المراهقه والعصبي

وصادف ثاني يوم دورة السنه الاولى مال اختي
ريام  مكدرنه نروح للنجف نزورها علمود بابا لان حالته تعبانه حييل عزمنه كرايبنه كولها وذبحوا ذبيحه وسوينه ثواب الها والتهيت تنضيف وغسل مواعين لان هوواي جايين بحيث هلكنه اني والبنات

ونسيت اذكر جهال ريام ابوهم مو اخذهم وره الاربعين مال ريام بعد كسر السيم كارت ملاته.
وانريد نخابر ماكو مدنحصلهم كطع صلت الجهال بينه بعد مااخذهم واجتي دوره سنه ريام واحنه كولشي منعرف عن جهالها

بس سمعنه من بيت عمي انو زوج ريام رإسن اتزوج وره الاربعين مباشرا حته متانه كم شهر
وضلينه ملتهين بجدي مرات اكعد واصفن اكول اني تزوجت وره وفاه ريام ب٣ اشهر واخويه ومريم بنت خالي واخويه اتزوجو وراي باربعه اشهر

حته السنه مال اختي مطلعت واحنه كولنه تزوجنه اول واحد اخويه صارت مشكله وراح
يطلك مرته من تجيب ومريم بنت خالي
طلكت من زوجها واني هم رح اطلك وره
مااجيب واكول خاف ريام مراضيه ع زواجنه
وهيج صار بينه بعد الله اعلم

وره ٨ ايام من دورة سنه ريام جنه نايمه اني
ومريم كان تجي زهراء تكعد بينه وتكول
ولج اكعدن جدي رح يموت
اني راسن كمت من فراشي رحت ركض للصاله
واشوفهن يبجن وبابا ممدد وشلون الي روحه
تريد تطلع وامي كاعده يم راسه تقره عليه
العديله

وبدو الكرايب كولها تجي بالحضه انترس البيت
وكلنه لبسنه عبي مال راس واكفه واباوع ع بابا وابجي واجه شيخ قراله العديله واشوف الصاله انملت نسوان وزلم حته الي بالفرع كولهم اجوي واكفين يباعون ع بابا وكان بابا تطلع روحه وكلها كامت تعيط وتبجي خوالي حاضنين جثه بابا ويبجون ولد خوالي يبجون واحنه نعيط ونبجي

ورادو ياخذون خوالي مجلبين بيه ميعوفونه ودموعهم عشره عشره وغطوا راسه وشالو واخذو وكلها التمت علينه واني ابجي واعيط
وبعدين كولنه كمنه لبسنه اسود وره ٣ ساعات جابو بتابوته وطببوا وكلنه نعيط ونبجي وامي حضنت تابوت وتعيط

واخذو بدو يشيعوا واحنه كولنه طلعنه وراهم وسوله عراضه وهم يشيعون بي واحنه نبجي ونمشي وراهم وصلنه للشارع وكلهنم ملتمين  الجوارين والكرايب خلو ع السيبايه مال كوستر وراحت امي وخالتي وبيبيتي ونسوان خوالي اني مكدرت اروح لان حامل  وكان عليه سته
اشهر

ورجعنه للبيت نضفنه وكملنه وكعدنه صارت ب١٢ بليل طبو حال ضيم حالهم تعبانين ومكسورين وصوتهم رايح من البجي
وامي حالته حاله تقهر خطيه

ورحت يم خالو حمودي كتله وين دفنتو
كالي بصف ريام ندفن وضل يسولفنه ع دفنه
وخلص وعفته وكلهم نامو اني هم نمت شو الساعه بالخمسه الفجر كعدت ع عياط طلع جايين ع جدي ويبجن وينعن وكولها كعدت والجادر نصبوا والناس اجتي بحيث ب ٨ الصبح اجني الملالي وكلها ملتمه والتهينه بالفاتحه  وخلصت الفاتحه واحنه مرحنه البيتنه

لازم تطلع السبعه ونروح وخالو كان يحسب
بالدفتر مال فاتحه وكلي مريم زوجج اجه
للفاتحه وانطه واجب
سمعت بي قلبي فز لانو بعدني احبه ورحت
كعدت يم خالو كتله شلون صاير شكله
كلي شعري خفيف صاير ولحيتها شطولها
ومبين وجهه شاحب

ضليت صافنه ع حچي خالو معقوله هيج
صاير بي من ورايه لعد ليش يكابر
وميرجعني اذا يحبني شنو الشي الي يمنعه
يجيني اااوف رحمتك ياللهي

واجتي السبعه وكعدنه من الصبح تنضيف
وطبخ ومعازيم هوواي جايه وتعبنه اني
والبنات اخر شي فضت كلها راحت وبدينه
نضف كملنه سبحت ورحت ع فراشي ونمت

ثاني يوم ودعناهم وطلعنه رحنه البيتنه
طبيت ارتاحيت صدك البشر ميرتاح اذا
مو بيته رحت نضفت البيت لان بي تراب
شوي وكملت سبحت وبدلت ومشطت
وضليت كاعده

ومرت الايام ودخلت بشهر الثامن  كرار ماله
حس  واحنه هسه بمحرم ورحت للسوك اني واختي جهزت
الطفلي اشتريتله كولشي ملابس يخبلن
وافرات هوواي لان اجيب بشته واشتريتله
كاروك يخبل لونه سمائي لانو ولد حته
ملابسه سمائي اخذتهن وفرينه السوك فر
وتعبنه ورجعنه للبيت وحضرت جنطتي

الي اخذها وياي من اطلك وثاني يوم رحنه
للدكتوره اني وزهراء علمود نضرب
ابره مال اكتمال الرئه دخلتنه للدكتوره
اخذت اختي سونر واني هم اخذت سونر
اختي كتبتلها ابره مال اكتمال الرئه بس
اني مكتبتلي كالت ميحتاج طفلج مابيه شي

فرحت لان مرح اضرب ابره واخذت  الابر
اختي وضربتها ورجعنه للبيت بدلت ملابسي
وانمطلت ادعي انو اجيب من ادخل بشهري
وفوكاه ١٥ يوم يلا اجيب وادعي الربي وابني
قررت اسمي حسين

ودخلت بشهري بطني صارت جبيره
واختي تقريبا دخلت بالعاشر
اجتنه الساعه ب٤ الضهر تطلك وامي راحت
وياهه وعمتها وصلهن اخويه للمستشفه
وكلسع اخابر عليهن بعدهي مجايبه واني
خايفه كولش من طلوكه

صارت ب٧ وجابت ولد فرحتلها وسمته
عباس وره ساعه اجوي يمه شلته العباس
يمه فدوه صغير وحلوو

وره اربعه ايام من ولادت اختي اني بشهري
و١٥ يوم صادف بوكتها الاربعين مال الامام الحسين جانت الساعه ب٢بليل هستوني
اريد انام وجان احس شي وكع عليه
رحت للحمام غسلت مستمره مايات

كلت خاف مال طفل ولبست سانتي
ورجعت اريد انام وجان يجيني بطني
وجع مو طبيعي  ضليت بفراشي متوقعتها
ولاده والوجع ضل يروح ويجي

رحت الامي جانت كاعده واختي ترضع باعباس
كتلها ع مايات والوجع كالت خاف ولاده
ناخذج للمستشفه كتلها لا يجوز هسه يروح
وحضنتها الامي بس الوجع مستمر يروح ويجي
وكامشه بطني واون تقريبا بالساعه ضليت
وبعد متحملت كتلهم ودوني للمستشفى

امي خابرت احمد يجينه واني لبست بس
اون من الوجع مو طبيعي لبست جبتي
وشالي وطلعنه اجه احمد طلعنه امي
كالتله مر ع دعاء (مرت خالي) لانو اني
مابيه حيل عاد هيه تركض وياي راح

احمد البيتهم واني بالسياره الوجع موتني
وره ربع ساعه طلعت واجتي ويانه
ورحنه للمستشفى احسها شطولها صارت
المستشفى وصلنه نزلنه من السياره رحنه
للولاده ....

وخلص البارت
تفاعلووو
احبكم
بقلمي marwa salim