البارت ١٣
الدكتوره اجتني كالتلي نامي ع سديه
خلي افحصج اني استحيت منها
بس هيه حقيره كالت اوووي متنامين
شبيج نمت ع سديه واني مستحيه بس
شسوي الوجع موتتني فحصتني
اذتني كمت اعيط ومنا وجع طلوكه
كالت عدها ولاده ومي الراس طاك
وهيه بچر اعذروني احنه منستقبلها
امي كالت وليش متستقبلوها مو عدها
ولاده
والله عيني الخاص والعام ثنينهن مليانات
واسمع امي ومرت خالي ضلن يصيحن
بالمستشفه عليهن لان ميجيبني وحالتي
خطره ومي الراس طاك
وطلعنه واني اون من الوجع ودوني
الغير مستشفه طبيت اجتني دكتوره
شلون حبابه وتحجي وياي بهدوء
مو مثل ذيج الحقيره شايله خشمها
وفحصتني وكتبتلي تحاليل لازم اسويهن
سويت مال ادرار انوبه رادت مال دم
طلعت ايدي دتسحب دم وهيه سحبته
واني دخت دوخه ردت اتخربط واوكع
انتبهت ع سستر جرتني ونيمتني ع سديه
وانوبه شكلولي مغذي وثنين يمي يطلكن
شو زاد الوجع بعد اكثر من قبل من
خلولي المغذي بحيث كمت اعيط
وصارت الساعه ب٥ الفجر واني ع فرد
عيطه الوجع موتني والوقت يمشي
والبنات الي يمي جابن واني بعدين
واجني غيرهن يطلكن وجابن واني بعدني
اطلك وخبصت المستشفى بالعياط
واصيح ياحسين ياعلي وكلسع تجي
الدكتوره تفحصني تكول بعد ماعندج ولاده
صارت الساعه ب١٠ الصبح واني بعدني
اطلك حته صوتي راح من العياط وحلكي
يااابس لان مشاربه مي والوجع مصيبه
يزيد ميخف وتقريبا ٣ مغذيات شكلولي
واني بعدني اخر شي وكعت بالكاع متحملت
حسيت روحي رح تطلع من الوجع
جان تجيني دكتوره كومتني واني اتوسل
بيه فدوه لحكيلي رح اموت من الوجع
فدوه بعد مااتحمل
تعاي افحصج
فحصتني كالت اي عندج ولاده
من كالت هيج فرحت وكالت يلا تعاي
ناخذج صاله الولاده واني ممصدكه
رحت وياهه وهيه كامشتني صعدتني
ع مال ولاده والوجع زاد واني اصيح
وكاان تجيبني وكالتلي
الف مبروك اجتج بنوته تخبل
اني تفاجأت
شنووو دكتورة جبت بنيه يعني مو ولد
اي جبتي بنيه وليش شبيه الابنيه
لا دكتوره موقصدي بس اني كل سونراتي
تكول ولد
الله قسملج بنيه تخبل
وخلتها كبالي شفت شكد حلوه زغيره
وبيضه ع حمره واخيرا صرت ام
يافرحتي بيج ياعمري
واني خلصت بدلتلي السستر ودتني
للصاله جان شو بارد وجنه بالشته
نمت وغطيت روحي بالبطانيه
تقريبا ضليت ساعه واني ميته جوع ممكاله
شي والله واجتي مرت خالي جايبتلي
كيكه وعصير اجني بوكتهن وكالتلي
شنو تسميها وكالت امج رادت تسميها
اسم ريام ع اختج االمرحومه كتلها
هاهيه سميها ريام وراحت وره شوي
اجتي الي تسجل الاسماء كلتلي
شسمين بنتج تره بعد اذا اسجل
الاسم مينمسح هاهيه يثبت بالبيان
كتلها سميها ريام كالت اكيد: اي ريام سميها
وصار اسم بنتي ريام انوبه اليمي جاوبولهن اطفالهن يرضعنهن واني محد جابلي بنتي
وضليت الوب اريد بنتي اشوفها
