لعبة القدر

26-لقاء في المقابر

عاد كل أفراد الفريق إلى منازلهم ماعدا كاران ذهب ل ناصر سيف الدين كما طلب منة في الهاتف
وصل كاران الي الشركة التي كانت فارغة لايوجد بها سوي ناصر و الحراس ترجل من السيارة و دخل ثم القي التحية علي الحراس الموجودين و اصطحبة أحدهم الي ناصر ،دخل كاران المكتب عند ناصر الذي استقبلة بإبتسامة كالعادة
ناصر وهو يعانق كاران : اخبارك اية يا وحش
كاران : تمام يا ريس اتفضل الفلاشة
ناصر : تمام كنت عارف اني مافيش غيرك هايقدر ينفذ العملية دي
كاران : شكرا حضرتك كنت عايزني
ناصر وهو يشير إلي الكرسي الذي أمامة : استريح الاول بعدين نتكلم اجبلك اية تشربة
جلس كاران و طلب فنجان من القهوة
ناصر : نبدأ بقي الشغل بس قبل ما نتكلم المهمة دي مختلفة عن اي مهمة انت عملتها في حياتك
كاران : انا كدة بدأت اقلق
ناصر : من غير قلق ولا حاجة المهمة ليها علاقة ببنت ألمانية بس هي جت و عاشت في مصر وهي عندها ست سنين باباها و مامتها كانوا علماء مشهورين في ألمانيا اكيد سمعت عن جاكلين و يوسف
كاران : اة أعرفهم و اعرف كمان مايكل و هند أصحاب اهلها صح
ناصر : عرفتهم منين
كاران : عن طريق بنتهم كنت متصاحب عاليها فترة بس فركشت معاها كانت بت رخمة اوى معتبرة نفسها باربي عشان شوية الشعر الأصغر العندها
ناصر وهو يضحك : هههههه ضحكتني انت كدة بتصعبها عاليا لانك مبوظ العلاقة مع مايكل و هند اكيد لما يشوفوك مع جيسي هايحظروها منك و جيسي مش غبية دي كانت الأولى علي دفعتها من اول اولي ابتدائي لحد دلوقتي
كاران باستعجاب : جيسي مين ؟؟ انا مش فاهم حاجة ؟
ناصر : انا هافهمك بس أشرب قهوتك الأول عشان تركز معايا
بدأ كاران يشرب قهوتة وهو ينصت إلي كلام ناصر بعناية
ناصر : انا محتاج البت دي عندنا في العصابة و انت مهمتك انك تقنعها بالانضمام لينا و انت و شطارة فرقتك بقي
كاران : بس اشمعنا دي في ناس تاني كتير اذكيا غيرها
ناصر وقد هم بالوقوف : الانا اقولة يتنفذ بالحرف مفهوم كل حاجة هاشرحالك في وقتها المهم اننا ناخد اول خطوة و هي تنضم لينا بعدين هاعمل اجتماع للفرقة بتاعتك كلها و اشرحلك كل حاجة تمام
كاران و قد هم بالوقوف هو الآخر : تمام انا هامشي عشان الحق اجمع معلومات عنها
ناصر : استني هتلاقي الملف بتعها برا مع جمال خدة منة ولو عايز معلومات اكتر عنها خلي روهان يدخل علي ملفها العند الاستخبرات الألمانية
كاران : حاضر ممكن امشي
ناصر : هاتروح فين ؟؟
كاران : ارض الله واسعة
ناصر : لو حد شافك هناك هاتبقي مشكلة
كاران : ماتخفش محدش منهم هايفتكرني اصلا
قال جملتة ثم غادر و علامات الحزن واضحة علي وجة
ذهب كاران الي المدافن مكانة المفضل و جلس على الارض عند قبر جدتة و بدأ يحكي لها همومة و مشاكلة كما كان يفعل عندما كان صغير
فقد انفصل والدي كاران عندما كان في الثالثة من عمره و تركوه مع جدتة التي كان دائما يرى الحب في عينيها و الحنان في ابتسامتها و كان يشعر بالدفئ و الحنان في حضنها لقد اشتاق لها كثيرا كم يتمنى أن يرتمي في حضنها مرة أخري و يبكي حاكيا لها اوجاعة و همومه التي تزداد يوما بعد يوم فهي كانت الشخص الوحيد الذي يستمع له و يواسية فهي كانت بالنسبة لة الاب و الام و شقيقتة الكبيرة التي لم يراها فقد ذهبت للعيش مع والدها بعد انفصال والدية و شقيقتة الصغيرة التي ذهبت للعيش مع والدتها
استيقظ كاران من العالم الذي كان فية علي صوت فتاه عذب
جيسي : انت كويس
كاران وهو ينظر لهذة الفتاة ذات الشعر الأسود الطويل و الناعم و العينين الزرقاوتين الذان يشبهان السماء الصافية و خديها الحمروان لكان سرعان ما استفاق من شرودة
كاران وهو يمسح دموعة : اة انا كويس شكرا
جيسي : عفوا بس انت شكلك مش كويس اكيد كنت بتحب الشخص دة صح
كاران : لوسمحتي سبيني عايز اقعد لوحدي
جيسي وقد جلست الي جانبه علي الارض : اسفة مش هاقدر انا فيا عادة وحشة مش بحب اشوف حد زعلان بحب اشوف الناس كلها مبسوطة
كاران بغضب : انتي مش بتفهمي صح
جيسي ببرود : لا يفهم كويس بس...اوبا تصدق نسيت اعرفك بنفسي هاي انا جيسي و انت
كاران في نفسة : معقولة تكون هي دي الريس عايزها تنضم لعصابتنا بس دي شكلها اهبل اوي و بعدين اية الهي لبساة دة حد يلبس بنطلون استرتش كل رجل لون رجل زرقا و التانية طوبي على بدي بنبي
جيسي وهي تلوح بيديها امامة : الوووو هي الشبكة واقعة عندك عالطول
كاران : اسمي كاران ممكن تمشي و تسبيني لوحدي بقي
جيسي : لا مش هاسيبك لاني دايما بقعد لوحدي دي اول مرة الاقي حد يسليني
كاران بنفاذ الصبر : انتي بتيجي هنا عالطول
جيسي : اة كل يوم
كاران : لية
جيسي : عشان اقعد مع بابي و مامي بحكلهم الحصل معايا طول اليوم
كاران : وهما فين دول ؟
جيسي : القبر البعد جدتك
كاران باستعجاب : عرفتي منين انها جدتي انا ماقولتكيش!!