البارت الثامن
اجوي بيت عمي ...
ام يارا/ يلة حبيبتي كومي تريكي ساعة ب 8 حتة نلحك نكمل الشغل راح يوصلون بيت عمج
يارا/اي ماما كمت
ام يارا/ولج اذا شاوفج هيج يطلعون يركضون واحد ورا الثاني احتمال حتة جنطهم ينسوهة
يارا/ليش بلة شبية اني كل هل الجمال وينهزمون
ام يارا/يمعودة دكومي حتة ابن عمج جمال احلى منج 😂
يارا/عييييع سديتي نفسي من الصباحيات مجبتي طاري الة هذة المعفن جمال ...يلة خلي اكوم اتريك واسبح روحي واني نازلة وراج
ام يارا/يلة انتضرج
يارا/كمت باوعت على روحي بالمراية كلت والله حقة امي جمال احلى مني ههههههه واذا شافني علاء احتمال ينجلط😂 عبالة غلطان بالعنوان ...
كمت نزلت تريكت ونضفت البيت وسبحت وصلوا بيت عمي وسلمت عليهم ...وكمنة صبينة الغدة ..واني كعدت بالمطبخ استحي اكعد اكل وياهم وهذة علاء موجود
ام عمران /وين عروستنة خلي تجي تتغدة
ام يارا/والله متقبل تستحي
يارا/كتلهة لا عمة اكلو الف عافية اني ما اشتهي
ام عمران/يلة بس هل المرة مرة الثانية تكعدين
يارا/ان شاءالله عمة .....يمعودة وين اكعد غير لو اكدر اكل وعلاء موجود اني عمري كلة مو كاعدة ويا نوب اكعد اكل 🤦♀️...خلصو غدة وصبيتلهم الجاي وكعد يشربون واني ومرام بدينة نغسل بالماعين ...وخلصنة وكعدنا نسولف ونتفق على الملابس وعمتي زهراء اجتي وياهم وبيبي ام بابا
هم اجتي ...
وصار وقت العصر بابا كال سوي جاي لعمج ...ورحت سويت الجاي اجتي علية عمتي زهراء تكلي روحي ودي الجاي كتلهة والله ما اروح مشوفين علاء كاعد
عمة زهراء/يارا روحي ودي الجاي ترى مراح ياكلج
يارا/عمة فدوة روحي ودي بس هل المرة
عمة زهراء/لا انتي امشي واني وياج نفوت
يارا/ماشي😭 رحت وديت الجاي واني رجل تقدم ورجل ترجع ليورة وعمتي جر بية ههههه الما فتت وعلاء رفع راسة وبتسم ...انطيت الجاي لعمي طلعت ركض من الغرفة ورحت للمطبخ ورة شوي وفات عمي سالم
ابو عمران/ يارا بنيتي انتي اخاف احد جابرت او ضاغط عليج احجي ترى الزواج مو لعبة
يارا/لا عمو وين الكة احسن منكم وعلاء مو ناقصة شي
ابو عمران/خوش لعد الله يتمملكم على خير
يارا/اجة وقت العصر ولبست العباية ومرام هم لبست العباية وطلعنا للسوك علمود نجهز للحفلة ...
ام عمران/هسة نشتري الذهب اول شي
ام يارا/على راحتج ام عمران يلة خلي نشوف
ابو عمران وعلاء/السلام عليكم
ابو الذهب/وعليكم السلام اهلا وسهلا تفضولو شنو لي طالبي
ام عمران/خلي نشوف الحلقات
ابو الذهب/تأمرين خالة هاي عندي الذهب الاماراتي وموديل جديد هاج هاي واختاري لي يعجبج
ام عمران/ يارا تعالي البسي هاي الحلقة وشوفي على قياس
يارا/ لبست حلقيتن والثانية يلة اجتي على قياسي
اي عمة هاي زينة
ام عمران/اي يوم هاي زينة انطينة كلادة وتراجي ومحبس وهاي السوارات
ابو الذهب /خالة عندي هاي مشابهة ومحبس وتراجي وكلادة سيت كامل وهاي السوارات
ام عمران/اي نزلهة خلي اشوفة ها يارا عجبج ...
يارا/اي عمة هذة كلش حلو
ام عمران/الف عافية ان شاء الله تشوفين الخير على وجهة
يارا/الله يعافيج تسلمين عمة ..
علاء/اني واكف واباوع على يارا ساحبة روحة شيكلولهة تكللهم اي هاهية عجبتني
علاء وابو عمران/هاي الحساب تسلم حبيبي تعبناك ويانة
ابو الذهب/لا عمي تعبكم راسة وشرفتونة
مرام/ماما امشي خلي نشوفلهة البدلة
ام عمران/ اي يوم امشي خلي نشوف
يارا/رحنا وختاريت بدلة لون وازرك والذهب مالتي حلقة من هاي العريضة ام النقشة والكلادة والتراجي والمحبس سيت واحد وشتريت حذاء ابيض كعب عالي ...ومرام هم اشترت نفس الحذاء وهي جايبة من بغداد فستان طويل اسود وبي لون فضي
ورجعنا للبيت صايرين فلم هندي من التعب لكيت خالتي جاي تسوي عشة وخطية فرحتلي هواي وبوستني وباركتلي ...طبعا خلي اعرفكم على خالاتي وبناتهم .....
هوووووب🤚✍تعبت وغلسو على السحكات😂
✍✍الكاتبة سيلين العراقية✍✍
