في صباح يوم جديد استيقظ جاسر علي صوت المنبة و ذهب لإعداد الفطور للطفلين
جاسر من المطبخ : طوني جوجو اصحوا بقي اتأخرتوا علي المدرسة
طوني من الاوضة : حاضر يا بابا انا صحيت و هاصحي جوجو
استيقظ طوني و ايقظ جيسي
طوني : يلا يا جوجو عشان الحق اعملك السنبلة
جيسي بنوم : حاضر انا صحيت خلاص
طوني : ازاي صحيتي و انتي عينك مغمضة
جيسي بعد ان قامت من علي السرير:اهو خلاص صحيت
خرج الطفلين إلي الصالة لتناول الفطور
جاسر : في حاجة مهمة انا عايز اقولهالكم
طوني : لو اننا لازم نذاكر كويس بلاش غير كدة انا معاك
جاسر : ممكن تحط اكل في بوقك و تسكت خليني اقول كلمتين علي بعض
طوني و الاكل في فمه: اهو بعرف اتكلم و الاكل في بوقي برضوا
جيسي : بابي كان بيقولي اني غلط حد يتكلم و الاكل في بوقة
جاسر : انتي شطورة سيبك منة دة معفن
طوني : متشكرين يا أبويا يا حبيبي
جاسر : اخرس بقي سبني اقول اللي انا عايزة ، بصوا انا مواعيد شغلي مش متظبطة لاني لسة ما اتثبتش في الشغل يعني هاخرج كل يوم بمعاد مختلف و انا للأسف مضطر اني اعتمد عاليك يا طوني عشان تروح انت و جوجو لوحدكم و اول ماتوصل البيت كلمني هاسيبلك موبايل في البيت تكلمني منة
طوني : ماتخقش انت اعتمدت علي راجل اوعدك هاكون عند حسن ظنك بس الموبايل نوعة اية
جاسر : نوكيا ستة ستومية
طوني : لا مش موافق مش هاقبل غير آيفون سفن
جاسر : دة عشان اطمن عاليكم بية مش عشان تلعب ، اة كنت هنسي خد مفتاح الشقة بس اوعي تضيعة و لما تيجوا هتلاقوا الغدا في المطبخ سخنوة في الميكروويف
طوني : هتنازل عن حقوقي كطفل و اوافق
انهي الجميع فطورة و ذهب جيسي و طوني لإرتداء ملابس المدرسة
جيسي : وني يلا اعملي السنبلة
طوني : حاضر انتي مابتنسيش
جيسي بإبتسامة : لا مش بنسي
بعد ان انتهي طوني من عمل السنبلة لجيسي خرجوا إلى الصالة عند جاسر
جاسر:الله حلو اوي اللي انتي عملاة في شعرك دة
جيسي بسعادة : شكرا يا عموا وني هو اللي عملهولي
جاسر : برافوا يا وني لما تكبر هافتحلك كوافير
طوني : لا شكرا انا عايز ابقي ظابط عشان احميكم و امسك مسدس
جاسر : طب قدامي يا حضرة الضابط
انطلق جاسر بسيارتة و اوصل الطفلين إلي المدرسة ثم ذهب إلي عملة
بينما كان جاسر في الطريق إلي عملة رن هاتفة
جاسر : مايكل عامل وحشتني بعض
مايكل :انت كمان اية اخبارك و أخبار جيسي و طوني
جاسر : كلة تمام
مايكل : اخبار الشغل اية ؟؟؟
جاسر : تمام متشكر جدا على تعبك معايا
مايكل : العفو ياعم علي اية دا انت بقيت زي اخويا الكبير
جاسر : اخبارك انت و هند اية
مايكل : انا مكلمك عشان كدة
جاسر : عملت اي تاني
مايكل : كل خير انا و هند هانتجوز أخير بعد أسبوعين
جاسر :اخيرا مبروك
مايكل :الله يبارك فيك احنا هانعمل الفرح في مصر و طبعا انت معزوم
جاسر : ربنا يسهل انتم جايين أمتي
مايكل: بكرة هتلاقيني لازق فيك
جاسر : قشطا ماشي انا وصلت سلام دلوقتي هاكلمك تاني بعدين
مايكل : اوك بس انا هابعتلك الدعوه علي الفيس باي
اغلق جاسر الخط و ترجل من سيارتة متوجها إلي عملة
▪في المدرسة عند جيسي و طوني
بدأ اليوم الدراسي حيث جلست جيسي في الصف إلي جانب صديقتها جوليا التي تعرفت
عاليها يوم أمس أمس انضمت لهم صديقة جديدة
تدعي ميرنا
ميرنا : هاي ممكن اقعد معاكم عشان انا قاعدة لوحدي
جيسي : اكيد تعالي في مكان فاضي
جوليا : هاي انا جوليا و دي جيسي
ميرنا : وانا ميرنا
جلس ثلاثتهم يتحدثون و يلعبون اما عند طوني في فصلة كان جالسا إلي جانب صديقة المقرب وائل
وائل : انا زهقت من الحصة دي و مش فاهم حاجة
طوني : يا عم هز راسك انك فاهم و خلاص
المدرس : طوني و وائل قوموا قولولي انا كنت بقول اية
طوني بصوت منخفض لوائل : عجبك كدة اتقفشنا
وائل : حضرتك كنت بتقول كلام
طوني : اة صح و كان عن الرياضة و معدلات وكلام من دة
وائل : اة صح وبعدين حضرتك حليت مسائل
المدرس : طيب يا فالح انت وهو تعالوا حلوا المعادلة دي
طوني : انا دراعي اليمين واجعني مش هاعرف احل صحتي بالدنيا
وائل : وانا كمان
المدرس : طب برا انتم الاتنين
طرد طوني طوني وائل من الفصل وهم يضحكان بعدها ذهبوا لفصل جيسي
طوني : هاي يا ميس ممكن تحضر هنا
المدرسة : انتم سنة كام؟
وائل : رابعة
طوني : بس ممكن نرجع اولي عادي
المدرسة : لا روحوا علي فصلكم
وائل : مطرودين
طوني : الله يخرب بيتك قولت لية جيسي هاتقول لبابا
جيسي من الفصل : ميس اتصلي بعمو قوليلة
طوني :عجبك كدة سلام يا ميس احنا هاتمشي
اغلق طوني باب الفصل و بدأ هو و وائل بالضحك و الركض في المدرسة حتي انتهت الحصة و بدأ البريك
لعبت جيسي و جوليا و ميرنا سويا بينما لعب طوني و وائل و إنضم إليهم زين
انتهي اليوم الدراسي واتي وقت الرحيل ودع طوني و جيسي أصدقائهم و رحلوا
جيسي : احنا هانركب الاتوبيس لوحدنا
طوني : لا معانا امي انتي شايفة اية
جيسي : بس انا خايفة
طوني وهو يمسك بيد جيسي : ماتخافيش تعالي معايا و اوعي تسيبي أيدي
ركب الطفلان الحافلة (الاتوبيس )متوجهين إلي منزلهم
YOU ARE READING
لعبة القدر
Mystery / Thrillerالمقدمة في بعض الأحيان تصبح حياتنا مجرد جحيم او كابوس نحاول جاهدين الاستيقاظ منه لكن بلا جدوى ثم يلعب القدر لعبتة و يأتي لك بفرصة للاستيقاظ ويأتي لك شخص يجعلك تعيش حياتك كأنك في الجنة لكنك بغبائك تخسرة او ربما لسبب أخر ......فماهو؟ ربما الانتقام أو...
