺎﺀ ﺑﻤﻌﻨﻰ ﺍﻟﺮﺿﺎ ..
ﻛﺎﻧﺖ ﻣﺎﻫﻴﻦ ﺗﺘﺄﺧﺮ ﺑﺎﻻﻧﺠﺎﺏ ﻓﻜﻞ ﺳﺒﻊ ﺍﻭ ﻋﺸﺮ ﺳﻨﻮﺍﺕ ﻳﻠﺔ ﺗﺤﻤﻞ ﺑﻄﻔﻞ ..
ﺑﻌﺪ ﺭﺿﺎﺀ ﺑﻘﺖ ﺗﺘﻌﺎﻟﺞ ﺍﻛﺜﺮ ﻣﻦ ﻋﺸﺮ ﺳﻨﻮﺍﺕ ﻳﻠﺔ ﺣﻤﻠﺖ
ﺍﻟﻜﻞ ﻓﺮﺣﺎﻥ ﺑﺤﻤﻠﻬﺎ ﺍﻟﻲ ﺻﺎﺭ ﺑﻔﺘﺮﺓ ﻣﺎﺑﻴﻦ ﺳﻨﺔ ﺗﺴﻌﺔ ﻭﺳﺒﻌﻴﻦ ﻭﺍﻟﺜﻤﺎﻧﻴﻦ ..
ﻫﻨﺎ ﺑﺪﺃﺕ ﺍﻟﺤﻜﻮﻣﺔ ﺗﺴﻔﺮ ﻛﻞ ﻣﻦ ﺗﺸﻚ ﻟﻪ ﺻﻠﺔ ﺑﺈﻳﺮﺍﻥ ﺣﺘﻰ ﻟﻮ ﻳﻤﻠﻚ ﺟﻨﺴﻴﺔ ﻋﺮﺍﻗﻴﺔ ..
ﺍﻫﻠﻬﺎ ﺍﻟﻤﺎﻫﻴﻦ ﺗﺴﻔﺮﻭﺍ ﻛﻠﻬﻢ .. ﺯﻭﺟﻬﺎ ﺍﺳﺘﻔﺴﺮ ﻭﮔﺎﻝ ﻣﺎﺩﺍﻣﻬﺎ ﺯﻭﺟﺘﻚ ﻭﺍﻧﺖ ﻋﺮﺍﻗﻲ ﺗﮕﺪﺭ ﺗﺒﻘﻴﻬﺎ ﺑﺸﺮﻁ ﺍﻧﻪ ﺗﻜﺘﺐ ﺗﻌﻬﺪ ﻭﺑﺮﺍﺀﺓ ﻣﻦ ﺍﻫﻠﻬﺎ ﻭﺧﺎﺻﺔ ﻫﻲ ﻋﻨﺪﻫﺎ ﺍﻟﺠﻨﺴﻴﺔ ﺍﻟﻌﺮﺍﻗﻴﺔ ..
ﻣﺎﻫﻴﻦ ﻣﺎﻗﺒﻠﺖ ﻭﻋﺎﻧﺪﺕ .. ﻭﺍﺻﺮﺕ ﺗﺮﻭﺡ ﻭﻱ ﺍﻫﻠﻬﺎ ..
ﻭﺧﻠﺖ ﺯﻭﺟﻬﺎ ﺑﻴﻦ ﺍﺧﺘﻴﺎﺭﻳﻦ ﺍﻣﺎ ﻳﺮﻭﺡ ﻭﻳﺎﻫﺎ ﺍﻭ ﻳﻄﻠﮕﻬﺎ ﻭﺗﺎﺧﺬ ﺑﻨﺘﻬﺎ ﻭﺗﺮﻭﺡ ﻭﻱ ﺍﻫﻠﻬﺎ ..
ﺗﻌﺼﺐ ﺯﻭﺟﻬﺎ ﻣﺤﻤﺪ ﻣﻦ ﺳﻤﻊ ﺗﻬﺪﻳﺪﻫﺎ ..
- ﻣﺎﻫﻴﻦ ﺗﺮﺩﻳﻦ ﺗﻠﻮﻳﻦ ﺫﺭﺍﻋﻲ .. ﺍﻧﻲ ﺭﺟﻠﺞ ﺗﺒﻘﻴﻦ ﻭﻳﻦ ﻣﺎﺍﻧﻲ ﻋﺎﻳﺶ .. ﺗﺮﺩﻳﻨﻲ ﺍﻋﻮﻑ ﺍﻫﻠﻲ ﻭﺑﻠﺪﻱ ﻭﺍﺭﻭﺡ ﻭﻳﺎﺝ ..
ﻣﻌﻨﺎﻫﺎ ﻛﺘﺒﺖ ﺍﻟﻤﻮﺕ ﻋﻠﻰ ﺍﺑﻮﻱ ﻭﻋﺸﻴﺮﺗﻲ ﻛﻠﻬﺎ .. ﻋﺒﺎﻟﺞ ﺭﺍﺡ ﻳﺮﺗﺎﺣﻮﻥ ﻭﺗﻨﺤﻞ ﺍﻻﻣﻮﺭ ﻟﻮ ﺍﻟﺪﻭﻟﺔ ﺗﺨﻠﻴﻬﻢ ﺑﺤﺎﻟﻬﻢ ﻫﺎﻱ ﺍﺫﺍ ﻣﺎﺟﺮﺟﺮﻭﻫﻢ ﻛﻠﻬﻢ ﻭﺍﻋﺘﻘﻠﻮﻫﻢ ﻟﻮ ﻳﻌﺪﻣﻮﻫﻢ ..
ﺭﺩﺕ ﻋﻠﻴﻪ ﻣﺎﻫﻴﻦ ﻭﻫﻲ ﺗﺒﺠﻲ ..
- ﻳﻌﻨﻲ ﺗﻔﻀﻞ ﺍﻫﻠﻚ ﻋﻠﻴﻪ ﻣﺤﻤﺪ .. ﻣﺎﻓﻜﺮﺕ ﺑﺄﻭﻻﺩﻧﺎ ﺷﻠﻮﻥ ﻳﻌﻴﺸﻮﻥ ﺑﻼ ﺍﺏ ..
- ﻭﻟﻴﺶ ﻳﻌﻴﺸﻮﻥ ﺑﻼ ﺍﺏ .. ﺍﺑﻘﻲ ﻫﻨﺎ ﻭﺍﻧﻲ ﺍﺳﻮﻱ ﺍﻟﻤﺴﺘﺤﻴﻞ ﻭﺍﺣﻤﻴﺞ ..
- ﻭﺍﻣﻲ ﻣﺎﻓﻜﺮﺕ ﺑﻴﻬﺎ .. ﺷﻠﻮﻥ ﺍﺗﺒﺮﺃ ﻣﻨﻬﻢ ﺷﻠﻮﻥ ﺍﻋﻮﻓﻬﺎ ﺗﻤﻮﺕ ﻭﺍﻟﻠﻪ ﻣﺎﺗﺘﺤﻤﻞ ﻭﻫﻲ ﺻﺎﺣﺒﺔ ﻗﻠﺐ ..
- ﻳﻌﻨﻲ ﻣﺎﻫﻴﻦ ﺷﻘﺮﺭﺗﻲ ؟؟
- ﺍﺧﺬ ﺑﻨﺘﻲ ﻭﺍﺭﻭﺡ ﻭﻱ ﺍﻫﻠﻲ ..
- ﺭﺿﺎﺀ ﻣﺎﺗﻄﻠﻊ ﻭﻳﺎﺝ ﻭﺍﺑﻨﻲ ﺍﻟﻲ ﺑﺒﻄﻨﺞ ﻣﺎﺍﻋﻮﻓﺔ ﺧﻠﻴﻬﺎ ﺗﺮﺟﻴﺔ ﺑﺄﺫﻧﺞ ..
- ﻻﺗﺼﻴﺮ ﺍﻧﺎﻧﻲ ﻣﺤﻤﺪ .. ﺣﺮﺍﻡ ﻋﻠﻴﻚ .. ﺍﻣﻲ ﺗﻤﻮﺕ ﻭﺍﻟﻠﻪ ﻣﺎﺍﮔﺪﺭ .. ﺧﻠﻴﻨﺎ ﻧﺮﻭﺡ ﻣﻨﺎ .. ﺍﻭﻝ ﻭﺗﺎﻟﻲ ﻣﺎﺭﺍﺡ ﻧﺨﻠﺺ ﻭﻻﻳﺘﺮﻛﻮﻧﺎ ﺑﺤﺎﻟﻨﺎ ..
ﺟﺎﻧﺖ ﺗﺒﺠﻲ ﻭﺗﺘﻮﺳﻞ ﺍﻟﻠﻴﻞ ﻛﻠﺔ .. ﻭﻣﺤﻤﺪ ﻗﺮﺭ ﻣﺎﻳﺘﺮﻙ ﺍﻟﻌﺮﺍﻕ ﻭﻫﻲ ﻗﺮﺭﺕ ﺗﺮﻭﺡ ﺣﺘﻰ ﻟﻮ ﻣﻦ ﻏﻴﺮ ﻋﻠﻤﺔ ...
ﺣﻀﺮﺕ ﺟﻨﻄﺔ ﺑﻨﺘﻬﺎ ﻭﺟﻨﻄﺘﻬﺎ ﺑﺴﻜﺘﺔ ﻭﺟﺎﻧﺖ ﻣﻘﺮﺭﺓ ﺗﺮﻭﺡ ﺑﻌﺪ ﻣﺎﻳﻨﺎﻣﻮﻥ ﺍﻻﻫﻠﻬﺎ ﻭﻣﻨﺎﻙ ﺗﻄﻠﻊ ﻭﻳﺎﻫﻢ ﺑﻌﺪ ﻣﺎﺻﻔﻮﺍ ﺍﻣﻼﻛﻬﻢ ﻛﻠﻬﺎ ..
ﻋﻴﻮﻧﻬﺎ ﺗﺘﻔﺤﺺ ﺍﻟﻐﺮﻓﺔ ﻭﺩﻣﻮﻋﻬﺎ ﻋﻠﻰ ﺧﺪﻫﺎ ..
ﻧﻔﺲ ﺍﻟﺪﻣﻮﻉ ﺍﻟﻲ ﻛﺎﻧﺖ ﻋﻠﻰ ﺧﺪ ﺭﺿﺎﺀ ﻭﻫﻲ ﺗﺘﻔﺤﺺ ﻏﺮﻓﺘﻬﺎ ﻭﺍﺑﻨﻬﺎ ﺍﻟﻲ ﺭﺍﺡ ﻳﻼﻗﻲ ﻧﻔﺲ ﻣﺼﻴﺮﻫﺎ ..
............................................. .
ﻣﺴﺤﺖ ﺩﻣﻮﻋﻬﺎ ﻭﮔﺎﻣﺖ ﺑﻌﺪ ﻣﺎﻏﻄﺘﻪ ..
ﻃﻠﻌﺖ ﻟﮕﺖ ﻋﻤﺘﻬﺎ ﺣﻤﺪﻳﺔ ﮔﺎﻋﺪﺓ ﺗﻄﺮ ﻣﺎﺵ ﻉ ﺍﻟﮕﻮﻧﻴﺔ ..ﺍﺗﻨﻬﺪﺕ ﺑﺤﺴﺮﺓ ﻗﻮﻳﺔ ..
ﺍﻱ ﻳﺮﺿﺎﺀ ﻣﺎﺗﮕﻠﻴﻠﻲ ﺷﻮﻛﺖ ﺗﻨﺸﻒ ﻫﺎﻟﺪﻣﻮﻉ ..
- ﺍﻧﺘﻲ ﮔﻮﻟﻴﻠﻲ ﻋﻤﺔ .. ﺷﻮﻛﺖ ﺗﻨﺸﻒ ﺩﻣﻮﻋﺞ ﺑﺎﻻﻭﻝ ..
- ﺍﻧﻲ ﻻﺗﺸﻴﻠﻴﻦ ﻫﻤﻲ .. ﺗﻌﻮﺩﺕ ﻭﺍﺧﺬﻧﻲ ﺍﻟﻌﻤﺮ ﻋﺸﺖ ﻃﻮﻝ ﻋﻤﺮﻱ ﺧﺪﺍﻣﺔ ﻟﻠﺠﻨﺎﻧﻴﻦ ﻭﻣﺤﺪ ﺭﺍﺿﻴﺔ ﻋﻠﻴﻪ ..
ﺍﻟﻠﻪ ﻻﻳﻨﻄﻲ ﺍﻻﺧﺬﻩ ﻭﺣﺮﻣﻨﻲ ﻣﻨﻪ ..
ﺍﺧﺬﺕ ﺭﺿﺎﺀ ﺑﻄﻞ ﺑﺒﺴﻲ ﮔﺰﺍﺯ ﻭﮔﺎﻣﺖ ﺗﻄﺮ ﺍﻟﻤﺎﺵ ﻭﻱ ﻋﻤﺘﻬﺎ ..
- ﻋﻤﺔ ﺷﻠﻮﻥ ﺗﺤﻤﻠﺘﻲ ﺑﻼ ﺑﻴﺒﻴﺘﻲ .. ﺷﻠﻮﻥ ﻋﺸﺘﻲ ﻭﺻﺒﺮﺗﻲ ﺑﻼ ﺍﻡ ..
- ﺍﺍﺍﺍﻩ ﻳﺮﺿﻮﺓ .. ﺍﻣﻲ ﻣﺜﻞ ﺣﻈﻲ ﻭﺣﻈﺞ ﻭﺍﻟﻈﺎﻫﺮ ﻣﺎﻭﺭﺛﻨﺎ ﺑﺲ ﺳﻮﺀ ﺍﻟﺤﻆ ﻣﺜﻠﻬﺎ ..
ﻫﻲ ﻋﺎﺷﺖ ﻣﻈﻠﻮﻣﺔ ﻭﻣﺎﺗﺖ ﻣﻈﻠﻮﻣﺔ .. ﺍﺧﺬ ﺍﻟﻤﺮﺽ ﺣﻴﻠﻬﺎ ﺑﺲ ﺍﺭﺗﺎﺣﺖ ﻣﻦ ﻭﻛﺖ .. ﺻﺢ ﻣﺎﻋﺸﺖ ﻭﻳﺎﻫﺎ ﻫﻮﺍﻱ ﺑﺲ ﻟﺴﺎ ﺍﺗﺬﻛﺮ ﺳﻮﺍﻟﻔﻬﺎ ﻭﺣﻨﺎﻧﻬﺎ ﻋﻠﻴﻪ .. ﻭﻏﻴﺮﺓ ﺍﺧﻮﺍﻧﻲ ﻣﻨﻲ ﻻﻥ ﺗﺪﺩﻟﻨﻲ .. ﺍﺧﺮ ﺍﻟﻌﻨﻘﻮﺩ ﻭﺍﻟﺒﻨﻴﺔ ﺍﻟﻮﺣﻴﺪﺓ ﻋﻨﺪﻫﺎ ﺑﻌﺪ ﻣﺎﺍﺑﻮﺝ ﺻﺎﺭ ﺑﺎﻟﻤﺘﻮﺳﻄﺔ ﻳﺎﻟﻠﻪ ﺍﺟﻴﺖ ﻟﻠﺪﻧﻴﺎ ..
ﺣﺘﻰ ﺍﺑﻮﻱ ﻓﺮﺣﺎﻥ ﺑﻴﻪ .. ﻭﻟﻮ ﻣﺎﻫﻮ ﻳﻌﻮﺿﻨﻲ ﺣﻨﺎﻧﻬﺎ ﺟﺎﻥ ﻣﺘﺖ ﻭﺭﺍﻫﺎ ..
- ﺟﺪﻱ ﺣﻨﻴﻦ .. ﺑﺲ ﻟﻴﺶ ﻣﺎﻃﻠﻌﻮﺍ ﻋﻤﺎﻣﻲ ﻋﻠﻴﻪ ..
- ﺣﺘﻰ ﺍﺑﻮﺝ ﺣﻨﻴﻦ ﺍﻟﻠﻪ ﻳﺮﺣﻤﻪ ..
ﻧﺰﻟﺖ ﺩﻣﻮﻉ ﺭﺿﺎﺀ ﻭﺍﺧﺘﻨﮕﺖ ﺑﻌﺒﺮﺗﻬﺎ .. ﺟﺎﻧﺖ ﺗﺤﻤﻞ ﻧﻔﺴﻬﺎ ﺳﺒﺐ ﻣﻮﺗﻪ ﻭﺗﻠﻮﻡ ﺑﺮﻭﺣﻬﺎ ..
- ﺑﺲ ﺍﻣﻲ ﻣﻮ ﺣﻨﻴﻨﺔ .. ﻟﺴﺎ ﺍﺗﺬﻛﺮ ﺷﻠﻮﻥ ﺷﺮﺩﺕ ﻭﻋﺎﻓﺘﻨﻲ ﻭﺍﺑﻮﻱ ﺷﻠﻮﻥ ﺗﻌﺬﺏ ﻭﺗﻤﺮﺽ ﻭﺭﺍﻫﺎ .. ﻭﺗﺎﻟﻲ ﺍﻧﻲ ﺯﻭﺩﺗﻬﺎ ﻋﻠﻴﻪ ﻭﻣﻮﺗﺔ ..
ﺭﺩﺕ ﺣﻤﺪﻳﺔ .. ﻻﺗﮕﻮﻟﻴﻦ ﻫﻴﺞ ﺍﻣﺞ ﻭﺍﺑﻮﺝ ﺍﺛﻨﻴﻨﻬﻢ ﺗﺄﺫﻭﺍ
ﺑﻌﺪﻫﺎ ﻫﻤﺴﺖ ﺑﺼﻮﺕ ﻧﺎﺻﻲ ﻭﻫﻲ ﺧﺎﻳﻔﺔ ﻻﻳﺴﻤﻌﻬﺎ ﺍﺣﺪ ..
ﻗﺒﻞ ﺟﺎﻥ ﻳﮕﻮﻟﻮﻥ ﺍﻟﺤﻴﻄﺎﻥ ﺍﻟﻬﺎ ﺍﺫﺍﻥ ..
- ﻟﻮ ﻣﺎﺫﺍﻙ ﺍﻟﺮﺍﺱ ﺍﻟﺠﺒﻴﺮ ﺍﻟﻠﻪ ﻳﺎﺧﺬﻩ ﻣﺎﺟﺎﻥ ﺍﻣﺞ ﻣﺎﻧﻌﺮﻑ ﺷﻲ ﻋﻨﻬﺎ ﻫﺴﺎ ﻭﻻ ﺻﺎﺭ ﺍﻟﻲ ﺻﺎﺭ ..
ﻃﻠﻌﺖ ﻣﺮﺕ ﻋﻤﻬﺎ ﺻﺎﻟﺢ ﻣﻦ ﻏﺮﻓﺘﻬﺎ ..
ﺟﺎﻥ ﺑﻴﺘﻬﻢ ﻣﺜﻞ ﺍﻟﺤﻮﺵ .. ﺑﺄﻃﺮﺍﻑ ﺍﻟﻤﺪﻳﻨﺔ .. ﺳﺎﺣﺔ ﺟﺒﻴﺮﺓ ﺑﺎﻟﻮﺳﻂ ﻭﺩﺍﻳﺮ ﻣﺪﺍﻳﺮﺓ ﺍﻟﻐﺮﻑ ﻭﺍﻟﻤﻄﺒﺦ ﻭﺍﻻﺳﺘﻘﺒﺎﻝ ﻭﺍﻟﺼﺤﻴﺎﺕ ..
ﻭﺍﻟﺒﺎﺏ ﺍﻟﺨﺎﺭﺟﻲ ﺧﺸﺒﻲ ﻋﺮﻳﺾ ﻟﻮﻧﺔ ﺍﺯﺭﻕ ..
ﺭﺿﺎﺀ ﻭﺣﻤﺪﻳﺔ ﮔﺎﻋﺪﺍﺕ ﺑﻮﺳﻂ ﺍﻟﺴﺎﺣﺔ ﻭﻳﻄﺮﻥ ﻣﺎﺵ ﻟﻤﺎ ﻃﻠﻌﺖ ﻟﻤﻴﻌﺔ ﻣﺮﺕ ﺻﺎﻟﺢ ﺍﻟﻌﻢ ﺍﻻﻛﺒﺮ ﺍﻟﺮﺿﺎﺀ ..
ﺧﻠﺖ ﺍﻳﺪﻫﺎ ﻋﻠﻰ ﺧﺼﺮﻫﺎ ﻭﻟﻮ ﻫﻲ ﻣﺎﻋﻨﺪﻫﺎ ﺧﺼﺮ ﻻﻥ ﺳﻤﻴﻨﺔ ﻭﻣﻌﺎﻟﻢ ﺟﺴﻤﻬﺎ ﺿﺎﻳﻌﺔ ﻭﺧﺎﺻﺔ ﻣﻦ ﺗﺨﺰﺭ ﺑﻌﻴﻨﻬﺎ ﺗﺼﻴﺮ ﻣﺜﻞ ﺍﻟﻐﻮﺭﻳﻼ ..
ﺟﺎﻧﺖ ﺭﺿﺎﺀ ﺗﻀﺤﻚ ﻛﻠﻤﺎ ﺗﺘﺬﻛﺮ ﺍﺑﻨﻬﺎ ﺣﻜﻤﺖ ﻭﻫﻮ ﻳﮕﻮﻝ ﺑﻴﺒﻲ ﻟﻤﻴﻌﺔ ﺗﺸﺒﻪ ﺍﻟﻐﻮﺭﻳﻼ ..
ﻭﺭﺿﺎﺀ ﻣﺎﺗﻘﺒﻞ ﻭﺗﻮﺻﻲ ﻣﺎﻳﺤﺠﻲ ﻫﺎﻟﻜﻠﻤﺔ ﻋﻴﺐ ﻭﺗﺎﻟﻲ ﻳﮕﻮﻟﻮﻥ ﺍﻣﺔ ﻣﻤﺮﺑﻴﺘﺔ ..
ﺑﻌﺪ ﻣﺎﺧﻠﺖ ﻟﻤﻴﻌﺔ ﺍﻳﺪﻫﺎ ﻋﻠﻰ ﺧﺼﺮﻫﺎ .. ﺻﺎﺣﺖ
ﻫﻦ ﻣﺎﺷﺎﺕ ﺍﺛﻨﻴﻨﺠﻦ ﺗﻄﺮﻥ ﺑﻴﻬﻦ ..
ﮔﻮﻣﻲ ﺭﺿﻮﺓ ﻟﻠﻤﻄﺒﺦ ﺭﻛﺒﻲ ﺍﻟﻌﺸﺎ ﻫﻢ ﻳﺎﻟﻠﻪ ..
ﺣﻤﺪﻳﺔ ﺻﺎﺣﺖ .. ﺍﮔﻌﺪﻱ ﺭﺿﻮﺓ ﻛﻤﻠﻲ ﺍﻟﻤﺎﺷﺎﺕ ﻭﺍﻧﻲ ﺍﮔﻮﻡ ﺍﺭﻛﺐ .. ﻭﺍﻧﺘﻲ ﻟﻤﻴﻌﺔ ﮔﻮﻣﻲ ﺟﻨﺘﺞ ﺍﻟﺜﺎﻧﻴﺔ ﻣﻮ ﺑﺲ ﮔﺪﺭﺗﺞ ﻋﻠﻰ ﺭﺿﺎﺀ .. ﻟﻮ ﺫﻳﺞ ﻻﻥ ﺑﻨﺖ ﺍﺧﻮﺝ ﻭﺣﺎﻣﻞ ..
- ﺣﻤﺪﻳﺔ ﻻﺗﺘﺪﺧﻠﻴﻦ ﺑﻴﻦ ﺟﻨﺎﻳﻨﻲ ﺍﻧﻲ ﻣﻘﺴﻤﺘﻠﻬﻦ ﺍﻟﺸﻐﻞ ﻻﺗﺰﻳﺤﻴﻦ ﺍﻟﺒﻨﺖ ﺍﺧﻮﺝ ..
ﺑﺘﻮﻝ ﺣﺎﻣﻞ ﻭﺣﻤﻠﻬﺎ ﺛﮕﻴﻞ .. ﻭﻓﻮﮔﺎﻫﺎ ﻣﻜﺴﻮﺭﺓ ﺍﻟﺨﺎﻃﺮ ﻭﺑﻴﺘﻬﺎ ﻧﻬﺠﻢ ﺑﺴﺒﺐ ﺭﺿﻮﺓ ﺍﻟﻌﺎﻳﺒﺔ ..
ﺣﻤﺪﻳﺔ ﺷﻤﺮﺕ ﺍﻟﺒﻄﻞ ﻣﻦ ﺍﻳﺪﻫﺎ ..
- ﻟﻤﻴﻌﺔ ﺍﺑﻮﻱ ﺷﮕﺎﻝ .. ﻣﻮ ﻛﺎﻓﻲ ﺑﻨﺎﺗﺞ ﻣﺴﺘﻠﻤﺎﺗﻬﺎ ﺍﻟﻌﺎﺭ ﻭﺍﻟﺤﺠﻲ ﻭﻛﻠﺠﻦ ﺗﺪﺭﻥ ﻫﻲ ﻣﺎﻏﻠﻄﺖ ﻭﺟﺎﻧﺖ ﻃﻔﻠﺔ ﻭﻣﺎﺗﻌﺮﻑ ..
- ﻃﺒﻌﺎ ﻣﺎﺗﻌﺮﻑ ﻟﻮ ﺍﻣﻬﺎ ﻣﺎﺷﺮﺩﺕ ﻭﻋﺎﻓﺘﻬﺎ ﺟﺎﻥ ﺭﺑﺘﻬﺎ ..
- ﻟﻤﻴﻴﻴﻴﻌﺔ ﺍﺗﻘﻲ ﺍﻟﻠﻪ ﻋﻨﺪﺝ ﺑﻨﺎﺕ ﺍﺛﻨﻴﻦ ﺑﻌﻤﺮﻫﺎ ﻭﺍﻛﺒﺮ ﻣﻨﻬﺎ ﻛﺎﺍﺍﺍﻓﻲ .ﻃﻠﻌﺖ ﺑﺘﻮﻝ ﻣﻦ ﺍﻟﻐﺮﻓﺔ ﻭﺑﻄﻨﻬﺎ ﻣﺘﺮ ﻟﮕﺪﺍﻡ ﻭﺗﺘﻤﺎﻭﻉ ﻭﻛﻞ ﻇﻨﻬﺎ ﻫﺎﻟﻤﺮﺓ ﻫﻢ ﻭﻟﺪ ﺑﻴﻬﺎ ﻻﻥ ﻋﻨﺪﻫﺎ ﺍﺛﻨﻴﻦ ﻭﻟﺪ ﻭﺍﺣﺪ ﺑﻌﻤﺮ ﺣﻜﻤﺖ ﻭﺛﺎﻧﻲ ﺍﻛﺒﺮ ﻣﻨﻪ .. ﻭﻫﺬﺍ ﺍﻟﻄﻔﻞ ﺍﻟﺜﺎﻟﺚ ..
ﺿﺤﻜﺖ ﺣﻤﺪﻳﺔ .. ﻫﺎﺍﺍ ﻳﺒﺘﻮﻝ ﺗﻌﻮﺩﻧﺎ ﻋﻠﻴﺞ ﻛﻞ ﻣﺎﺗﺤﺒﻠﻴﻦ ﺗﺘﻤﺎﻭﻋﻴﻦ ﺟﻨﺞ ﻣﺼﺪﮔﺔ ﻫﺎﻟﻤﺮﺓ ﻭﻟﺪ ..
ﺿﺎﺟﺖ ﺑﺘﻮﻝ .. ﺑﺮﺩ ﺷﺮﺝ ﻋﻤﺔ ﺑﻴﺶ ﻣﻔﺎﻭﻟﺘﻠﻲ .. ﺍﻥ ﺷﺎﺀ ﺍﻟﻠﻪ ﻫﺎﻟﻤﺮﺓ ﻫﻢ ﻭﻟﺪ ..
ﻻﻥ ﻣﻬﻴﺪﻱ ﻳﺤﺐ ﺧﻠﻔﺔ ﻭﻟﺪ ﻭﺧﺎﺻﺔ ﻣﻨﻲ ..
ﺗﺤﺠﻲ ﻭﻋﻴﻨﻬﺎ ﻋﻠﻰ ﺭﺿﺎﺀ ..
ﺭﺩﺗﻬﺎ ﺣﻤﺪﻳﺔ - ﺍﻧﻲ ﻣﺎﺍﻓﺎﻭﻝ ﻫﺬﺍ ﺭﺯﻕ ﺍﻟﻠﻪ ﮔﻮﻟﻲ ﺍﻫﻢ ﺷﻲ ﺗﻤﺎﻡ ﺍﻟﺨﻠﻘﺔ ﻻﺗﺘﺒﻄﺮﻳﻦ .. ﻭﻛﺎﻓﻲ ﺗﻘﺮﺃﻳﻦ ﺑﺮﺍﺱ ﻣﻬﺪﻱ ﻭﺗﺸﻴﺸﻴﻪ ﻋﻠﻰ ﻣﺮﺗﺔ ..
- ﻣﻨﻴﻦ ﺍﺟﺖ ﻣﺮﺗﺔ .. ﻧﺴﻴﺘﻲ ﺟﺪﻱ ﺷﻠﻮﻥ ﺟﺒﺮﻩ ﻋﻠﻴﻬﺎ ﻭﻫﻮ ﻣﺎﻳﻄﻴﻘﻬﺎ .. ﺟﻴﻒ ﺍﻟﻮﻟﺪ ﻣﺎﻧﻌﺮﻑ ﺍﺫﺍ ﺍﻟﺤﺴﻦ ﻟﻮ ﻻ ..
- ﻭﻟﺞ ﺑﺘﻮﻝ ﺍﻧﻠﺼﻤﻲ ﻻﺗﺨﻠﻴﻨﻲ ﺍﻧﺴﻰ ﺍﻧﺘﻲ ﺣﺎﻣﻞ ﻭﺍﮔﻮﻡ ﺍﻣﻠﺨﺞ ..
ﺑﺎﻭﻋﺖ ﺍﻟﻌﻤﺘﻬﺎ .. ﻋﻤﺔ ﻣﺎﺗﺤﺠﻴﻦ ﺍﻧﻲ ﻣﻜﺘﻮﺏ ﺍﻟﻲ ﺍﻋﻴﺶ ﻋﻤﺮﻱ ﻫﻴﺞ .. ﻣﻮ ﻭﻋﺪﺗﻴﻨﻲ ﺑﺲ ﺳﻨﺔ ﻭﺗﻄﻠﮕﻮﻫﺎ ﺷﻮ ﺍﺑﻨﻬﺎ ﺻﺎﺭ ﺳﺖ ﺳﻨﻮﺍﺕ ﻭﻫﻲ ﻣﺎﺧﻠﺼﻨﺎ ﻣﻨﻬﺎ ..
ﺭﺿﺎﺀ ﺷﻤﺮﺕ ﺍﻟﺒﻄﻞ ﻣﻦ ﺍﻳﺪﻫﺎ ﻭﮔﺎﻣﺖ ..
ﺍﺭﻭﺡ ﺍﮔﻌﺪ ﺣﻜﻤﺖ ﻻﻳﺼﻴﺮ ﺍﻟﻤﻐﺮﺏ ﻣﺎﻳﺼﻠﺢ ..
ﺻﺎﺣﺖ ﻟﻤﻴﻌﺔ ﻭﺭﺍﻫﺎ .. ﻭﺍﻟﻌﺸﺎ ﻳﺎﻣﮕﻤﻮﻋﺔ ﻣﻨﻮ ﻳﺮﻛﺒﻪ .
ﺟﺮﺗﻬﺎ ﺣﻤﺪﻳﺔ .. ﻭﻟﺞ ﻟﻤﻴﻌﺔ ﻃﻠﻌﺘﻲ ﺍﻧﺘﻲ ﺍﻟﺘﻘﺮﺃﻳﻦ ﺑﺮﺍﺱ ﻣﻬﻴﺪﻱ ﻳﻄﻠﮓ ﺭﺿﻮﺓ ..
- ﺍﮔﻠﺞ ﺣﻤﺪﻳﺔ ﺷﻮ ﺍﻧﺘﻲ ﻣﻦ ﺍﺗﺮﻣﻠﺘﻲ ﺗﺨﺒﻠﺘﻲ ﻋﻠﻴﻨﺎ .. ﻣﺤﺪ ﻃﻠﻊ ﻋﻴﻨﻬﺎ ﻏﻴﺮﺝ ﺍﻧﺘﻲ ﻭﻋﻤﻲ .. ﻭﺑﻌﺪﻳﻦ ﺫﻳﺞ ﻣﺮﺕ ﻫﺎﺩﻱ ﺷﻮ ﻣﺪﻟﻠﺔ ﻣﺎﺗﺤﺠﻴﻦ ﻋﻠﻴﻬﺎ ..
ﺗﻌﺼﺒﺖ ﺣﻤﺪﻳﺔ .. ﻭﻟﺞ ﻛﻢ ﻣﺮﺓ ﮔﻠﺘﻠﺞ ﻻﺗﻜﻮﻟﻴﻦ ﺗﺮﻣﻠﺖ ﺳﻌﺪ ﻣﺎﻣﺎﺕ ﻓﻬﻤﺘﻲ ﻋﻨﺪﻱ ﺍﺣﺴﺎﺱ ﻋﺎﻳﺶ ..
ﻭﺑﻌﺪﻳﻦ ﺍﻧﺘﻲ ﺷﻨﻲ ﺣﺘﻰ ﻣﺮﺕ ﻫﺎﺩﻱ ﻣﺎﺧﻠﺼﺖ ﻣﻨﺞ .. ﺧﻠﻴﻬﺎ ﺑﻬﻤﻬﺎ ﻣﺎﺗﺸﻮﻓﻴﻬﺎ ﻣﺎﺑﻘﻰ ﻋﻘﻞ ﻋﻨﺪﻫﺎ ﺑﻌﺪ ﻣﻮﺕ ﺣﺴﻦ ﺳﻮﺩﺓ ﻋﻠﻴﻪ .. ﺣﺘﻰ ﻭﻟﺪﻫﺎ ﻣﺎﺗﺪﺭﻱ ﺑﻴﻬﻢ ..
ﻛﺎﻓﻲ ﺳﻮﺍﻟﻔﺞ ﻫﺎﻱ ..
ﺻﻴﺤﻲ ﺑﻨﺎﺗﺞ ﻳﮕﻮﻣﻦ ﻭﻳﺎﻱ ﻟﻠﻤﻄﺒﺦ ﻭﻋﻮﻓﻲ ﺭﺿﻮﺓ ﺍﻟﻴﻮﻡ ﺗﻌﺒﺖ ﻏﺴﻠﺖ ﺍﻟﺤﻮﺵ ﻛﻠﺔ ﻭﺍﻟﻔﺮﺍﺷﺎﺕ ..
ﻫﺰﺕ ﺍﻳﺪﻫﺎ ﻟﻤﻴﻌﺔ .. ﻭﺍﻟﻠﻪ ﻭﻋﻨﺪﺝ ﺍﻣﻞ ﺻﺎﺭﻟﻪ ﻛﻢ ﺳﻨﺔ ﻭﻳﻨﺔ ﻣﺎﺭﺟﻊ ﻟﻮ ﻋﺎﻳﺶ .. ﺟﺎﻥ ﻳﺨﻠﺼﻨﺎ ﻣﻦ ﺍﻟﺴﺎﻧﺞ ..
ﺻﺎﺣﺖ ﺣﻤﺪﻳﺔ ﻣﻦ ﺍﻟﻤﻄﺒﺦ .. ﻟﻤﻴﻴﻴﻴﻌﺔ ﺍﺗﻘﻲ ﺍﻟﻠﻪ ﻭﺍﺳﻜﺘﻲ .. ﻻﻋﺒﺎﻟﺞ ﻋﺎﺟﺒﻨﻲ ﻣﮕﺎﺑﻠﺔ ﻭﺟﻬﺞ ..
ﻭﺩﺍﺩ .. ﺳﺪﺍﺩ ﻭﻳﻨﺞ ﺗﻌﺎﻟﻦ ﺳﺎﻋﺪﻧﻲ ﺭﺍﺡ ﻳﺠﻲ ﺟﺪﺟﻦ ..
......................................................
ﺭﺿﺎﺀ ..
ﺩﺧﻠﺖ ﺷﻔﺖ ﺣﻜﻤﺖ ﻧﺎﻳﻢ .. ﺗﻘﺮﺑﺖ ﺑﺴﺘﺔ ﻣﻦ ﺭﺍﺳﻪ ﻭﮔﻌﺪﺕ ﻳﻤﺔ .. ﻣﺎﻫﺎﻥ ﻋﻠﻴﻪ ﺍﮔﻌﺪﺓ ..
ﺗﺬﻛﺮﺕ ﺍﻣﻲ ﮔﻠﺒﻲ ﻣﻮﺟﺮ ﻣﻨﻬﺎ ﻭﺻﺎﻳﺮ ﻧﺎﺭ .. ﺣﺮﻣﺘﻨﻲ ﻣﻨﻬﺎ ﻭﻣﻦ ﺍﺧﻮﻱ .. ﺟﺎﻧﻮ ﻣﻘﺮﺭﻳﻦ ﻳﺴﻤﻮﻩ ﻋﻄﺎﺀ ﻣﺎﺍﺩﺭﻱ ﺍﺫﺍ ﺑﻘﺖ ﻋﻠﻰ ﻧﻔﺲ ﺍﻻﺳﻢ ﺍﻭ ﻻ .. ﻳﻤﻜﻦ ﻫﻮ ﺑﺎﻟﻤﺪﺭﺳﺔ ﻫﺴﺎ ..
ﻣﻌﻘﻮﻟﺔ ﺗﺘﺬﻛﺮﻧﻲ ﻭﺗﺸﺘﺎﻗﻠﻲ ﻟﻮ ﻧﺴﺘﻨﻲ ﻭﻋﺎﺷﺖ ﺣﻴﺎﺗﻬﺎ ..
ﺳﻮﺩﺓ ﻋﻠﻴﻪ ﺑﻮﻳﺔ ﻣﺎﺍﺭﺗﺎﺣﻴﺖ ﺍﺑﺪ ﻣﻦ ﺫﻳﺞ ﺍﻟﻠﻴﻠﺔ ..
ﻟﺴﺎ ﺍﺗﺬﻛﺮﻫﺎ ﻣﻦ ﮔﻌﺪﺗﻨﻲ ﺑﺎﻟﻠﻴﻞ ﻭﻣﺤﻀﺮﺓ ﺟﻨﻄﻨﺎ ..
ﻭﻫﻲ ﺗﻬﻤﺲ .. ﮔﻮﻣﻲ ﺭﺿﻮﺓ ﺭﺍﺡ ﻧﺮﻭﺡ ..
ﻓﺮﻛﺖ ﻋﻴﻨﻲ ﻭﺟﺎﻥ ﻋﻤﺮﻱ 12 ﺳﻨﺔ .. ﻭﻳﻦ ﻧﺮﻭﺡ ..
ﺳﺪﺕ ﺣﻠﮕﻲ ﺑﻴﺪﻫﺎ ..
ﻭﺳﺤﺒﺘﻨﻲ ﺣﺘﻰ ﻣﻦ ﻏﻴﺮ ﻣﺎﺗﺒﺪﻟﻲ ﺑﺪﺷﺪﺍﺷﺘﻲ ..
ﻭﻃﻠﻌﺘﻨﺎ ﻣﻦ ﺍﻟﻐﺮﻓﺔ ﺧﺎﻳﻔﺔ ﻭﺩﻣﻮﻋﻬﺎ ﻋﻠﻰ ﺧﺪﻫﺎ .. ﺑﻌﺪ ﻣﺎﺍﺑﻮﻱ ﮔﺎﻟﻠﻬﺎ ﻣﺎﺗﺮﺣﻴﻦ ﻭﻱ ﺍﻫﻠﺞ ﻭﺍﺫﺍ ﺭﺣﺘﻲ ﻣﺎﺍﻧﻄﻴﺞ ﺑﻨﺘﻲ .. ﻭﺗﺠﻴﺒﻴﻦ ﻭﺗﻨﻄﻴﻨﻲ ﺍﺑﻨﻲ ﻳﻠﺔ .ﻭﻱ ﻃﻠﻌﺘﻨﺎ ﻣﻦ ﺍﻟﻐﺮﻓﺔ ﻭﺑﻨﺺ ﺍﻟﺤﻮﺵ .. ﻃﻠﻌﺖ ﻋﻤﺔ ﻟﻤﻴﻌﺔ ﻭﺷﺎﻓﺘﻨﺎ .. ﮔﺎﻣﺖ ﺗﺼﻴﺢ ﺑﺎﻟﺤﻮﺵ ..
ﻣﺎﻫﻴﻦ ﺗﺮﻳﺪ ﺗﺸﺮﺩ .. ﻣﺎﻫﻴﻦ ﺭﺍﺣﺖ ﺗﺸﺮﺩ ..
ﺟﻨﺖ ﻻﺯﻣﺔ ﺍﻳﺪ ﺍﻣﻲ ﺑﻘﻮﺓ ﻣﻦ ﺍﻟﺨﻮﻑ .. ﻭﻋﻴﻨﻲ ﻋﻠﻴﻬﺎ ﻭﻫﻲ ﻻﺯﻣﺔ ﻏﺮﺍﺿﻨﺎ ﺑﺎﻻﻳﺪ ﺍﻟﺜﺎﻧﻴﺔ ..
ﺳﺤﺒﺖ ﺍﻳﺪﻫﺎ ﻣﻨﻲ ﺑﺴﺮﻋﻪ ﻭﺭﻛﻀﺖ ﻋﻠﻰ ﺑﺎﺏ ﺍﻟﺤﻮﺵ ﻓﺘﺤﺖ ﺍﻟﺴﺮﻗﻲ ﻭﻃﻠﻌﺖ ..
ﻋﻴﻮﻧﻲ ﺗﻌﺎﻳﻦ ﻋﻠﻴﻬﺎ ﻭﺭﻭﺣﻲ ﺗﺮﻛﺾ ﻭﺭﺍﻫﺎ .. ﺑﻘﻴﺖ ﺍﺑﺠﻲ ﻭﺍﺻﻴﺢ ﻭﺭﺍﻫﺎ ..
ﺭﻛﻀﺖ ﺑﻠﻜﻲ ﺍﻟﺤﮓ ﺑﻴﻬﺎ ﺑﺲ ﺻﻌﺪﺕ ﺑﺴﻴﺎﺭﺓ ﻭﺟﺎﻥ ﺧﺎﻟﻲ ﻭﻳﺎﻫﺎ ..
ﻃﻠﻌﻮﺍ ﺍﻫﻠﻲ ﻭﺍﺑﻮﻱ ﻛﻠﻬﻢ ﻣﺎﻟﺤﮕﻮﺍ ﺑﻴﻬﺎ ..
ﺑﻴﻮﻣﻬﺎ ﺑﻘﻴﺖ ﺑﺎﻟﺒﺎﺏ ﻭﺍﺑﺠﻲ ﻣﺎﻗﺒﻠﺖ ﺍﺩﺧﻞ .. ﮔﻠﺖ ﺑﻠﻜﻲ ﺗﺮﺟﻊ ﺍﻟﻴﻪ ﻭﺗﺎﺧﺬﻧﻲ .. ﺍﻣﻲ ﺗﺤﺒﻨﻲ ﻭﻣﺎﺗﻌﻮﻓﻨﻲ ﻫﻨﺎ ﻭﺣﺪﺓ
ﺍﺑﻮﻱ ﺍﻧﻬﺎﺭ ﻭﺣﻠﻒ ﻳﻠﮕﻴﻬﺎ ﻭﻳﻦ ﻣﺎﺟﺎﻥ ﻭﻳﺠﺮﺟﺮﻫﺎ ﻟﻬﻨﺎ ..
ﺍﻟﺒﻴﺖ ﺍﻧﻬﺎﺭ ﺑﻴﻮﻣﻬﺎ .. ﻋﻤﻲ ﺻﺎﻟﺢ ﻭﻋﻤﻲ ﻫﺎﺩﻱ ﻳﻠﻮﻣﻮﻥ ﺑﺄﺑﻮﻱ ﻭﻳﺤﺠﻮﻥ ﻋﻠﻴﻪ ..
ﻭﺟﺪﻱ ﺳﻜﺘﻬﻢ ﺑﺼﻮﺕ ﻭﺍﺣﺪ ..
- ﻛﺎﻓﻲ ﻣﺎﺍﺭﻳﺪ ﺍﺳﻤﻊ ﺻﻮﺕ .. ﻣﺎﺍﺭﻳﺪ ﺍﻟﻌﺎﻟﻢ ﺗﺪﺭﻱ ﺷﺮﺩﺕ ﺍﻟﻲ ﻳﺴﺄﻝ ﮔﻮﻟﻮﺍ ﻃﻠﮕﻬﺎ ﻣﺤﻤﺪ ﻭﺗﺴﻔﺮﺕ ﻭﻱ ﺍﻫﻠﻬﺎ ..
ﻣﺎﺍﺭﻳﺪ ﺍﺳﻢ ﻣﺎﻫﻴﻦ ﻳﻨﺬﻛﺮ ﺑﻌﺪ ﺑﺎﻟﺒﻴﺖ ..
ﺍﺑﻮﻱ ﺭﺩ ﺑﺤﺴﺮﺓ .. ﻭﺍﺑﻨﻲ ﺍﻟﻲ ﺑﺒﻄﻨﻬﺎ ﻳﺎﺑﺔ ..
- ﺍﺑﻨﻚ ﺍﻧﺴﺎﻩ ﻣﺎﺩﺍﻣﻪ ﺭﺍﺡ ﻳﺮﺑﻰ ﻋﻨﺪﻫﺎ ﺑﺪﻳﺮﺓ ﺍﻟﻔﺮﺱ ﺍﺻﻼ ﺑﻌﺪ ﻣﺎﺍﻟﻚ ﺣﻖ ﺑﻲ ﺑﻌﺪ ..
- ﺗﺤﺠﻲ ﺻﺪﮒ ﺑﻮﻳﺔ .. ﺷﻠﻮﻥ ﺗﻘﺒﻠﻬﺎ ﻋﻠﻴﻨﺎ .. ﻣﺮﺗﻲ ﻭﺍﺑﻨﻲ ﺑﺒﻄﻨﻬﺎ ﻳﺘﺴﻔﺮﻭﻥ ﻭﺍﻧﻲ ﻣﺠﺘﻒ ﺍﻳﺪﻱ ﻭﮔﺎﻋﺪ ..
ﻃﺒﻄﺐ ﻋﻠﻰ ﻇﻬﺮﻩ .. ﺗﻨﺴﻰ ﻣﺼﻴﺮﻙ ﺗﻨﺴﻰ .. ﻓﻜﺮ ﺑﺒﻨﺘﻚ ﺑﻘﺖ ﻭﺣﻴﺪﺓ ﻭﻣﺎﺍﻟﻬﺎ ﺍﺣﺪ ..
ﻋﻴﻮﻧﻲ ﺗﺼﺐ ﺟﻤﺮ ﻭﻣﺤﺪ ﺍﺟﺔ ﻭﺍﺳﺎﻧﻲ ﻛﻠﻬﺎ ﺗﻌﺎﻳﻦ ﻋﻠﻴﻪ ﺑﻨﻈﺮﺓ ﻣﺎﺗﺘﻔﺴﺮ .. ﻭﻋﺒﺎﻟﻚ ﻣﻨﺒﻮﺫﺓ ..
ﺍﺗﻘﺮﺏ ﻣﻨﻲ ﺣﺴﻦ ﻭﻣﺴﺢ ﺩﻣﻮﻋﻲ .. ﻻﺗﺒﺠﻴﻦ ﺭﺿﻮﺓ ﺍﺣﻨﺔ ﻛﻠﻨﺎ ﻳﻤﺞ ..
ﺧﻠﻴﺖ ﺭﺍﺳﻲ ﺑﺤﻀﻨﺔ ﻭﺑﺠﻴﺖ .. ﺣﺴﻦ ﺍﺑﻦ ﻋﻤﻲ ﻫﺎﺩﻱ ﺍﻛﺒﺮ ﻣﻨﻲ ﺑﺴﺖ ﺳﻨﻮﺍﺕ ﺑﺲ ﺟﺎﻥ ﺣﺒﺎﺏ ﻭﻃﻴﺐ ﻣﻮ ﻣﺜﻞ ﻣﻬﺪﻱ ﺍﺑﻦ ﻋﻤﻲ ﺻﺎﻟﺢ ﺩﻭﻡ ﻳﻜﺘﻠﻨﻲ ﻭﻳﻌﺎﺭﻛﻨﻲ ..
ﻣﻦ ﻳﻮﻣﻬﺎ ﻭﺍﻧﻲ ﺻﺮﺕ ﺍﺩﻭﺭ ﺣﻀﻦ ﻳﺪﻓﻴﻨﻲ ﻣﺜﻞ ﺣﻀﻦ ﺍﻣﻲ ﻣﺎﻛﻮ ﺣﺘﻰ ﻋﻤﺘﻲ ﺣﻤﺪﻳﺔ ﻣﺎﻫﻲ ﻣﺘﺰﻭﺟﺔ ﺑﻐﻴﺮ ﻧﺎﺣﻴﺔ ﻭﻣﺎﺗﺠﻴﻨﺎ ﻫﻮﺍﻱ ..
ﺍﺑﻮﻱ ﺍﺑﺘﻌﺪ ﻋﻨﻲ .. ﻭﻛﻠﻤﺎ ﻳﺸﻮﻓﻨﻲ ﻳﮕﻠﻲ ﺗﺬﻛﺮﻳﻨﻲ ﺑﺄﻣﺞ ﺍﻟﻐﺪﺭﺕ ﺑﻴﻬﺎ .. ﻳﻤﻜﻦ ﻻﻥ ﺍﺷﺒﻬﻬﺎ ﺣﻴﻞ ..
ﺑﻘﻰ ﺧﻄﻴﺔ ﻳﺪﻭﺭ ﻋﻠﻴﻬﺎ ﺑﺴﻜﺘﺔ ﻣﺎﻳﺮﻳﺪ ﺍﺣﺲ ﻳﺪﺭﻱ ﺑﻲ ﺧﺎﻑ ﻳﺎﺧﺬﻭﻩ ..
ﻻﻥ ﺻﺎﺭﺕ ﺍﻋﺘﻘﺎﻻﺕ ﻟﻠﻲ ﻳﺘﺴﺘﺮ ﻋﻠﻰ ﻛﻞ ﺗﺒﻌﻲ ﻣﺜﻞ ﻣﺎﻳﺴﻤﻮﻩ ﺍﻭ ﺍﻟﻪ ﻋﻼﻗﺔ ﺑﻴﻬﻢ ..
ﻋﺸﺖ ﺣﺎﻟﺔ ﻣﻦ ﺍﻟﻔﺮﺍﻍ ﻣﺎﻋﺎﺷﻬﺎ ﻃﻔﻞ ﺑﺤﻴﺎﺗﻪ .. ﻛﻞ ﻳﻮﻡ ﻳﻤﺮ ﻋﻨﺪﻱ ﺑﺴﻨﺔ .. ﺟﺪﻱ ﺧﻀﻴﺮ ﺩﻭﻡ ﻳﺎﺧﺬﻧﻲ ﻳﻤﺔ ﻣﻦ ﻳﺠﻲ
ﻳﺤﺎﻭﻝ ﻳﺨﻔﻒ ﻋﻠﻴﻪ ﻓﺮﺍﮒ ﺍﻣﻲ ﻭﺑُﻌﺪ ﺍﺑﻮﻱ .بيج قصص عراقيه حقيقيه من واقعنا.روعه الطائي
ﻓﻀﻠﻨﻲ ﻋﻠﻰ ﻛﻞ ﺍﺣﻔﺎﺩﻩ ﻭﻫﺬﺍ ﺍﻟﺸﻲ ﺯﺭﻉ ﺍﻟﺤﻘﺪ ﺑﮕﻠﺐ ﻧﺴﻮﺍﻥ ﻋﻤﺎﻣﻲ ﻭﺻﺎﺭﻥ ﻳﺪﻭﺭﻥ ﻣﺸﺎﻛﻞ ﻭﻳﺎﻱ ﻭﻳﺴﻤﻌﻨﻲ ﺣﺠﻲ ..
ﺩﻭﻭﻭﻡ ﺍﺣﺒﺲ ﺭﻭﺣﻲ ﺑﺎﻟﻐﺮﻓﺔ ﻣﻦ ﺟﺪﻱ ﻭﻋﻤﺎﻣﻲ ﻳﺮﺣﻮﻥ ﻟﻠﮕﻴﻌﺎﻥ ﻭﺍﺑﻮﻱ ﺑﺎﻟﺸﻐﻞ ﺟﺎﻥ ﻳﺸﺘﻐﻞ ﺑﺎﻟﻜﻬﺮﺑﺎﺀ ..
ﺳﻤﻌﺖ ﺻﻮﺕ ﻋﻤﺘﻲ ﺣﻤﺪﻳﺔ ﺍﺟﺖ ﻭﻫﻲ ﺗﻮﻟﻮﻝ ﻭﺗﺒﺠﻲ ﺳﻤﻌﺖ ﻣﺘﺄﺧﺮ ﺑﺄﻣﻲ ﻭﺗﺴﻔﻴﺮﻫﺎ ﻫﻲ ﻭﺍﻫﻠﻬﺎ ..
ﻃﻠﻌﺖ ﺑﺴﺮﻋﺔ ﻭﺍﺷﻮﻑ ﻋﻤﺘﻲ ﻟﻤﻴﻌﺔ ﻭﻣﺮﺕ ﻋﻤﻲ ﻫﺎﺩﻱ ﻳﺴﻜﺘﻦ ﺑﻴﻬﺎ ﻭﻻﺯﻣﺎﺕ ﺣﻠﮕﻬﺎ ﻻﻳﺴﻤﻊ ﻭﺍﺣﺪ ﻣﻦ ﺍﻟﺠﻴﺮﺍﻥ
ﻣﺎﺍﺩﺭﻱ ﻟﻴﺶ ﺧﺎﻳﻔﻴﻦ ﻭﺟﻦ ﺍﻣﻲ ﻣﺴﻮﻳﺔ ﺷﻲ ﻣﻮ ﺯﻳﻦ ..
ﺷﺎﻓﺘﻨﻲ ﻓﺘﺤﺖ ﺍﺩﻳﻬﺎ ﺍﻟﻲ ..
ﺭﻛﻀﺖ ﻭﺷﻤﺮﺕ ﺭﻭﺣﻲ ﺑﺤﻀﻨﻬﺎ ﻭﺍﺑﺠﻲ ..
- ﻋﻤﺔ ﺍﻣﻲ ﺭﺍﺣﺖ ﻋﺎﻓﺘﻨﻲ ﻭﻣﺸﺖ ..
- ﻻﺗﺒﺠﻴﻦ ﻳﺒﻌﺪ ﻋﻤﺘﺞ ﺗﺮﺟﻊ ﺍﻟﻠﻪ ﻳﺨﻠﺼﻨﺎ ﻣﻦ ﻫﺬﺍ ﺍﻟﻈﺎﻟﻢ ﻭﺗﺮﺟﻊ ..ﺭﺟﻌﺖ ﺳﺪﺕ ﻋﻤﺘﻲ ﻟﻤﻴﻌﺔ ﺣﻠﮓ ﻋﻤﺘﻲ ﺣﻤﺪﻳﺔ .. ﻛﺎﻓﻲ ﺍﻟﻠﻪ ﻳﺎﺧﺬﺝ ﺭﺍﺡ ﺗﺒﻠﻴﻨﺎ ﻛﻠﻨﺎ ﻭﻣﺎﺗﺮﺗﺎﺣﻴﻦ ﻟﻤﻦ ﻧﻨﻌﺪﻡ ..
ﻋﻤﻲ ﺍﺫﺍ ﺳﻤﻌﺞ ﻳﻤﻮﺗﺞ ﻣﺎﻳﻘﺒﻞ ﻭﺍﺣﺪ ﻳﺠﻴﺐ ﻃﺎﺭﻳﻬﺎ ﺑﺎﻟﺒﻴﺖ ..
ﺩﻓﻌﺘﻬﺎ ﻋﻤﺘﻲ ﺣﻤﺪﻳﺔ ﺑﻴﺪﻫﺎ ﺣﻴﻞ .. ﻭﻫﻲ ﺗﻬﻤﺲ ..
ﻣﻴﻠﻲ ﻣﻨﻲ ﺍﻳﺪﺝ ﻛﻠﻬﺎ ﺛﻮﻡ ﻭﻣﺨﻠﻴﺘﻬﺎ ﻋﻠﻰ ﺧﺸﻤﻲ ﺧﻨﮕﺘﻴﻨﻲ ..
ﺍﺧﺬﺗﻨﻲ ﻭﺩﺧﻠﻨﺎ ﺍﻟﻐﺮﻓﺔ ﺍﻫﻠﻲ .. ﺷﮕﺪ ﺟﻨﺖ ﺍﺣﺒﻬﺎ ﻟﻠﻐﺮﻓﺔ ﻭﻋﻨﺪﻱ ﺫﻛﺮﻳﺎﺕ ﺑﻴﻬﺎ ﻛﺮﻫﺘﻬﺎ ﻭﺍﻧﻲ ﺍﺷﻮﻑ ﺣﻴﺎﻃﻴﻨﻬﺎ ﻇﻠﻤﺔ ﺑﻌﺪ ﺍﻣﻲ ﻣﺎﺭﺍﺣﺖ ﻭﺍﺑﻮﻱ ﺍﻟﻲ ﺻﺎﺭ ﻳﻨﺎﻡ ﺑﺎﻟﺪﻳﻮﺍﻧﻴﺔ ﻭﻣﺎﻳﺪﺧﻞ ﺍﻟﻐﺮﻓﺔ ..
ﺑﻘﺖ ﻋﻤﺘﻲ ﺗﻮﺍﺳﻴﻨﻲ ﻭﺗﻔﺘﺢ ﺑﻈﻔﺎﻳﺮ ﺷﻌﺮﻱ ..
- ﻫﺎﻱ ﻟﻴﺶ ﺷﻌﺮﺝ ﻫﻴﺞ ﻣﻜﻌﻜﻞ ﻣﺎﻣﺸﻄﺔ ..
- ﻣﺤﺪ ﻳﻤﺸﻄﻠﻲ ..
- ﺍﻭﻭﻭﻭﻑ ﻳﻤﺎﻫﻴﻦ ﺷﺴﻮﻳﺘﻲ ﺑﻴﻨﺎ .. ﺷﻠﻮﻥ ﺍﻧﻄﺎﻫﺎ ﮔﻠﺒﻬﺎ ﻭﻋﺎﻓﺘﺞ ﻳﻢ ﻟﻤﻴﻌﺔ .. ﻭﻟﻮ ﺑﺜﻴﻨﺔ ﻣﺮﺕ ﻫﺎﺩﻱ ﺯﻳﻨﺔ ﺑﺲ ﻫﻢ ﺗﺨﺎﻑ ﻣﻦ ﻟﻤﻴﻌﺔ ﻭﻋﺮﺍﻣﺘﻬﺎ ..
ﮔﻮﻣﻲ ﻋﻤﺔ ﮔﻮﻣﻲ ﺟﻴﺒﻲ ﻃﺎﺳﺔ ﻣﺎﻱ ﺧﻠﻲ ﺍﻣﺸﻄﻠﺞ ..
ﻭﻟﻮ ﺍﻧﻲ ﻣﺎﺍﻋﺮﻑ ﺍﻇﻔﺮ ﺯﻳﻦ ..
ﺭﺣﺖ ﻟﻠﻤﻄﺒﺦ ﺍﺧﺬ ﻃﺎﺳﺔ ﺧﻠﻴﺖ ﺑﻴﻬﺎ ﻣﺎﻱ .. ﻭﻟﻦ ﺑﺘﻮﻝ ﺗﺴﺤﺒﻬﺎ ﻣﻨﻲ ﻭﺗﻮﮔﻌﻬﺎ .. ﺟﺎﻧﺖ ﻫﺴﺘﻮﻫﺎ ﺟﺎﻳﺒﺔ ﺭﺯﺍﻕ ﺍﺑﻨﻬﺎ ﺍﻻﻭﻝ ..
ﺧﻠﺖ ﻋﻤﺘﻲ ﻟﻤﻴﻌﺔ ﺗﻠﻮﻱ ﺍﺫﺍﻧﺎﺗﻲ ﻭﺗﻄﺮﺩﻧﻲ ﻣﻦ ﺍﻟﻤﻄﺒﺦ ..
ﻣﺴﺤﺖ ﻋﻴﻮﻧﻲ ﻭﻃﻠﻌﺖ . ﺭﺣﺖ ﻟﻠﺤﻨﻔﻴﺔ ﺍﻟﻲ ﺑﺎﻟﺤﻮﺽ ﺍﻟﺒﺮﺓ .. ﺑﻠﻠﺖ ﺷﻌﺮﻱ ﻭﺭﺣﺖ ﺍﻟﻌﻤﺘﻲ ..
ﺷﻬﮕﺖ .. ﻳﻤﺔ ﻟﻴﺶ ﻫﻴﺞ ﻣﻨﮕﻌﺔ ﺭﻭﺣﺞ ﻭﺍﻟﺠﻮ ﺑﺎﺭﺩ ﻻﺗﺘﻤﺮﺿﻴﻦ .. ﻣﻮ ﮔﻠﺘﻠﺞ ﺟﻴﺒﻲ ﻃﺎﺳﺔ ﻣﺎﻱ ..
ﮔﻌﺪﺕ ﺗﻤﺸﻄﻠﻲ ﻭﺗﺪﻧﺪﻥ ﺑﺄﻏﻨﻴﺔ .. ﻣﺎﺋﺪﺓ ﻧﺰﻫﺖ ..
ﻋﻤﺘﻲ ﺗﺤﺒﻬﺎ ﺍﻟﻤﺎﺋﺪﺓ ﻭﺣﺎﻓﻈﺔ ﺍﻏﺎﻧﻴﻬﺎ ﻻﻥ ﺍﻟﻜﻞ ﻳﺸﺒﻬﻬﺎ ﺑﻴﻬﺎ ..
ﻭﻫﻲ ﺗﺪﻧﺪﻥ ﺑﺎﻻﻏﻨﻴﺔ ﺑﺼﻮﺗﻬﺎ ﺍﻟﺤﻨﻴﻦ ..
ﺳﺄﻟﺖ ﻋﻨﻚ .. ﺳﺄﻟﺖ ﻋﻨﻚ ﻛﻞ ﻟﻴﺎﻟﻲ
ﺍﻟﻠّـﻲ ﻳﻤﺮﻥ ﻟﻴﻠﺔ ﻟﻴﻠﺔ ﻟﻴﻠﺔ ﻟﻴﻠﺔ
ﺳﺎﻟﺖ ﻋﻨــــﻚ ﻛﻞ ﺣﻤﺎﻡ ﺍﻟﺪﻭﻭﻭﺡ
ﻭﻛﻞ ﻭﺭﺩ ﺍﻟﺨﻤﻴﻠــــــــﺔ ﺳﺎﻟﺖ ﻋﻨﻚ
ﻭﺍﻧﺖ ﻟﻠﻤﻠﻬﻮﻑ ﺳﻔﺎﻧﺔ ﻭﺩﻟﻴﻠﻪ
ﺳﺎﻟﺖ ﻋﻨﻚ ﺳﺎﻟﺖ ﻋﻨﻚ ﻳﺎﻟﻌﻔﺘﻨﻲ ﻭﻣﺎﺩﺭﻳﺖ ﺩﻭﺭﻳﺖ
ﻛﻞ ﺩﺭﺍﺑﻴﻦ ﺍﻟﻤﺤﺒﺔ ﻭﻣﺎﻟﻜَﻴﺖ ﺩﻭﺭﻳﺖ
ﺑﻜﻞ ﺩﺭﺍﺑﻴﻦ ﺍﻟﻌﺸﻚ ﻟﻤﻦ ﻏﻔﻴﺖ ..
ﻣﺎﺍﻋﺮﻑ ﻟﻴﺶ ﺩﻣﻌﺖ ﻋﻴﻮﻧﻲ ﻭﺣﺪﻫﻦ ﻭﺑﺠﻴﺖ ..
ﺭﻏﻢ ﻣﺎﺍﻓﺘﻬﻤﺖ ﻛﻠﻤﺎﺕ ﺍﻻﻏﻨﻴﺔ ﺷﺘﻘﺼﺪ ﺑﺲ ﻋﺬﻭﺑﺔ ﺻﻮﺕ ﻋﻤﺘﻲ ﺧﻼﻧﻲ ﺍﺗﺬﻛﺮ ﺍﻣﻲ ﻭﺣﻨﺎﻧﻬﺎ ..
ﺩﺍﺭﺕ ﻭﺟﻬﻲ ﻋﻤﺘﻲ ﻟﻤﻦ ﺳﻤﻌﺖ ﺷﻬﻜﺎﺗﻲ ﻭﻣﺴﺤﺖ ﺩﻣﻮﻋﻲ . ﻳﺎﺑﻌﺪ ﻋﻤﺘﺞ ﻟﻴﺶ ﺗﺒﺠﻴﻦ ..
- ﻋﻤﺔ ﺍﺭﻳﺪ ﺍﻣﻲ ﺍﺷﺘﺎﻗﺘﻴﻠﻬﺎ ﺻﺎﺭﻟﻬﺎ ﻋﺸﺮ ﺍﻳﺎﻡ ﻭﻣﺎﺍﺟﺖ ﻟﺴﺎ ﺷﻮﻛﺖ ﺗﺮﺟﻊ ..
ﺳﻤﻌﺖ ﺻﻮﺕ ﺟﺪﻱ ﻭﻫﻮ ﻳﻜﺢ ﻣﻦ ﻳﺪﺧﻞ ﻟﻠﺒﻴﺖ ﻭﻳﮕﻮﻝ ﻳﺎﺍﻟﻠﻪ ..
ﮔﻤﺰﺕ ﻣﻦ ﻣﻜﺎﻧﻬﺎ ..
ﺧﻠﻴﻨﻲ ﺍﺭﻭﺡ ﺍﺳﻠﻢ ﻋﻠﻰ ﺟﺪﺝ ..
ﻃﻠﻌﺖ ﻭﺍﻧﻲ ﻭﺭﺍﻫﺎ ..
ﺑﺎﺳﺖ ﺍﻳﺪ ﺟﺪﻱ ﻭﺳﻠﻤﺖ ﻋﻠﻰ ﻋﻤﺎﻣﻲ ..
ﺑﺎﻟﻌﺎﺩﺓ ﺟﺪﻱ ﻭﻋﻤﺎﻣﻲ ﺑﺲ ﺍﻟﻲ ﻳﺠﻮﻥ ﻋﻠﻰ ﺍﻟﻐﺪﺍ .. ﺣﺴﻦ ﻭﻣﻬﺪﻱ ﻳﺎﺧﺬﻭﻟﻬﻢ ﺍﻛﻞ ﻟﻠﮕﺎﻉ ﻣﺎﻳﺠﻮﻥ ﻟﻠﻤﻐﺮﺏ ..
...........................................................
ﻧﻔﺲ ﺍﻟﻤﺸﻬﺪ ﺗﻜﺮﺭ ﺭﺟﻊ ﺭﺿﺎﺀ ﻣﻦ ﺫﻛﺮﻳﺎﺗﻬﺎ ﻟﻤﺎ ﺳﻤﻌﺖ ﺻﻮﺕ ﺟﺪﻫﺎ ﺩﺧﻞ ﺑﺲ ﺍﻟﻔﺮﻕ ﺟﺎﻥ ﺍﻟﻮﻗﺖ ﻗﺮﺏ ﻋﻠﻰ ﺍﻟﻤﻐﺮﺏ ..
ﮔﻌﺪﺕ ﺍﺑﻨﻬﺎ ﻭﻫﻲ ﺗﺒﻮﺱ ﺑﻲ .. ﻃﻠﻌﺘﺔ ﺗﻐﺴﻠﺔ ..
ﺷﺎﻓﻪ ﺟﺪﻩ ﺧﻀﻴﺮ ..
- ﻳﺎﻫﻼ ﺑﺎﻟﺬﻳﺐ ﺷﻨﻲ ﺟﺎﻥ ﻧﺎﻳﻢ ﻛﻢ ﻣﺮﺓ ﻳﺎﺭﺿﻮﺓ ﮔﻠﺘﻠﺞ ﻣﺎﺗﺨﻠﻴﻪ ﻳﻨﺎﻡ ﻟﻠﻤﻐﺮﺏ ..
- ﺟﺪﻱ ﻣﻮ ﺑﻴﺪﻱ ﻭﮔﻊ ﻭﺗﻌﻮﺭ ﻭﺑﻌﺪﻫﺎ ﻧﺎﻡ ..
- ﻻ ﻻ ﺍﻟﺬﻳﺐ ﻣﺎﻳﻮﺟﻌﻪ ﺷﻲ ﻭﻣﺎﻳﺨﺎﻑ ﻣﻦ ﺟﺮﺡ ﺻﻐﻴﻴﺮ
ﺭﺩ ﺭﺯﺍﻕ ﺍﺑﻦ ﻣﻬﺪﻱ ﺍﻟﺠﺒﻴﺮ ..
- ﺟﺪﻱ ﻻﺗﮕﻮﻝ ﻋﻠﻴﻪ ﺫﻳﺐ ﺍﺻﻼ ﻫﻮ ﺭﺟﻞ ﺍﻟﺪﺟﺎﺟﺔ ﻣﺎﻳﺤﻠﻬﺎ ﻳﺨﺎﻑ ﺍﺑﻦ ﺍﻣﻪ ..
ﺻﺎﺡ ﺑﻲ ﺟﺪﻱ ..
- ﺗﻌﺎﻝ ﻭﻟﻚ ﺟﻠﻴﻞ ﺍﻟﺤﻴﺎ ﺍﻻ ﺍﺟﻨﺰﻙ ﺍﻟﻴﻮﻡ .. ﺍﻧﺖ ﺍﺣﺴﻦ ﻣﻨﻪ ﺍﺑﻮ ﺍﻟﺸﻮﺍﺭﻉ ﻟﻮ ﺑﻴﻚ ﺣﻆ ﺍﻟﺰﻡ ﺩﺭﺍﺳﺘﻚ .. ﻻﺗﻜﺒﺮ ﻭﻳﺎﺧﺬﻭﻙ ﻟﻠﻌﺴﻜﺮﻳﺔ ..
ﻃﻠﻌﺖ ﻟﻤﻴﻌﺔ ﻣﻦ ﺍﻟﻤﻄﺒﺦ ..
- ﻳﺎﻳﻌﻤﻲ ﺷﺒﻴﻚ ﻭﻱ ﺍﻟﻄﻔﻞ .. ﺣﻘﻪ ﻫﻴﺞ ﻳﺤﺠﻲ ﺟﻴﻒ ﺍﻧﺖ ﺗﻔﺮﻕ ﺑﻴﻨﻬﻢ .. ﺷﻮ ﻣﺎﻫﺎﻣﻚ ﺑﺲ ﺍﺑﻦ ﺭﺿﻮﺓ ﻟﻮ ﺍﺑﻦ ﺍﻟﺤﺮﺍﻡ ﺻﺎﺭ ﺍﻋﺰ ﻣﻦ ﻭﻟﺪﻧﺎ ..
ﺟﺎﻧﺖ ﺷﺮﺑﺔ ﻓﺨﺎﺭ ﻳﻤﺔ ﻣﺨﻠﻴﻬﺎ ﻋﻠﻰ ﺣﺎﻓﺔ ﺍﻟﻘﻨﻔﻪ . ﻫﺎﻱ ﺩﻭﻭﻡ ﺗﻨﺘﺮﺱ ﻭﺗﺒﻘﻰ ﻳﻤﺔ ﻳﺤﺐ ﻳﺸﺮﺏ ﺑﻴﻬﺎ ﻣﺜﻞ ﻣﺎﻱ ﺍﻟﺤﺐ ﻣﻴﻬﺎ ﻃﻴﺐ ﻭﺑﺎﺭﺩ ..
ﻭﺭﻏﻢ ﻫﺬﻱ ﺍﻟﺸﺮﺑﺔ ﻋﺰﻳﺰﺓ ﻋﻨﺪﺓ .. ﺑﺲ ﻣﻦ ﺣﺮﮔﺔ ﮔﻠﺒﺔ ﺷﺎﻟﻬﺎ ﻭﺭﮔﻌﻬﺎ ﺑﻴﻬﺎ ..
ﻫﻲ ﺑﺴﺮﻋﺔ ﻃﻔﺮﺕ ﻭﺩﺧﻠﺖ ﻟﻠﻤﻄﺒﺦ ..
ﻭﺻﻮﺗﺔ ﻋﺎﻟﻲ ﻭﻳﺼﻴﺢ .. ﻭﺍﻟﻠﻪ ﺍﻻ ﺍﮔﺺ ﺍﻟﺴﺎﻧﺞ ﻳﻠﺔ ﺗﺒﻄﻠﻴﻦ ﺳﻮﺍﻟﻔﺞ ﻳﻠﻤﻴﻌﺎﻥ ..
ﺍﻟﺴﺎﻋﺔ ﺍﻟﺴﻮﺩﺓ ﺍﻟﺪﺧﻠﺘﺞ ﺑﻴﻬﺎ ﺑﻴﺘﻲ .. ﺣﺘﻰ ﻭﻟﺪﺝ ﻃﺎﻟﻌﻴﻦ ﻋﻠﻴﺞ ﻭﻋﻠﻤﺘﻲ ﺭﺟﻠﺞ ﻫﻢ ﻋﻠﻰ ﺍﻟﺨﺒﺚ ..
ﺭﺿﺎﺀ ..
ﺷﮕﺪ ﻣﺎﺍﺿﻮﺝ ﻣﻦ ﻳﻨﻄﻘﻮﻥ ﻫﺎﻟﻜﻠﻤﺔ ﺍﻻﺑﻨﻲ .. ﺷﮕﺪ ﻣﺎﺍﻓﺮﺡ ﻣﻦ ﺍﺷﻮﻑ ﺟﺪﻱ ﻫﻴﺞ ﻳﻔﺮﻓﺢ ﻭﻳﺪﺍﻓﻌﻠﻲ ﻭﻳﺎﺧﺬﻟﻲ ﺣﻘﻲ ..
ﺩﻭﻭﻡ ﺍﺩﻋﻲ ﺑﺼﻼﺗﻲ ﺍﻟﻠﻪ ﻳﺤﻔﻈﺔ ﺍﻟﻲ .. ﻻﻥ ﺑﻌﺪﺓ ﺍﺩﺭﻱ ﻣﺤﺪ ﻳﺮﺣﻤﻨﻲ .. ﻫﻮ ﻭﻋﻤﺘﻲ ﺣﻤﺪﻳﺔ .. ﻫﺪﻳﺔ ﻣﻦ ﺭﺑﻲ ﺍﻟﻌﺎﻟﻤﻴﻦ ﺍﻟﻲ ..
ﺳﻨﺘﻴﻦ ﻣﻦ ﻋﻤﺮﻱ ﺭﺍﺣﻦ ﺑﺎﻟﻘﻬﺮ ﻭﺍﻟﻮﺟﻊ .. ﺍﻟﺤﺴﺮﺓ ﻭﺍﻻﺍﻩ ﻣﺎﻳﻔﺎﺭﮔﻨﻲ ..
ﺍﺣﺲ ﺭﻭﺣﻲ ﻛﺒﺮﺕ ﻋﺸﺮﻳﻦ ﺳﻨﺔ ﻣﻮ ﺳﻨﺘﻴﻦ ..
ﺍﺷﺮﺗﻠﻲ ﻋﻤﺘﻲ ﺍﻟﻢ ﺍﻟﻔﺨﺎﺭ ﻣﻦ ﺍﻟﮕﺎﻉ ﻳﻢ ﺍﻟﻤﻄﺒﺦ ..
ﻭﺍﺳﻤﻊ ﻋﻤﺘﻲ ﺣﻤﺪﻳﺔ ﺗﺤﺠﻲ ﻋﻠﻴﻬﺎ ﻭﺗﻜﻠﻬﺎ ..
- ﺍﺩﺭﻳﺞ ﻣﺎﺗﺮﺗﺎﺣﻴﻦ ﺍﻻ ﻟﻤﻦ ﺗﻤﻮﺗﻴﻦ ﺍﺑﻮﻱ ﺑﺴﻮﺍﻟﻔﺞ ..
ﻭﺑﻨﺎﺗﻬﺎ ﻳﻌﺎﻳﻨﻦ ﻋﻠﻴﻪ ﺑﺤﻘﺪ ..
ﻣﻦ ﻳﻮﻣﻬﻦ ﻣﺎﻳﺤﺒﻨﻲ .. ﻭﺩﺍﺩ .. ﻭﺳﺪﺍﺩ .. ﺑﻨﺎﺕ ﻋﻤﻲ ﺻﺎﻟﺢ ﻭﺍﺧﻮﺍﺕ ﻣﻬﺪﻱ ..
ﻳﻌﻨﻲ ﺣﻤﻮﺍﺗﻲ .. ﺑﺲ ﺩﻭﻭﻡ ﻳﮕﻌﺪﻥ ﻭﻳﺴﻮﻟﻔﻦ ﻭﻱ ﺑﺘﻮﻝ ﻭﺻﺎﻓﺎﺕ ﻭﻳﺎﻫﺎ ﻭﺍﻧﻲ ﻻ ..
ﺣﺘﻰ ﺍﻟﻠﻪ ﻣﺎﺭﺯﻗﻨﻲ ﺑﺒﻨﺎﺕ ﻋﻢ ﻏﻴﺮﻫﻦ .. ﻣﺮﺕ ﻋﻤﻲ ﻫﺎﺩﻱ ﻋﻨﺪﻫﺎ ﺑﺲ ﺣﺴﻦ ﺍﻟﻠﻪ ﻳﺮﺣﻤﺔ ..
ﻭﺣﻴﺪﺭ ﻭﻛﺮﺍﺭ ﺗﻮﺃﻡ ﻋﻤﺮﻫﻢ ﻋﺸﺮ ﺳﻨﻮﺍﺕ .. ﺍﺻﻐﺮ ﻣﻨﻲ ..
ﻟﻤﻴﺖ ﺍﻟﻔﺨﺎﺭ ﻭﺩﺧﻠﻮﺍ ﻋﻤﺎﻣﻲ ﻭﻣﻬﺪﻱ ﻭﻳﺎﻫﻢ ..
ﺻﺎﺡ ﺑﺘﻮﻝ ﻭﺩﺧﻞ ﻟﻠﻐﺮﻓﺔ ﺣﺘﻰ ﻣﺎﻋﺒﺮﻧﻲ ﻭﻻﺳﻠﻢ ﻋﻠﻴﻪ ..
ﺑﺴﺮﻋﺔ ﺍﺟﺔ ﻟﻠﻤﻄﺒﺦ ﻭﻭﺭﺍﻩ ﺑﺘﻮﻝ ..
ﻋﻤﺘﻲ ﻟﻤﻴﻌﺔ ﺿﺎﻳﺠﺔ ﻣﻦ ﺟﺪﻱ ﻭﺣﻠﻔﺖ ﻣﺎﺗﺼﺐ ﻭﻻﺗﮕﻌﺪ ﺗﺘﻌﺸﺎ ..
ﻻﻥ ﺗﺪﺭﻱ ﻫﺎﻱ ﺍﻟﺤﺎﻟﺔ ﻣﺎﻳﺤﺒﻬﺎ ﺟﺪﻱ ﺍﻻ ﻛﻠﻨﺎ ﻧﻠﺘﻢ ﻋﻠﻰ ﺍﻻﻛﻞ ..
ﻋﻴﻮﻧﺔ ﻋﻠﻴﻪ ﻭﻳﺤﺠﻲ .. ﻳﻤﺔ ﺷﺒﻴﺞ ﻣﻨﻮ ﻭﻳﺎﺝ ؟؟
ﻭﻣﻦ ﻏﻴﺮ ﻣﺎﻳﻨﺘﻈﺮ ﺟﻮﺍﺑﻬﺎ ..
ﺗﻘﺮﺏ ﻳﻤﻲ ﻭﻋﺼﺮ ﺍﻳﺪﻱ ﻭﻳﺨﺰﺭ ﺑﻴﻪ .. ﻣﻦ ﻭﺭﺍﺝ ﻣﻮﻭﻭ ؟؟
ﺑﻘﻴﺖ ﺍﺭﺟﻒ ﺑﻴﻦ ﺍﺩﻳﻪ ﻭﻣﺎﺍﻋﺮﻑ ﺷﺄﺣﺠﻲ ..
ﺿﺮﺑﺘﺔ ﻋﻤﺘﻲ ﺣﻤﺪﻳﺔ ﺑﺎﻟﺠﻔﺠﻴﺮ ﻭﺯﺍﺣﺘﺔ ﻋﻨﻲ ..
- ﻫﻲ ﺷﻌﻠﻴﻬﺎ ﻭﻟﻚ ﺣﺮﺍﻡ ﻋﻠﻴﻚ ﺧﺎﻑ ﺍﻟﻠﻪ ﺑﻬﺎﻱ ﺍﻟﻄﻔﻠﺔ ﻭﻟﻜﻢ ﻳﺘﻴﻤﺔ ﻭﻣﻜﺴﻮﺭﺓ ﻭﺍﻧﺘﻮ ﻛﻞ ﻣﺼﻴﺒﺔ ﺧﺎﻟﻴﻬﺎ ﺑﺮﺍﺳﻬﺎ
ﻫﻤﺲ ﺑﻌﺼﺒﻴﺔ .. ﺑﺴﻴﻄﺔ ﻳﺮﺿﻮﺓ ﻫﻴﻨﺔ ..
ﻭﺭﺍﺡ ﺍﻻﻣﺔ ﺑﺎﺱ ﺭﺍﺳﻬﺎ ﻭﻃﻴﺐ ﺧﺎﻃﺮﻫﺎ ..
ﺍﺣﻠﻰ ﺷﻲ ﺑﺄﻳﺎﻡ ﻗﺒﻞ ﻣﻦ ﺗﺘﺠﻤﻊ ﺍﻟﻌﺎﺋﻠﺔ ﻋﻠﻰ ﺳﻔﺮﺓ ﻭﺣﺪﺓ
ﺑﻮﺳﻂ ﺍﻟﺤﻮﺵ ﺟﺎﻧﻦ ﻳﻔﺮﺷﻦ ﺑﻌﺪ ﻣﺎﻳﺮﺷﻦ ﺍﻟﮕﺎﻉ ﺍﻟﻤﻐﺮﺑﻴﺔ ﺣﺘﻰ ﺗﺒﺮﺩ ..
ﺑﻮﺟﻮﺩ ﺍﻟﺤﺠﻲ ﺧﻀﻴﺮ ﺍﻟﻜﻞ ﻳﻤﺸﻲ ﻣﺜﻞ ﺍﻟﺴﺎﻋﺔ ..
ﺟﺎﻥ ﺭﺟﺎﻝ ﺣﻜﻴﻢ ﻭﻣﺎﻳﻘﺒﻞ ﺑﺎﻟﻐﻠﻂ ..
ﻳﺄﺫﻥ ﺑﺎﻟﺠﺎﻣﻊ ﻭﻧﺎﺱ ﺗﺼﻴﺤﻠﺔ ﺷﻴﺦ ﺑﺲ ﻫﻮ ﻻﺩﺍﺭﺱ ﺣﻮﺯﺓ ﺍﻭ ﺳﻴﺪ ..
ﺑﺲ ﻣﻦ ﺣﻜﻤﺘﻪ ﻭﺩﻫﺎﺋﻪ ﺍﻟﻨﺎﺱ ﺍﻟﻲ ﺑﻨﺎﺣﺘﻴﻪ ﻳﺴﺘﺸﻴﺮﻭﻩ ﻭﻳﺎﺧﺬﻭﻥ ﺭﺃﻳﻪ ﺩﻭﻡ ..ﻟﻜﻦ ﺑﻌﺪ ﻣﺎﺻﺎﺭﺕ ﺍﺣﺪﺍﺙ ﺣﺮﺏ ﺍﻳﺮﺍﻥ ﺗﻐﻴﺮ ﻛﻠﺸﻲ ..
ﻭﻣﻨﻌﻮﺍ ﺍﻟﺘﺠﻤﻌﺎﺕ ﻭﺧﺎﺻﺔ ﺑﺎﻟﺠﻮﺍﻣﻊ ﻭﺍﻟﺒﻴﻮﺕ ..
ﻳﺘﻮﻗﻌﻮﻥ ﺍﻧﻪ ﺑﺘﺠﻤﻌﺎﺗﻬﻢ ﻳﺘﺂﻣﺮﻭﻥ ﻉ ﺍﻟﺪﻭﻟﺔ ..
ﺍﻟﺤﺮﺏ ﻣﺴﺘﻤﺮﺓ ..
ﻭﻟﻤﻴﻌﺔ ﺧﺎﻳﻔﺔ ﻋﻠﻰ ﻣﻬﺪﻱ ﻻﻳﺎﺧﺬﻭﻩ ..
ﻫﺎﻱ ﻫﻢ ﻳﻠﺢ ﻋﻠﻰ ﺍﻭﻻﺩﺓ ﺍﻟﺘﻮﺃﻡ ﻳﺪﺭﺳﻮﻥ ﻭﻳﻨﺠﺤﻮﻥ ﺧﺎﻑ ﻳﺎﺧﺬﻭﻫﻢ ..
ﺍﻣﺎ ﺣﻜﻤﺖ ﻓﻤﻜﺎﻧﺔ ﻳﻢ ﺟﺪﻩ ﺧﻀﻴﺮ ﻭﻳﺤﺎﻭﻝ ﻳﻘﻠﺪﻩ ﺑﻜﻠﺸﻲ ..
ﻫﺎﺩﻱ ﻳﺤﺒﻪ ﻻﻥ ﺍﺑﻦ ﺍﺑﻨﺔ ﺑﺲ ﻣﺎﻳﻘﺮﺑﻪ ﻛﻠﺶ ﻫﺬﺍ ﻃﺒﻌﻪ ﻣﺎﻳﺒﻴﻦ ﺣﻨﻴﺘﻪ ﻭﻣﻦ ﺟﻬﺔ ﻣﺮﺗﺔ ﺍﻟﻲ ﻳﻮﻡ ﺯﻳﻨﺔ ﻭﻋﺸﺮ ﺍﻳﺎﻡ ﻋﻘﻠﻬﺎ ﻣﻮ ﺑﻤﻜﺎﻧﻪ ..
ﮔﺎﻋﺪﻳﻦ ﻳﺘﻌﺸﻮﻥ ﻛﻠﻬﻢ ﻭﻃﻠﻌﺖ ﻣﻦ ﻏﺮﻓﺘﻬﺎ ﺑﺜﻴﻨﺔ ..
- ﻫﺎﺩﻱ .. ﻫﺎﺩﻱ .. ﺣﺴﻦ ﻣﺎﺍﺟﺔ ﻣﺎﺷﻔﺘﺔ ؟؟
ﺻﺎﺡ ﻫﺎﺩﻱ ﻋﻠﻴﻬﺎ ..
ﺗﻌﺎﻱ ﺑﺜﻴﻨﺔ .. ﺗﻌﺎﻱ ﻳﻤﻲ ﺗﻌﺸﻲ ..
- ﺷﻠﻮﻥ ﺍﻟﻚ ﻧﻔﺲ ﻳﺎﺭﺟﺎﻝ ﺗﺎﻛﻞ ﻭﺍﺑﻨﻚ ﻣﻮ ﻳﻤﻚ .. ﻫﻲ ﺑﺪﺕ ﺍﻟﺤﺮﺏ .. ﺍﺧﺎﻑ ﻳﺎﺧﺬﻭﻩ ﻭﻣﺎﻳﺮﺟﻊ ..
ﮔﻌﺪﺕ ﺑﺎﻟﮕﺎﻉ ﻭﺗﺒﺠﻲ ..
ﺍﻟﺤﺮﺏ ﺻﺎﺭﻟﻬﺎ ﺳﺖ ﺳﻨﻮﺍﺕ ﻭﻫﻲ ﻋﻘﻠﻬﺎ ﻣﺘﻮﻗﻒ ﺑﺄﻭﻝ ﺳﻨﺔ ﻟﻠﺤﺮﺏ ..
…………………………………
ﺣﺎﻟﻬﺎ ﺟﺎﻥ ﻳﺒﺠﻲ ﺍﻟﺼﺨﺮ ﺍﻻ ﮔﻠﺐ ﻋﻤﺘﻲ ﻟﻤﻴﻌﺔ ﺍﻟﺠﺎﻧﺖ ﺗﮕﻮﻝ ﻫﺎﻱ ﺗﺨﺒﻠﺖ ﻟﻮ ﺗﺎﺧﺬﻭﻫﺎ ﻟﻠﺸﻤﺎﻋﻴﺔ ..
ﺻﺎﺡ ﺑﻴﻬﺎ ﺟﺪﻱ ﺳﻜﺘﺖ ..
ﺑﺲ ﺣﺰﺕ ﺑﮕﻠﺐ ﺣﻴﺪﺭ ﻭﻛﺮﺍﺭ ﻣﻦ ﻳﺸﻮﻓﻮﻥ ﺍﻣﻬﻢ ﺑﻬﻴﺞ ﺣﺎﻟﺔ .. ﺻﻐﺎﺭ ﺟﺎﻧﻮﺍ ﻭﻣﺎﺷﺒﻌﻮﺍ ﻣﻦ ﺣﻨﺎﻧﻬﺎ ..بيج قصص عراقيه حقيقيه من واقعنا.روعه الطائي
ﺣﺘﻰ ﻣﻼﺑﺴﻬﻢ ﻟﻮ ﺍﻧﻲ ﻟﻮ ﻋﻤﺘﻲ ﻧﻐﺴﻠﻬﻦ ..
ﻛﻤﻠﻨﺎ ﺍﻛﻞ ﻭﺑﻘﻴﻨﺎ ﮔﺎﻋﺪﻳﻦ .. ﺍﻻﺍﻥ ﻛﻤﻠﺖ ﺍﻟﻌﺎﺋﻠﺔ ﻛﻠﻬﺎ ..
ﺍﺧﺬﺕ ﺣﻜﻤﺖ ﻏﺴﻠﺘﻠﺔ ..
ﻭﺍﺟﺖ ﻭﺭﺍﻱ ﻋﻤﺘﻲ ﺗﺤﻈﺮ ﺑﺼﻴﻨﻴﺔ ﺍﻻﺳﺘﻜﺎﻧﺎﺕ ..
ﻫﻲ ﻣﺨﻠﻴﺔ ﺟﻮﻟﺔ ﻋﻠﻴﻬﺎ ﺍﻟﺠﺎﻱ ﻃﻮﻝ ﺍﻟﻴﻮﻡ ﻳﻔﺮﻍ ﺍﻟﻘﻮﺭﻱ ﻭﻳﻨﺘﺮﺱ ﻣﻦ ﺟﺪﻳﺪ ..
ﻛﻠﻬﺎ ﺗﺤﺐ ﺍﻟﺠﺎﻱ ﺍﻟﻤﻬﻴﻞ ﻭﺍﻟﻤﺨﺪﺭ ﻋﻠﻰ ﻧﺎﺭ ﺍﻟﺠﻮﻟﺔ ﺍﻟﻬﺎﺩﻳﺔ
- ﻋﻤﺔ ﺭﺿﻮﺓ ﺍﺧﺬﻱ ﻣﺮﺕ ﻋﻤﺞ ﻏﻴﺮﻳﻠﻬﺎ ﻣﻼﺑﺴﻬﺎ ﺧﻄﻴﺔ ﻛﺴﺮﺕ ﮔﻠﺒﻲ .. ﺩﺷﺪﺍﺷﺘﻬﺎ ﻭﺳﺨﺔ ..
ﺭﺣﺖ ﺍﻟﻐﺮﻓﺔ ﻋﻤﻲ ﻫﺎﺩﻱ .. ﺩﮔﻴﺘﻬﺎ ..
ﺟﺎﻥ ﻳﺮﻳﺪ ﻳﻨﻮﻣﻬﺎ ..
- ﻋﻮﻓﻬﺎ ﻭﺭﻭﺡ ﺍﺷﺮﺏ ﺟﺎﻳﻚ ﻋﻤﻲ ﺍﻧﻲ ﻳﻤﻬﺎ ..
ﻃﺒﻄﺐ ﻋﻠﻰ ﻇﻬﺮﻱ ﻭﻃﻠﻊ ..
ﻃﻠﻌﺖ ﺍﻟﻬﺎ ﺩﺷﺪﺍﺷﺔ ﻣﻦ ﺍﻟﻜﻨﺘﻮﺭ .. ﻭﻫﻲ ﺻﺎﻓﻨﺔ ﻣﺎﺗﺪﺭﻱ ﺑﺎﻟﺪﻧﻴﺎ ﺷﺒﻴﻬﺎ ..
ﺑﺪﻟﺘﻠﻬﺎ ﻭﺟﺒﺖ ﻭﺻﻠﺔ ﻭﻃﺎﺳﺔ ﻣﺎﻱ ﻭﻏﺴﻠﺘﻠﻬﺎ ﺍﻳﺪﻫﺎ ﻭﺭﮔﺒﺘﻬﺎ ﻭﺭﺟﻠﻴﻬﺎ ..
ﻋﺎﻳﻨﺖ ﻋﻠﻴﻪ ﻭﺍﺑﺘﺴﻤﺖ .. ﺭﺿﻮﺓ ﺗﺪﺭﻳﻦ ﺣﺴﻦ ﻳﺤﺒﺞ ..
ﻓﺘﺤﺖ ﻋﻴﻨﻲ ﻭﻣﺎﻋﺮﻓﺖ ﺷﺄﺣﺠﻲ ..
ﻛﻤﻠﺖ ﻛﻼﻣﻬﺎ .. ﻫﻮ ﮔﺎﻟﻲ ﻳﻤﺔ ﺍﻧﻲ ﺍﺭﻳﺪﺝ ﺗﺨﻄﺒﻴﻠﻲ ﺭﺿﻮﺓ
ﺻﻐﻴﺮﺓ ﻭﺗﺮﻓﺔ ﻭﺍﺭﻳﺪﻫﺎ ﺗﺮﺑﻰ ﻋﻠﻰ ﺍﻳﺪﻱ ..
ﻣﻮ ﺗﻜﺴﺮﻳﻦ ﺑﺨﺎﻃﺮﻩ ﻭﺍﻓﻘﻲ ﻫﻮ ﺣﻨﻴﻦ ﻭﺭﺍﺡ ﻳﺮﺍﻋﻴﺞ ﻭﻳﻌﻮﺿﺞ ﻋﻦ ﺍﻣﺞ ..
ﻧﺰﻟﺖ ﺩﻣﻮﻋﻲ .. ﺗﺬﻛﺮﺕ ﻛﻼﻣﻬﺎ ﻫﺬﺍ ﻭﻛﺖ ﻣﺎﺭﺍﺣﺖ ﺍﻣﻲ
ﺍﺍﺍﺍﻩ ﻳﺎﺣﺴﻦ ﺍﺍﺍﺍﻩ ..
ﻋﻤﺘﻲ ﺑﺜﻴﻨﺔ ﺍﺣﺲ ﺍﻟﺰﻣﻦ ﻣﺘﻮﻗﻒ ﻋﻨﺪﻫﺎ ﺑﺬﻳﺞ ﺍﻟﺴﻨﺔ ﻣﺎﺗﺘﺬﻛﺮ ﻏﻴﺮﻫﺎ ..
ﻛﻤﻠﺘﻬﺎ ﻭﻧﻮﻣﺘﻬﺎ ﺑﻔﺮﺍﺷﻬﺎ ﻭﻃﻠﻌﺖ ﮔﻌﺪﺕ ﻳﻢ ﻋﻤﺘﻲ ﻋﻠﻰ ﺍﻟﺤﺼﻴﺮﺓ .. ﻭﻫﻲ ﺗﮕﻠﺔ ﺑﻮﻳﺔ ﺷﻠﻮﻧﻬﺎ ﻫﺎﻟﺤﺼﻴﺮﺓ ﻫﺎﻱ ﺍﻟﻴﻮﻡ ﻛﻤﻠﺘﻬﺎ .. ﺳﻮﻳﺘﻬﺎ ﻃﻮﻳﻠﺔ ﺣﺘﻰ ﺗﻜﻔﻴﻨﺎ ..
ﺍﺑﺘﺴﻢ ﺟﺪﻱ .. ﻫﻮ ﺍﻛﻮ ﺷﻲ ﺗﺴﻮﻳﻪ ﻭﻣﺎﻳﻄﻠﻊ ﺣﻠﻮ .. ﺍﻧﺘﻲ ﻣﺎﺧﺬﺓ ﻧﺪﺍﺭﺕ ﺍﻣﺞ ﺍﻟﻠﻪ ﻳﺮﺣﻤﻬﺎ ..
ﻛﻠﻨﺎ ﺭﺩﻳﻨﺎ ﻭﺭﺍﻩ .. ﺍﻟﻠﻪ ﻳﺮﺣﻤﻬﺎ ..
ﻋﻤﺘﻲ ﺣﻤﺪﻳﺔ ﻛﻠﺸﻲ ﺗﻌﺮﻑ .. ﺗﺤﻮﻙ ﺑﻠﻮﺯﺍﺕ ﻭﺗﺒﻴﻊ .. ﻭﺗﺤﻮﻙ ﺣﺼﺮﺍﻥ ﻭﺗﺒﻴﻌﻬﻦ ..
ﺭﻏﻢ ﺟﺪﻱ ﻣﺎﻳﻘﺒﻞ ﻭﻳﮕﻠﻬﺎ ﺍﻟﺨﻴﺮ ﻫﻮﺍﻱ ﺷﺘﮕﻮﻝ ﺍﻟﻌﺎﻟﻢ ﻋﻠﻴﻪ .. ﺣﺠﻲ ﺧﻀﻴﺮ ﺑﻨﺘﻪ ﺗﺒﻴﻊ ﺑﻠﻮﺯﺍﺕ ﻭﺣﺼﺮﺍﻥ ..ﻭﺗﺮﺩ ﻋﻠﻴﻪ ﻭﻫﻲ ﺗﺠﺒﺮ ﺑﺨﺎﻃﺮﻩ .. ﻳﺎﺑﻮﻳﺔ ﻟﻴﺶ ﺍﻛﻮ ﻣﺜﻠﻚ ﻭﻣﺜﻞ ﺣﻨﻴﺘﻚ ﻭﻛﺮﻣﻚ ﻋﻠﻴﻨﺎ ﻭﻉ ﺍﻟﻨﺎﺣﻴﺔ . ﺑﺲ ﺑﻮﻳﺔ ﻫﺎﻱ ﻫﻮﺍﻳﺘﻲ .. ﺗﺪﺭﻱ ﻣﻦ ﺻﻐﺮﻱ ﺍﺣﺐ ﺍﺳﻮﻱ ﻛﻠﺸﻲ ﺑﻴﺪﻱ ..
ﻭﻫﻢ ﺍﻟﺘﻬﻲ .. ﺣﺘﻰ ﻻﻋﻨﺪﻱ ﻃﻔﻞ ﻳﻠﻬﻴﻨﻲ ﻭﻻﺷﻲ ..
ﺻﺢ ﻭﻟﺪ ﺍﺧﻮﻱ ﻭﻭﻟﺪﻫﻢ ﻛﻠﻬﻢ ﻣﺜﻞ ﻭﻟﺪﻱ ..
ﺑﺲ ﺑﻘﻴﺖ ﺑﺤﺴﺮﺓ ﺍﻻﻣﻮﻣﺔ ..
ﺍﺑﺘﺴﻢ ﺍﻟﻬﺎ .. ﻫﺎﺍﺍ ﻳﺤﻤﺪﻳﺔ ﺷﻮ ﺟﻦ ﻫﺎﻭﻱ ﺍﻟﻌﺮﺱ ﻣﺮﺓ ﺛﺎﻧﻴﺔ .. ﺗﺮﺩﻳﻦ ﺍﺯﻭﺟﺞ ؟؟
ﺷﻬﻜﺖ ﻭﻟﻄﻤﺖ ﻋﻠﻰ ﺻﺪﺭﻫﺎ ﻭﻫﻲ ﺗﺨﻔﻲ ﺻﻮﺗﻬﺎ ﻋﻦ ﺍﺧﻮﺗﻬﺎ ﻻﻳﺴﻤﻌﻮﻥ .. ﺟﺎﻥ ﻣﺸﻐﻠﻴﻦ ﺍﻟﺮﺍﺩﻳﻮ ﻭﻳﺴﻤﻌﻮﻥ ﺍﺧﺒﺎﺭ ﻭﺑﺎﻟﻬﻢ ﻣﻮ ﻳﻤﻬﺎ ..
- ﻳﺎﺑﻮﻳﺔ ﻋﻠﻰ ﺑﺨﺘﻚ ﻭﻳﻨﻲ ﻭﻭﻳﻦ ﺍﻟﻌﺮﺱ .. ﻛﺒﺮﺕ ﺑﻌﺪ ﺟﺮﺑﺖ ﺣﻈﻲ ﻣﺮﺓ ﻭﺭﺍﺡ ﺍﻟﻠﻪ ﻳﺮﺣﻤﺔ .. ﻟﻴﺶ ﻫﻲ ﺍﻟﺤﺮﺏ ﺧﻠﺖ ﻭﺍﺣﺪ ﻋﺎﻳﺶ ..
ﺍﻛﻠﺖ ﺍﻟﺰﻳﻦ ﻭﺍﻟﻤﻮﺯﻳﻦ ..
ﺍﺗﻨﻬﺪ ﺟﺪﻱ ﺑﺤﺴﺮﺓ .. ﺑﻌﺪﺝ ﻣﺎﺷﻔﺘﻲ ﺷﻲ .. ﺭﺍﺡ ﻳﺠﻴﻨﺎ ﻳﻮﻡ ﻧﺘﺤﺴﺮ ﻋﻠﻰ ﺍﻟﻠﮕﻤﺔ .. ﻭﻫﺎﻟﺘﺸﻮﻓﻴﻦ ﺍﻟﺤﺮﺏ ﻃﻮﻟﺖ ﻭﺍﺣﻨﺔ ﻟﻮ ﻣﺎﮔﻴﻌﺎﻧﻪ ﻣﺎﻋﺸﻨﺎ .. ﺣﺘﻰ ﺍﻟﻤﻮﺳﻢ ﺍﻟﻬﺎﻱ ﺍﻟﺴﻨﺔ ﺍﻗﻞ .. ﻭﺑﺬﻭﺭ ﻣﺎﻛﻮ ﻭﺍﻟﻠﻪ ﺍﻟﻌﺎﻟﻢ ﺍﺫﺍ ﺍﻟﺴﻨﺔ ﺍﻟﺠﺎﻳﺔ ﺍﻛﻮ ﺣﺼﺎﺩ ﻟﻮ ﻻ ..
ﺍﻟﻜﻞ ﺟﺎﻥ ﻳﻬﻤﺲ ﻭﻣﺎﻳﺤﺠﻲ ﺑﺼﻮﺕ ﻋﺎﻟﻲ . ﻋﻤﺎﻣﻲ ﻣﻦ ﺟﻬﺔ .. ﻭﺟﺪﻱ ﻭﻋﻤﺘﻲ ﻣﻦ ﺟﻬﺔ ..
ﺳﺤﺒﺖ ﻧﻔﺴﻲ ﺑﻌﺪ ﻣﺎﻋﻴﻮﻥ ﻣﻬﺪﻱ ﺗﺨﻮﺯﺭ ﻋﻠﻴﻪ ..
ﻭﺭﺣﺖ ﺍﻟﻐﺮﻓﺘﻲ ..
ﻟﮕﻴﺖ ﺣﻜﻤﺖ ﻓﺎﺗﺢ ﺍﻟﻜﻨﺘﻮﺭ ﻭﻣﻄﻠﻊ ﺟﻨﻄﺔ ﻣﻔﺮﻏﻬﺎ ﺑﺎﻟﮕﺎﻉ ﻭﻣﺎﺧﺬﻫﺎ ..
ﺷﻬﮕﺖ ﻭﮔﻤﺖ ﺍﻟﻢ ﺑﻬﺪﺍﻳﺎ ﺣﺴﻦ .. ﺟﻨﺖ ﺧﺎﻟﺘﻬﻦ ﺑﺠﻨﻄﺘﻲ ﻣﺎﻝ ﻣﺪﺭﺳﺔ .. ﺍﺣﻨﺔ ﺟﻨﺎ ﻧﻜﻤﻞ ﺳﺎﺩﺱ ﺍﺑﺘﺪﺍﺋﻲ ﻭﻧﺒﻄﻞ ..
ﻣﺎﻳﺨﻠﻮﻧﺎ ﻧﻜﻤﻞ ﻣﺪﺭﺳﺔ ﺑﺲ ﺍﻟﻮﻟﺪ ﻳﻜﻤﻠﻮﻥ ﻻﻥ ﻳﺨﺎﻓﻮﻥ ﻋﻠﻴﻬﻢ ﻣﻦ ﺍﻟﻌﺴﻜﺮﻳﺔ ..
ﻣﻦ ﺑﻴﻦ ﺍﻟﻐﺮﺍﺽ ﻗﺮﺍﺻﺎﺕ ﻭﺣﻠﻮﻳﺎﺕ ﻳﺠﻴﺒﻠﻲ ..
ﻛﻠﻤﺎ ﻳﺮﻭﺡ ﻟﻠﻤﺪﺭﺳﺔ ﺟﺎﻥ ﻳﺸﺘﺮﻳﻠﻲ .. ﻣﺎﺟﻨﺖ ﺍﺣﺒﺔ ﺣﺐ ﻣﺜﻞ ﻫﺎﻱ ﺍﻻﻳﺎﻡ ..
ﻻ ﺑﺲ ﺣﺒﻲ ﺍﻟﻪ ﻣﺨﺘﻠﻒ .. ﻣﺜﻞ ﻃﻔﻠﺔ ﺗﻌﻮﺽ ﺣﻨﺎﻥ ﺍﺑﻮﻫﺎ ﻭﺍﻣﻬﺎ .. ﻫﻮ ﺍﻟﻮﺣﻴﺪ ﺍﻟﺤﻦ ﮔﻠﺒﻪ ﻋﻠﻴﻪ ﺑﻌﺪ ﻣﺎﺍﻣﻲ ﺭﺍﺣﺖ ..
ﻭﺟﺪﻱ ﻫﻢ ﺑﺲ ﻣﺎﺟﺎﻥ ﻣﻮﺟﻮﺩ ﻫﻮﺍﻱ ..
ﻧﺰﻟﺖ ﺩﻣﻮﻋﻲ ﻭﺭﺟﻌﺖ ﺫﺍﻛﺮﺗﻲ ﺍﻟﺬﺍﻙ ﺍﻟﻴﻮﻡ ﺍﻟﻲ ﺭﺍﺣﺖ ﺑﻴﻬﺎ ﺑﺮﺍﺋﺘﻲ ﻭﻃﻔﻮﻟﺘﻲ ..
……………………………………… ..
ﺍﺧﺬﻧﺎ ﺟﺪﻱ ﻛﻠﻨﺎ ﻟﻠﮕﺎﻉ ﻧﻠﻢ ﺍﻟﻤﺤﺼﻮﻝ .. ﺟﺎﻥ ﺍﺑﻮﻱ ﻫﻢ ﻭﻳﺎﻧﺎ .. ﻭﻓﺮﺣﺎﻧﺔ ﺑﻮﺟﻮﺩﺓ ﻳﻤﻲ ﺭﻏﻢ ﺣﺰﻧﻪ ﻋﻠﻰ ﺍﻣﻲ ﻭﺍﺿﺢ ﻭﻋﺒﺎﻟﻚ ﺟﺴﺪ ﺑﻼ ﺭﻭﺡ ﻣﻦ ﻳﻤﺸﻲ ..
ﺍﻣﻲ ﻣﺎﺻﺎﺭﻟﻬﺎ ﺳﻨﺔ ﻣﻦ ﺗﺴﻔﺮﺕ ﻭﻫﻨﺎ ﺍﻧﻘﻄﻊ ﺍﻻﻣﻞ ﻋﻨﺪ ﺍﺑﻮﻱ ﻛﻠﺶ ﻭﺟﺪﻱ ﻗﺮﺭ ﻳﺰﻭﺟﻪ ﺣﺘﻰ ﻳﻨﺴﻰ ﺑﺲ ﺍﺑﻮﻱ ﻣﺎﻗﺒﻞ .. ﺟﺎﻥ ﻋﻨﺪﺓ ﺍﻣﻞ ﺗﺨﻠﺺ ﺍﻟﺤﺮﺏ ﻭﺗﺘﺼﻠﺢ ﺍﻻﻭﺿﺎﻉ ﻭﺗﺮﺟﻊ ﺍﻣﻲ ..
ﻣﻦ ﺣﺰﻧﻲ ﻋﻠﻰ ﺍﺑﻮﻱ ﮔﻌﺪﺕ ﻋﻠﻰ ﺟﺮﻑ ﺍﻟﻤﺎﻱ ﻭﻣﺨﻠﻴﻪ ﺭﺟﻠﻲ ﺑﺎﻟﻤﺎﻱ ﺍﻟﺒﺎﺭﺩ ..
ﺳﻤﻌﺖ ﺻﻮﺕ ﻳﻬﻤﺲ ﻭﺭﺍﻱ .. ﻟﻴﺶ ﺍﻟﺤﻠﻮﺓ ﺿﺎﻳﺠﺔ ..
ﺭﻓﻌﺖ ﺭﺍﺳﻲ ﺣﺴﻦ ﻳﺒﺘﺴﻢ ﺭﻓﻊ ﺩﺷﺪﺍﺷﺘﺔ ﻋﻦ ﺍﻟﺘﺮﺍﺏ ﻭﮔﻌﺪ ﻳﻤﻲ ..
ﺗﺤﺴﺮﺕ ﺣﺴﺮﺓ ﻃﻮﻳﻠﺔ .. ﺣﺴﻦ ؟؟
ﻧﻌﻢ
ﺗﻌﺘﻘﺪ ﺭﺍﺡ ﺗﺮﺟﻊ ﺍﻣﻲ ؟؟
ﺍﻟﻠﻪ ﻛﺮﻳﻢ
ﺑﺲ ﺍﻧﻲ ﺍﺷﺘﺎﻗﺘﻴﻠﻬﺎ ﻭﻫﻨﺎ ﻣﺤﺪ ﻳﺤﺒﻨﻲ ﻣﺜﻠﻬﺎ .. ﺍﺭﻳﺪ ﺍﻣﻲ
ﻣﺴﺢ ﺩﻣﻮﻋﻲ ﺑﻴﺪﻩ .. ﻻﺗﺒﺠﻴﻦ ﺍﺣﻨﺔ ﻛﻠﻨﺎ ﻳﻤﺞ ﻭﻧﺤﺒﺞ ..
ﻭﺍﻱ ﻭﺍﺣﺪ ﻳﻀﻮﺟﺞ ﮔﻠﻴﻠﻲ ﻭﺍﻧﻲ ﺍﺧﻠﻲ ﺟﺪﻱ ﻳﺘﺼﺮﻑ ﻭﻳﺎﻩ ..
- ﺍﻧﺖ ﺣﺒﺎﺏ ﻣﻮ ﻣﺜﻠﻬﻢ . ﻭﻋﻤﺔ ﺑﺜﻴﻨﺔ ﻫﻢ ﺣﺒﺎﺑﺔ ﺑﺲ ﺗﺨﺎﻑ ﻣﻦ ﻋﻤﺔ ﻟﻤﻴﻌﺔ ﻭﻣﺎﺗﺪﺍﻓﻌﻠﻲ ..
ﺿﺤﻚ ﺿﺤﻜﺔ ﻃﻮﻳﻠﺔ .. ﻫﻬﻬﻬﻬﻪ ﻫﻲ ﻋﻤﺘﻲ ﻟﻤﻴﻌﺔ ﻣﻨﻮ ﻣﺎﻳﺨﺎﻑ ﻣﻨﻬﺎ .. ﺍﻟﻤﻬﻢ ﻻﺗﺨﺎﻓﻴﻦ ﺍﻧﻲ ﺍﺩﺍﻓﻌﻠﺞ ..
- ﻳﻌﻨﻲ ﺍﻧﺖ ﻣﺎﺗﺨﺎﻑ ﻣﻨﻬﺎ ..
- ﻻ ﻃﺒﻌﺎ .. ﺍﻧﻲ ﺭﺟﺎﻝ .. ﻭﺍﻟﺮﺟﺎﻝ ﻣﺎﻳﺨﺎﻑ ﻣﻦ ﻣﺮﺓ ..
ﺣﻀﻨﺘﻪ ﻻﺍﺭﺍﺩﻳﺎ ﻭﻷﻧﻲ ﺍﺣﺴﺔ ﺍﻣﺎﻧﻲ ﻭﻣﺜﻞ ﺍﺧﻮﻳﺔ ..
ﺑﺲ ﻫﻮ ﺑﻴﻮﻣﻬﺎ ﺭﻓﻊ ﺣﻨﺠﻲ ﻭﮔﺎﻝ ..
ﺭﺿﻮﺓ ﺍﻧﻲ ﺍﺭﻳﺪ ﺍﺧﻄﺒﺞ ﻣﻦ ﺟﺪﻱ ﺗﻘﺒﻠﻴﻦ ؟؟
ﺷﻨﻮ ﺍﺧﻄﺒﺞ ؟؟
ﻳﻌﻨﻲ ﺍﺗﺰﻭﺟﺞ ؟؟
ﺷﻬﮕﺖ .. ﻣﺎﺗﺴﺘﺤﻲ ﺍﻻ ﺍﺣﺠﻲ ﺍﻻﺑﻮﻱ ﻋﻠﻴﻚ ﻣﻴﻞ ﻋﻨﻲ ﻣﺎﺍﺭﻳﺪﻙ ..
ﺿﺤﻚ .. ﻭﺣﻖ ﺍﻟﻠﻪ ﺍﻻ ﺍﺧﺬﺝ ﻭﺍﺭﺑﻴﺞ ﻋﻠﻰ ﺍﻳﺪﻱ ﻳﺮﺿﻮﺓ ..
ﺍﺑﺘﺴﻤﺖ ﻻﺍﺭﺍﺩﻳﺎ ﺍﻟﻜﻼﻣﺔ ﻭﺍﻧﻲ ﺟﺎﻱ ﺍﺗﺬﻛﺮ ﺭﻏﻢ ﻟﺴﺎ ﻣﺎﺳﺎﻣﺤﺘﻪ ﻉ ﺍﻟﻲ ﺳﻮﺍﻩ ﺑﻴﻪ .. ﻳﺎﻟﻴﺖ ﺗﺮﺟﻊ ﺫﻳﺞ ﺍﻻﻳﺎﻡ ﻭﻣﺎﺍﺧﻠﻲ ﻫﺎﻟﻐﻠﻂ ﻳﺼﻴﺮ .. ﺑﻴﻮﻣﻬﺎ ﺻﺪﮒ ﺣﺠﻰ ﻭﻱ ﺟﺪﻱ ﻭﮔﺎﻟﻪ ﺍﺧﻄﺒﻬﺎ ﻭﺍﺣﺠﺰﻫﺎ ﺍﻟﻲ ..
ﻭﻋﻤﺘﻲ ﺑﺜﻴﻨﺔ ﻫﻢ ﺣﺠﺖ ﻭﻳﺎﻱ ﻭﮔﻠﺒﺘﻬﺎ ﻣﻨﺎﺣﺔ ﻋﻠﻴﻬﻢ ..
ﺭﺟﻌﺖ ﻣﻦ ﺫﻛﺮﻳﺎﺗﻲ ﺑﻔﺘﺤﺖ ﺍﻟﺒﺎﺏ ﺣﻴﻞ .. ﻓﺰﻳﺖ ﻭﻟﻤﻠﻤﺖ ﺍﻟﻐﺮﺍﺽ ﺑﺴﺮﻋﺔ ﻭﻣﺴﺤﺖ ﺩﻣﻮﻋﻲ ..
ﺟﺎﻥ ﻣﻬﺪﻱ ﻳﻌﺎﻳﻦ ﻋﻠﻴﻪ .. ﻟﻴﺶ ﺗﺒﺠﻴﻦ ﻭﺷﻨﻮ ﺫﻧﻲ ﺍﻟﻀﻤﺘﻴﻬﻦ ﻣﻦ ﺷﻔﺘﻴﻨﻲ ……
ﻣﺎﻋﺮﻓﺖ ﺷﺄﺣﺠﻲ ﻭﺍﺣﺲ ﮔﻠﺒﻲ ﻭﮔﻊ ﻣﻦ ﺍﻟﺨﻮﻑ ……
# ﺑﻘﻠﻤﻲ _ ﺍﻟﻜﺎﺗﺒﺔ _ ﺷﻤﺲ
ﻳﺘﺒﻊ ………
ﺍﻫﻼ ﺣﺒﺎﻳﺐ .. ﺍﺗﻤﻨﻰ ﻋﺠﺒﻜﻢ ﺍﻟﺒﺎﺭﺕ ﺍﻻﻭﻝ ..
ﻃﺒﻌﺎ ﺍﻟﺮﻭﺍﻳﺔ ﺗﺘﺤﺪﺙ ﻣﻦ ﺳﻨﺔ ﺍﻟﺜﻤﺎﻧﻴﻦ ﺍﻟﻰ ﺍﻻﻥ ..
ﻭﺭﺍﺡ ﻳﻜﻮﻥ ﺍﻟﺘﻨﺰﻳﻞ ﺑﻴﻦ ﻳﻮﻡ ﻭﻳﻮﻡ ﺍﻟﺴﺎﻋﺔ ﺍﻟﺘﺎﺳﻌﺔ ﻟﻴﻼ
ﺍﺭﺃﻛﻢ ﻉ ﺍﻟﺒﺎﺭﺕ ﺍﻻﻭﻝ ..
ﻭﻻ ﺗﻨﺴﻮﻥ ﺍﻟﺘﺼﻮﻳﺖ ﺣﺒﺎﻳﺐ ..
ﻛﻠﻤﺎ ﻳﺰﺩﺍﺩ ﺍﻟﺘﺼﻮﻳﺖ ﻳﻜﻮﻥ ﺍﻟﻲ ﻭﺍﻫﺲ ﺍﻛﺘﺐ ﺍﻛﺜﺮ ﻭﺍﻧﺰﻝ