زواجي غلطة حياتي

زواجي غلطت حياتي

البارت الثاني
قصتي بدت من عمري 13 سنة 2010
طبعا اني ادرس اول متوسط
اتصلت عمتي وعزمتنة على المهر مالت ابنهة لان خطب بنت عمي وكالت المهر مالت علي بعد اسبوع رحت سويت خصلت شعر 4 خصلات وحضرنا ملابسنا وطلعنا لبغداد لان احنا كاعدين بصلاح الدين (تكريت) وثاني يوم بدت الحفلة اني لبست تنورة سودة وتيشيرت عريض فوكاهة وشعري سرحتة بس وطبعا مخليت مكياج لان بعدني صغيرة وبدت الحفلة وبنات عمي والكل تركص وفرحانين واجوي بيت عمي طبعا بيت عمي منعرفهم بس سامعين بيهم لان مرت عمي متختلط بأحد ولدهة نفس الشي عدها 4 ولد وبنية وحدة واجوي للحفلة وتعرفنا عليهم وسلمنا عليهم وجانو ولد عمي كلهم واكفين اكلوني اكل بعيونهم عبالك مو شايفين طبعا اني مدنكة راسي وما اباوع عليهم وحتة مركصت لان ستحيت وخلصت الحفلة وكلمن رجع لبيتة بس احنا ضلينة بيت جدي اهل بابا لان مكدرنة نرجع على تكريت المهم
اني واكفة اغسل ماعين ...واسمع الباب نفتح مديت راسي وشفت عمران ويا اخو اسمة علاء وشفتهم ورجعت اكمل غسل ماعين مشت الايام وصار اسبوع ورجعنا على تكريت
(الكاتبة سيلين العراقية )
ومرت سنة ورسبت بالاولى متوسط
يارا/ماما بابا اني رسبت بس بعد ما اعيد
ام يارا/لعد شسوين خوما ضلين كاعدة بالبيت
ابو يارا/اكو معهد اسلامي خلي نقدملهة وان شاء الله خير
ام يارا/يلة لعد هاهية احسن من الكعدة
ابو يارا/راح نأجللهة السنة الجاية وسنة 2012 خلي داوم
ام يارا/الله يسهل هاهية مثل متشوف ابو يارا
يارا/هلة هلة عندي سنة كاملة بدون دراسة 💃

بابا راح واجلي السنة ....تسريع الاحداث
يارا/ماما امي مامي يوم يمة
ام يارا/ خيييييير شبيج تخبلتي مبين العطلة اثرت بعقلج
يارا/ لا ماما بس اريد اشتري ملابس
ام يارا /ماشي من ابوج عود كليلة ونروح نشتريلج
يارا/يييييييييس
ام يارا/وجع فضحتينة هاي اذا شافوج هيج اول يوم تخابرني المديرة تكول تعالي اخذي بنتج للشماعية انتي غلطانة بالعنوان😂
يارا/ 🤪🤪🤪 اي اني مخبلة
ام يارا/والله لي راح ياخذج هذة امة داعية علي بليلة القدر
يارا/لا ماما كولي داعيتلة 😂
اجة بابا رحت علي
يارا/هلووو بابا اكلك فدوة اريد اروح اشتري ملابس للدوام
ابو يارا/اي تحضري العصر اوديج انتي وامج واشتري
يارا /شكررررراً
اجة وقت العصر بدلت وطلعنا للسوك
اشتريت جبة لون نيلي وحذاء ابيض وشال ابيض وجنطة ودفاتر واقلام ورجعنا ....
وثاني يوم رحت للدوام.....
هوووووووب ✋
صوتولي وانطوني رأيكم حتة اكمل القصة والله جاي اتعب بالكتابة
400 كلمة والله تعبت 😢
وغلسو على السحكات😂
(الكاتبة سيلين العراقية )

{زواجي غلطت حياتي}