بعد مرور ثلاثة عشر عاما
أصبحت علاقة جيسي و طوني أقوي و نسوا انهم اولاد عم بل كانوا دائما أخوة يفعلون كل شئ سويا
كل يوم كان طوني هو من يصفف شعر جيسي و كانت جيسي تعد الفطور لة في أوقات الامتحانات كانوا يذاكرون سويا و يحكون اسرارهم لبعضهم البعض
و بدأت جيسي تلعب جمباز و طوني كان يذهب مرة كل أسبوع الي الصالة الرياضية (الجيم )ليحصل علي عضلات البطن لان جيسي كانت تتحداة دائما و تقول
"انا لو عايزا ابقي لاعبة جمباز محترفة هاعرف اعملها بسهولة لكن انت ماتقدرش تعمل عضلات بطن زي ابطال المصارعة "فقبل طوني التحدي وحصل علي عضلات البطن و جيسي ايضا تعلمت الجمباز بإحترفية فكانت دائما تذهب لمسابقات و تفوز و كان طوني يجلس في المقدمة لتشجيعها
كما إلتحق طوني بكلية الشرطة كما كان يريد و جيسي إلتحقت بكلية العلوم لتصبح مثل والديها
اما جاسر تم تثبيتة في العمل و براتب رائع وكان يشعر بالسعادة كلما رأي ان طوني يعامل جيسي كأنها شقيقتة الصغيرة
في صباح يوما جديد
كانت جيسي تعد الفطور لطوني لأن اليوم هو اخر يوم لة في الامتحانا
جيسي من المطبخ بصوت عالي : طوووووووني انت صحيت
طوني من الحمام : صحيت و باخد شاور
جيسي : يلا بسرعة هاتتأخر
طوني : تصدقي انا مش متوتر من الامتحان بس متوتر منك
جيسي بقلق : اسفة بس انا خايفة عاليك
طوني بعد ان خرج من الحمام : خلاص يا ستي اهو خلصت هاروح اشوف هالبس اية
جيسي : انا طلعتلك لبس علي السرير شوفة
دخل طوني لغرفتة هو و جيسي و ارتدي الملابس التي اختارتها جيسي لة
طوني : اهو لبست بسرعة لسة فاضل تلت ساعات علي معاد الامتحان هاقعد اشوف إعادة الماتش بتاع امبارح ماشوفتهوش بسبب المسلسل بتاعك
جيسي : بدل ما تقعد تراجع هاتشوف الماتش
طوني :معلش ماما حلوة اوعي بقي من قدام التلفزيون
جيسي : براحتك انا حذرتك
ابتعدت جيسي من امام التلفاز ليشاهد طوني المباراة لكن جهاز التحكم (الريمونت )لم يكن يعمل فتح طوني مكان الحجارة فوجده فارغاً و جيسي تقف بعيد و تضحك فقام و سحبها من يدها
طوني بإبتسامة غيظ : جوجو فين الحجارة
جيسي بضحكة : معرفش
طوني وهو يترك يد جيسي : خلاص بس برضوا مش هاراجع
جيسي وهي تخرج لسانها و تقلدة : بس برضوا مش هاراجع
جلس طوني علي الأريكة (الكنبة )غاضبا فجائت جيسي وفي يدها الحجارة لتصالحة
جيسي وهي تقف امامة و تمد يدها
بالحجارة لة : خلاص ماتزعلش انا اسفة
طوني وهو يقوم : ابعدي عشان متأخرش
جيسي وهي تشدة من يدة كي يقف : والله انا اسفة بس انا قلقانة عاليك
طوني وهو يقبل جيسي من وجنتها : انا عارف خلاص مش زعلان منك انتي عارفة اني ماقدرش ازعل منك بس انتي بتستفزيني
جيسي وهي تعانقة : ولا انا اقدر ازعلك ، كل قبل الامتحان عشان ماتتعبش و ماتغشش حد ممكن تغش بس و اتصل طمني اول ماتوصل و بعد الامتحان بليز اوعي تنسي
طوني بضحكة : حاضر مش هانسي بس هو عادي لو انا غششت وائل مأنا بغش منة عالطول
جيسي : لا
طوني وهو يغادر : باي خالي بالك من نفسك ومن بابا
جيسي : حاضر بس استني خد الاكل
أعطت جيسي الطعام لطوني و غادر بعدها متوجها إلي امتحانة و اتصل بجيسي بمجرد وصولة كما طلبت منة
طوني : الوو جوجو انا وصلت
جيسي : اوك يلا ربنا معاك باي روح راجع
طوني : حاضر سلام
▪في المنزل عند جيسي و جاسر
جيسي بصوت عالي : عموووووو جااااااااسر اصحي هاتتأخر على شغلك
جاسر بنوم :حاضر صحيت اهو خلاص
جيسي : يلا عايزاك في موضوع مهم
جاسر وهو يجلس علي السرير : اية هو؟
جيسي : جوليا صحبتي عاملة بارتي عشان هاتتخطب و عزماني عاليها النهاردة بالليل ممكن اروح
جاسر :انا موافق بس شوفي طوني عشان هو اللي هيوصلك ويقعد معاكي
جيسي هي تقبل عمها : شكرا يا احلى عمو
جاسر : العفو امال فين طوني
جيسي : النهاردة آخر يوم في امتحاناته ادعيلوا
جاسر : ربنا معاه هو راح بالعربية
جيسي : لا اخد الموتوسكل بتاعة
جاسر : برضوا بيعمل الفي دماغة مية مرة قولتلوه مايروحش بيها امتحانات
جيسي : معلش انت عارفة دماغة ناشفة
جاسر : زيك بالظبط
جيسي بإبتسامة : ميرسي يلا تعالا عملاك فطار حكاية
جاسر : حاضر ياستي هاغير و اجي اكل
جيسي وهي تغادر الغرفة : ماتتأخرش
غير جاسر ملابسة و دخل عند جيسي في المطبخ ليجد المفاجأة
YOU ARE READING
لعبة القدر
Mystery / Thrillerالمقدمة في بعض الأحيان تصبح حياتنا مجرد جحيم او كابوس نحاول جاهدين الاستيقاظ منه لكن بلا جدوى ثم يلعب القدر لعبتة و يأتي لك بفرصة للاستيقاظ ويأتي لك شخص يجعلك تعيش حياتك كأنك في الجنة لكنك بغبائك تخسرة او ربما لسبب أخر ......فماهو؟ ربما الانتقام أو...
