#صفحات من الماضي
الكاتبة فاطمة عادل
ماجدة : دك موبايلي ام نيرمين كلش خفت من اللي رح اسمعة
ام نيرمين : شلونج ام علي
ماجدة : اهلا حبيبتي ام نيرمين نسأل عنكم
ام نيرمين : ام علي ابو نيرمين يريد يكعد وية الولد ويتفاهم وياه
ماجدة : تدللون عيني تأمرون شوكت متحبون جاهزين
ام نيرمين : تفضلو يمنة باجر ع العشة
ماجدة : ان شاء الله عيوني
ام نيرمين : مع السلامة
ماجدة : مع السلامة
رحت كتلة لعلاوي وطلع اشترة هدوم وخابرت خالو وكتلة تعال ويانة انت بمقام ابوه وكال اجيكم ان شاء الله
وثاني يوم اجة خالو العصر وكعد يعلم بعلاوي شلون يحجي وية ابو البنية وصار المغرب ورحنة علاوي كلش منحرج ومتوتر حبيبي اول مرة اشوفة هيج
علي : ماما لبسي حلو باوعيني
ماجدة : اي ماما حلو
علي : وشعري
ماجدة : اي ماما تخبل اسكت الناس رح تفتح الباب
فتحو الباب واستقبلونة احسن استقبال
ابو نيرمين : زارتنة البركة
علي : تسلم عمو اعرفك خالي الدكتور هشام بمقام والدي
ابو نيرمين : اهلا وسهلا دكتور شرفتنة
هشام : النة الشرف ابو نيرمين
ماجدة : كعدة تعارف لطيفة واجتي نيرمين قدمت جكليت وكعدت خجلانة كلش ومنزلة راسها وعلاوي كل شوية يباوع عليها وينزل راسة
ام نيرمين : تفضلو عيني صار العشة وكمنة ع العشة تعشينة وكعدنة بالصالة
هشام : عيني ابو نيرمين ندخل بالموضوع احنة جايين اليوم نخطب بنتكم نيرمين لأبنة علي وانتو شنو تأمرون احنة حاضريين
ابو نيرمين : نتشرف بيكم بس عندي كم سؤال للولد
علي : أأمر عمي
ابو نيرمين : سألت عليكم بالمنطقة وكالو والدك جان ساكن قريب نفس الشارع بس تحول لان ولدة مأذي احجيلي شنو صاير بينك وبين والدك
علي : عمي اول شي امي وابوية منفصلين
وشي ثاني ابوية منتشرف بي واذا صار عرس لو مهر لو اي شي ابوية ميجي من هسة اكول الكم وخالي هشام هوة ابوية
هشام : ابو نيرمين عذرا للمقاطعة بس صلاح علاقتنة بي منتهية
ابو نيرمين : الله يهديهم واني اسف ع التدخل
هشام : من حقك تسأل
ابو نيرمين : ان شاء الله اذا صارت القسمة وين يعيشون
