#صفحات من الماضي
الكاتبة فاطمة عادل
ماجدة : كاعدة بالصالون انتظر يجي الرزق اندكت الباب فتحتها طلع رجال كالي جاييكم بريد ع العنوان اول مرة تجيني رسالة من البريد واني افكر منو يدزلي بريد اهلي اصلا مقطوعين عني وعيالي ممعقولة يسووها اخذت الظرف ودخلت فتحتة اكثر فرحة عشتها بحياتي
خبر تعييني بدائرة الاحوال المدنية وجنت وحدي بالمحل ولزمت الظرف وبستة وحضنتة وكمزت من الفرحة وحمدت ربي وبدة الرزق يجيني الحمد لله وبالليل كاعدين وصلاح اجة مكتلة لصلاح لان اعرف بي هسة يكلي اشتغلي الشغلتين واني اريد اشوف حياتي وية اولادي ارتاح ثاني يوم رحت وعينوني كاتبة بالهويات والمباشرة بعد شهر وقبل المباشرة بيوم
صلاح : ماجدة حظري الغدة
ماجدة : حطيت الصينية وكعدت
صلاح اريد اكلك ع شغلة
صلاح : الله اليستر من سوالفج احجي
ماجدة : اني قدمت ع تعيين بالحكومة وانقبلت
صلاح : هااا وشعجب كلتيلي
ماجدة : لا مو هيج صلاح بس اني معبالي يقبلوني ولهذا مكتلك
كام صلاح كلب صينية الغدة كلها بالكع ودخل للغرفة الجهال خافو كتلهم ماما لتخافون ماكو شي ورحت لميت الاكل ونظفت المكان
ثاني يوم طلعت وديت الاولاد للدوام ورحت متحمسة للدائرة وباشرت وكعدت ع المكتب واني مبتسمة وبدت حياتي وية الوظيفة اجتي وحدة زميلة اسمها بشرى وبدت تعلمني شغلي اني بس اباوع ومبتسمة واهز براسي تعلمت الشغل خلص الدوام اخذت جنطتي ورحت جبت اطفالي من المدرسة وديتهم للبيت ومتفقة وية ابو المحل اطلع ورحت اخذت الغراض وبعتهن وصفيت المحل ورجعت العصر للبيت
ماجدة : اني اعرف صلاح شلون يرضى لان توضفت ومكتلة وزعل مني
صلاح هاي فلوس المحل صفيتة اذا تحتاج
صلاح : جيبي الفلوس ومرة ثانية اذا تسوين شي من وراية حسابج وياية عسير
ماجدة : لا حبيبي شعندي غيرك ثاني يوم طلعت للدوام وديت الجهال للمدرسة وبالطريق اتذكرت مجايبة الختم اللي انطوه الي رحت للبيت اريد افتح الباب شفتة مقفول من جوة مينفتح لفت للناحية الثانية شفت شباك غرفة النوم عايفتة مفتوح اني دفعت الشباك وفتحت البردة باايدي وشفت اللي مينحجي وميتسولف انصدمت صدمة عمري
صديقتي اللي تجيبلي المواد مال الصالون بحضن رجلي همة كامو اثنينهم مصدومين صلاح راح فتح الباب ودخلني اني بس مصدومة بعدني حتى عيوني مترمش
صلاح : ماجدة هاي هم زوجتي يعني هذا الشي اعتيادي بيناتنة
ماجدة : رحت للغرفة اخذت الختم ودااطلع
الصديقة : ماجدة عفية لتكولين الاحد اللي شفتي
ماجدة : بدون مالتفتت طلعت ووصلت للدوام كعدت ع المكتب وحاطة ايدي ع راسي اجتني بشرى
