البارت16
شفت الرسالة من فاطمة حبيبتة السابقة حسيت نفسي راح اموت اختنكت بالكوة كم اجر النفس كعدت على الجرباية لكيت بطل مي وشربتة حسيت النفس رجعلي رجعت كملت الرسالة وكمت اقرة طلع هو وياهة يتراسلون واكثر رسالة قهرتني من يكللهة اني من اجي يمهة اشوف وجهج بيهة بس والله ما اريدهة بس شسوي ..اني اقرة وعيوني صب دموع عشرة عشرة ونزلت اركض على عمتي وحجيتلهة كتلهة لعد هذة السبب لي مخلي علاء ميريدني
ام عمران/هو من الاول هو يحبهة بس اني مقبلت اخلي يزوجهة لان مو زينة وشكد خابرتني وتبجي وتريدة وتكلي حتة ذهب وفلوس ما اريد بس حلقة هاهية حتة تربطنة
يارا/عمتي تجحي واني فاتحة عيوني ودموعي من وحدة ينزلن ..كتلهة لعد ليش اجيتو علية بس حتة تكسروني
ام عمران/مجنت ادري بي هيج عبالي راح يعقل وينساهة ...امشي اليوم نروح سوي تحليل بلكت طلعين حامل والله يهدي عليج
يارا/لا ان شاء الله مو حامل ما اريد شي من واحد خاين
ام عمران/كولي يالله وعوفي هذة الحجي
مرام/يارا هاي فاطمة جاي تخابرني وتريد تحجي وياج
يارا/اي جيبي والله الة احرك اهلهة الساقطة خطافة الزلم
مرام/يارا احذري تغلطين عليهة ترى تروح توصل حجي لعلاء وميرحمج اخوية واعرفة فاطمة خط احمر
يارا/انطيني احجي وياهة ويصير خير بس ابرد كلبي .. .اخذت الجهاز وحجيت كلت الو
فاطة /السلام عليكم
يارا/انتِ شرايدة مني ومن زوجي خلص علاء نساج عوفينا نعيش حياتنة وعدنا طفل جاي بالطريق
فاطمة /ههههه شوفي اكلج علاء يموت علية لو تموتين مراح يحبج وحتة يكول اني ما اريدهة بس انجبرت عليهة واما بالنسبة للطفل مراح يكدر يربط بينكم 😏
يارا/سمعتهة تضحك بستهزاء احس روحي صرت بركان ..كتلهة المهم اني لي زوجني وفضلني على كل بنات العالم ...حجيت هيج حتة اخليهة تسكت
فاطمة/اي نشوف منو يربح بالأخير بس ديري بالج على علاء ترى هذة قطعة من روحي
يارا/لتخافين هذة زوجي وابو ابني ومستحيل اسمح لوحدة ساقطة تجي تاخذة
فاطمة /هاي على منو ساقطة ...اذا ما وصلت الحجي لعلاء اصبريلي
يارا/اعلى ما بخيلج اركبي يلة ولي وسديت الخط بوجهة ...اني جنت فاتحة سبيكر وعمتي ومرام سمعو الحجي
مرام وام عمران/ولج يمصخمة شراح يخلصج من ايدين علاء
يارا/هي خربانة خربانة وين متريد توصل خلي توصل ...يلة عمة كومي نروح للمختبر ...رحت وسويت تحليل
ام المختبر/مبروووك حبيبتي حامل
ام عمران/الف مبروك الله يكومج بالسلامة
يارا/الله يبارك بيكم 😘...رجعت للبيت وطبعاً من فرحتي نسيت حتة المشكلة ولج مراااام
مرام/هااا بشري راح تغسلين الزولية
يارا/ولج انجبي راح صيرين عمة 🥁
مرام/كللللللش واخيراً
يارا/طبعاً صار عندي حمل بعد 9 اشهر من الزواج وكلما اروح لدكتورة يكلولي عادي ما بيكم شي ثنينكم تحاليلكم نضيفة بس انتي عمرج 16 لهذة السبب تأخرتي لان بعدج صغيرة بس جيب العيال لي يقتنعون والحمد لله صار عندي حمل ومن اجة علاء
علاء/يارا اطلعي وراية للغرفة
يارا/شفت علاء عيونة طاير منهة شرار عرفت هاي موصلتلة اخبار ...
ام عمران/مبرووك وليدي علاء راح صير اب
علاء/😊😊صدك يعني واخيراً
يارا/لا راح اصير جد 😒
علاء/خير انتي شكو كالبة وجهج
يارا/من السعادة استاذ علاء ...جان اكوم واصعد فوك وكعدت ابجي و صعد علاء
علاء/ها حبيبي شبيج ليش تبجين
يارا/علاء لسوي نفسك متعرف شي مع الاسف عليك كلشي جنت اتوقع بس متوقعتك خاين
علاء/اني خاين؟؟؟
يارا/اي خاين عرفت السبب لي خلاك تسوي المصيبة قبل يومين والصياح شنو سببة
علاء/شنو عرفتي
يارا/فاطمة ولي يومية تتراسل وياهة وحتة من انت كاعد يمي كمت اشوفك تراسلهة واغلس واسكت بس لهنا وصلت حدهة
علاء/من كالت فاطمة اني كلبي هبط كلت هاي شمدريهة اتواصل ويا فاطمة ....وانتي شمدريج
يارا/تذكر يوم لي صارت المشكلة وصعدت اني الملم بالغرفة
علاء/اي
يارا/بيومهة جاي انضف ....وحجيتلة على كلشي ومن اتصل فاطمة علية ...وعلاء فاتح حلكة ومصدوم....كتلة شبيك مترد
علاء/الصراحة انصدمت هاي شلون مجنت حاسب حسابهة واني جنت ناسي الموبايل بالغرفة كتلهة ....خلص يارا اوعدج بعد ما احجي وانتي ديري بالج على ابنا مو زين عليج العصبية والقهر
يارا/عفتة ونمت
علاء/اني بالمحل واتصلت علية فاطمة جاوبتهة
فاطمة/علاء شلون تقبل هاي تجاوز علية وتكلي ساقطة
علاء/اهدي وفهميني منو هاي لي هيج تحجي عليج
فاطمة/زوجتك التحفة
علاء/فطومة من ارجع للبيت اني اعرف شلون اربيهة من جديد...نهيت المكالمة وكلت بس ارجع للبيت الة اندمهة عل اليوم لي اجتي بي عل الدنيا ...بس رجعت مثل ما شفتو الحوار لي دار بيناتنة👆 ومن سمعت بيهة حامل نسيت كلشي وحتة مقبلت احجي وياهة لان خفت ليصير شي عليهة وعل الطفل وهي بداية حمل وسكتت ...
يارا/كعدت الصبح احمد جان يتصل رديت علي
احمد /هلو رورو شلونج
يارا/هلو حمودي الحمد لله انت شلونك
احمد /الحمد لله بخير اني ان شاء الله راح اوصل بغداد
يارا/انت ومنو اجيت
احمد/بس وحدي
يارا/يلة حبيبي الله يسهلك ...نهيت المكالمة ونزلت ونفس الروتين يومياً واجة اخوية وشفتة وسلمت علي ورجع كعد يم بيبي بيت جدو ومشت الايام والوضع تأزم كلش بتكريت دخلو داعش بسنة 2014 وصار دمار مو طبيعي بالكوة احصل اهلي وخابرتني ماما وتسألني عن احمد اكللهة زين سألتهة انتو شلونكم
ام يارا/الحمد لله حبيبتي احنا بخير
يارا/الله يجعلكم بخير ماما مشتاقتلكم والله😭
ام يارا/ولج يعمري لتبجين ان شاء الله ننجمع على الخير
يارا/ماما مخنوكة اتمنى ارجع اشوفكم ما ضل عندي صبر
ام يارا/ان شاء الله نجيج ونشوفج وتشوفينا
يارا/ان شاء الله ماما وانكطعت الشبكة وطكيت من البجي😭نحرمت من شوفتهم 10 اشهر ونوب صوتهم بالكوة اسمعة يارب صبرني
....مشت الايام وصار على حملي شهر بس عمتي تغيرت 180درجة ما اعرف شصار بيهة بحيث كامت متجرعني من احجي متردلي اني عفتهة شريد اسويلهة لان بالي مو وياهم كلبي وعقلي كلة يم اهلي خايفة لا يتأذون
وحتة الليل ما انامة دائماً تجيني كوابيس ومن افتح عيوني اسمع اشياء واصوات اتعوذ من الشيطان وارجع انام وعلاء علاقتي ويا صفر بس على كد.السؤال والجواب
يجي اخوية يبات عمتي تتخبل تكلي خوما عدنا فندق ..اني اضل ابجي على حالتة لأحمد لان من يروح ولد عمتي كلهم شدو علي وهو سادس علمي وميخلو حتة يقرة طردو من البيت واجة يمي
احمد /يارا ولج وين اروح ولد عمتي طردوني من البيت وبيبي متكدر تحجي تخاف ليزعلون
يارا/يبعد اختك والله ما ادري بس انتضر اهلي يجون ونلكة حل بلكت يطلعون
احمد/يارا اني جوعان مماكل شي
يارا/احمد اكعد هنا بس تنام عمتي اكوم اسويلك شي لان انت تدري بيهة شلون شدت علية
احمد/اووووف يا خيتي شلون جنة مرتاحين اني وياج واهلي منجمعين ونضحك ونسولف ونتعارك بعد شيرجع ذيج الايام ...😭
يارا/يروحي لتبجي😭 اوووف على هل الضيم حسبي الله ونعم الوكيل..على كل ضالم
احمد/الله ينتقم منهم
يارا/شفت الكل نام كمت وسويت جاي وطلعت كبة بالثلاجة حتة مكدرت احميهة اخاف تطلع الريحة وتجي عمتي تكوم تحجي واني ما اريد اقهر احمد ..يلة حمودي تعال تعشة
احمد/اي عاشت ايدج
يارا/وايدك الف عافية...احمد تعشة وعسريع شلت الماعين عبالك مسوين جريمة وجاي نغطي اثار الجريمة 🤦♀️..كمت فرشت بالهول وكتلة نام هنا خطية هو حط راسة ونام من التعب ...كعدت الصبح كلت صباح الخير
ام عمران/روحي كعدي اخوج ما عندي فندق
يارا/عمة كلهم نايمين مو بس احمد
ام عمران/وانتي شعليج ذول ولدي هسة يكعدون
يارا/راحت عمتي وكامت تصيح يلة اكعدو ما عندي فندق حتة ضلون نايمين اني شبعت قهر...ورة فترة اخوية بعد ميقبل يجي يكلي اذا انام بالشارع بعد ما اجي وابات يم هاي عمتج ....واني جاي اسوي بالعشة دزتلي رسالة ماما تكول هسة طبينة بغداد ...رئساً خابرتهة
يارا/ماما شنو طبيتو بغداد شوكت طلعتو من تكريت
ام يارا/ هسة وصلنا والله تعبانة من اجيج احجيلج كلشي
يارا/الحمد لله على السلامة روحي ماما ارتاحي مع السلامة ...طبعاً عمتي من سمعت عبالك تكهربت كبل كالتلي
ام عمران/مو يومية اريد اروح اشوف اهلي هاي كطنة وشيليهة من اذنج وشغلة ثانية اذا سمعت بيج حاجية لأمج على سالفة الحمل ترى اخلص عليج
يارا/اوك...كلشي محجيت لان الحجي ضايع وياهة ...ثاني يوم اجوي اهلي واني طرت من الفرح لان10 اشهر اني مو شايفتهم بسبب داعش الطرق نسدت الوضع حيل مو زين ...وطرت حضنت ماما واخوتي وبابا وبوستهم وكعدو وطبعاً عمتي سوت روحهة ملاك نازل من السمة
ام عمران/يلة يارا ومرام كومو سوو العشة
ام يارا/لا ام عمران منريد شي بس اريد اشوف بنتي صار هواي مو شايفتهة تعالي يارا يمي
يارا/كعدت يم ماما ونسولف وحجتلنا شلون صوب محمد وشلون عاشو هناك بالضيم وعمتي اباوع عليهة وتخزر بية حتة اكوم ..اني كمت اسوي العشة وفاتت عمتي
ام عمران/بعد لتكعدين يم امج لان ادري بيج حتة تكعدين تحجيلهة الاول وية التالي
يارا/ لو اريد احجي جان حجيتلهة كلشي عل الموبايل😏
ام عمران/هييي انتي لا عبالج امج هنا واسكتلج
يارا/عمة شبيج اني كلشي ما حجيت
ام يارا/اني اباوع يارا مو على بعضهة وجهة اصغر وصايرة هيكل من الضعف جانت مثل الوردة وجهة يخبل صايرة تخرع عرفت بيهة مو مرتاحة بس سكتت ...
ام عمران/يالة جيبو العشة
يارا/نقلنا العشة واني دموعي تريد تطلع من الوجع بس ما اكدر احجي لان اخاف عمتي تكوم تحجي علية وتعشينة ونضفت المطبخ ومرام امهة صاحتهة كلتلهة تعالي اكعدي وخلي يارا تكمل وحدهة اني تخبلت جيت اتعارك بس سكتت لخاطر ماما وبابا اخاف يزعلون وهمة مصار يومين من طالعين من حلك الموت ....وخلصت وكعدت خليت ريماس اختي الصغيرة بحضني عمرهة سنتين ونص واحجي وياهة واضحك وياهة اباوع عمتي تخزر مدرتلهة بال ضليت مستمرة طلعو اهلي وجان ترزلني ..
ام عمران/شلون شيليهة وانتي حامل اني مو خايفة عليج بس خايفة على لي بطنج
يارا/عمة ترى ريماس صغيرة وخفيفة مو ثكيلة
ام عمران/احذري بعد شيليهة
يارا/اني روحي طافرة وتعبانة عفتهة وطلعت ...طبعاً بهاي الفترة علاء بعد ميجي للبيت مرات يجي يوم واحد وميفوت للغرفة يروح ينام بالمخزن ..مرة جنت نايمة عل الجرباية وهو كاعدة سمعت صوت حجي رفعت راسي وواشوف علاء يسولف وية بنات وفاتح كامرة وهن لبسهن مالت وحدة من الملهى وجان الف راسي ورجعت نمت ويحجي وياية وما اقبل ارد علي ...ومشت الايام واني ساكتة ما احجي لأحد اخر شي مليت نحرمت من اهلي ومن الموبايل ومن الطلعة اخر شي كتلة علاء وديني على اهلي هو محجة شي كال امشي اخذت كم قطعة من ملابسي والذهب وطلعت
علاء/شكو هاي الهدوم
يارا/اخاف ابات لو اخاف ضوج علية😒 حجيت هيج لان ادري بي ميريد شوفتي
علاء/ ههههه والله انتي بطرانة هو هم اشتاق لوحدة مثلج
يارا/اروح ارتاح يم اهلي واخلص منك ومن اهلك كسرتو ضهري وامك متكول هاي حامل ذبت شغل البيت على راسي ولا عبالك عدها 4 بنات بالبيت
علاء/غصبن عنج ذني خواتي تاج على راسج
يارا/علاء محد تاج على راسي بس امي وابوية
علاء/ امشي ولي كدامي خلي اوديج وبعد لترجعين أحسن واروح ازوج فاطمة عل الاقل حلوة
يارا/ايييي خلصني منك ومن شوفت ..روح زوجهة الطيور على اشكالها تقع ...رفع ايدة حتة يضربني بس رجع بطل كال والله لو مو حامل هسة ادفنج هنا ...
وصلت اهلي وحجت كلشي لماما وامي ضلت صافنة وكتلهة اني حامل
ام يارا/ليش لعد محجيتيلي شغلة الحمل شلون ضميهة علية شكد الج هسة
يارا/3 اشهر ..😭😭😭😭ماما خلص صبري بعد ما اريد ارجع خلي يطلكني واخلص
ام يارا/خلص هاهية مثل متريدين
يارا/اجة بابا وسمعني احجي وتخبل وحلف بعد ما ارجع واني طول فترة الحمل يومية بالمستشفى من القهر وعلاء مسأل عني ابد ولا يعرف شنو بية مابية
...تسريع الاحداث...
يارا/جبت بنية وسميتهة آفين ..وعلاء اجة للمستشفى بس سجل البنت بأسمة وراح حتة ميقبل يجي و يسأل عنهة ولا حتة يريد شوفتهة عبالك مو بنتة ورة الولادة بشهر رحت وطلب الطلاق وكملت كلشي ورجعت بين المكسورة وبين الفرحانة لان خلصت من هم جبير وسجن جنت عايشة بي ....وعشت وية اهلي وحاليا بنتي عمرهة ٦ سنوات ومعتبرتهة اختي لان تربت على ايد اهلي
ولتقيت بأهلي وخالاتي وبناتهم ونجمعنة من جديد ورجعت على تكريت بعد ما تحررت والحمد عايشة مرتاحة وعلاء وصلتني اخبارة مزوج وعايش حياتة وصاير عندة بنات 2 واني بعد ما اسأل عن اخبارة ولا اريد اسمع عنة شي لان العذاب لي شفتة منة ومن اهلة مو قليل والى هنا تخلص قصتي بعنوان
(زواجي غلطة حياتي)
اوجه نصيحة للبنات من يتقدملج شخص حتة لو كان ابن عمج وعايشة ويا وتعرفي وتعرفين اهلة لتثقين بيهم والافضل تاخذين غريب لان دائما تجي{المصايب من الكرايب} والطلاق مو عيب ولا حرام بس احنا عايشين بمجتمع فاشل مع احترامي الكم
شكرا الكم جميعا
ملاحضة القصة واقعية وحقيقية
✍✍الكاتبة سيلين العراقية✍✍
