حسين : نزلت راسي وجاوبت ان شاء الله
ماجدة : الله يرضى عليكم حبايبي وراحو الولد غيرت ملابسي وسبحت وخابرني مهند ونمت ع صوتة اهم شي بحياتي اعشق الليل لان اسمع صوتة ومغازلتة الية اول مرة بحياتي اسمع كلام الحب والغزل
ثاني يوم مهند اجة علية ورحنة للدوام وكعدنة بالغرفة نسولف واجتي عفاف يمنة و عفاف تعرف كل العلاقة بيني وبين مهند و عرفت بمرضي
عفاف : ماجدة لازم تستعجلين حبيبتي هيج امور متتأجل
ماجدة : خايفة عفاف
مهند : ومن شنو تخافين العملية الدكتور يكول سهلة
ماجدة : وشكل جسمي
مهند : اكو تجميل واذا ماكو تجميل بالعراق اني اسفرج برة واسويلج عمري بس انتي سهليها واستعجلي بيها
ماجدة : الله كريم اليوم اكول لولدي واشوف
رجعت للبيت وكلت للولد وكتلهم اروح للطبيب حتى يحدد موعد عملية واجة مهند العصر علية ورحنة للطبيب وقرر العملية وسألة مهند ع التجميل كالة تخلص العملية وتصير زينة واسويلها عملية تجميل سليكون
رجعنة للبيت كتلهم للولد بيوم العملية اروح اني وصديقتي انتو لتجون علي أصر على جيتة كلي اني وصديقتج نروح
وصار يوم العملية يوم ممطر وبارد وكئيب و رحنة اني وعلي بتكسي ع عفاف واخذناها للمستشفى دتمشي السيارة وحطيت راسي ع الجامة وابو التكسي يسوق بتمهل ومشغل الماسحات وشاردة بفكري محسيت اله ع هورن قوي رفعت راسي شفت سيارة تقربت من يمي كلش عبالك رح نندعم ركزت بالسيارة شفت مهند
وصلنة للمستشفى ودخلنة اني وعلي وعفاف وعلي راح يبدي بااجراءات المستشفى
ماجدة : عفاف شفتي مهند
عفاف : وينة مهند ماكو
ماجدة : موو هنا هاي السيارة اللي رادت تدعمنة بيها مهند
عفاف : صدك تحجين
ماجدة : اي والله
عفاف : هذا الرجال اتخبل من وراج
ماجدة : اني هم خبلني حبة
عفاف : اوكفي موبايلي يدك
وج هذا مهند ههههههه دقيقة خلي اجاوبة
ها مهند اي تدلل هاك ماجدة
ماجدة : مهند انت وين
مهند : واكف برة باوعيني
ماجدة : التفتت ع البرة وباب المستشفى مفتوحة والمطر قوي كلش واشوفة واكف بنص المطر اتخبلت كتلة مهند رووووح رح تتمرض
مهند : مااكدر ماجدة منتضرج تكملين العملية
ماجدة : بعد هواية روح هسة
مهند : شوية واروح
ماجدة : مهند اريد اخر صوت اسمعة بااذني صوتك قبل العملية
مهند : منتصرج هنا عمري مااروح
ماجدة : أجة علاوي سديت الموبايل واخذوني للغرفة وجابت الممرضة هدوم العملية واني وابدل خابرت ع مهند واخر كلمة سمعتها اذني احبج و كتلة احبك سمعت صوتة يبجي بالتلفون وراح وعفاف وياية معافتني دخلوني العمليات واني افكر بمهند ودموعي موكفت لحد محطولي البنج ورحت لغير عالم
نسلم القلم الى صديقة البطلة عفاف
عفاف : دخلو ماجدة للعملية وابنها واكف وكل شوية اشوف مهند من بعيد يراقب باب صالة العمليات ويختفي
ورة ساعة تقريبا طلعولنة ماجدة وطلع الدكتور وياها وكال اطمأنو عمليتها سهلة وخير ان شاء الله
اباوع ع علاوي عيونة مدمعة وواكف يم امة خايف عليها دفعوها بالسدية ودخلوها للغرفة
وبدت معاناتي وية ماجدة اريدها تسكت متقبل مبقت شي محجتة بينها وبين مهند وكل هذا كدام ابنها
ابنها صار عصبي نار اني مااعرف شلون اتصرف احجي وية ماجدة اريدها تسمعني متسمع
علي : خالة منو هذا اللي امي تحجي بي
عفاف : شبيك حبيبي امك دتخربط مال بنج
وبدت تصحى ماجدة الحمد لله لان تعبت من الحجي مالتها واللي سولفتة ع مهند
اجة علي وبوسها لأمة وتحمدلها السلامة وأجة حسين هم وتحمد السلامة لأمة اباوع ع ماجدة تلوب كل شوية انزل جوة اكلة لمهند يروح ميقبل صار الدنيا ليل كتلهم للولد اني ابات يم امكم انتو روحو للبيت وميقبلون بالمستشفى الة شخص واحد يبات كوة قنعتهم يروحون وخصوصا علي راحو الولد ورة شوية نزلت جوة لكيت بعدة مهند واكف وينتضر كتلة ولدهم راحو تعال اصعد يم ماجدة
مهند : اي دقيقة بس اجيب شغلة من السيارة
عفاف : احجي بكلبي هذا وين يروح بهل مايات والمطر راح جاب باقة ورد جبيرة ورجع وصعد الماجدة
اني افر باايدي ع الرومانسية اللي همة بيها وكوة لازمة ضحكتي
ماجدة : انفتحت الباب عبالي عفاف فتحت عيني لكيتة مهند وجايب وياه ورد نص علية وباس ايدي وباس راسي بس خطية متبهذل حالتة حالة
مهند : الحمد لله ع سلامتج يانور عيوني
ماجدة : مهند حبيبي ليش هيج واكف بالمطر ومأذي نفسك
مهند : ردت اشوفج واطمأن عليج
ماجدة : الله لايحرمني منك
كعد يمنة مهند تقريبا ساعة وراح لبيتة وعفاف باتت يمي ثاني يوم من الصبح رجعنة للبيت شكل جسمي ممبين حاطين ضمادات بس ميهمني لان مهند كلي احبج بكل حالاتج
اخذت اجازة شهر حتى ارتاح وولدي مقصرو ربي يحميهم داروني احسن مداراه ويجيبون اكل من برة لو همة يسوون
دك تلفوني مهند شلتة الوووو
سمعت صوتة يبجي وفاحط من البجي اني اتخبلت
مهند حبيبي شبيك احجي
مهند : بصوت متقطع مااجدة حبيبتي ...
الى اللقاء في البارت الاخر
الكاتبة فاطمة عادل
البارت العشرون
Magsimula sa umpisa
