#صفحات من الماضي
الكاتبة فاطمة عادل
خابروني ع الموبايل رقم غريب شلتة
الووووو
غالب : بصوت مخنوك ماجدة
ماجدة : اي نعم منو حضرتك
غالب : اني غالب
ماجدة : هلة خوية هلة حبيبي شلونك شلونهم امي ابوية
غالب : خابرتج داابلغج ابوية توفة
ماجدة : اعظم مصيبة مرت على كلبي لطمت ع صدري وصرخت لااا بوية مشبعانة منك والله وابجي واشهك يابة والله مااكدر انت الهوة اللي اتنفسة
اجوي الولد وصلاح ع صريخي
صلاح : شبيج ماجدة
ماجدة : صلاااح ابوية توفى صلاح والله هوة الهوى اللي اتنفسة
صلاح : الله يرحمة يلا كافي بجي كومي قابل البجي حيرجعلج ابوج
ماجدة : صلاح رح اخذ الولد واروح لديالى تجي لعزة ابوية
صلاح : بلا خرابيط ابوج ومات شكو بعد رايحة
ماجدة : ولك هذا عزة ابوية شتحجي انت
صلاح : كلت ماكو روحة
ماجدة : رحت للغرفة وابجي واشهك وانعي ابوية اللي مشبعت منة لو من يكلي حبيبة ابوها اووووف هل كلمة دمرتني نامو بالليل لان اني لا يجيني نوم ولا اكدر ارتاح ساعة ب٥ الصبح عفت الولد وصلاح وطلعت عبرية لديالى كلبي محروك وصلت لبيت اهلي لكيت موجوة لافتة سودة رادت روحي تطلع حطيت ايدي ع حلكي اكتم صوتي
دخلت لكيت الكل لابسة اسود وخواتي موجودات شفتهم من بعد غياب سنييين كلبي محروك ابوية مات وملحكت ع جنازتة هاي نقطة ثانية ع صلاح كل اللي يسوي بية بكوم والنقاط اللي احسبهم اله كوم ثاني
الام : وينج يمة ليش مجيتي البارحة مقبلت اطلع الجنازة اكللهم انتضرو ماجدة تجي لان مات وهوة يكول باأسمج
ماجدة : انهاريت من حجي امي بجيت طلعت ضيم السنين كلة اللي بكلبي وحقدت ع صلاح ازيد اللي مخلاني اجي بنفس اليوم
زهراء : ماجدة تدرين بابا من ديموت يكول وينج حبيبة ابوها خابرولي حبيبة ابوها
ماجدة : ابجي بصريخ يايابة كطعت نفسي لو اني ميتة ولا انت
دك موبايلي صلاح عفتة مرديت ضل يلح نطيتة لأحلام ترد راحت بعيد عني شوية وجابتلي الموبايل حتى مالي نفس اسمع شنو كال صلاح لأحلام
احلام : ماجدة حبيبتي ع كيفج صحتج رح تروح باعي وجهج تملخ
ماجدة : احلام متدرين النار بكلبي شدتسوي بية داأموووت ابوية سنين مشايفتة مشتاقة لكل تفاصيل وجهة مشتاقة لسوالفة ولضحكتة ولكل شي بي تذكرين احلام شكد جان ابوية مدللنة ويحبنة
