البارت الخامس
يالله ضليت جامده مكاني مااعرف شكله وحجيت بكلبي(عزه بعينج ريم مماسحه الرقم الله لا يوفقج سويتي بيه هسه شكله😶)
كرار:حبيبتي شبيج صافنه
مريم:هااا ماادري رقم منو
كرار: هذه الرقم مالمن وتره هذه رقم ولد مبين حاجين ويا كله ١٥ دقيقه و٣٠ دقيقه تلفونج عد منو جان المن نطيتي
مريم:اي اتذكرت ريم اخذت تلفوني رادت تخابر اخوهه وانطيتهيا
كرار:لاعيني هذه مو مال اخوهه لان وقت هواي حاجين
مريم:ماادري
كرار:رح اخابر عليه
مريم:عزه دك ع الرقم وجان نسمع صوت ولد وراسن سداه
كرار:شفتي موكتلج هذه ولد وصديقتج مخابرته من جهازج لان مو مال اخوهه قابل تحجي وي اخوهه ١٥دقيقه لو٣٠ دقيقه هاي السوالف متعبر عليه وانتي شكو تنطيه تلفونج بله سوتلج مصيبه ها منو رح يفيدج هيه
مريم: اني شمدرني اسفه حبيبي بعد مااعيده وتلفوني ابد ماانطي
كرار:عفيه تدرين اني من شفت الرقم متوقعتج انتي تسويها لان اني عندي بيج ثقه عمياء وادري بيج متسويه وراسن كتلج المن انطيتي تلفونج ماتهمتج لان اني اعرفج شنو وحبيبتي بعد هاي صديقتج متلتقين وياهه ابد اني مااريدج تمشين وي هيج بنات
مريم: اوك- حبيبي
كرار:نعم
مريم: احبك اموت عليك 😍
كرار:واني اعشقك يابعد روحي شوبله تعالي خلي اشبع من هاي الشفايف الحلوه
مريم:اووف دكافيي يالله شكد تبوس
كرار:ولج نصي صوتج فضحتينه غير انتي حبيبتي وابوس بيج غير اصبر روحي منا لمن نعرس خوب انتي جفاف كلشي متعرفين
مريم:يعني شتقصد مااعرف
كرار:ديله تعاي احجيلج شصير بين المتزوجين
مريم:😳 لالا يمكن امي تصيح عليه خلي اشوفها
كرار:شو اني مسمعتها من صاحت شنو بس انتي تسمعيها
مريم: لا صاحتني 🏃♀️🏃♀️🏃♀️
كرار:ههههه انهزمت مني اي ضلي اتهربي مني خلي نشوف بيوم العرس شلون تنهزمين مني مالج مفر
ثاني يوم داومت للمدرسه وشفت ريم
مريم:لج حقيره كلبه ولج شلون تبقين الرقم موبايلي ليش ممسحتي تدرين كرار شافه وكلي هذه رقم منو
ريم:يااا ولج نسيت امسحه شمدريني لو انتي ماسحته اني نسيته بعد واذا شافه جان كتيله خابرت اخويه
مريم:هههه لاضحكيني انتي جايه ع كرار متعبر عليه هيج سوالف ياادبسزز وانوبه منعني منج ميبقل التقي بيج
ريم:يااا من تالي وكت يمنعج عني هو احنه صديقات الروح بالروح شلون اكدر افاركج ياروحي
مريم:انجبي جان سويتلي مصيبه واني لا بيها ولا عليها
ريم: الحمدلله هسه فضت شبيج شوفيني غمازاتج الحلوه
مريم:اي والله الحمدلله ومصارت مشكله
ومشت الايام واقترب عيد الحب ورحت للسوك اني واختي الجبيره اشتريت هديه الحيدر ساعه اخذتله كولش حلوه اخذتها اله واشتريت ملابس بحيث فريت السوك فر ورجعنه للبيت
وثاني يوم وصيت اخويه يجيبلي كيكه طبعا وسويت الصاله نشرات ونفاخات حمر ورحت سبحت وبدلت وتمكيجت ونزلت شعري وطلعت اخبل وخابرت كرار كال جاي بالطريق طبعا سويتلهيا مفاجئه ميدري كل هذه مسويته اله
اندك الباب رحت فتحته اله ضل صافن عليه كال شنو هذه الكمر شطالعه تخبلين
عيونك الحلوه حبيبي شنو هذه الدب شكبره يالله شكد حلو دتعال تفضل
طب وتفاجأ بلي مسويته
كرار:ولج هاي شمسوي شلون مفاجئه حلوه هذه كوله الي
مريم:اي ياعمري كله الك اني شعندي غيرك
وجان سحبني وخله ايده ع ضهري وقرب شفايفه ع شفايفي وكلي
كرار:كل عام وانتي بالف خير حبيبتي ويخليج الي طول العمر ومنفترق يابعد كلبي ودكادته
مريم:وانت بالف خير حبي انشالله كل سنه وانت حبيبي ياعمري انت
كرار:ولج اموت ع الي خلقج وباسني
وخرته وانطيته هديت شافها وعجبته وباسني وجابلي دب احمر جبير كولش يخبل
وبعدين قطعنه الكيك وكلني وكلته وتونسنه كولش
طبعا كضينه احل يوم ولا عافني مكعدني بحضنه وميقبل يعوفني
وبعد مرور شهرين صار ع خطوبتنه ٦ اشهر وقررنه نعقد محكمه ثاني يوم تحضرت بدلت وخليت مكياج خفيف واجه حبيبي طلعنه اني وابويه وكرار رحنه للمحكمه كالو لازم تتطابق للدم ورجعنه رحنه للمستشفى سحبو دم من كرار وانوبه اجه دوري يمه خايفه من الابره كوه طلعت ايدي وغمضت عيوني بس تفاجات محسيت بوجع يعني بسرعه اخذ دم وخلص
انوبه كالو شهر لازم يلا نعقد ورجعنه للبيت
مر شهر ورحنه للمحمه وقدم الاوراق وتم العقد وصرنا متزوجيين قانويا (طبعا جان عمري بوكتها هستوني داخله ١٦)
ورجعنه للبيت واستلمونه هلاهل
ابويه جلب بكرار ع غده مقبل تعذر وراح
انوبه ثاني يوم عيالي سولي حفله مال مهر عزمونه ورحنه الهم جان جايبلي فستان لبست الفستان وتمكيجت وسرحت شعري طلعت فدشي وشغلو دي جي وضل يركصن البنات وركصت شوي وكعدت وبعدين اجه كرار وقطعنه الكيك وباسني والكل فرحانين وتونست كولش وخلصت الحفله ووصلنه كرار للبيت رحت رأسن ع فراشي ونمت
ومرت الايام
سمعنه جدي مريض (ابو امي) وطلعنه اني وامي واختي الصغيره طبعا بيت جدي ورانه بفرع قريب علينه ووصلنه للبيت وطبينه شفنه هناك ملتمين كرايب امي كلهم ونسوان خوالي وبناتهم ولدهم كلهم ملتمين علمود بابا(طبعا اني واخواني وخواتي كلنه انصيح الجدي بابا )
وسلمت عليهم وكعدت يم مروة بنت خالي كتلها لعد بابا وين شو ماكو كالتلي اخذو للدكتور
وكعدن نسولف اني وبنات خالي
بعدين طبو خوالي وبابا وكعدو بالصاله وبابا تمددت ع الفراش بس الوجوه متتفسر ضايجيين وجوهم صفر رحت سلمت عليهم وسلمت ع بابا خطيه مبين تعبان انوبه ماما(بيبيتي انصيحلها ماما) صاحت عليهم كالتلهم شبيه ابوكم شطلع بالتحاليل كال خالو علاوي رح احجي بس ماريد صوت واريد هدوء لان ابويه ميدري شبيه طلع باابويه ذاك المرض الخبيث
هوه كال هيج خالو وكلها تبجي واني انصدمت معقوله بابا هيج يصير بيه تالي وضليت ابجي ع بابا خطيه وصار الببت كئابه بس نبجي
وخالو علاوي رح يسفره اللبنان علمود ينطوه كيمياوي وانوبه خابرني كرار كتله ع جدي خطيه انقهر عليه
وره كم يوم راحو للدكتور ورجعو طلع الدكتور كايل البابا بيك ذاك المرض وضل يبجي خطيه واحنه نبجي ويا كسر خاطرنه انوبه ضلينه لليل ورجعنه البيتنه وضلينه دائما نجي البيت جدي علمود بابا مرات امي تبات يم اهلها واني ارجع البيتنه
واجتي الامتحانات نهايه السنه والتهيت بالدراسه
وكعدت الصبح سبحت وبدلت ورحت ع ريمه وامتحنه الحمدلله جاوبت وضليت ع هذه الحال وخلصت الامتحانات اني جاوبت بالمواد كولها بس خايفه من الرياضيات شوي اني طول عمري اكرهه لرياضيات
اتمنه ينقرض الرياضيات ومدرسة الرياضيات😁😁
خلص البارت حبايب قلبي
اريد تفاعلكم
بقلمي marwa salim
