البارت 12
يارا/ودخلت للأستقبال والكل استقبلني بالهلال والفرح ...
ردينة وريام وهيلين /الف مبروك حياتي شايفة كل الخير ..
يارا/الله يبارك بيكم يعمري يوم لي افرحك بيكم
البنات /وانتي حاضرة 😚
خالتي قمر/الف مبروك حبيبتي شايفة كل الخير وربي يسعدج😢
يارا/الله يباركلج حياتي اوووف خالة والله مدري شلون راح افاركم
خالتي سناء/ الله يسعدج و زواج الدهر
يارا/ويسعدج ويفرحج بالولد
خالاتي/هي هاي سنة الحياة
يارا/اجوي صديقات عمري
ايات_رندة/الف مبروك صلوات عبالك لعابة ربي يسعدج ويفرحج
يارا/الله يبارك بيكم وربي يفرحني بيكم بنات راح اشتاقلكم والله😞
البنات/لا يعمري منريد دموع ان شاء الله تجين ونشاوف واحنا مراح نكطع بيج
يارا/ان شاء الله بعد.روحي ...خلصت الحفلة و اخذنة صور اني وبنات خالتي وصديقاتي وبجيت لان حفاركهم حتة ضل عندي ذكرى واني ميتة تعب وثاني يوم لازم نطلع لبغداد 😢....نضفت البيت اني والبنات ونمت وكعدت الفجر واني روحي طالعة والليل كلة مو نايمة بس ابجي مدري شلون راح افارك اهلي ...وتريكت ورحت حتة اسلم على بابا بس شفتة الدمعة بخدة وميقبل يكوم يسلم علية اني متت قهر ضليت اتمعن بوجهة كأنما اول مرة جاي اشوفة وطلعت واحس نفسي مخنوكة وعمي اخذني لبغداد اني وماما واختي الصغيرة ريماس وخالتي سناء وبناتة وبالطريق اتصلت ماما على اخوية ويكللهة بابا كاعد ويبجي سمعتة هيج يكول واني نفجرت بالبجي من تكريت الى بغداد واني عيوني منشفت من الدموع وخالتي والبنات وماما يريدوني يسكتوني ويكلولي هسة العالم عبالهم مجبورة بس لا حياة لمن تنادي بحيث وصلت بغداد عيوني صايرة مثل الخوخة واحنا بالطريق اتصلت عمي ابو عمران وكال تعالو تغدو وعلاء دزلي رسالة وكال اذا نزلتي يم بيت جدي شوفين شي ميعجبج اني روحي طافرة وهو يهدد بية بس قريت الرسالة وقفلت الجهاز وصلنة بغداد ونزلنا بيت عمي وتغدينة وماما كالت لازم نبات بيت عمج ميصير حتة مناك تصير الزفة كتلهة اوك وكلت لعلاء راح ابات بيت عمي
علاء/ ليش متباتين هنا تدرين هسة هناك ولد عمتي ولد عمي
وراح تصير هوسة 🤨
يارا/علاء حبيبي مراح ياكلوني باجر الصبح عود تمر علية عمتي حتة اطلع اشوف البدلة واجهز نفسي اريد هسة ارتاح
علاء/ماشي روحي بس ديري بالج تنزعين حجاب
يارا/هاي شبيك اني شوكت نزعت الحجاب 😐
علاء/اي حبي واثق بيج
يارا/يلة عيني مع السلامة
علاء/الله وياج عيوني
يارا/طلعنا ورحت بتت يم بيت جدي ...وثاني يوم الصبح تريكت واحة عمي سالم اخذني هو عمتي ومرام ...ورحت اشوف البدلة وطلعت على قياسي...ورجعت على بيت عمي سالم ...
مرام/كومي يارا خلي نرتب الغراض لي جبتيهن
يارا/اي حبي اجيت وصعدت فوك ورتبنا الغراض والملابس والمكياجات كلشي بمكانة ...ونزلت و شفت الباب مالت الكنتور مينطبك ما ادري شسويلة ولكيت علاكة سودة يم ايدي وجان اشد اطبك اليدة على اليدة الثانية واشدهن بالعلاكة😂😂
صعدت عمتي ...وجان تكول
ام عمران/هاي منو شاد الكنتور بالعلاكة السودة
يارا/اني شديتهة عمة هههههه
علاء/يمة هاي جنتج الذكية مصلحة باب الكنتور🤦♂️
ام عمران/يااااا هاي ليش هيج جان كلتي علاء يسوي
يارا/شمدريني يا عمة شفتهة متنسد وصلحتهة😊علاء صعد حتة يشوف التحفة لي سويتهة 😂
علاء/اي شلون مصلح خرب بيومج ولج هاي شمصخمة بالكنتور
يارا/قوست حلكي كتلة هو صوجي اني اصلح روح صلحهة انت😕
علاء/ولج اصلحهة اصلحهة بس لا تبجين 😘
يارا/راح علاء وصلح لي خربتة اني هههههه ونزل وحشش علية شوي وكعدنا نتغدة وطبعا البسامير مالت مرام مخلصت منهة هههههه وخلصنا وصحت لمرام حتة نروح للصالون لان صارت الساعة 2 الضهر طبعا الصالون قريب ورحنا اني ومرام وام الصالون ماكو ...كاعدين نسوان كالت هسة راح تجي وصارت الساعة3 واحنا ننتضر كتلهة مرام راح نتأخر اني وانتي شوكت نخلص وجان تفوت ام الصالون اسمهة رقية
رقية/السلآم عليكم
يارا ومرام/عليكم السلام مرام كالتلهة عيني احنا صار اسبوع حاجزين
رقية /ولج عيني والله ناسية حتة بالدفتر مالت حجز العراييس مو مسجلتهة كومي عسريع خلي اكملج بيش الساعة الزفة؟؟
مرام /بال4 ونص
رقية /اي يلة بعد الحك اخلصكم
يارا/كلت بكلب هذة هم حضي ناسيتي ..كمت وشسورتلي شعري وخليت مكياج شوي طوخ بس مو كلش يعني بارز وتسريحة عالية ومرام هم خلت مكياج واني رحت البس البدلة ومرام ساعدتني وطلعت لام الصالون سوتلي البركع والتول نزلتة على وجهي طبعا النسوان كلهم لي كاعدين فاكين حلوكهم وعيونهم اني كلت الله يستر صار الساعة 4 وربع خلصنة ومرام اتصلت على اخوهة واجة اخذنا وية ما طلعت وعثرت باب الصالون بس الله جاب مرام ولزمتني
مرام/والله عرفت نضرة هل النسوان مراح تعديهة
يارا/يلة الحمد لله مو زين ما نلطشت وكعت من هل الصبة جان نرسمت ملامح وجهي على الصبة وصارت بصمة باب الصالون ههههههه
مرام /ولج شكد فطيرة هههههه
يارا/صوت موبايلي يدك
مرام/اي يولي هاي ضل بالجنطة ما اكدر اطلعة ماكو غير علاء
يارا/وصلنا بيت عمي لان من بيت عمي تطلع الزفة..
البدلة👇
Oops! This image does not follow our content guidelines. To continue publishing, please remove it or upload a different image.
التسريحة👇
Oops! This image does not follow our content guidelines. To continue publishing, please remove it or upload a different image.
المكياج👇
Oops! This image does not follow our content guidelines. To continue publishing, please remove it or upload a different image.
هووووب 🤚
قصة حقيقية واقعية
✍الكاتبة سلين العراقية✍
