البارت14 يارا/وصلنا للمول ونزلنا من السيارة وجان اكو واحد شافني وغمز اني غلست ومشيت وياهم دخلنا جوة وجان اشوفة وراية يمة نشف دمي ولج مرام شوفي المصيبة مرام/خير ياستار يا مصيبة يارا/شوفي هذة الولد ابو الاحمر من نزلنا من السيارة هو ورانة وجمالة غمزلي شكد تربيبتة سكط مرام/امشي ولج اذا بابا شافة والله يذبحة يارا/ولج والله لو علاء ويانة الة يدفنة بس الله رحم بحالنا ..فرينة المول وصعدنا الطابق الفوك وكال عمي شنو تتعشون طلبنا بيتزا وراح جاب بتزا عائلي وعصاير وتعشينة طبعا اني بلكوة اكل ومرام تضحك علية لان ما اعرف اكل بمكان عام خلصنا ورجعنا للبيت ومشت الايام عادية.. ... بعد مرور شهرين .... ام عمران/ها يارا ماكو شي (قصدهة حمل) يارا/لا عمة ماكو الله كريم ام عمران/يلة الله كريم اجة العصر كالت عمتي امشو نطلع للزوراء يارا/اني كيفت لان البيت خنكة واني ضايجة ورحت لبست جبة طويلة ماروني وشال ماروني وجينز اسود جوة الجبة وحذاء اسود كعب ومكياج خفيف لان التعليمات من علاء لازم التزم بيهة مرام/لبست جينز اسود وثوب قصير جلد النمر ولبست قبوط لان الدنيا باردة وبوت طويل يارا/طلعنا وصلنا الزواراء واحنا نمشي اني ومرام وحدة بصف الثانية وعمي وعمتي هم يمشون بس ورانة حتة محد يكدر يحجي ويانة عمتي وكفت حتة تشتري ما دري شنو عجبهة واني ومرام رحنا نمشي على كيف الما يخصلون وية ما مشينا سمعت واحد يكلي هذة ذهب لو برازيلي واحد يكلة هاي النجمة وهاي الكمر يمشون يعني حجيهم حيشة قدركم زبالة بس احنا عدنا طريقتا الخاصة لي هي نلبسهم ونمشي الحمد لله عمي ما سمع جان والله جنزهم بعد شيخلصنة فترينة وتونسنة ولعبنا وتعشينا ورجعنا للبيت ومن التعب كلمن راح لغرفتا نمنا .... ..بعد مرور 4 اشهر... يارا/خلال هاي الاشهر عشت ايامي بين الحزن وبين الفرح وبين المشاكل ... مرام/ماما ياسمين بنت خالة اسماء بعد يومين الحنة ام عمران/اي حضرو نفسكم انتي ويارا ونروح مرام/يارا كومي خلي نشوف شنو نلبس يارا/اني البس الثوب القصير الاحمر مالتي لي لبستة بالحنة مالت خنساء لان هي حفلة نسوان مرام/اي كلش حلو هاهية لعد يارا/سالي _زينب _ايمان_ انتو شراح تلبسون سالي /جينز اسود وقميص احمر ايمان/اني البس الفستان الاصفر زينب/اني فستاني الازرك يارا /اي تمام حلو ... يارا/مرن اليومين ورحنا اني لبست ثوب الاحمر ومكياج وسرحت شعري وعفتة مفتوح طبعا شعري طويل وصابغتة جديد من فتت للحفلة الكل عينهة علية الكل تسأل هاي منين وعمتي تصيح مرت ابني ام عمران/الله يستر بس لا يطكوج بعين يارا/اني ورة ساعة احس راسي يريد ينفجر ..اكلج مرام راح اشوف موبايلي وين يمكن عفتة بالغرفة راح اشوفة واجي اخاف علاء يخابر ..رحت وشفت مكالمات و رسالة من علاء علاء💬شنو لابسة يارا💬الثوب القصير الاحمر علاء💬هذة لي لبستي بالحنة مالت خنساء يارا💬اي علاء💬بسيطة يارا والله اليوم فلا اخلي يعدي على خير بس اصبريلي يارا💬علاء ترى احنا بس نسوان ليش هذة التهديد علاء💬امشي ولي تجين وبعدين حسابج يارا💬علاء شبيك انت علاء💬...... يارا/اويلي علية حتة الطلعة طلعت من عيوني رحت على عمتي ام عمران/يارا شبيج اشو وجهج اصفر سامعة شي يارا/لا عمة ماكو بس ام عمران/ بس شنو كلبي خلص احجي يارا/حجيتلهة .... ام عمران/اووووو يلة اتحملي من نرجع اني احجي ويا يارا/خلصت الحفلة واني افكر شراح يسوي هذة مو صاحي اكيد راح يسويلي عركة اووو راسي راح ينفجر يلة عمة حيل دايخة ام عمران_مرام/يلة عيني اني هم تعبت يلة مع السلامة يارا/رجعنا للبيت كيفت ماكو صوت اكيد هو طالع وصعدت للغرفة وفتحت الباب وشفتة كاعد وعيونة طلع شرار اني كلبي كام يدك الف بعدني مو متنفسة علاء/ليش ماخابرتيني شلون تلبسن هيج بدون متاخذين اخذن من عندي (بصياح) يارا/ علاء بس خلي افهمك والله ماكو ولد بس بنات علاء/ليش البنات ماكو وحدة صورت جااااااوبيني (بعلو صوتة) يارا/ اني ابلع بريكي وبالكوة تطلع الحجاية من عندي علاء اهدة شوي والله اخر مرة اسويهة علاء/سويهة مرة ثانية وشوفي شراح يصير علاء/من سمعت يارا طالعة على الحنة مالت بنت خالتي لان امي خابرتني وكلتلهة اخذوهة ميخالف بس من رجعت للبيت اريد اعرف من راحت شنو لبست ادك وماكو رد دزيتلهة رسالة وعفت الموبايل ورة ربع ساعة اجتني رسالة من عدهة مثل ما شفتو فوك👆 اني هنا مضل عقل براسي وتحلفتلهة بس ترجع اكتلهة واحرمهة من هيج لبس واحبسهة حتلو بس نسوان اني اخاف من حفلات النسوان لان مو ثقة اكيد راح تصور وتروح تشوفهة لكل الامة العربية ...بس اجتي وعتذرت غيرت رأيي ... ثوب يارا👇
Oops! This image does not follow our content guidelines. To continue publishing, please remove it or upload a different image.
يارا/الحمد لله عدت على خير وثاني يوم العرس رحت لبست جبة لون ازرك وشال ازرك وجنطة صغيرة اسود وبيهة فضي وحذاء كعب ابيض فضي وباركلناهة وطلعنا وية الزفة وضيعنا سيارة الزفة واحنا صاعدين بسيارة جبيرة والبنات يدكون ويركصون واحنا نضحك عليهم كتلهم سيارة الزفة ضايعة انتو المن تركصون 😂 ورجعنا للبيت وسوينا عشة وتعشينا ونمنا... يارا /كاعدين اني وعلاء نسولف دك رقم على موبايلي هذة الرقم صار هواي يدك بس ما ارد علاء/الو منو وياية.. مجهول/اني اريد اتعرف علاء/اكدر اتعرف على اختك لك سكط منين جبت الرقم مجهول/انت شعليك علاء/سكت هاي ل..... وصير مثل الزلم واحجي عدل يارا/اني كاعدة وحاطة ايدي على حلكي من الخوف لان علاء عيونة طلع شرار وبرزت كل شرايين ايدة علاء/منو هذة منين تعرفي يارا/علاء شبيك ترى هذة الرقم صار فترة يدك بس انت بالمحل واني وما اكدر اكول للولد يجاوبون اخاف يكوم يحجي غير حجي لان الارقام الغريبة ما اثق بيهم....علاء كام وطلع برة واني كاعدة وانتضرة بس شفت صارت الساعة 1 ونص وهو ماكو طلعت برة وشفت الضوة مالت المخزن مشعول بصف الغرفة مالتي وشفت علاء نايم عفتة ورجعت على الغرفة ونمت كعدت على صوت الساعة دك ورحت علي وكعدتة وكام بدل ونزل طلع للمحل وهو ميقبل يحجي وياية ..عفتة ورجعت نمت .... وعدت على السالفة اسبوع كلشي ماكو الوضع نفسة والحجي يومية جاوبني بس على كد السؤال
