#صفحات من الماضي
الكاتبة فاطمة عادل
وطلعنة من البيت وأجتي سيارة من دواعش وجهو السلاح علية وصاحو اووووكفووو مكانكم
علي : اششش اسكتو لحد يحجي
الدواعش : انتم منو وشعندكم هييين
علي : غيرت لهجتي لتكريتي
احنا من الأخوان وعدنا تفتيش واجينة نفتش هذا البيت لان حسينا بي حركة
الدواعش : بارك الله بيكم وخلو بالكم لا ينهزمون منكم
علي : عجل يابة احنا شنو نسوي هييين
الدواعش : منصورين
علي : اخذو سيارتهم وراحو واحنة رجعنة
كالو انزلو لأهلكم واتشكرو منة ورجعنة
ماجدة : كاعدة المغرب ع السجادة اصلي ودموعي تنزل واندعي ربي يرجع ولدي سالمين ومن راحو ينقطع الاتصال بيهم لان ماكو شبكة
حسيت اكو حركة يم الباب رفعت راسي لكيت علاوي وحسوني سجدت سجدة شكر واني وكاعدة ع السجادة اجوني يركضون بوستهم وشيمت ريحتهم الكلمات قليلة بحق هيج موقف من الام لأبناءها
علي : يمة رجعنة الج سالمين ببركة دعائج يالغالية
حسين : لتبجين ماما باعينة مابينة شي الحمد لله
ماجدة : دموعي ع خدي وبصوت مبحوح أثر البجي الحمد لله والشكر يانور عيوني نورتوني
يسولفولي الولد شلون همة بالمؤخر وابد ماعليهم الخطر طمأنيت الحمد لله وشلون مسيطرين ع الدواعش ويقتلون بيهم
علي : كعدنة نسولف الامي كل الحجي كذب حتى بس تطمأن ولتبجي ونكللها ابد مشفنة قتل وهل شغلات لان احنة بالمؤخر وامي مصدكتنة وسمعت من عدنة
وطبينة سبحنة وصلينة وامي سوت العشة تعشينة ورحنة ننام لان تعابة
طول هذي الفترة اخاف ادك ع نيرمين وخابرت براء تتصل عليها تلكاها مغلق
دكيت عليها قبل لاأنام دك كلبي وكف معرفت شلون اتصرف رأسا انطبك مشغول
بعد محاولت شوية ورجع اتصل بية رقم نيرمين رفعت الخط وبقيت ساكت اخاف اجاوب ويطلع ابوها
نيرمين : بصوت نااصي عللليييي باجر اخابرك
علي : نيرمين مابيج شي
نيرمين : باي
علي : صرت ع نار اريد اهدء مااكدر كوة كدرت انام من التفكير
ثاني يوم كاعدين دنتريك ودك علية الموبايل نيرمين كمت ركض شلتة وضليت ساكت
نيرمين : بصوت مبحوح الووو علي
علي : حبيبتي مشتاق لصوتج
نيرمين : علي اني اسوء مما تتوقع
علي : اسم الله عليج عمري احجيلي كلبي نار عليج
نيرمين : ليش سجلت بالحشد اني مأذيتك
