١٠) لقاءنا المستحيل الكاتبة صفاء حسني الطيب

١٤

#لقاءنا المستحيل
#صفاء حسني الطيب
الحلقه ١٤
سالها جاسر :
انتي خايفة تحسي بالوحدة هنا صح .؟
رد. كريم وهو معترض :
وحدة ازاي ؟،وهيا في وسطنا هنا هتلاقي الي هي عاوزه ماما عزيزة اطيب قلب، وام فتحي ،نورا ودمها الخفيف، غير ليكي قرايب كتير هنا من طرف والدك.
كمل جاسر :
وإن كان على الاصدقاء يا ست البنات هتلاقي هنا بنات كتير
وعندي لكي فكرة.
سالته سجى :
وهي ايه الفكرة ؟
ابتسم جاسر :
تجربي سنة كاملة عجبتك الحياة هناتمام ،معجبتكيش ارجعي يا ستي هناك انتي في سنه كام ؟
ردت سجى بخجل طالعة ٣ اعدادي
رد جاسر :
يعني اخر مرحله في الإعدادية، وبعد كده بتتفرقوا كل واحدة بتروح ،علي حسب مجموعها
اما خالتك طبعا تزوريها ولو عاوزة كل شهر .
سالته سجى :
ازاي بس المسافه كبيره اوى ؟
ابتسم كريم :
بالطيارة يا ست البنات عمك محمد عنده طيارة خاصة ومش هتاخد ساعتين هتكوني في البلد
نور وش سجى. .وظهرت في عيونها السعادة. وقالت :
بجد
ابتسم جاسر :
بجد ونص وانا زي الفقر ركبت القطر بدل الطيارة .
فضل يحكي عن والده ويقلده في نومه
وكريم يقلده في طريقة مشيه ولما بيتكلم في التليفون
وجاسر يخبط كفه في ايد كريم ويضحكوا
ونجحو يضحكو سجى .
.....
كانت سجى سرحانة وما بين نفسها :
انا بشبه على جاسر بس ملامحه اتغيرت شوية .
وكمان كانت اول مرة اتكلم مع شباب .
مش كان عندنا قرايب شباب، وبابا لما منعني اروح عند عبير ،عشان عندها مروان شاب كبير ضابط فى الجيش ،واختها هدى اكبر من عبير ٤ سنين
وكمان فرح عندها فريدة ومراد أصغر من مروان بسنه.
بس عائلة فرح غير عبير
فرح ابوها مستر اسامة بتاع انجليزي وامها ميس حنان لغة عربية
كانوا موافقين فرح وفريدة يزورنا وكانت فريدة بتحب تصاميم قوي
اما عائلة عبير ابوها دماغه زي بابا بالظبط او كنت فاكرة كده
بس لما سمعت حكاية عمتى واخت جدى فهمت ليه كانوا بيخافوا علياعشان الجمال في المجتمع بيكون حمل كبير علي البنت اللي تمتلكه.
جمال جدتى اخت جدو وام ماما، كان جمالها مصري قمحى والملامح صغيرة،
ده السبب اللى كل الشباب هيتجننوا عليها فى الصعيد ،
ومنهم جد كريم وطبعا رفض جدى ٠فطلع كلام كتير،
ان اى حد هيتقدم ل اخت جدى كان اسمها ( ملك) اخوها مش يوافق،
وكلام كتير بس الناس مش عارفين، إن كل شئ قسمة ونصيب.
وملك اتجوزت جدى حامد اللى قمر شبه حسين فهمى،
وجدتى ام بابا مش تقلى جمال عن جدى حامد كانت اسمها( زينب )وطبعا جدى كان بيغير عليها جدا وطلعت اشاعة على جدتي ، اللى خلها توافق تتجوز واحد اكبر منها ١٠ سنين،
وعنده ولد يبقي فيها عيب وعشان كدة بدل كل اخ ب اخواتى ،
عشان يستر اخواتهم.
جهل مش كانوا عارفين إن جدتى وافقت على جدى عشان عرفت انه
من خريجي الأزهر، حافظ القرآن ،وكان شرط موافقتها عليه يحفظها القرآن ،
يعنى حب الله هو في أعظم من حد يحب واحد في الله .
ومن حب جدى ليها تمنى اولادها يطلعو شبها ، بابا اخد بعض الملامح بس عمتو نسخة من جدتى
اما السبب التانى عمتى ،
زى ما ام فتحى قالت ان هى كمان طلعت اشاعة عليها واتجوزت وهى صغيرة
الله يرحمك يا بابا انا النهارده فهمت خوفك انت وجدى عليا.لي
كنت واقفة سرحانة وبتذكر كل الحكوى دى
كل ده ونظراتى في الفراغ مش عليهم كنت خايفة ليكون هو؟ و يكون ده عقاب كبير ليا من ربنا.
علشان خدعت بابا اللي كنت خايفة منه واللى استغليت انشغاله في السينما
واتكلمت مع جاسر ، بس كنت صغيرة وقتها يارب سامحنى ومتكنش اخدت بابا منى بسبب كده
.......