١٠) لقاءنا المستحيل الكاتبة صفاء حسني الطيب

الحلقه ٦

لقاءنا المستحيل

الحلقة ٦ الكاتبة صفاء حسني الطيب

ابتسمت سجى وهى راجعه وما بين نفسها:
الرحلة ده فرقت معايا قوى قابلت فيها ناس وحسيت بمشاعر مختلفة

الدكتورة وجرأتها في شرح المعلومات

جاسر اول نبض واحساس بالحب

لين وتقي اللي علموني ازي اكون عروسة زي ما بيقولوا

وصلنا الكفر كنت نفسي افضل في راس البر، شوي دلوقتي هرجع للحبس تاني ولسه شهر على المدرسة

بابا وماما بقيوا اكثر استقرار عن الاول وفيه تفاهم بدأ في حياتهم بس جاءت على دماغي انا
اما البنات فرح وعبير كانوا بيعدوى عليا
بس مفيش حوار مشتركة ما بينا بس كانوا بينبهروا بالفساتين والايشاربات اللي عندي كانت عندي موهبة الرسم افكار ازياء كنت بوفق كل حاجه مع بعضها انتشرت في القرية وطبعا السبب فرح وعبير

البنات الكبيرة اللي في اعدادي وثانوي كانت بتيجي عندى وتسألني علي الطريقة وبقت تسلية كل يوم ارسم افكار جديدة ورسمت صورة ل جاسر واحتفظت بيه
خلص شهر الاجازة من مساعدة ماما في البيت والخروج معها كل اسبوع للسوق عشان السوق كان يوم واحد في الاسبوع السبت

كان هو اليوم اللي بتنفس فيها الهواء
وكنت بشتري طلبت لي كرسات رسم والوان وبرفانات وجربت الكحل كان جميل عليا اوي
انتقلنا لبيت تاني كلنا مع بعض
كان ارض ورث ماما وخالتي ولما ربنا فرجها علي بابا وعمي كامل
تم بناء البيت
كنت فرحانه فرحتين هتنقل لبيت جديد وكمان هروح المدرسة
كانت ماما بتحكي ل عمتو ضياء الا حصل مع بابا وانها سالته عن المدرسه
سحر :
بكر اول يوم في الدراسه

هز محمود راسه :
عارف وظبطتها

استغربت سحر : ازاي

رد محمود :
كل يوم قبل ما افتح الورشة هاخدها هوديها

سالته سحر :
و الرجوع

رد محمود :
هترجع مع جوز خالتها

انصدمت سحر :
كل البنات في الكفر بتكبر مش بنتي وبس ورغم كدة بيروحوا وبيجوا مع بعض

اتعصب محمود :
هنرجع نتكلم تاني في الموضوع بصي يا بنتى الحلال انا بغير عليكي، انتي وبنتي وده ميزعلش وسجى اتعودت وعلى الاقل هتروح المدرسة

شهقت سحر :
انت كنت ناوي تقاعدها

رد محمود :
مش للدرجة دى بس لو اجبرت هعملها