البارت التاسع
كعدت الصبح كرار بعده نايم نزلت جوه عمتي نايمه نضفت البيت كوله وكعدت عمتي وكرار هم سويت ريوك وتريكنه انوبه رحت ع سريع سويت غده وكملته كوله ورحت سبحت وبدلت وتمكيجت ونزلت كلت العمتي الغده جاهز ع طباخ سلمت عليها وطلعت بس احس وجها ثكيل عليه ضجت بس مهتميت هو عرس اخويه خلي افرح واتونس الدنيه مدايمه وكرار وصلني طبيت
سلمت عليهم
زهراء بنت خالتي :هلا والله بعد وكت جان مجيتي
انجبي لج مالي خلكج
والله البارحه فاتتج اللمه نصف ونضحك ضلينه للصبح
هنيالكم
بدو كرايب يجون واخويه طب لابس القاط يمه طالع يخبل فديتك شنو هذه الجماال
هوه خجل مني
وكالو رح نطلع لفيت شالي وكلنه طلعنه احمد اخويه صعد بالجكساره
واحنه البنات صعدنه بالكوستر علكناهه اغاني وركص وصلنه البيت العروس طبينه والهلاهل وبدينه نهوس ونركص ضلوا شوي كاعدين وطلعنه
وصلنه للبيت هم اغاني وركص وصرنه هوسه اخر شي زفوهم العرسان والناس بدو يرحون واحنه بدينه انضف البيت لان صار هوسه تقريبا وره ساعتين طلع اخويه اخذها والهلاهل ترست البيت واني خلصت كولشي وكرار اجاني رحت للبيت تعبانه بدلت واجه كرار يحضن بيه
والله مو وكتك هو اني تعبانه
شبيج ياحبيبتي ديلا دتعاااي وووووو وكملنه
طبيت سبحت ورحت نمت
وسوسو حماتي اكثر شي مكضيته يمنه وكم يوم يم زوجها لانو سوسو الزوجه الثانيه
وكلما تطلع اشوفها تلبس شال مني بدون متستأذن طب الغرفتي تاخذ شال الي يعجبها وتلبسه وتطلع
اني حيييل اضوج من هيج تصرف اني موعلمود الشال بس لازم تستأذن مني ميصير وهاي اكثر من مره تطب تاخذ شال وتطلع انوبه ترجع تنزع الشال وتكولي ها مريم اخذت شالي نسيت اكولج
مو تشوفني البس ومكياج وشعري منزلته
ضل تعوج بكلها وتباوع من فوك الي جوه لو صفح كاانو معاجبه اني مااهتملها المهم زوجي زين وياي
مرت الايام
صارت مشاكل سوسو وزوجها وضرتها وجتي زعلانه كالت بعد ماارجع اريد اكعد اهنا
كرار :براحتج حبيبتي هذه البيت بيتج
ورادت تكعد بغرفتي اني (لانو اني كاعده فوك شلون المشتمل غرفه وصاله اكو وحمام ومطبخ فوك ودرج ينزل ع طرمه)
وكالت الكرار اريد اخذ المشتمل مالتكم اكعد بيه واعزل احسن من هناك يم ضرتي ويوميه مشاكل
كرار كاللها تدللين احنه انتقلنه غرفتنه بالصاله الفوك اعتبار غرفه وسوه قاطع بحيث صارت هيه وحد غرفتها ومطبخها وحمامها وتصعد وتنزل من الدرج الخارجي الي ع طرمه
وتقريبا يوم كامل اني وكرار نعدل الغرفه وصفط الملابس والفراشات
بحيث من صدوك طاح حضي ثاني يوم كملنه كولشي رتبتها الغرفتي وصارت سوسو تكعد من النوم الساعه ب١ الضهر تنزل يمنه اني مخلصه تنضيف وكولشي اسويلها ريوك تتريك هيه وابنها وتعوف الصينيه متشيلها اروح اشيلها واغسلها وتضل كاعده طول اليوم ع موبايل
