البارت 13
دخلت لبيت عمي ولكيت البيت هوسة عمامي ونسوانهم وبناتهم وعماتي ولدهم وبناتهم ...والكل يباركلي وماما وخالة قمر يبجون اني بالكوة مصيطرة على روحي اخر شي متحملت ونزلت دموعي 😭اصعب شي فراق الاهل ...ورة شوي سمعت صوط الميسيقى والطبل🥁📯 وكالو اجتي الزفة اني كلبي صار يدك 180 من الخوف وفاتو علاء واهلة واخوتة وخواتة واجة علاء رفعلي التول من على وجهي وباس راسي وكعد اني متت من الخجل وعلي بس يذبلي حجي واني وجهي صار طماطية🍅 وخصلو ركص وكالو يلة كمنا وطلعنة وبالكوة صعدت بالسيارة من البدلة 😁 وطول الزفة علاء يكلي لترفعين راسج لحد يشوفج
يارا/علاء رحمة لأهلك اني ختنكت من البركع وانتَ تكلي لحد يشوفج هو اني عبالك ميتة ومجفنيهة 😂
علاء/يمة باعي ذيج البنية دخيل الله عبالك كيمر
يارا/علاء ما حس بس الكرصة لي اجتة بأيدة وجان يعيط
ام عمران/اسم الله يمة شبيك
علاء/لا يمة ماكو شي بس اكو ناس تتحارش
يارا/اي همزين حسيت على نفسك😒 ...وصلنا على المصور ونزلنة اني وعلاء وعمتي واخذنة صور ورجعنا ونزلو اصدقاء علاء على جسر الجادرية ونزلو وياهم وركصو الما شبعو.. كتلهة مرام يمكن راح يشمرون علاء بالشط😂
مرام/هههههههه اي والله يمكن اشو ذولة شوفي شلون شايلي
يارا/😂😂😂...ورجعو صعدوا ..
مرام/علاء يارا تكول لو شامرين علاء بالشط ومخلصيني منة
علاء/هاااا يارا بعدنة بالبداية وتريدين تخلصين بسيطة كلهة مجمعة الج
مرام/😂😂
يارا/بسيطة مرام حسابج بعدين ولج شكد حاروكة اكعدي راحة
مرام/ههههههههه لا لا علاء جذب محجت شي
يارا/الة بالعين الحمرة🤨
....خلصت الزفة ورجعنا للبيت ...
ام عمران/يلة حبيبتي يارا طشي المي وفوتي برجلج اليمنة
يارا/اني ضربتهة جلاق للطاسة من باب الشارع الى باب المطبخ وصلتهة 😂😂
علاء/ولج ادري جاي ضربين طوبة وتريدين تهدفين 👊
يارا/ضحكت علي 😄و فتت للأستقبال وبدو ركع الحجر اقصد الجليت والله يفجون المخ من يطشون جكليت😭طشو حلقوم على الاقل ميعور 😂..وكعدت واجة يمي علاء /حبيبي اصدقائي برة بس يطلعون اجيج اوك
يارا/اوك حبيبي ...شغلو اغنية سارية السواس مالت دبجة وكالو كومي وجروني وكمت وياهم ووسوو دائرة واني بالنص كتلهم شنو مخليني وحدي جاي نلعب شدة ياورد كلهم كامو يضحكون ...وجان يفوت علاء كالولة تعال يارا تريد احد يركص وياهة اني شكد فشلت واجة علاء وبدة يركص وياية ركصة (سلو ) ما ادري شلون رهمناهة هي مالت دبجة بس احنا تخايلناهة اغنية سلو هههههه ...اصار وقت العشة عبالك طلاب واكفين على باب الحانوت صارت هوسة 😂اني رحت كعدت على القنفة كالو تاكلين كتلهم لا عفية كلشي ما اشتهي خلصو وكالت ..
ام عمران/يا جماعة خلي نصعد العروس علاء اصدقائة يريدون يزفو
يارا/اني هنا مضلت بية لو قطرة دم .....ونوب سمعت الهوسة عرفت هاي جاي يزفون علاء ...فات وطبك الباب ونزلو اصدقائة ...
الكاتبة✍/انتووو شبيكم فاتحين حلكم اطلعو عرسان جوة🤫🤫 بالغرفة ..يارا افتحي الباب و طلعي المتابعين برة
يارا/يلة برة كلكم شكو عزة هاي كلكم خاتلين ورة الجرباية اطلعو برة🤔👊
المتابعين/🤷♀️🤷♂️🚶♀️🏃♂️🏃♀️🚶♂️
يارا/عفية ناس شكد حشريين يلة باي 🙋♀️
الكاتبة✍/ههههههه خوش طردة اجتكم واني هم راح اطلع قبل لا انطرد 😂😂
يارا/كعت الصبح ونزلت ...صباح الخير
الكل/صباح النور
ام عمران/يمة لعد علاء وين
يارا/هسة راح ينزل
علاء/صباح الخير😊
الكل/صباح النور هاي شنو والابتسامة😄
يارا/🤭🤭😇
علاء/عريس مو من حقي اكعد اضحك🤨
ام عمران/ان شاء الله دوم الضحكة وان شاء الله نشوف جهال تارسين البيت
علاء/الله يدومج النة يالغالية
مرام/يلة ياعرسان تعالو تريكو
يارا/الريوك عبارة عن كيمر عرب وكاهي وعسل ومربى وجاي😋...اني استحي اكل بالكوة اكلت لكمتين
علاء/اباوع على يارا مجاي تاكل عرفت بيهة مستحية وجان اكول يوم شوفي يارا عبالك جريذي شلون تحفر بالصمونة وصافنة
الكل كام يضحكون
يارا/عزة شكد استحيت كتلة علاء والله ما اشتهي
علاء/هاج هاي الفة اذا ما اكلتيهة اكوم اني اعرف شلون اخليج تاكليهة
يارا/انجبرت اخذهة من عندة ...واكلتهة وشربت الجاي وكمت حتة اساعدهم ..
مرام/ماما تعالي شوفي يارا تريد تغسل الماعين
ام عمران/يااا يمة بعدج عروس ميصير هسة اذا فات احد وشافج ميكولون هاي شنو مشغليهة مصباحية عرسهة
يارا/لا عمة ترى والله انتو مكبرين الموضوع
مرام/لا حبيبتي لتخافين بس تطلع السبعة اخليج تمسحين وتغسلين هدوم
علاء/اي حياتي بس تخلص السبعة تصيرين بلنكلاديشية اجمعي طاقتج من هسة...
يارا ومرام/ههههههههه والله عليك سوالف
يارا/اجتي ماما العصر وجايبتلي هدية وكالت ماما راح ارجع على تكريت صح ضجت ونقهرت بس هاي سنة الحياة مبينت شي كدامهة وراحت ماما و دعتهة ..
خلصت السبعة وخلال هاي ال7 ايام اني اشتغل وياهم بس شغل خفيف ونسوان تجي تباركلي وعلاء يومية يجون اصدقائة ولازم عصير وكيك وكرزات وتصير هوسة ...وبعد السبعة بديت اشتغل بالبيت وصار الشغل اقسام اني والبنات ...نسيت اكللكم شغلة اني الكنة الاولى لي افوت للبيت ...
مرام /ماما خلي نطلع للمول شنو رأييج يارا
يارا/اي والله ياريت لان كلش ضوجة
ام عمران /ان شاء الله بس يجي سالم اكلة انتو تحضرو لان مراح يكول لا
يارا/بس اخاف علاء ميقبل اطلع
ام عمران/لا ميحجي مطالعة وية ناس غربة بس هم خابري واخذي رأيية
يارا/ان شاء الله عمة اخابرة ...كمنا صبينا الغدة وتغدينا وجاي نغسل بالماعين ...مرام شنو البس من اطلع
مرام/هسة انطيج هذة الثوب القصير والبسي ويا جينز ..
يارا /تمام اجة وقت العصر رحت اخذت اللبسة من مرام لي هي عبارة عن ثوب قصير احمر وجينز اسود وحذاء كعب وجنطة لون اسود والشال احمر وخليت كريم شوي لان ميحتاج اني بشرتي بيضة ومسكارة والاينر وحمرة وردي فاتح ونزلت وكملنة وطلعنا اني والبنات وعمي وعمتي .....
هوووووب 🤫
✍✍الكاتبة سيلين العراقية✍✍
909كلمة
