البارت التاسع ...
اجة الوقت لي لازم تتعرفون على خالاتي وبناتهم
طبعاً خالتي معتبرتهم صديقاتي مو خالاتي وهمة بير اسراري ...وهمة نفس الحالة لان من احنا صغار همة لي ربونة لان ومدللينة حيل وشنريد ميقصرون ويانة
يارا/كاتبتنة المحترمة انطي القلم لخالاتي خلي يعرفون متابعينة الحلوين على نفسهم
الكاتبة✍/يدلوون الخالات حياتي
يارا/يسلمووو حبي
الكاتبة✍/ هذة القلم وانتو عرفونة عن نفسكم
هلوو احنا خالات يارا وصديقاتهة بنفس الوقت
اني قمر/ خالتة الوسط على حد اختي الجبيرة افراح عمري 43 سنة ويارا هي بنت اختي وصدقتي
اني سناء/خالتة الصغيرة عمري 40 سنة يارا بالنسية الي اختي وصديقتي
البنات/عيني كاتبتنا المحترمة لتاخذين القلم خلي نعرف عن نفسنة🤨
الكاتبة✍/يلة عيني القلم بعدة عندكم عرفونة عن نفسكم😘
البنات/شكرا حياتوو
اول شي راح تتعرفون علية اني
ردينة/ عمري 18 سنة طولي 148 قزمة ادري بنفسي عبالك دبة مال غاز ههههههه وشكلي حنطاوي وعيوني كبار وعسليات وشعري قصير واصل لكتوفي ..
الكاتبة✍/ها دبة خلصتي انطي القلم لينات خالتج خلي يكملون😒
ردينة/اي كملت والله محد دبة غيرج بعدين اني سنفورة مو دبة 😏 اخذو القلم قبل لا اتعارك 👊
البنات/جيبي القلم لا ينكسر
هيلين/اني هيلين عمري 18 ..طولي 160 عيوني كبار لو البشرة حنطاوي وشعري واصل لحد خصري لون اسود وناعم
ريام/اني ريام عمري 15 سنة طولي 160 اطول وحدة بالصف😂 عيوني وسط شعري طويل وناعم ..
الكاتبة✍/جيبو القلم شكد تحجون حتة الحبر خلصتو 😠
البنات/😂😂هاج حبي وروحي كملي
يارا/كعدت الصبح عسريع تريكنا وبابا وصلني للصالون اني وخالتي سناء ومرام وعمتي زهراء
ام الصالون/هلة بالعروسة الحلوة شنو يعجبج سوين
يارا/البدلة لون ازرك اريد تسريحة ومكياج خفيف و متناسق وية البدلة
ام الصالون /تدللين عيوني
يارا/بدت ام الصالون تشتغل وسوتلي تسريحة عالية ونزلت منا ومنا خصل وخليت وردة كرستال بالتسريحة وجان يتصلون علينة
ام عمران/اكلج مرام ترى البدلة غيرناهة طلعت وصخة وجبنا بمكانهة لون ماروني
مرام/اي ماما همزين كلتي هاهية حتة نسق المكياج وية البدلة
يارا/ها مرام شصاير
مرام/حبي طلعو ماخذين البدلة وجايبين بمكانة لو ماروني لان الزركة طلعت وصخة
يارا/يلة همزين كالونة عيوني لعد نسقيلي على الون السمائي 😁
ام الصالون/ان شاء الله ...
يارا/كلت هسة ام الصالون تنزل الشسوار براسي ههههه لان كل شوي رأي شكل😂..كملت وسوتلي المكياح ومرام شسورت وخلت مكياج واتصلت على بابا واجة اخذنة للبيت ومن وصلت البيت راسي نفشخ من الجكليت عبالك جاي يرجمون الشيطان مو جاي يطشون جكليت😂 يمعودين كافي اريد ارفع راسي ترى والله ادي كامت توجعني واني اصد بالجكليت صرت حارس مرمى
♡الكاتبة سيلين العراقية♡
دخلت للغرفة ولبست البدلة
مرام/تريدين غدة
يارا/لا حبي لتروح الحمرة ما اريد
مرام/طاح حضج هسة تموتين جوع
يارا/يلة انطيني شوي وكعدت اكلت بس شنو افتح حلكي كلة عبالك فاتحة باب الكراج حتة يفوتون السيارة ههههه حتة لا تروح الحمرة ...خلصت ورحت البس البدلة ..
يارا/لبست ورحت كعدت بلأستقبال ..واجوي العالم وكاعدين النسوان كدامي تخايلت نفسي بمؤتمر صحفي نوب النسوان مصفطين كراسيهم عبالك عندي اجتماع وراح القي كلمة هههههه
اجمعو العالم واجوي العشق مالتي
ايات/الف مبروك ما شاء الله ولج كمر شطالعة يعمري
رندة/ هلة يكلبي الف مبروك فديتج الله يتمملج على خير
يارا/فدوة اروحلكم الله يباركلكم ويوم لي افرح بيكم واخلص منكم ههههه
البنات/امييين
يارا/عزة مو مصدكات يلة اركصو وهسة تزوجون شوفي شكد اكو نسوان نصهم يدورون بنات لولدهم
البنات/لا عيني منعرف نركص
يارا/اي اي خليكم ثكيلات لضلون ملطلطات ...اجوي بنات خالتي وعلكوهة شغلو الديجي وبيدو يردحون كمت الم لحم من جواهم 😂ولكم جمعت لحلم حتة نتعشة بي
البنات/ههههههه هو احنا صوجنة فرحانين لوحدة مثلج قردة
يارا/قردة ام الفردتين (يعني بردة ام الفردتين😂)
البنات/سخيفة😐
يارا/سخيفة نخليهة بالطرمة😁
البنات/اجة العريس كافي تحشيش صيري ثكيلة
يارا/اجة علاء حتة يلبسني الذهب طبعا اول شي سوينة عقد شيخ وبعدين فات يلبسني الذهب
وعلت الهلال ..واجة يلبسني الحلقة وجان تعصة لا تقبل تفوت ولا تطلع والعالم ينتضرون يخلص تلبيس الحلقة نوب عصت بالكوة فوتهة بأصبعي وكمل تلبيس الذهب واجيت حتة البسة الحلقة وهم عصت بأصبعة اني عفتة كتلة انت كملهة لبس هههههه مدري شنو سالفة الحلقات كمنة سمنا بهل اليوم
خلصنة الحفلة على خير...وطلعو العالم ...ضلينة اني وعلاء وحدنة
علاء/بعد ما خلصت الحفلة رجعت كعدت وسألتهة ..اكلج يارا احد تقدملج قبلي
يارا/اجاني ولد ورفضتة
علاء/يعني مو ابن عمتي
يارا/لا ابد مأجة احد من ولد عمتي
علاء/ماشي حبيبي اخذي راحتج
يارا/اني من كال كلمة حبيبي احس حرارة كبت بجسمي واستحيت وصحت على مرام كتلهة اريد ابدل وطفت الكهرباء واحنا كاعدين...
وكمت اعيط ولج مرااام تعالي ....
علاء/يمعودة والله مراح اكلج 😂
هوووووب🤚
وللحكاية بقية....
(الكاتبةسيلين العراقية)
