١٠) لقاءنا المستحيل الكاتبة صفاء حسني الطيب

الحلقة٢٤

لقاءنا المستحيل
الحلقة ٢٤
سال كريم منال :
حصل ايه معاها تانى ؟
اتنهدت منال :
محدش من اهل الاب قبل تعيش البنت عندهم علشان ذنب أمها
وابوها اتسجن وهو في السجن جت ليه سكتة قلبية ومات علشان كان بيحب مراته ومش تخيال في يوم تعمل كدة او يقتلها بيده
قال كريم :
غبي رغم خيانه، سبحان الله الاختيار الغلط دى نتيجته
اتكلمت منال بحزن وخوف جواها ودفعت عنها :
أحيانا بتسيطر علي الانسان الرغبة والشهوة مع اهمال الزوج بتكون دى النتيجة
رفض كريم كلامها وقال :
لا طبعا هى كانت بعيد عن ربها وفي ستات كتير مش بيكون مع ازواجهم لكن صاينه نفسها وبيتها وفي اللي زوجها مسافر او الميت لكن كل واحدة فيهم بتعرف ازى تعمل ليها هدف تهرب بيها من التفكير دى بالعمال فى النهار و السجود فى الليل وقراءة القرآن
رفضت منال وقالت :
عدد قليل الا بيعملو الا انت بتقول عليه وخصوص بعد دخول النت
في ستات بتقرأ قصص وتشوف فيديوهات، وبتمارس عادت سري عشان تعوض عن احتياجها فيه
انصدم كريم وسالها :
انتي عرفتي كل ده من فين
ضحكت منال :
حبيبى انا متخرجه من ايه؟
رد كريم وهو بيضحك :
طب نفسي معلشي
ابتسمت منال :
وعملت دراسة عن الحالات دي بعض ما اقابلت مروة
سالها كريم :
قابلتيها امتى ؟؟وفين
ردت منال :
عند دكتورة شاطرة اسمها رشا هي دكتور نساء وتوليد وعلاقات اسرية
مشهوره في دمياط وفتحت سنتر في القاهرة وكانت محتاجة ادرس الحالة النفسية لكل مريضة عشان بتفرق في حمل المرأة طريقة جديدة طبيقتها وكنت انا من اللي اخترتونى اشتغل معاها بعد التخرج
طلب كريم منها :
طيب كملي حكاية مروة
ضحكتك منال :
طب هقوم احضر الاكل الاول
.........،،،،،،،.........
....
كانت ضياء حزينة :
البت طلعت بريئة قلبي كان حاسس
اتكلم كمال بحزن :
احنا غلطنا من الاول اللى بعتناها هناك كانت اتربت في وسط اولادنا
اتكلمت ضياء بنفس الوجع :
فعلا انا مقدرتش احافظ علي بنت اختى
خفف كمال عنها :
بس قلبي حاسس انها بخير دى نبتة طيبة وحافظة القران وربنا مش بيظلم عبيده وما نعرفش ممكن ربنا كتب دا لعلم عنده
اتنهدت ضياء:
ونعم بالله
قطعت حديثهم ايه وقالت :
ماما في تليفون ليكى
هزت ضياء راسها وسالتها :
مين يا حبيبتي
ردت ايه :
مامت نور عايزاكي
هزت ضياء راسها :
نور مين
ركز كمال
تكونش نور محمد الاسيوطى
استغربت ضياء :
يبقي عزيزة، هى جابت الرقم الجديدة من فين اوعى تكون انتى ؟
اتكلمت ايه:
بتهته وتلجلج انا يا ماما ازى
نظرت ضياء لها بتوعد :
ايه مش تلعب عليا انا عارفة انك انتى ونورا اصحاب ودايما واحنا في الكفر كنتى بتتكلمي معاها
قطع كمال نقاشهم :
انتى هترغي قومى ردي على عزيزة وبعدين اتحاسبوا
.........،،،،،،........
راحت ضياء ورفعت السماعة وقالت :
البقاء لله يا ام كريم
هزت عزيزة رأسها:
ونعم بالله
سالتها ضياء :
خير ان شاء الله
ردت عزيزة :
ان شاء الله عاوزة ازوركم ممكن
رحبت ضياء :
اكيد انتى تنورى في اي وقت
طلبت عزيزة :
ممكن العنوان
مليتها ضياء العنوان :..........................
تمام كدة
هزت عزيزة راسها
تمام شكرا