#صفحات من الماضي
الكاتبة فاطمة عادل
علي : ماما
ماجدة : شبيك ماما
علي : صلاح برة يريد يدخل
ماجدة : كمت مفزوعة شنو يريد صلاح
رحت طلعت برة لكيتة واكف برة نفس الوجه العبوس وحسين يمة ويصيح ع حسين وحسين يجاوبة بس معرفت ع شنو رحت عليهم مااشوف الة ضرب حسين راشدي كلش قوي اني تخبلت
وللللك صلاااااح شلون تمد ايدك ع ابني وخررر عنة
صلاح : لان ابنج ممتربي اني اعلمة لهل كلب
ماجدة : امشي ولي صلاح
صلاح : ماجدة ربي ولدج احسن الج
ماجدة : صلاح امشي ولي منا الجيران
صلاح : اني رايح بس اعرف شلون اربيكم
ماجدة : دخلت قفلت الباب ركضت ع حسين لكيتة كاعد مقهور وعيونة حمرة
هاا يمة حسوني ليش ضربك صلاح النذل
حسين : ماكو شي لتخلين ببالج يمة
ماجدة : احجي يمة لتوجع كلبي
علي : احجي حسين ليش ضربك مو كتلك من تشوفة لتحجي وياه هذا مخبل مو عاقل واكثر الوقت سكران لتحجي وياه
حسين : اني محجيت وياه بس هوة كلي تعال انت واخوك ساعدونة اني ومرتي لان دنتحول يريد يرجع لتكريت واني مقبلت كتلة ماأجي وهوة صار عصبي وضربني
علي : مو نشتغل عندة هوة ومرتة
ماجدة : يولي ماما لتهتم لتنقهر حبيبي
علي : الله يجازي
حسين : مخنوك ماما اني طالع
ماجدة : لتطلع حبيبي اخاف هم يشوفك
حسين : لعد صاعد للسطح اريد اشتم هوة
ماجدة : روح حبيبي
كاعدة ارتب مسمعت الة ع صرخة حسين وعلي يصيح بعلو صوتة
علي : يممممممة الحكي حسين
ماجدة : اني اريد اكوم اروح لحسين واشوف شكو رجلي متعيني لشتي ترجف كوة كمت من مكاني رحت صعدت لكيت حسين واكع ع الدرج مال سطح ع ظهرة وعلاوي يمة وكل منلزمة نريد نشيلة يصرخ ميخلينة اني تخبلت بعد مااعرف شلون اتصرف
علي : ماما رح اجيب بطانية نشيلة بيها
حسين : ااااخ يمة ظهري مكسور
ماجدة : ابجي وارجف ولازمة حسين اجة علاوي جايب بطانية حطينا بيها ونزلناه جوة نيمناه بالكع خابرت خالو هشام
هشام : هلو خالو حبيبتي
ماجدة : خالو الحكلي
هشام : اسم الله خالو شنو
ESTÁ A LER
صفحات من الماضي
Literatura femininaامرأة عراقية قوية اقوى من الصخرة ورقيقة أرق من الوردة
