البارت السابع
كعدتني الصبح اختي زهراء لانو اليوم الحنه مالتي
طبيت سبحت وبدلت وخابرتني لينا رح تجي تاخذني للصالون
لبست جبتي ولفيت الشال واجتي لينا
وصلنه للصالون طبيت استلمتني مكياج بعدين سوت التسريحه ولبست البدله الاحمره(نسيت اكلكم اني نزعت الاسود)
باوعت ع المرايه طلعت اخبل صدك طالعه فدشي ولينا تقره ايات خاف يحسدوني
واجانه ابن حماي اخذنه وصلنه للبيت مال كرار نزلت وبدت الهلاهل وكلهم شافوني انصدمو من جمالي
وسلمت ع عمتي وكعدت لكيت اختي زهراء جايه وبنت عمي وبناتها وعمت اختي بس ذولي جايين لابسين اسود وكاعدين ع صفحه
متوقعت اني هيج رح يصير عرسي محد جاي من كرايبي ولا امي لان حزانه
الحمدلله هذه المقسوم
انوبه اختي زهراء بجت اكيد تذكرت ريام
واني بجيت وياهه وضلن يحجن عليه لان
المكياج رح يخرب وسكتت
وبدو يشغلون دي جي ويركصن
والحنه مال كرار صارت بره بالشارع وجابو مطرب يغني
طفيوا الدي جي وضلن يركصن ع غنا المطرب
انوبه كومني اني استحي اركص
ركصت شوي وكعدت انوبه هم كومني والله وركصت هواي الحد متعبت وكعدت بعد مااكدر تعبت من الركص وخلصت واجه كرار كعد بصفي رح يحنونه وحنو ايدي وايده وضل شوي كاعد وانوب طلع
و الحفله مال شباب خلصت بدو يرحون من كرايبهم شوي واني كاعده مربطه بالبدله
عاد لينا كالت تعاي لبسي الهاشمي كلت
اي والله اجيتي بوكتج نقذتيني تعبت من البدله
ورحت بدلت ورجعت كعدت بالصاله
انوبه جاوبوا مزيقه طبو بالصاله وكرار وابن اخو وكرايبهم النسوان كلها بدت تركص واني وكرار بالنص صرنه ونركص وي ابو المزيقه
بحيث شبعت من الركص وراحو
واني بدلت ورحنه للبيت اني واختي وبنت عمي وصلنه كرار
طبيت سلمت ع امي خطيه باركتلي وبستها وكعدت يمها وضلينه النسولف
بعدين سبحت ورحت بسابع نومه من التعب
وهم كعدت الصبح سبحت وبدلت واجتني لينا جابها ابن اخوهه بالسياره وطلعنه ورحنه
للصالون ام الصالون بدت تمكيج بيه ولينا
راحت تجيب البدله مال العرس
ام الصالون تكولي غمضي عيونج دترسم
عيني واني غمضت وهيه ترسم بعيني
واني نمت نعسانه مشابعه نوم وكان تكعدني
ياولج نمتي ولج هيه مال نوم اليوم ضلين
سهرانه للصبح
والله خاله مشبعانه نوم وانت تكوليلي غمضي
عينج واني انام مااكدر اقاوم
ديله ممبقه شي رح اخلصها العينج
ومكيجتني وسوتلي تسريحه واجتي لينا جابت البدله ومقبلت اشوف شكلي اله البس البدله
ولبستها للبدله واباع ع المرايه معرفت نفسي
طالعه احله بهواي من البارحه
ام الصالون كالت عين البارده عليج طلعتي تخبلين ولينا كالت اي اليوم يلعب لعب اخويه
دنكت استحيت من كلامها
وطلعنه وصعدت بالسياره ودوني البيت خالي
ولكيت نسوان خوالي هناك وامي وماما( بيبيتي)سلمت عليهن وبدينه نطك صور
شكد طكينه امي وبنات خالي ونسوانهم وامي وبنت عمي هواي طكينه صور
وضلينه كاعدين متانين الزفه واجو الجهال
