كاران : اة كانت الجيرل فرند بتاعتي في ألمانيا قعدت معاها شهر واحد كنت هانتحر
جيسي : يعني انت سبت كل بنات ألمانيا و مسكت في دي
كاران بتوتر: هو انا كنت اعرف أنها كدة
جيسي بضحكة : يلا مش مهم المهم انك خلصت منها
كاران : اوك باي بقي عشان تلحقي تستمتعي بالوقت الفاضلك من غير كيارا
جيسي : اوك باي
اغلقت جيسي الخط و دخلت الغرفة و وجدت طوني مستيقظ و ينظر في ال لاب توب خاصتة
جيسي : بتعمل اية؟؟؟
طوني : بيقولوا اني النتيجة النهاردة علي الساعة واحدة كدة
جيسي بسعادة : بجد امتياز انشاء الله
طوني بقلق : انشاءالله
جيسي : ما تخافش انا متفائلة خير انشاءالله تبقي ظابط و اتفشخر بيك ادام الناس و اكسر إشارات المرور و اقلهم اخويا ظابط و كمان هاتخانق مع البلطجية و أقولها انا مش خايفة منك و كمان؛؛؛؛
طوني مقاطعا : كمان أية هو لسة في كمان دا انا هاكون اتقتلت او انتحرت
جيسي : بعد الشر يا رب البوبي الوحش و انت لا
طوني : سيبك من كل دة دلوقتي المهم عاملتي اية مع كاران و موبايلك كان مقفول لية؟؟و هو اتصل بيكي لية في الفجر؟؟؟
جيسي : خدني قصر غريب كدة في منطقة اول مرة اشوفها مافيهاش صريخ ابن يومين و ماكنش في شبكة هناك
طوني : اوك و اتكلمتوا في اية؟؟؟
حكت جيسي لطوني علي كل ماحصل معها من لحظة وصولها إلي القصر حتي اتي بها كاران الي باب منزلها
طوني : واوووو دة طلع جينتل اوي و كمان حكالك شريط حياتة المؤلم انا مش مرتاحلة خالص حاسة بيلعب بيكي مش عارف لية
جيسي : انا كمان حاسة بكدة بس هاجارية
طوني : و اتصل بيكي في الفجر لية؟؟
جيسي بإبتسامة: عشان راح استاناني خمس ساعات في المدافن و انا نسيت اقولة اني مش رايحة...اة صح نسيت اقولك دة طلع يعرف كيارا
طوني : ودة يعرفها منين ؟؟؟ هي بقت انتر ناشونال من ورانا ولا اية ؟؟؟
جيسي بضحكة : اة شكلها كدة ... دي كانت الجرل فريند بتاعتة في ألمانيا بس فركش معاها بسرعة
طوني : طبعا دي قرف
دخل جاسر الغرفة فجأة و كان يبدوا عليه الغضب ظنت جيسي انة سمعهم و هم يتكلمون عن كاران
جاسر بفضب : منكم الله ماعرفتش انام منكم انا غلطان اني سمعت كلامكم
طوني بخضة: خير اية الحصل
جاسر : كركبت الزفت الأوضة زي ما قولتولي ما عرفتش اتخمد
جيسي بضحكة : معلش استحمل كل دة اهون من أن زفتة تيجي هنا
طوني : اة صح زفتة دي حاجة كدة مالهاش وصف
جاسر : خلاص بقي اسمها زفتة
طوني و جيسي في صوت واحد : اة
طوني : اسم زفتة لايق عاليها اوي
جيسي : اة فعلا دي زفتة و ستين زفتة
سمعوا صوت رنين جرس الباب
طوني و جيسي في صوت واحد : يووووو
ذهب جاسر لفتح الباب فوجد الطارق هو من كان يتوقعة
كيارا : هاي يا جدوا عامل اية؟؟
جاسر باستغراب : نعم جدوا مين ؟؟
كان طوني و جيسي يقفون على باب الغرفة و سمعوا كيارا فأنفجروا من الضحك
كيارا و هي تدفع جاسر لتدخل : عديني يا جدوا معلش عديني عشان تعبت من المشوار
دخلت كيارا لتتفاجئ من مظهر المنزل
كيارا بغضب : اية دة البيت!!!مكركب كدة لية؟؟
طوني بضحك: معلش اصلي الخدامة رجلها انكسرت و ماعرفتش تيجي تنضف الشقة
كيارا وهي تضع يدها علي خصرها : نعم انتم مش عارفين اني جاية
جيسي : عارفين والله دورنا على رمل نفرشلك الارض بية بس قولنا انك بتحبي النضافة مش هايعجبك
دخل مايكل و هند الشقة و رحب بهم كلا من طوني و جيسي و جاسر
مايكل وهو يشد خدود جيسي : وحشتيني يا احلى جوجو في الدنيا
جيسي وهي تفعل بة نفس الشئ : و انت كمان يا احلي انكل
هند : مالك يا جاسر شكلك مضايق
جاسر : اسألي كيارا
مايكل : انتي لحقتي تعمل مشاكل يا بلوة عملتي اية المرادي
كيارا ببرائة: ولا حاجة يا دادي انا قولتلة عامل اية يا جدوا بس
مايكل بغيظ : بس كدة الانتي بتقوليلوة يا جدوا دا عندة تمانية و تلاتين سنة يعني قدي يا هبلة
كيارا بإنبهار : اية دة بجد!!! طب انت لية ما اتجوزتش واحدة تاني
كاد جاسر ان يجيب عاليها بغضب لكن طوني قاطعة
طوني بغضب شديد : و انتي مال اهلك انا اسف يا انكل بس دي كدة اتخطت كل الحدود بجد كدة كتير
صوت رنين هاتف طوني هو من انقذ كيارا
ذهب طوني إلي الشرفة كي يجيب و ذهبت جيسي ورائة
طوني : الووووو يا وائل عامل اية؟؟
وائل : تمام بقولك النتيجة ظهرت دلوقتي شوفها بسرعة
طوني : ازاي كان مكتوب علي الفيس أنها هاتظهر الساعة واحدة
وائل : لا دي نتيجة سنة أولى مش احنا اسمع الكلام بس و ادخل شوف
طوني بقلق : طب انت جبت اية
وائل : جبت جيد
طوني بقلق : اوك هادخل اشوف حالا ربنا يستر
وائل : اشطا و اتصل بيا قولي جبت اية
طوني : اشطا ماشي باي
وائل : باي
اغلق طوني الخط ثم دخل إلي غرفتة و فتح الحاسوب كي يري نتيجتة
جيسي وهي تمسك يدة: ما تخافش انشاءالله امتياز
طوني بقلق شديد : يا رب انا كنت ناقص حرقة الدم بتاعتة زفتة
جيسي وهي مازلت تمسك بيدة : معلش
رأي طوني نتيجتة علي شاشة الحاسوب أخيرا و لم يصدق نفسة.......
YOU ARE READING
لعبة القدر
Mystery / Thrillerالمقدمة في بعض الأحيان تصبح حياتنا مجرد جحيم او كابوس نحاول جاهدين الاستيقاظ منه لكن بلا جدوى ثم يلعب القدر لعبتة و يأتي لك بفرصة للاستيقاظ ويأتي لك شخص يجعلك تعيش حياتك كأنك في الجنة لكنك بغبائك تخسرة او ربما لسبب أخر ......فماهو؟ ربما الانتقام أو...
