البارت ١٢
ومرت الايام وكرار قافل قفله عليه عبالك مسويه مكسوره ومو بس هاي من اخابره يضل يدعي ع طفل الي بطني يكولي انشالله يوكع ومتولدينه وتطلع حوبتي بيج بهذه الطفل والله يحركج كلبج بهذه الطفل
اني وكل هاي مصدومه وافكر بحجيه معقوله اكو هيج اب يدعي ع ابنه معقوله شلون ينطي كلبه يدعي ع طفل واضل اذكر وابجي وكمت اكرهه لانو اذاني حييل
وره فتره رحت للدكتوره اني واختي اشوف جنس الطفل طلع بيه ولد وكولش فرحت ورجعنه للبيت وقررت اعيش الابني انو اطلك منه خلاص بعد ماابقه ويا وابقه اربي ابني وابد مااتزوج
وحتاجيت ازور موسى الكاظم لان مخنوكه
وكلت الامي واختي وكالن باجر نروح نمر ع خالتي لان هيه ساكنه بالكاظميه ومناك نروح للكاظم
ثاني يوم حضرنه نفسنه وطلعنه رحنه البيت خالتي سلمت عليهن وكعدنه نسولف بعدين رحنه للكاضم طبينه للامام ضليت ابجي وادعي زرت وصليت ركعتين وقريت الزياره وضليت كاعده ودموعي تجري
وخلصنه زياره وطلعنه ورجعنه البيت خالتي ضلينه لليل ورجعنه للبيت تعبت طبيت سبحت ولبست تراكسود ومشطت شعري ونمت وره كم يوم خابرونه انو جدي موزين اي ساعه يموت لان المرض انتشر بجسمه
ورحنه ثاني يوم اني وامي البيت جدي خوالي ونسوانهم وبناتهم كولهم موجودين سلمت عليهم ورحت ع بابا خطيه شفته ممده ميكدر يكوم لان المرض انتشر وامي قررت تبقه يم ابوها وني هم وخوالي ونسوانهم وبناتهم كلهم رح يبقون
جبت كم ملابس احتاجهن وضلينه كاعدين يمهم ويوميه خطار جايين واني صايره الچايچيه مالتهم وكلسع وصاحوو مريم چااي
وشوي ع لمت بنات خالي شوي نسيت كرار مبس ماانكر بعدني احبه بس شسوي مالي غير الله
ومرت الايام وجدي صار حالته اسوء من الي قبلها بحيث كام ميعرفنه جنت واكفه يم جدي
وكان يكلي انتي منو اني تفاجات كتله بابا
اني مريم بنت بنتك
هاااا اي عرفتج
حته امي كام ينساهه ويشوف شغلات
جنه باليل كاعدين طبعا فرشنه كولنه يم جدي اني وبنات خالي ونسوانهم لان الصاله كولش جبيره وجان يكول هذه منو يدك بالشباك
شفنه الشباك ماكو احد
(جدي) بابا ماكو احد بالشباك
لاهذه موجود يدك بالشباك شيريد
بحيث خلسنه اني وبنات خالي وامي راحت
البابا تقره عليه قران
وكان يكول ويأشر ع شباك انوبه واكف هذه شوفوا بعده واكف مدري شيريد
واني وبنات خالي تغطينه جوه البطانيه ونقره ايات من الخووف
ومر شهرين واحنه بعدنه يم بيت بابا
وبابا صار اسوء بحيث صار عباره عن جثه
بس فاتح عيونه الاكل كطعه بقه عايش
ع مغذي واذا نشربه مي يغص بيه وامي مكضيه النهار كوله كامشه القران وتقره ع
راسه
