هاي القصة راح اكملهة الكم بعد طلاق يارا شلون عاشت حياتة لان اجاني طلب انو اكمل القصة ولازم انطيهة حقهة خليكم ويانة ......
يارا/جبت بنية وسميتهة آفين ..وعلاء اجة للمستشفى بس سجل البنت بأسمة وراح حتة ميقبل يجي و يسأل عنهة ولا حتة يريد شوفتهة عبالك مو بنتة ورة الولادة بشهر رحت وطلب الطلاق وكملت كلشي ورجعت بين المكسورة وبين الفرحانة لان خلصت من هم جبير وسجن جنت عايشة بي...من رجعت ناس تشمت وناس مقهورة علية نسوان عمامي يشمتون بية وفرحانين...
يارا/احنا كعدنا بمشتمل وخالاتي كلهم قريبين علينا ...ماما شلون اكدر اجيب غراضي
ام يارا/نرفع دعوة بالمحكمة ويرجعوهن الج
يارا/رفعت دعوة ورجعولي الغراض وياريت ما مرجعيهة الغرفة مكسريهة والملابس كلهة مشككيهة وعلب المكياج مكسريهة ...ماما هاي شنو كلشي متعوضت منهة
ام يارا/يلة بنيتي حسبي الله ونعم الوكيل بيهم ربج يعوضج بيمكانهة
يارا/الله ياخذهم ويخلصني منهم هذة عود بيت عمي فوك الضيم نوب كسرو كلشي...بوكتهة متت من القهر مو عل الغراض بس على حضي ...
يارا/..بعد ايام بدو عماني يتغيرون علية طبعاً اخذو النحاسة من نسوانهم بس عندي عم واحد واكف وياية وسندني ...لان نسوان عمامي شمتو بية وطارو من الفرحة من طلكت بس كتلهم الدنيا دوارة ...عمي بهجت سافر على أمريكا بجذب ما وكف وياية حتة قبل الطلاق مساعدني ولا عبالك بنت اخو واني اصلاً ممعتبرتة من عمامي ...بعد 4 اشهر من الطلاق
اني كاعدة واتصفح بالفيس ..
دخلت عل الفيس وشفت علاء ناشر عن غدر الناس هواي شغلات هو واختة مرام لي جنت معتبرتهة اختي اني تنرفزت ...رحت نشرت منشور واجتني رسالة من عمي سليم
سليم/شنو هل المنشور لي ناشرتة هسة تروحين تمسحي
يارا/والله ما امسحة لعد عليهم حلال وعلية حرام
سليم /اذا ما مسحتيهة اجي اكسر راسج معليج بيهم
يارا/ هههه تخاف لا ينقهرون تخاف على اخوك ولدة لتخاف العار ميموت لو يموت جان اجة عزرايين اخذة وعاف عمي سمير ترى كل مشاكلي من ورا الأخوك مرتة طيحت حضي وهو ميستر يحجي وياهة
سليم/بسيطة يارا اني اربيج من جديد
يارا/ عندي اب ومربيني احسن تربية بس بيت ضلموني وكسروني الله لا يسامحهم ...ورة ساعة ما سمعنا الة باب الشارع ندفر
سليم/يارااااااااااا
ام يارا وابو يارا/خير يا ستار هذة صوت سليم شبي طلعنا برة اشو هذة دفعنا ودخل للبيت
يارا/اني شلت آفين وطلعت ما حسيت غير نجريت من شعري وية مجاي يمد ايدة ديضرب ولزمة بابا
أبو يارا/سلييييييم مو عبالك بنتي طلكت ويا هو لي يجي يكدر يضربهة والله احسب الله ما خلقة
سليم/ربو بنتكم وخلي تتعلم الاصول
ام وابو يارا/بنتنا مربيها بس انت دخلت للبيت غلط وفوكاعة تمد ايدك عليهة ميكفي اخوك وابنة طيحو حضها ...
سليم/تستاهل طلكت هاي .....
ابو يارا/مع الاسف عليك هاي على بنت اخوك هيج تحجي والله حرامات اكول عنك اخ ...
يارا/عمو سليم كام يغلط ويفشر طبعاً كلة لان نشرت عن غدر الاقارب ورسلتلة هاي الرسالة فوك👆....عمو اني حجيت من نار كلبي 😭😭ليش كلكم ضدي صدك محد وكفلي وكفة حق..عفتة ودخلت للهول وحضنت آفين وكمت ابجي ....
ام يارا/يلة يوم ميخالف عمج لضوجين ولتنقهرين
يارا/ادري ليش بس يكدرون عليهة ليش ميروح يحاسب ابن اخو وبنت اخو
....
يارا/ماما راح اروح على بيت خالة اشوف البنات لان كلش ضايجة
ام يارا/اي روحي
يارا/رحت على خالتي قمر ...هلو خالة شلونج
قمر/هلة حبيبتي الحمد لله انتي شلونج
يارا/الحمد لله....كعدت اني وردينة وخالتي قمر ونسولف ....وفجاءة سمعت صوت صياح ...طلعنا اني وخالتي ...
وللحكاية بقية ....
اذا شفت تفاعل اكمل القصة ...
✍✍الكاتبة سيلين العراقية✍✍
