البارت الربع
مرت فترره ع خطوبتي جابلي موبايل وضلينه يوميه نتخابر وبين يوم ويوم يجيني
عرفت اطباعه بمرور الوكت شيحب وشيكره وهو انسان واعي ومثقف وشخصيته كولش حلوه ويحب يشاقه ويضحك يوميه يسمعني كلام غزل وحب ومدللني شريد يجيبلي واذا يطلع مثلا شاف لبس حلو راسن يشتريه اليه
ورحت للسوك اني وامي اشتريت ملابس للمدرسه لان اداوم وكرار ماعنده مانع اداوم
ومرت الايام وكعدت الصبح غسلت وبدلت ورحت للمدرسه طبيت للصف مااعرف اي وحده بيهن خليت جنطتي ورحت للثالث متوسط اشوف صديقاتي كعدنه نسولف وندك الجرس وطبينه للصفوف وهل روتين االمدرسه وخلصنه طلعت للبيت سلمت ع اهلي ورحت سبحت واتغديت ونمت انوبه كعدت ادرس وكملت وخابرني كرار يمه فديته كمت امووت عليه اعشقه اذا يوم مااحجي ويا اتخبل ومرت الايام واني كرار معيشني ملكه شريد يجيبلي ويحبني واني اعشقه وصارت السفره مال مدرسه واني اريد اروح اغير جو بس لازم اكول الكرار وخابرته وكتله ع سفره وافق وكلي روحي تونسي وره شوي الباب اندك رح فتحته واشوف
كرار:هلاو حبي شلونج
مريم:الحمدلله حبيبي تفضل شو مكتلي رح اجي
كرار:ليش ميصير اشوف مرتي حبيبتي لو لازم اخذ موعد
مريم: لا موقصة موعد بس فاجاتني بجيتك وامي طبت سلمت عليه وكعدت شوي واني رحت للمطبخ خليت كيك بالماعون وعصير ورحت قدمتله
وامي ضلت كاعده شوي وراحت
واشرلي اجي اكعد يمه وكمش ايدي وخله بيدي
فلوس كلي هاي الج للسفره
كتله لا حبيبي عندي خليهن مااريدهن
كلي انتي ع ذمتي اني اصرف عليج انتي مسؤليتي اني وجان يبوسني من حلكي وخرته كافي شنو انت متشبع من البوس
ولج ولا اشبع من شفايفج الي جنهن كرز
ضلينه نسولف بعدين ترخص وراح
اجه موعد السفره كعدت الصبح سبحت لبست بنطرون وبدي طويل شوي وخليت مكياج ولفيت الشال اخذت جنطتي وطلعت رحت الريم دكيت الباب فتحتليا
ريم: صباح الخير حبيبتي
مريم:صباح النور ياقلبي
ريم:ولج هاي ششطالعه تخبلين شنو هاي كسرتيني اليوم طالعه احلا مني
مريم:عيونج الحلوه هاي شنو كمتي تغارين مني ههههه
ريم: اني اغار لا والله ع شنو اغار اصلا اني اخبل
مريم:😂😂😂 اي بهذه كرشج
ريم: امشي ولي تعيبين عليه اصلا متلحكين جمالي
مريم:يااااا ماالحك جمالهه هو انتي جنج سعديه ام اللبن
ريم:😒😒
مريم: يبووو كلبت خلقتها تعاي ابوسج حبيبتي شعندي غيرج اصلا انتي طالعه كمر
ريم:ادري بنفسي كمر فديتني
مريم:ولج ريم يلا امشي رح نتاخر ع سفره
ورحنه للمدرسه بس هاي شمسويات بروحهن بالمكياج جايبات ويلطخن بوجوهن والبس مصيبه ونزعن الشال هذني البنات استهترنه
المهم صعدنه بالكوستر ورحنه الكورنيش الاعضميه وريم نزعت شالها ورحنه اشتريت تذاكر ولعبنه اني وريم وطكينه صور وتونسنه جنه كاعدين ع ميز اني وصديقاتي اجتي ريم كالتلي مريم تعاي احجي وياج كمت منهن ورحت وراهه ها ريم شكو بشنو تحجين وياي
ريم:مريومه تلفونج بي خدمه
مريم:اي بي خدمه بس ليش تسالين
ريم:انطيني تلفونج بس اخابر حبيبي لانو هو جاي اهنا ومحد يقبل يطببه
مريم:عزه بعينج شجابه اهنا وليش ممنعتي يجي
ريم: اني مثلج ماادري بيه جاي شو خابرني وكلي اني وصلت بس محد يقبل يطببني ضلينه نحجي وخلص رصيده واريد تلفونج اخابره
مريم:اي غير سفره مال مدرسه شي اكيد محد يطببه لا عيني تخابري من رقمي عزه لو يدري كرار يكلب عليه الدنيه
ريم:لج لاتخافين يمسح رقمج بس اتصل عليه ونسولف وهاهيه ويعني ضروري كولشي تحجي الكرار
مريم: اوك هاج تلفون بس تمسحين المكالمات وخلي يمسح رقمي اوك
ريم:يمه فديتج موواح
(طبعا ريم تحب اخو مرت اخوهه واحد يحب الاخ حبهم شريف وخطبها ٣ مرات واهلها رفضو)
مريم : بعد مااخذت تلفوني ريم رحت اشتريت تذكره اني وصديقاتي ولعبنه رحنه كعدنه
ع ميز نسولف واجتني ريم انطتني تلفوني وضميته بالجنطه
وخلص وقت السفره وصعدنه بالكوستر
وصلنه يم المدرسه ورحنه اني ريم اليوم كولش تعبت اريد بس ارجع انام
ريم:اي والله واني هم تفلشت وجوعانه اريد بس الزم المخده
ريم راحت البيتهم واني بعدني امشي وصلت البيتنه رح بدلت واكلت ونمت كعدت قبل المغرب كمت سبحت وبدلت وخليت مكياج خفيف وخابرني كرار رح يجيني ورة شوي ندك الباب اجه كروري
طب للصاله وضيفته وكعدت بصفه وضليت اسولفله ع السفره انوبه كرار كمش تلفوني وجان يكولي مريم هذه رقم منو موبايلج
وخلص البارت حبايبي
حبايبي فدوه انطوني رأيكم بالقصه عجبتكم لولا اذا اشوف تفاعل منكم انزل
بقلمي مروة سالم
