ا هاي القصه حقيقيه وصاحبه القصه موجوده
البارت الاول
هلاو اسمي مريم عمري حاليا ٢٠ سنه ساكنه بغداد موصفاتي بيضه ع حنطاويه رشيقه وزني ٥٥ وطولي ١٦٢ وعندي غمازات عيوني لا كبار ولا اصغار خشمي اصغير وشعري الحد ضهري طوله وسط عائلتي متكونه من امي وابويه وعندي ٣ اخوات عدنه الجبيره اسمها زهراء متزوجه عدها ٤ جهال واختي ريام متزوجه وعدها ٤ جهال واختي نور الصغيره عمره خمس سنين وعندي ٣ اخوان احمد ومحمد وحسين ممزوجين
وهسه نبده بالبطل
السلام عليكم اني كرار عمري حاليا ٣٩ من بغداد موصفاتي طويل جسمي حلو يعني لا ضعيف ولا سمين عيوني كبار عائلتي متكونه من امي مره جبيره وابويه متوفي وعندي ٥ اخوان الجبير اخويه صالح مزوج وعنده ٢جهال طالع بيت وحده ومصطفى مزوج وعنده ٤ولد وبنيه هوه مقيم بالمانيه هو وعائلته وباسم مزوج عنده ٥بنات ولد وهم طالع بيت وحسن عنده ٢بنات ولد وهم طالع بيت مرتضى متوفي عنده ولد وبنيه متكفلتهم اختي هيه ربتهم بعد ماامهم ذبتهم وازوجت وعندي ٣ اخوات ازهار متزوجه وعدها ٣ بنات ولد وعدها ولد اخوي الي توفه ولينا متزوجه وعدها ولد وبنيه وسوسو متزوجه وعدها ولد
ونبدي القصه
كعدت الصبح غسلت وبدلت ملابسي وشربتلي كوب حليب وطلعت علمود اروح للمدرسه استلم النتيجه مال الدور الثاني مريت ع صديقتي ريم طبعا اموت عليه هيه مثل اختي دكيت الباب طلعتلي
ريم:هلاو حبيبتي شلونج
مريم:الحمدلله اشلونج اوف مشتاقتلج كوومه
ريم لج اني مشتاقتلج هواي ديله طبي خلي البس الشال ونطلع
مريم:ولج اني خايفه من النتائج
ريم: لا انشالله نطلع ناجحين
مريم:ديله ريم بسرعه لفي الشال بسرعه علمود انلحك
ريم:دنتضري غير الفه عدل قابل يطلع مخربط
مريم:ورحنه للمدرسه وطبينه لاداره وكالت المعاونه اني رسبت بالرياضيات ودرجتي طلعت ٤٩ وريم نحجت اوف انقهرت كولش علمود درجه رسبت
ريم :مريم لاتضوجين
مريم:يعني ظلم علمود درجه ارسب
ريم حبيبتي كافي تعاي اشتريلج موطه بردي كلبج
مريم: اوك رحنه اشترينه ونوبه رجعت للبيت لكيت امي كاعده
الام:ها نجحتي لو لا
مريم:لا رسبت بالرياضيات اخذت٤٩
الام:طاحضج يعني حته بالدور الثاني رسبتي
مريم:😥😥 يمه هم منصفوني
الام:ديله روحي بدلي وسويلنه ريوك
مريم:اوك رحت بدلت وسويت ريوك وتريكنه وغسلت المواعين ونضفت البيت وطبيت سبحت وانوبه اجه ابويه من الشغل جاب المسواك وامي سوت غده واتغدينه وغسلت الماعين واجه محمد من الشغل وصاحني
محمد:مريم صبيلي غده جوعان
مريم:اوك رحت صبيتله
وخلص اليوم بالكوه ومرت فتره جنه كاعدين اني وامي وطب ابويه الاب: اسراء (قصده ع امي)اليوم كلي قاسم انو هند موزينه
الام:ياخطيه بس لا رح تموت انوبه هيه فقيره وحبابه متستاهل
الاب:باجر انروح نشوفها
الام:ماشي وانتي مريم باجر تروحين ويانه تشوفين بنت عمج
مريم:ماادري افكر عود
الام:انشالله
مريم: رحت صبيت غده واتغدينه وغسلت الاماعين وانوبه اجتي اختي زهراء والجهال عاد اتسله وياهم وصار الليل واختي راحت البيتها ونفس الروتين اصلا ملل حياتي
ثاني يوم
الاب:يلا اسراء بدلي خلي نروح
الام:اي ماعندي شي بس البس عباتي
مريم: يمه رح اروح وياكم ضوجه هنا بلكت اغير جو
الام:ديله بدلي بسرعه
مريم:لبست جبه وخليت كحله ولفيت الشال وطلعت لان مومال ابدل هو احنه رايحين نزور مريض واخذنه تكسي وصلنه ودكينه الباب وطلعت بنت عمي وسلمت علينه وطبينه سلمنه وكلسع تجي وحده انوبه كمت اخربط بيهن اذا هنه ٨ اخوات من غير بناتهن الشابات طبعا احنه علاقته موقويه بيت عمي وصلا نصهم مااعرفهم لان احنه ربينه يم بيت جدي اهل امي وعلاقتي كولش قويه بخوالي ونسوانهم لان ربينه كولنه سوه عكس بيت عمي مااعرفهم.خطيه شفت بت عمي اصاير بيه باقيه بس جلد وعضام وبطنها منفوخه يعني ع اي ساعه تموت خطيه وكالن بنات عمي مشرباته سحر وهيج صاير بيها بعد الله اعلم
كرار: اني هسه عايش بالمانيه يم اخوي صارلي اربع سنين اهنا قبل سنه تزوجت وحده عراقيه اسمها هيام عايشه اهنا بالمانيه مطلقه وعدهه ولد اخوي شافه الي وكال خوش ناس ومتدينين اني وافقت عليه وتزوجنه واهلها يوميه جانو يجونه ولاخلونه نتهنه وهيه هيام كوله تمشي بحجي اهلها ومتسمع الكلام اني كولشي ولا وحده تعاند لومتسمع الكلام اتخبل ضليت اربعه اشهر وياهه وطلكتها لان طلعت روحي وانوبه محصلت اقامه وضوجه وكائبه واخوي وجه ثكيل عليه ومرته حقيره قررت ارجع للعراق اهناك بلدي واهلي وناسي حجزت تذكره وساعدني صديق اخوي وقررت افاجئ اهلي برجعتي ورحت للمطار وصعدت الطياره تقريبا وصلت ب١٢بليل للعراق ونزلت وطلعت من المطار اخذت تكسي وصلت كبال بيتنه احس روحي رجعتلي لان اني هسه بلدي ودكيت الباب وجان ينفتح الباب وطلعت سوسو اختي وجان تعيط من فرحته وحضنتني وطبيت للبيت وكولهم موجودين وطلعو يدرون اني جاي للعراق وخربو المفاجئ ورحت الامي خطيه
الام:ولك يمه كروري حبيبي رجعتلي شكد مشتاقتلك
كرار:يمه حبيبتي اني مشتاقلج وبستها من ايدهه وراسه وجني خوات ضلن يبوسن بيه وفرحانات وضلينه كاعدين للصبح انسولف ورحت جبت صمون وكاهي وقيمر عرب والتمينه ع سفره نتريك وشكد جنت مشتاق الهاي الكعده وخلصنه ورحت انام لان تعبان
وليهنا يخلص البارت حبايبي
بقلمي مروه سالم
