١٠) لقاءنا المستحيل الكاتبة صفاء حسني الطيب

الحلقة ١٢

لقاءنا المستحيل
الحلقه ١٢

اتفقت سجى مع المحامى انه يعدى عليهم وياخدها يخليها تشوف المنتجع :

وهى  طلعة  على السلم و كانت تايهة
مش  عارفة تروح فين ولا تجي منين
وفجأة سمعت صوت من وراءها
جاي من الغرفة اللي على اليسار،
التفت لقيت سيدة في عمر 60 عام تقريبا لابسه عبايه سودى زي بتاعت مامتها  بالظبط واشارب علي نفس لون العباية وكانت  السيدة بشرتها غامقة مع العباية فزعتها فشهقت سجى :
بسم الله الرحمن الرحيم حضرتكي مين
ابتسمت السيدة وقالت :
اسفة يا حبيبتي انى خضتيك بس المحامي اتصل بي اجي، واتأخرت عليكم عشان كنت عند الست عزيزة بحضر معها الاكل، عشان في ضيوف جاية من مصر زوجها وابنه،
زوجها ده اللي اتجوزته بعد المرحوم امجد، كانت بتحبه قوي قوي حبهم اتولد علي يدي ،
بس يا حسرة مات من هنا مكملش سنة، وحماها خيرها لتجوز  ابنه الكبير ،لتسيب ابنها وماله وتتنازل عن كل حاجة وتروح مع جدك دمياط ،
حماها بيكون نائب كبير في اللي اسمه ايه اللي بيجي علي الشاشة الكبيرة دي اه صح اسمه تليفزيون  والتاني اسمه
ضحكت سجى وهى مستغربها
بجد انسانة عجيبة كانت كأنها بالعة راديو او شريط كاسيت شغال بس سبحان الله جاءت في وقتها نستني حزني وزعلي وضحكت من طريقه كلامها ربنا كبير في ناس بتظهر في حياتك لسبب معين لتتعلم منهم او يكون سبب ضحكتك في وقت حزنك  عمرك تندمي انك  اتعرفت عليهم
قطع حديثها عمو كمال
اسمه البرلمان يا حاجة او مجلس الشعب
كملت السيدة  :
اوي صحوا هو ده اللي بتجول عليه حضرتك انت جئت حداني قبل كدة بس الصبية دي لا صحو
ابتسم كمال  :
الصبية دي اسمها سجى
السيدة مكنتش عارفه تقوله
:سشي اي سشي دى
ابتسم كمال :
يا حاجة سجى 
ردت السيدة وقالت :
والله ماني فاهمة ايه الاسم العجيب ده انت قلت سشي
قربت  سجى منها وقالت:
تعالي يا حجي وانا افهمك اه انتي اسمك ايها الاولي
ردت السيدة:
اسمي ام فتحي يا بنتي اه صحوا يا سكا
ضحكت سجى :
بلاش تعطش  الجيم  او تخليه كاف انتى
عارفة القرآن الكريم يا ام فتحى 
ردت ام فتحي :
،ايوة اللي بيقرا الشيخ في المسجد يوم الجمعة
ابتسمت سجى :
صح هو ده
في سورة بقي في القران الكريم اسمه الضحى
أول آيات فيها
بتقول
بسم الله الرحمن الرحيم
وَالضُّحَى وَاللَّيْلِ إِذَا سَجَى،مَا وَدَّعَكَ رَبُّكَ وَمَا قَلَى ،وَلَلآخِرَةُ خَيْرٌ لَّكَ مِنَ الأُولَى،وَلَسَوْفَ يُعْطِيكَ رَبُّكَ فَتَرْضَى ،أَلَمْ يَجِدْكَ يَتِيمًا فَآوَى،وَوَجَدَكَ ضَالًّا فَهَدَى،وَوَجَدَكَ عَائِلا فَأَغْنَى ،فَأَمَّا الْيَتِيمَ فَلا تَقْهَرْ ،.وَأَمَّا السَّائِلَ فَلا تَنْهَرْ،وَأَمَّا بِنِعْمَةِ رَبِّكَ فَحَدِّث
صدق الله العظيم ْ
انا بقي بابا محمود سماني على اسم من اول السورة اسمى سجى
ابتسمت ام فتحي:
بارك الله فيكي يا بنتي سجي صوتك حلو فى قران  ومعناها أي الايه ده
ابتسمت سجي :
معناها ستر وغطاء، يعني الليل بيكون ستر وغطاء وراحة للناس في بيوتها .
ياه وانا بشرح لام فتحي عن اسمي والسورة افتكرت اني اصبحت يتيمة زي الرسول عليه افضل الصلاة و السلام جدي بدأ بالسورة دي وهو يحفظني القران الكريم اول ما دخلت المدرسه عشان يعرفني معنى اسمي ،وبعد كدة اخد شرحها في مادة الدين
كبرت ام فتحي الله صوتك حلوة اوي، في القرآن يا بنتي سجي ،اجمل من صوت الشيخ اللي حدانا
ضحكت سجى :
طبعا علشان طالع من القلب يا ام فتحى
ردت ام فتحى
جلبك ابيض من جوة  يا بنتى