الفصل الثالث و العشرن
طوني بصدمة : يخربيتك إي دة انتي رايحة فين كدة
جيسي : حلو صح انا طالعة مزة مش كدة
طوني : روحي غيري بدلة الرقص دي
جيسي وهي تضرب بقدمها على الارض:لا انا شكلي حلو فية و البنات كلهم بيلبسوا كدة
طوني بحدة :بقولك غيري بدل مانروحش خالص
رن جرس الباب و ذهب طوني ليفتح وكان الطارق هو جاسر
جاسر :في اية؟صوتكم عالي اوي
طوني :اتفضل يا بابا شوف الهانم الجوا لابسة اية و عايزا تروح بية البارتي
دخل جاسر ليري جيسي و ينصدم مثل طوني
جاسر : حلو اوي الفستان دة جبتية منين
جيسي وهي تدعي الخجل : ميرسي يا عموا جبتوا من مول مصر لما روحت امبارح مع ميرنا
جيسي وهي تنظر لطوني بقرف:شايف الناس البتفهم مش تقولي بدلة رقص
طوني : اية الحلو فية بالظبط دة اليشوفك لبساة يقول اني القماش العندك مكفاش عشان تكملي الفستان مش بعيد و احنا ماشين في الشارع
تلاقي الناس بتديلك فلوس وتقولك روحي كملي فستانك
ضحك جاسر من كلام طوني و جيسي أيضا لكنها حاولت إخفاء ضحكتها
جيسي وهي تحاول كتم ضحكتها:انت مابتفهمش في الموضة
كاد طوني ان يتكلم لكن جاسر قاطعة قائلا
جاسر بجدية :خلاص لو المشكلة في انك تمشي بيها ازاي كدة خد العربية انا اصلا هنام خلصت الشغل الورايا كلة و انتي يا جوجو شوفي حاجة حطيها عاليكي وانتم نازلين و اقلعيها لما تدخلي العربية تمام كدة
جيسي بسعادة : دة كلام الناس العقلة بتقول حكم يا عموا تمام
طوني علي مضض :تمام
دخلت جيسي الغرفة و وضعت على ذراعيها شال من خامة الشيفون ثم خرجت لطوني
طوني : لا فرقت كدة روحي البسي جاكيت
جيسي:يع انت مش بتفهم في السوارية حد يلبس جاكيت على السوارية
طوني : لا ينزل ينزل كدة و كل حاجة باينية
جاسر من الغرفة : انزلوا بقي عايز اتخمد
طوني : ماشي ياعم سربنا يلا يا بت قدامي بس لو حد عاكسك انا هاسيبة و مش مسؤل سامع يا أبويا
جيسي : هو انا حلوة اوي للدرجادي
طوني : يخربيتك وانتي بيضة و حلوة كدة جاتك قرف في بياضك اوعي كدة عشان انزل
جيسي : لا انت مش بتعرف في الإتيكيت ليدز از فرست
طوني ببرود : لا اعرف بس معلش هي فين اليدز دول
جيسي بغضب :امشي يا بارد
طوني وهو يتجة ناحية الباب بإبتسامة :ميرسي انا عارف
جيسي وهي تذهب ورائة : استني مش عارفة اجري وراك انا لابسة كعب
طوني من علي السلم : وانا مالي انك اوزعة يلا ورايا يا اوزعة
نزل طوني و جيسي وركبوا السيارة متوجهين إلى حفلة جوليا
في السيارة
جيسي : طوني شغل اغاني انا زهقانة
طوني : هش سبيني أركز
جيسي : تركز في اية انت بتعمل عملية جراحية
طوني : اكتر وانتي إيش عرفك في السواقة
جيسي : ماتعلمني عشان اعرف
طوني : الدغنفول الهايتجوزك يبقي يعلمك
جيسي : نعم اية دغنفول دي كمان
طوني : صغير الفيل
جيسي : يع انا عايزا واحد سمبتيك من بتوع
الأفلام الاكشن دول كدة عشان اغيظ بية ميرنا و جوليا و انت كمان
طوني بصوت منخفض : انتي لقياة
جيسي : بتقول حاجة
طوني : لا بدعيلك تلاقي فتي أحلامك بتاع
الاكشن
جيسي وهي تدعى الخجل : ميرسي
طوني : بس في مشكلة دلوقتي انتي مستفزة يعني ممكن تعصبية زي مابتعملي معايا بس دة مش هايستحملك زي لا دة هايديك علقة سخنة وانا الصراحة هاخاف اقف قدامة
جيسي : مش عيب عاليك تبقي ظابط و بتخاف و بعدين البيحب حد بيستحملة مهما كان اسلوبة او طريقة في الكلام
طوني : ودة هتلاقية فين ؟
جيسي و هي تنظر من النافذة :مش عارفة بس اكيد موجود في اي مكان دلوقتي
■في ألمانيا
كان هناك شابين يركضان في شوارع النمسا و تركض ورائهم الشرطة
كاران وهو يلهث من الركض : روهان انت متأكد اني العربية في الطريق
روهان : اة انديانا لسة مكلماني من شوية انا تعبت من الجري هما مش بيتعبوا
كاران : لا شكلهم لازقة أهي العربية يلا ننط فيها
ققز الشابان في السيارة و كانت تقودها فتاة بسرعة جنونية
انديانا : كاران الشنطة العندك ورا حط فيها الملفات و خد منها الباسبور الجديد بتاعك
كاران وهو ينهج من الركض : انا هاموت من العطش مافيش معاكي ميا
انديانا وهي تناولة زجاجة مياة : اهي اتفضل بس الرئيس عايزا يكلمك ضروري
روهان : هاتلي اشرب بعدك
كاران بعد ان شرب : امسك الازازة أهي انديانا هاتيلي موبايلك اكلمة
انديانا وهي تعطي الهاتف لكاران : اتفضل بس لو قالك علي سفر انا مش معاكوا
روهان بضحكة ساخرة : انتي هاتتعتزلي ولا اية انتي نسيني انك المفروض تبقي معانا في كل حتة انتي فرد من فرقتنا
كاران بنبرة غضب : اخرسوا انا الاقرر أمور فريقي واذا كنتي هاتيجي ولا لا و لو حد هايسيب فرقنا ولا لا مفهوم
انديانا و روهان في صوت واحد : مفهوم
☆معلومات عن العصابة
عصابة القناع الأسود هي من أخطر العصابات
عالميا ولها عدة فرق منتشرة حول العالم في ألمانيا و الهند و مصر و فرنسا و اسمها دائما ما تبحث عنة الشرطة (عصابة القناع الاسود )التي تقوم بتوزيع الهروين علي النوادي و المطاعم و الديسكوهات ولها أعمال أخري مثل التزوير و قرصنة المعلومات البوليسية مؤسسها هو (ناصر سيف الدين)و هو رجل أعمال مشهور و يخفي جرائهم في بيع قطع غيار السيارات التي معظمها تكون سيارات مهربة من جمارك او مسروقة و يختار أفراد عصابتة بعناية حيث كان يختارهم من بين أطفال الشوارع و الأيتام الذين كان يتبناهم من الملاجئ و يعلمهم حمل السلاح و طريقة التجارة في الهروين دون التأثر بها وكان يرسم لهم تاتو مميز علي اذرعتهم لكي يكونوا مميزين
--------------------
☆معلومات عن فرقة كاران
فرقة كاران هي من أفضل الفرق لدي نصر سيف الدين فهي بها أشخاص متخصصين في جميع
المجالات فمثلا:-؛
♡انديانا بارعة في قيادة السيارات و تعقب المناطق التي تقصدها الشرطة و تجنبها ببراعة
♡روهان بارع في اختراق كاميرات المراقبة و الهواتف و التجسس علي المكالمات
♡كاران بارع في خداع الناس و استتراج المعلومات منهم ببراعة كما هو أيضا بارع في القفز من المرتفعات و التسلل و الاختباء كما بإمكانة تغير شكلة و يتميز بالجدية في عملة فلا وقت للمزاح عندة فهو قائدهم
و نصر سيف الدين يعتبرة ابنة دائما فهو أوفي شخص لة و دائما مايعتمد علية في عمليات القتل و توزيع الهروين علي المناطق التي تراقبها الشرطة
♡كيفن بإمكانة تزوير أي شئ باسبور أو بطاقة
هوية أو .......إلخ
و لهم قناع مميز عن باقي أقنعة العصابة فهم رقم واحد في الأجرام
▪عودة إلي السيارة عند كاران
كاران : الو يا رئيس الصفقة تمام و التسليم بكرة
ناصر : انا كنت عارف اني مافيش حد غيرك ينفع اعتمد عالية في حاجة مهمة زي دي
كاران : شكرا يا ريس انا الهاكمل الصفقة ولا حد تاني
ناصر : حد تاني انتم ليكم طلعة تاني مهمة انديانا هاتخدكم علي المطار و كيفين مستنيكم هناك
كاران : تمام بس علي فين ؟؟؟؟
ناصر : علي مصر في مهمة كنت مخليهالك من ساعت اول مرة شوفتك فيها
كاران : تمام احنا خلاص وصلنا المطار سلام
ناصر : سلام اول ماتوصل تعالي عندي علي الشركة بس تعالي لوحدك من غير فريقك
كاران : حاضر
اغلق كاران الخط و ترجل هو وأفراد فريقة من السيارة و رمت انديانا المفتاح بجانب السيارة لكي يتخلصوا منها
دخلوا المطار و قابلوا كيفن الذي أعطاهم الباسبورات المزورة ليسافروا الي أرض مصر
■عودة الي طوني و جيسي
وصل طوني و جيسي للحفلة و استقبلت جوليا جيسي و طوني و عرفتهم علي خطيبها الذي انبهر الجميع لمعرفة من هو
طوني وهو يعانقة : لا مش معقول كدة يا زين تتخطب و ماتقولش لصاحبك حبيبك
زين وهو يعانقة : انا حبيت اعملهالك مفاجأة و كدا كدا انا كنت متأكد انك جاي مع جيسي
طوني بإبتسامة : ماشي يا عم يلا بقي عشان نهيص زي ايام المدرسة كدة
جيسي وهي تمسك طوني من قميصة : قفشتك بقي قاعد تتكلم مع اصحابك و سايبني لوحدي
طوني وهي يبد يدها عنة : يا هبلة دة زين مش فكراة الكان بيلعب معانا لما بابا كان بيتأخر
جيسي : طبعا فكراه انا اصريت انك تيجي عشان
تشوفة
جوليا : بقي واقفين و سيبني لوحدي
جيسي : حد قالك تقفي بعيد مع العيال الرخمة دي
جوليا : معلش بقي قرايبي و ماما عمالة بتزن عاليا عشان اقف معاة
جيسي : صح فكرتني انتي ماعزمتيش البت ميرنا
ولا اية
جوليا : طبعا عزمتها بس معرفش هي اتأخرت لية
جيسي : طيب انا هاطلع برا اكلمها فرصة طوني مشغول مع زين
جوليا : وانا هاقف لوحدي
جيسي : يا هبلة دي حفلتك تقفي لوحدك ازاي كل الهنا جم عشانك
جوليا : خلاص روحي
خرجت جيسي للإتصال بصديقتها ميرنا لأن الشبكة داخل منزل جوليا ضعيفة
بعد خروج جيسي ذهبت جوليا للوقوف مع طوني و زين
جوليا : زين انا زهقانة تعالي نرقص شوية
زين : اوك يا حببتي تعالي
طوني بإستغراب : امال جوجو راحت فين؟
جوليا : طلعت عشان تتصل بميرنا تشوفها فين
طوني بعصبية : ازاي تسبيها تتطلع برا لوحدها و
بالبتاع الهي لبساة دة
ثم خرج بغضب ليبحث عن اختة
▪في هذة الاثناء عند جيسي بالخارج
خرجت جيسي لتتصل بصديقاتها ميرنا
و بالفعل أخرجت هاتفها لتكلمها
ميرنا : ألو
جيسي بغضب : الو يا هانم انتي فين؟
ميرنا : معلش مش هاقدر اجي لسة عارفة من ساعة اني اخويا كيفن جي مصر النهاردة و انتي عارفة اني دي اول مرة ينزل مصر من خمس سنين اكيد نسي الشوارع هنا و ممكن يتوه
جيسي : اوك معذورة يوصل بالسلامة بس لما اشوفك هانفخك و جوليا مش هاترحمك
ميرنا : معلش يا جوجو باي بقي الطيارة وصلت
جيسي : باي
بعد ان أغلقت جيسي و بدأت بالمشي إلي المنزل مرة أخري تعثرت في حجر و وقعت
جيسي بألم : أي رجلي اتلوت مش قدرا اقوم يخربيت الكعب علي العايز يلبسة
اتي ثلاث شباب من خلف جيسي
YOU ARE READING
لعبة القدر
Mystery / Thrillerالمقدمة في بعض الأحيان تصبح حياتنا مجرد جحيم او كابوس نحاول جاهدين الاستيقاظ منه لكن بلا جدوى ثم يلعب القدر لعبتة و يأتي لك بفرصة للاستيقاظ ويأتي لك شخص يجعلك تعيش حياتك كأنك في الجنة لكنك بغبائك تخسرة او ربما لسبب أخر ......فماهو؟ ربما الانتقام أو...
