(ماشي بس استني اقولهم انا الاول)
(ماشي قولي لهم وردي عليا ماشي...تمام)
(تمام)
(يلا تصبحي ع خير)
(وانت من اهله)
قفلت معاه...وحست بحاجه غريبه اوي....حست ان قلبها بيرقص من الفرح
مكنتش فاهمه ليه...بس حست براحه غريبه وسعاده عشان قدرت تسعد ايسر او تريح باله ولو شويه
***********************
صخر لأول مره يجافيه النوم....فضل يتقلب ع سريره كتير
كل ما يغمض عينه....يشوف شمس وهيه بتصرخ وتقوله ألحقني
يغمض تاني...يشوفها وهيه ع رجله.....فتح عينه وقام قعد
ولع سيجاره ...ونفخ دخانها بزهق وخنقه...ليه الشعور دا بيطارده
شعور انه عايز يكلمها...عايز يتطمن هيه كويسه ولا تعبانه
من ساعه من رجع لها العربيه بعد ما كلم الشرطه....وهيه مكشره
قالت له يوصلها عشان تعبت....وصلها وطول الطريق ما اتكلموش مع بعض
لأنها نامت نص الطريق...وصلها لكنها رفضت انه يدخل معاها
بحجه ان اهلها جوه وهيرفضوا وجوده معاها....عشان مشددين شويه
هوه ما اقتنعش بكلامها....لكنه وافق وسابها ع البوابه الرئيسية ومشي
دلوقتي هوه محتار ...عايز يسمع صوتها...لكن كبرياءه رافض انه يخضع لشعوره بالاشتياق ليها
لكنه المره دي.....رضخ لشعوره ونفض لكبرياءه...اتصل بيها
ردت بعد كذا مره ...اتكلم اول ما فتحت
(انا صحيتك من النوم)
(صخر.....لأ ما مكنتش نايمه...انا كنت ف الحمام بأخد دوش دافئ...تصدق لسه اعصابي بايظه من اللي حصل)
(ط ارتاحتي دلوقتي شويه)
(اااااه شويه...وانت)
فضلوا يتكلموا سوا ...لساعه او اكتر.....ف اخر كلامه معاها
(ط...حاولي تركزي بقا ...ولو لقيتي نفسك تايهه ف حاجه تاني ...ابقي تعالي لي وانا اذاكر لك...اهوه اذكي عن صحتي شويه)
(ههههه....ماشي يا بروفيسور....اااه صحيح قبل ما أنسي....هتيجي بكره)
(ايواااا...ف إيه ما انتي عزمتيني من نص ساعه انتي عارفه بقالنا اد ايه بنتكلم)
(ايه يعني اد ايه)
(بقالنا ساعه وحاجه)
(وفيها ايه يعني ايه كارتك هيخلص ولا ايه ...ياعم عادي هشحن لك كارت ع حسابي)
١٨/قربها ليه صرخت لكنه كتم صرختها بشفايفه ع بقها
Start from the beginning
