البارت السادس
ومرت الايام خابرت اختي ريام وضلينه انسولف اني وياهه وكتله ولج بعد اسبوع عيد ميلادج رح تدخلين ب ٢٦ كالت اي والله رح اسوي عيد ميلاد بيناتنه نحتفل (طبعا علاقتي كولش قويه بريام صحيح هيه بكركوك بس من تجينه من خلي مكان منروحله ونطلع يوميه للسوك منخلي شي بنفسنه منشتري كله طباتنه وطلعلتنه سوه طبعا شخصيتها حلوه ومرحه وتحب تشاقه هواي وتضحك اذا واحد طالعه روحه من الدنيه بس خلي يجي يمها تموته من الضحك الكل من كرايبنه يحبها ويموتون عليها من تجي يوميه ولد خوالي وبناتهم جايين علمود ريام فد ونسه منتجينه موكاعدين بالبيت ضوجه نبدل ونخلي مكياج ونلبس فساتين ونسرح شعرنه ونطكطك صور بحيث الموبايل ينملي صورنه )
الحد مااجه اليوم المشئوم
مر ٣ ايام وبعد ٤ ايام عيد ميلاد ريام ال٢٦
وجان تخابرنه مريضه واكعه كوه تحجي الي فتهمنه منها انو هيه جانت الضهر دترجع لبيتها وشايله بنتها عمره سنه وجان تحس بدوخه قويه وكعت بالشارع متخربطه وتقريبا ضاله بالنص ساعه فاقده الوعي وبنتها مفرفحه من البجي الحد مطالعين الجيران وشايفيها وشايليها ودوهه البيتها وهيه فاقده ومخابرين ع رجلها وجاي وريام صحت بس متكدر تكوم متكدر كولشي تسوي ضاله نايمه بالفراش
وره يوم جنه بيت جدي وهم خابرنه ع ريام وحجن وياهه نسوان خوالي تخبلن كالن شنو هاي صوته وين كوه تحجي كالن الامي روحيلها جيبيها اهنا البغداد عالجيها لايصير بيها شي الصراحه خفنه عليه وامي قررت ثاني يوم تروح الريام علمود تجيبها البغداد
وثاني يوم امي راحت من الصبح طلعت الكركوك وصلت الضهر خابرناها ضلت تبجي امي تكول حالتها تبجي الكافر نايمه فاقده متكدر تحجي بس فاتحه عيونها وزوجها موديها الدكتور يكولن مابيها شي ودوهه الساده يكولون مابيها شي محد يعرف علتها وكالت امي باجر تجي واجيبها البغداد
وصار ثاني يوم الساعه ب ٥:٣٠ الفجر جنت نايمه واجاني محمد يكعد بيه فتحت عيوني اباوع ع محمد يبجي راسن كمزت من فراشي
شكو اصير شبيك تبجي جان يكولي ريام ماتت
ضليت جامده مكاني مصدومه شنو ماتت مستحيل عقلي ممستوعب هالشي راسن نزلت جوه شفت ابويه يبجي واحمد يبجي كاعدين ويبجون اهنا تاكدت الخبر صحيح ضليت اعيط وابجي معقوله تموت بين ليله ويوم خابر اخويه ع رجلها كال لا متخربطه مميته انوبه خابر كال اتوفت وضليت ابجي ابويه كلي كومي لبسي اسود ونروح البيت جدج لان هناك تصير الفاتحه ولبست والطريق كله بس ابجي وطبيت البيت جدي لكيتهم كولهم جايين ويبجون وضلينه نعيط والجوارين التمت علينه يعني صارت صدمه النه واختي زهراء جانت بكربلاء محد كالها ع ريام خالوها تجي من الزياره تقريبا ب١٢ الضهر وكلولها ريام ماتت اجتنه تعيط وتبجي وتلطم وجابوهه بتابوتها من كركوك البغداد وطبوهه بالصاله واني نمت ع تابوتها ونعيط وامي تخربطت وجهالها يبجون وبعدين شالو التابوت ردت اروح وياهم للنجف مقبلو لان جهالها منو يمهم وبقيت بالبيت وراحو للنجف يدفنوهه
وضليت شايله بنتها ريتاج عمرها سنه شنو ذنبهم ذولي اربع جهال تيتمو امهم راحت والله خطيه يقهرون ضليت حاضنه ريتاج وابجي (بهذه اليوم الي اتوفت بي صادف عيد ميلادهه )ونصبو الجادر وثاني يوم اجوي نسوان هواي مااعرفهم وجوي عيالي رحت سلمت عمتي حضنتني وضلينه نبجي
وخلصت ال٣ ايام الفاتحه بعدين بقينه بيت جدي للسبعه لان نسوان تجي ع امي وسوينه سبعه تنضيف وطبخ وغسل ويلي هلكنه من التعب وخلصت السبعه رحنه للبيت نذكر كعداتها وشقاها وضحكه وهم ضلينه نبجي عليها وجهال بقوا يمنه
انوبه خوالي اقترحو عليه انو نفصخ خطوبتي وازوج زوج ريام علمود الجهال اني سمعت هيج تخبلت
كتلهم شنو هذه الحجي بعدهي ريام مطالعه الاربعين وهيج تفكرون من سابع المستحيل اقبل بهلشي اني احب زوجي واموت عليه مستحيل اتخله عنه وشلون تقبل نفسيتي اخذ زوج اختي مستحيل شيلو هاي الفكره من بالكم
كلولي اصلا انتي عاقده محكمه منكدر نسوي شي كلت بكلبي(هم عوزكم تجبروني😒 الحمدلله اني مخطوبه هسه كان الله اليدري اصاير بيه )
وضلت حبيبت كلبي ريتاج يمي اني اعتني بيها اوكلها وابدلها وانيمها يمي كانو هيه بنتي صارت وجهالها معتني بيهم وكرار دائما يجيني مكاطع بيه ومرت الايام واجه زوج ريام عامر واجتي الاربعين ورحنه للنجف اخذنه كوستر لان كرايبنه هم اجوي ويانه رحنه لامام زرنه وضلينه كاعدين قبل لايطلع الفجر رحنه للمقابر وصلنه القبرها ضلينه نعيط ونبجي وحضنت قبرها وابجي وماما تنعي شكد بجينه كلبنه تكطع عليها وغسلنه كبرها وخلينالها حنطه ضلينه كاعدين هواي يم كبرها وبعدين رجعنه للبيت وصلنه رحت راسن سبحت وسبحت ريتاج وبدلنه ونمنه وثاني يوم راد يروح عامر ويريد الجهال ياخذهم امي توسلت بيه يبقيهم بس رفض لان عدهم مدارس واني كتله ع ريتاج يبقيها يمي لان صغيره مقبل قفل ياخذهم حضرت غراضهم ودعناهم وراحوو
ومرت ثلاثه اشهر ع وفاة ريام وكرار قرر نزوج لان صارلنه سنه مخطوبين واجه حجه وي اهلي
واهلي معارضوا بس كالوله منكدر نسوي بيتنه لا حفله ولاشي لانو احنه حزنانين
كرار معترض كاللهم اني اخذهه بيتنه واسويلها حنه بيتنه واتفقو انو من بيت خالي تجي عليه الزفه ونطلع
بدو يجهزون للعرس واجني عليه لينا وسوسو رحنه للسوك اشتري النشيان كولشي اشتريت مخليت شي بنفسي ورجعت للبيت ميته تعب ورة يوم خابرني كرار كلي رح تجي لينا تاخذني و احضر روحي علمود اروح للصالون تحفلي وتسوي شعري ميش لبست وكملت واجتني لينا ورحنه للصالون طبيت عليها سلمت وكعدت بدت تحفلي وسويت شعري ميش بحيث طلعت اخبل عود بدون مكياج وخلصتني ورجعت للبيت
امي شافتني كالت طالعه تخبلين جنج كمر
وضلينه نسولف اني وامي
وثاني يوم رحنه نأجر بدلات اجرت بدله
للحنه لونها احمر والصدر مالتها عليه كرستال فضي كولش حلوه
وبدلت العرس تخبل بعد احله من مال حنه
كملت تحضير كولشي وملابس كلهن وديتيهن رتبوهن بغرفتي
واجتي اختي وبنت خالي صابرين شيرن جسمي كوله
خلصت طبيت سبحت ونمت
وخلص البارت احبكم
اريد تفاعل منكم ❤
